Morgunblaðið - 13.07.2002, Blaðsíða 11

HÖFUÐBORGARSVÆÐIÐ
MORGUNBLAÐIÐ LAUGARDAGUR 13. JÚLÍ 2002 11
FRÉTTIR
FRAMKVÆMDIR hófust við við-
byggingu hjúkrunarheimilisins Eir-
ar í Grafarvogi á fimmtudag þegar
fyrsta skóflustungan var tekin að
byggingunni. Í nýja húsinu verða
40 hjúkrunarrými auk dagvistunar.
Í upplýsingum frá Eir kemur
fram að tvær deildir verði í við-
byggingunni, hvor með 20 hjúkr-
unarrýmum. Öll hjúkrunarrýmin
verða einbýli eða hjúkrunaríbúðir
með svokölluðu te-eldhúsi og bað-
herbergi. Sameiginleg aðstaða
verður hins vegar hefðbundin.
Hverri deild verður síðan skipt í
tvennt svo í raun verður um fjögur
10 manna sambýli að ræða.
Á efstu hæð hússins er gert ráð
fyrir dagvistun fyrir 20–30 manns.
Alls verður nýbyggingin 4.500
fermetrar en þar af eru 100 í bíla-
stæðum sem ráðgerð eru undir
húsinu. Húsið mun síðan tengjast
eldra hjúkrunarheimili með tengi-
gangi þar sem sameiginlegur inn-
gangur fyrir bæði húsin verður.
Eftir framkvæmdina verður á
svæðinu alls 121 hjúkrunarrými, 40
hjúkrunaríbúðir, áðurnefnd dagvist
og 37 öryggisíbúðir auk níu manna
sambýlis fyrir minnisskerta.
Áætlað er að framkvæmdir hefj-
ist undir lok mánaðarins og verði
lokið undir árslok ársins 2003. Er
reiknað með að hefja rekstur í hús-
inu í janúar 2004.
Morgunblaðið/Árni Sæberg
Það var Magnús L. Sveinsson, fyrrv. formaður Verzlunarmannafélags
Reykjavíkur og varaformaður í stjórn Eirar, sem tók fyrstu skóflu-
stunguna. Vilhjálmur Þ. Vilhjálmsson, stjórnarformaður Eirar, horfir á.
Eir stækkar um
40 hjúkrunarrými
Grafarvogur
FYRIRHUGAÐ er að leggja göngu-
stíg í Laugarnesi frá Klettagörðum
að Sæbraut í sumar. Til stóð að stíg-
urinn yrði malarborinn en embætti
gatnamálastjóra hefur fallið frá því
og leggur til að hann verði malbik-
aður.
Málið var tekið fyrir á fundi um-
hverfis- og heilbrigðisnefndar
Reykjavíkur í síðustu viku. Í bréfi
gatnamálastjóra til nefndarinnar
segir að með því að malbika stíginn
fáist samfelld gönguleið með bundnu
yfirborði frá Sundahöfn niður í
Kvos. Auk þess yrði slíkur stígur
mun auðveldari yfirferðar fyrir
hreyfihamlaða, hjólreiðamenn og
fólk á hjólaskautum. Tekur gatna-
málastjóri fram að eftir sem áður
verði sjávarstígar í Laugarnesi mal-
arbornir.
Nefndin vísaði málinu til umsagn-
ar Umhverfis- og heilbrigðisstofu.
Þórólfur Jónsson, deildarstjóri garð-
yrkjudeildar, segir Laugarnesið
njóta borgarfriðunar í aðalskipulagi
og það hafi þótt í betra samræmi við
yfirbragð nessins að stígarnir yrðu
malarbornir. Hins vegar hafi jafnvel
þótt sýnt að þeirri ákvörðun yrði
breytt síðar. Umhverfis- og heil-
brigðisstofa mun svo skila umsögn
sinni um málið fyrir næsta fund
nefndarinnar sem verður í ágúst.
Að sögn Ólafs Stefánssonar hjá
gatnamálastjóra er stefnt að því að
stígurinn verði lagður síðari hluta
sumars eða undir haust.
