Morgunblaðið - 13.07.2002, Blaðsíða 14

ÁRBORGARSVÆÐIÐ
14 LAUGARDAGUR 13. JÚLÍ 2002 MORGUNBLAÐIÐ
„Við erum hér í Hilleröd í Dan-
mörku, á Tívolí Cup. Mótið er mjög
vel heppnað, lið úr öllum áttum, frá
Evrópu, Norðurlöndum, Afríku og
víðar. Veðrið er alveg frábært, um 30
stiga hiti og virkilega fínt,“ sagði
Eygló Pétursdóttir einn fararstjóra
keppnisliðs 3. flokks stúlkna í knatt-
spyrnu sem fóru í keppnisferð til
Danmerkur. Um er að ræða ferð
sem þær ákváðu að fara fyrir tveim-
ur árum og eru að ná því markmiði
núna. Þær hafa fjármagnað ferðina
með ýmsum verkefnum sem þær
hafa tekið að sér, en þær hlupu m.a.
áheitahlaup milli Selfoss og Reykja-
víkur. Rætt var við Eygló á fimmtu-
dag en þá voru nokkrir þýðingar-
miklir leikir eftir hjá stúlkunum sem
staðið hafa sig mjög vel.
„Stelpunum hefur gengið alveg
glimrandi vel, þær eru komnar í
fjögurra liða úrslitin, gerðu jafntefli í
fyrsta leiknum á móti Enebybergs
IF frá Svíþjóð, unnu næsta leik 2-1
við IS Halmia einnig frá Svíþjóð og
unnu síðan lið frá Litháen, UKmerge
Sports School 1-0. Þannig að á föstu-
daginn spila þær um hvort þær spila
úrslitaleikinn eða hvort það verður
leikurinn um þriðja sætið. Þeir leikir
eru spilaðir á laugardaginn og þá
endar mótið. Liðið kemur heim nk.
sunnudagskvöld. Stelpurnar eru
hressar og kátar og virkilegir góðir
fulltrúar Íslands og Selfoss,“ sagði
Eygló Pétursdóttir.
Stúlkur frá Selfossi á Tívolí Cup í Danmörku
„Stelpun-
um hefur
gengið
glimr-
andi vel“
Morgunblaðið/Sig. Jónsson
Stúlkurnar í 3. flokki í knattspyrnu ásamt þjálfara sínum og fram-
kvæmdastjóra Húsasmiðjunnar sem studdi þær í áheitahlaupinu í vor.
Selfoss
LÍKT og í öðrum bæjum landsins
er starfræktur vinnuskóli í Hvera-
gerði fyrir unglinga á sumrin.
Þeir krakkar sem verða 14 ára á
árinu eiga þess kost að taka þátt í
honum. Í sumar eru ríflega 30
krakkar sem vinna hjá bænum við
snyrtingu og hreinsun. Yfirmaður
vinnuskólans er Pétur Ingvarsson,
þjálfari körfuboltaliðs Hamars.
Með honum vinna 5 flokksstjórar
sem fara með krakkana um bæinn
og sjá til þess að allir stundi sína
vinnu af elju og samviskusemi.
Sumarið hefur verið þurrt það
sem af er og á dögunum rakst
fréttaritari á hóp sem var að
vökva torfur sem settar höfðu
verið niður í vor. Í samtali við
flokkstjórann fengust þær upplýs-
ingar að krakkarnir þyrftu svolít-
ið að fá að leika sér líka og í lok
dags var það ekki bara nýja gras-
ið sem var vökvað heldur allur
hópurinn, því krakkarnir fengu
flest öll vökvun líka. Það breytist
blessunarlega seint, að galsi
hleypur í ungviðið.Morgunblaðið/Margrét Ísaksdóttir
Ungling-
arnir
fegra
bæinn
Hveragerði
EVA Dögg Þorsteinsdóttir heldur
fimmtu málverkasýningu sína í
Eden í Hveragerði þessa dagana
og lýkur sýningunni 15. júlí. Eva
hefur m.a. haldið sýningar í Hall-
dórskaffi í Vík í Mýrdal og hár- og
sýningahúsinu UNIQUE í Reykja-
vík.