Leggja á göngustíg frá Klettagörð-
um að Sæbraut undir lok sumars
Malarborinn eða
malbikaður?
Laugarneshverfi
MEÐALTEKJUR Reykvíkinga
árið 2000 voru hæstar í Grafar-
vogi en lægstar í póstnúmeri 101
sem er miðborg og hluti Vestur-
bæjar. Næstlægstar voru tekj-
urnar í Efra-Breiðholti eða í póst-
númeri 111.
Þetta kemur fram í Árbók
Reykjavíkur sem nýverið kom út.
Þar kemur fram í töflu að nokkur
munur er á tekjum kvenna og
karla eftir hverfum. Þannig voru
meðaltekjur karla hæstar í Graf-
arvogi en meðaltekjur kvenna
hæstar í póstnúmeri 107 sem er
Vesturbær. Lægstar voru meðal-
tekjur karla í póstnúmeri 101 en
meðaltekjur kvenna voru hins
vegar lægstar í póstnúmeri 111.
Þá má ráða af töflunni að með-
altekjur kvenna voru almennt
talsvert lægri en meðaltekjur
karla og munaði um milljón á
meðalárstekjum karla og meðal-
árstekjum kvenna í Reykjavík
þetta árið.
Tekjur hæstar
í Grafarvogi
Reykjavík
JÓN NÍELS Gíslason og Ásta
Hrönn Maack luku MBA-prófi frá
viðskipta- og hagfræðideild Háskóla
Íslands í vor með ágætiseinkunn.
Hópurinn sem útskrifaðist í vor var
sá fyrsti sem útskrifaðist frá Íslandi,
en byrjað var að bjóða upp á MBA-
nám við Háskóla Íslands fyrir tæp-
um tveimur árum. Jón Níels og Ásta
Hrönn eru sammála um að námið
hafi staðið vel undir væntingum.
Námið tekur tvö ár og skiptist í
fjórar annir. Tvö fög eru kennd í einu
í átta til tíu vikur í senn. Jón Níels
segir að námið byggist mikið á verk-
efnavinnu í smærri nemendahópum.
„Við unnum alls tæplega 100 verk-
efni fyrir íslensk fyrirtæki; 45 nem-
endur með aðstoð 13 prófessora,
lektora og dósenta Háskóla Íslands.“
Ásta Hrönn segir að málin hafi
æxlast þannig að þegar verkefnum
hafi lokið hafi fyrirtækin oft og tíðum
óskað eftir frekara samstarfi við
nemendur. „Í sumum tilfellum héldu
verkefnin áfram og í öðrum voru
nemendurnir ráðnir til starfa hjá fyr-
irtækjunum,“ segir hún. Þau segja
ennfremur að í seinni hluta námsins
hafi mörg verkefnin verið launuð.
Flestir unnu
með náminu
Flestir nemendur stunduðu námið
samhliða vinnu. Jón Níels er með eig-
in atvinnurekstur og Ásta var ekki í
fastri vinnu, en tók að sér verkefni
með náminu. „Undir lok námsins
minnkuðu margir við sig vinnu eða
tóku sér frí frá störfum, enda fannst
fólki það fá meira út úr náminu ef
meiri tími væri fyrir hendi,“ segir
Jón Níels. Hann bætir við að margir
hafi verið að skipta um vinnu á þess-
um tíma.
Nemendur greiða námið sjálfir,
um 1.200 þúsund krónur. Jón Níels
segir að þeir hafi gert miklar kröfur
til námsins. „Metnaðurinn var mikill.
Sem dæmi má nefna að verkefni eins
nemanda sem gilti 20% af nám-
skeiðseinkunn endaði í yfir 90 blað-
síðum,“ segir hann.
„Kröfur nemenda til námsins voru
gríðarlegar. Ég held að það sé sam-
dóma álit allra að deildin hafi staðið
undir þeim,“ segir Ásta. Jón telur að
1.200 þúsund krónur sé mjög lágt
verð fyrir þjónustu sem þessa, enda
kosti milljónir króna að stunda sam-
bærilegt nám í útlöndum. Hann segir
að hugarfar nemenda hafi verið, eftir
því sem hann þekki til, allt annað en í
hefðbundnu háskólanámi. Ásta
stundaði fyrrihlutanám við Háskóla
Íslands og telur viðhorf nemenda
hafi þar verið svolítið annars konar.
„Núna var maður að greiða fyrir
ákveðna þjónustu og krafðist þess að
hún væri af ákveðnum gæðum. Und-
ir þeim kröfum var staðið.“
Mikill metnaður
kennara
Jón segir að metnaður kennara
hafi ekki verið minni en nemenda.
„Þeir lögðu á sig gríðarlega vinnu. Í
nokkrum tilfellum fengu þeir höf-
unda kennslubókanna sem gestafyr-
irlesara, svo dæmi sé tekið,“ segir
hann.
Auk þess héldu gestafyrirlestra
margir af æðstu stjórnendum í ís-
lensku atvinnulífi og hátt settir
stjórnmálamenn. „Í þessum lokaða
hópi, hjá fólki sem er vant því að fá
svör við spurningum sínum, skapað-
ist alveg ótrúlega upplýsandi um-
ræða þegar raunveruleg verkefni
sem íslenskir stjórnendur standa
frammi fyrir voru skoðuð út frá
fræðilegu sjónarhorni,“ segir Ásta.
Jón segir að námið hafi ekki byggst á
hefðbundnum fyrirlestrum, heldur
hafi það verið gagnvirkt og allir hafi
lagt sitt til málanna.
Þau eru sammála um að námið hafi
verið afar skemmtilegt. „Þetta var
mjög sérstakt, ekki síst í ljósi þess að
hópurinn var sá fyrsti í sinni röð.
Forstöðumenn námsins lögðu mikla
vinnu í að búa til sérsniðið MBA-nám
sem standast myndi alþjóðlegar
kröfur og um leið nýtast vel í íslensku
atvinnulífi,“ segir Ásta.
Hópurinn mótaði námið
Hún segir að hópurinn hafi tekið
virkan þátt í að móta námið. Þarna
hafi verið samankomið fólk með gíf-
urlega fjölbreytta reynslu, víðs vegar
að úr atvinnulífinu og með alls kyns
nám að baki. „Það tók okkur u.þ.b.
þrjá mánuði að venjast umhverfinu,
en að því loknu má segja að við höf-
um orðið okkar eigin gæfu smiðir.
Nemendur tóku mjög virkan þátt í að
móta hvert framhald námsins yrði,“
segir hún.
Jón tekur undir það. „Í hverju
námskeiði mátti búast við að a.m.k.
einn nemandi hefði mjög víðtæka og
hagnýta reynslu á því sviði. Þarna
voru samankomnir lögfræðingar,
listfræðingar, hagfræðingar, verk-
fræðingar og svo má lengi telja,“ seg-
ir hann. Ásta Hrönn er viðskipta-
fræðingur frá Háskóla Íslands, en
undantekning var gerð í tilfelli Jóns
Níelsar þar sem hann fékk víðtæka
starfsreynslu metna sem háskóla-
gráðu. Að öllu jöfnu er háskólapróf
skilyrði fyrir að fá að stunda MBA-
nám. Gerð er krafa um a.m.k. fimm
ára starfsreynslu, en meðalaldur
nemenda var 37 ár.
Námsferð til Asíu
Í framhaldi af námskeiði í alþjóða-
viðskiptum var nemendum boðið upp
á námsferð til Asíu. Jón segir að hún
hafi tengt mjög vel saman námsefnið
og raunveruleikann.
Ásta tekur til starfa hjá Háskóla
Íslands í haust, við umsýslu styrkt-
arsjóða Háskólans og kennslu, jafn-
framt því sem hún tekur þátt í upp-
byggingu á markaðsstarfi
Háskólans. Jón Níels ætlar áfram að
vinna sjálfstætt við ráðgjöf, en hann
segir þó að námið hafi aukið áhuga
sinn á krefjandi stjórnunarstöðu.