Eva er fædd og uppalin á Vatns-
skarðshólum í Mýrdal en býr nú í
Vík. Eftir að Eva lauk barnaskóla-
námi frá Ketilstaðaskóla og síðar
Vík fór hún í Menntaskólann að
Laugarvatni, þar sótti hún nám-
skeið hjá Helgu Árnadóttur mynd-
menntakennara. Eftir að hafa lok-
ið stúdentsprófi þaðan hóf hún
nám í fornámsdeild Myndlista- og
handíðaskóla Íslands og var þar
einn vetur. Þá lá leið hennar í
þroskaþjálfaskor KHÍ en þaðan
útskrifaðist hún 2001 og jafnframt
námi þar var hún í myndlistarnámi
hjá Bjarna Jónssyni listmálara og
hefur verið hjá honum á þriðja ár.
Myndirnar sem Eva sýnir núna
eru flestar unnar á síðastliðnum
tveimur árum. Sýningin er sölu-
sýning og stendur fram til 15. júlí
næstkomandi. Allir eru velkomnir.
Eva sýnir
í Eden
Morgunblaðið/Jónas Erlendsson
Eva með eitt af málverkunum.
Fagridalur
NÝR skóli var nýlega stofnaður
hér í Hveragerði. Skóli þessi heit-
ir Trúðaskólinn og var stofnaður
í tengslum við Blómstrandi daga
sem verða haldnir hér um
helgina. Stofnandi skólans er Elf-
ar Logi leikari, sem lærði sitt fag
í Danmörku og hefur m.a. stjórn-
að Götuleikhúsinu í Reykjavík og
Morranum á Ísafirði sl. þrjú sum-
ur. Á Ísafirði var tilgangurinn
m.a. að setja upp „Strikið“ og
haldnar voru sýningar bæði úti
og inni.
Trúðaskólinn starfar í eina
viku og þar eru æfðar trúðalistir
og fjöllistir. Aldurshópur nem-
enda er breiður, frá 4 ára og
uppúr. Skólinn er rekinn í sam-
vinnu við leikfélag staðarins og
eru margir leikfélagar í skól-
anum. Nemendur skólans eru
hátt í 40 talsins.
Á Blómstrandi dögum munu
trúðarnir standa fyrir allskonar
sprelli og skemmta gestum og
gangandi. Yfirtrúðurinn sagði í
lokin að búið væri að panta gott
veður, svo það er upplagt að
koma og fylgjast með fjörinu.
Trúðaskól-
inn opnaður
í Hveragerði
Hveragerði
Morgunblaðið/Margrét Ísaksdóttir
Elfar Logi farðar Jan Hinrik og
Kristín Munda fylgist með.
„ÉG MÁLA einna mest við strönd-
ina, hún heillar mig einna mest og
þorpin, Eyrarbakki og Stokkseyri,“
sagði Jón Ingi Sigurmundsson sem
opnar sína 21. einkasýningu, nú eins
og oft áður, í Eden í Hveragerði,
mánudaginn 15. júlí klukkan 21. Á
sýningunni verða 60 olíu-, pastel- og
vatnslitamyndir, málaðar á þessu ári
og í fyrra. Myndefnið er að mestu frá
Suðurlandi, meðal annars frá Eyr-
arbakka þar sem Jón Ingi er fæddur
og uppalinn, einnig eru myndir frá
heimabyggð hans Selfossi og úr
Þrastaskógi og nærsveitum.
„Ég byrjaði að mála í kringum
1980 og hef gert þetta meðfram ann-
arri vinnu, kennslu og skólastjórn.
Mér finnst langskemmtilegast að
mála úti í náttúrunni þótt það geti oft
á tíðum verið dálítið erfitt að hemja
trönurnar þegar hvessir. Ég reyni
oftast að klára myndirnar á staðn-
um, utandyra ef mögulegt er. Það er
mjög gott að vera einn og útaf fyrir
sig úti í náttúrunni og einbeita sér að
myndinni, grípa stundina,“ sagði Jón
Ingi Sigurmundsson.
Jón Ingi hefur sýnt víða á Suður-
landi, á Akureyri og í Danmörku og
hefur sótt námskeið í myndlist hér á
landi og erlendis, meðal annars hjá
þekktum málurum í Danmörku og
Englandi. Sýningu hans í Eden í
Hveragerði lýkur 28. júlí.
Jón Ingi með sýningu í Eden
Þorpin og
ströndin
heilla mig
mest
Selfoss
Morgunblaðið/Sig. Jónsson
Jón Ingi Sigurmundsson með
mynd frá Álftavatni sem er ein
myndanna á sýningunni í Eden.