„Ég velti þessu fyrir mér í sumar.“
Nemendur í fyrsta MBA-útskriftarhópi HÍ
Námið stóð vel
undir væntingum
Morgunblaðið/Arnaldur
Ásta Hrönn Maack og Jón Níels Gíslason útskrifuðust með ágætisein-
kunn eftir MBA-nám við Háskóla Íslands í vor.
MORGUNBLAÐINU hefur borist
eftirfarandi athugasemd frá Kristni
H. Gunnarssyni, fyrrverandi
stjórnarformanni Byggðastofnun-
ar:
„Í Mbl. í gær er frétt um þá
ákvörðun stjórnar Byggðastofnun-
ar að beita sér fyrir uppbyggingu
dreifikerfis á landsbyggðinni fyrir
sjónvarp. Tvennt í fréttinni er
nauðsynlegt að gera athugasemdir
við og leiðrétta.
Það fyrra er að í fréttinni stend-
ur: „Á ársfundi Byggðastofnunar,
sem haldinn var í júní, skýrði Krist-
inn H. Gunnarsson, fráfarandi
stjórnarformaður, frá því að
Byggðastofnun hefði eignast sjón-
varpssenda, sem hún átti veð í.“ Í
tilvitnaðri ræðu minni kemur fram:
„Stofnunin lánaði fé til fyrirtækis
fyrir nokkru sem keypti allmarga
senda og hugðist byggja upp sér-
stakt dreifikerfi fyrir útsendingar
sínar. Þau áform hafa ekki gengið
eftir og hefur fyrirtækið verið úr-
skurðað gjaldþrota. Byggðastofnun
á veð í þessum búnaði vegna lán-
veitingarinnar sem fyrr var getið. Í
gær ákvað stjórnin að eignast við-
komandi senda og beita sér fyrir
uppbyggingu dreifikerfis...“
Þarna er verulegur munur á. Ég
sagði að stofnunin hefði ákveðið að
eignast en ekki að hún hefði eignast
umrædda senda og gerði einmitt
grein fyrir því að Byggðastofnun
ætti veð í tækjunum. Stjórnin
ákvað að Byggðastofnun sem veð-
kröfuhafi skyldi leysa til sín send-
ana og síðan er það verkefni starfs-
manna að gera það.
Síðara atriðið lýtur að viðbrögð-
um starfandi forstjóra. Eftir honum
er haft: „Hann segir að þegar
Byggðastofnun leysir tækin til sín
verði fjallað um málið í nýskipaðri
stjórn um framhaldið. Það eina sem
liggi fyrir sé samþykkt fyrri stjórn-
ar um að æskilegt sé að Byggða-
stofnun eignist sendana.“
Við þetta er nokkuð að athuga.
Það fyrsta er að engu máli skiptir
hvort ákvörðun er tekin fyrir eða
eftir ársfund, hún er jafngild og auk
þess eru 6 af 7 stjórnarmönnum í
fyrri stjórn einnig í þeirri seinni. Í
öðru lagi er ranglega greint frá
ákvörðun stjórnarinnar frá 20. júní.
Hún var ekki að æskilegt væri að
eignast sendana, heldur ákvörðun
um að eignast þá og hún var líka
ákvörðun um að fela starfsmönnum
að undirbúa tillögur um uppsetn-
ingu sendanna í samráði við Norð-
urljós, Íslenska sjónvarpsfélagið,
Aksjón og aðra aðila í því skyni að
stækka útsendingarsvæði stöðv-
anna.
Kjarni málsins er sá að stjórnin
hefur tekið skýra ákvörðun í málinu
og falið starfsmönnum framkvæmd
hennar. Starfandi forstjóri ber
ábyrgð á að svo verði gert og skipt-
ir engu máli þótt hann hafi haft
aðra skoðun. Því verður að linna að
forstjóri, ráðinn eða starfandi, vinni
gegn ákvörðunum stjórnar.“
Athugasemd