Morgunblaðið - 18.08.2002, Blaðsíða 2

FRÉTTIR
2 SUNNUDAGUR 18. ÁGÚST 2002 MORGUNBLAÐIÐ
Morgunblaðinu í dag fylgir
auglýsingablað frá Baðhúsinu.
Blaðinu verður dreift á höfuð-
borgarsvæðinu.
BÓK Andra Snæs Magnasonar,
Sagan af bláa hnettinum, hlaut
Barna- og unglingabókaverðlaun
Vestnorræna ráðsins í gær. Ein
bók frá hverju Vestur-Norður-
landanna; Íslandi, Færeyjum og
Grænlandi, var tilnefnd til verð-
launanna. Verðlaunin eru að upp-
hæð 60 þúsund danskar krónur og
eru veitt annað hvert ár. Voru
þau afhent í fyrsta sinn í Stykk-
ishólmi í gær við hátíðlega athöfn.
Þýddar á Norðurlandamálin
Auk Sögunnar af bláa hnett-
inum voru bækurnar Kuffa eftir
Brynhild Andreasen frá Fær-
eyjum og Sialuarannguaq eftir
Jörgen Petersen frá Grænlandi
tilnefndar til verðlaunanna. Með
verðlaununum er ætlunin að
styðja við bókmenntahefð Vestur-
Norðurlanda og hvetja barna- og
unglingabókahöfunda til dáða. Þá
er einnig vonast til þess að með
verðlaununum verði ungmennum
Vestur-Norðurlanda gert betur
kleift að kynna sér vestnorrænar
bókmenntir og menningu, en þær
bækur sem hljóta tilnefningu eru
þýddar á vestnorrænu málin og á
skandinavísku.
Sagan af bláa hnettinum er
margverðlaunað bókmenntaverk
og hlaut m.a. Íslensku bók-
menntaverðlaunin árið 1999.
Barna- og unglingabókaverðlaun Vestnorræna ráðsins
Sagan af bláa hnettin-
um hlaut verðlaunin
Morgunblaðið/Gunnlaugur
Hjálmar Árnason, formaður Vestnorræna, afhenti Andra (l.t.h.) verð-
launin. Áslaug Jónsdóttir, sem myndskreytti bókina, fékk líka verðlaun.
SKIPULAGS- og byggingarnefnd
Reykjavíkur er ósátt við þær breyt-
ingar sem gerðar hafa verið innan-
dyra á Hótel Borg. Telur nefndin að
breytingarnar séu ekki í anda húss-
ins eða húsverndarstefnu. Þá telur
nefndin ámælisvert að farið hafi ver-
ið út í framkvæmdir án þess að til-
skilin leyfi hafi verið til staðar.
Byggingarfulltrúa hefur verið falið
að taka á þeim þætti málsins er snýr
að óleyfisframkvæmdum.
Sótt var um leyfi til breytinga inn-
andyra á Hótel Borg til nefndarinn-
ar og það samþykkt á fundi hennar í
júlí, löngu eftir að framkvæmdir hóf-
ust.
Innréttingarnar ekki friðaðar
„Í fyrsta lagi er farið út í fram-
kvæmdir áður en sótt er um leyfi og
við gagnrýnum það,“ sagði Steinunn
Valdís Óskarsdóttir, formaður
skipulags- og byggingarnefndar.
„Að auki teljum við að breytingarnar
á innréttingum hótelsins séu ekki í
anda hússins. Vandinn er sá að inn-
réttingarnar eru ekki friðaðar svo
við höfum ekki lögsögu í málinu og
getum ekki bannað framkvæmdirn-
ar.“
Valdís segir að of oft sé farið út í
leyfisskyldar framkvæmdir áður en
leyfi er veitt. „Þetta eru klárlega
óleyfisframkvæmdir og við erum
verulega óhress með það.“
Steinunn segir að á fundi nefnd-
arinnar hafi verið rætt um friðun
innréttinga í Reykjavík. „Hótel Borg
er ein af þeim byggingum sem hefur
ákveðið gildi í borgarmyndinni. Of
oft höfum við séð innréttingar sem
hafa mikið gildi fara, t.d. í Reykja-
víkurapóteki og Agli Jacobsen. Þar
sem það á við finnst okkur að halda
eigi í innréttingar sem greinilega eru
hluti af karakter húsanna, eins og
mér finnst varðandi Hótel Borg.“
Steinunn Valdís segir ekki aftur
snúið með breytingarnar á Hótel
Borg úr þessu en huga verði betur að
friðun innréttinga í framtíðinni.
Breytingar innan dyra á Hótel Borg
Sótt var um
leyfi til fram-
kvæmda eftir á
MUN fleiri réttindakennarar hafa sóst eftir því
að fá leyfisbréf hjá menntamálaráðuneytinu en
undanfarin ár, en þetta gefur vísbendingu um að
þeir hyggist starfa við kennslu, að sögn Guðna
Olgeirssonar, deildarstjóra grunn- og leikskóla-
deildar menntamálaráðuneytisins. Segir hann að
ástæður þessa geti meðal annars verið þær að
laun kennara hafi hækkað en einnig geti verið að
ástand á atvinnumarkaði að undanförnu hafi haft
áhrif.
Menntamálaráðuneytið gefur út leyfisbréf fyrir
réttindakennara og þar eru einnig veittar und-
anþágur fyrir leiðbeinendur. Guðni segir að
ásókn réttindakennara í kennslu á höfuðborg-
arsvæðinu hafi aukist og þetta gefi mjög sterka
vísbendingu um að það sé auðveldara að fá fólk til
kennslu, þar sem ávallt hafi gengið best að fá
réttindafólk til starfa á þessu svæði.
Ákveðnir landshlutar
ekki verr settir en aðrir
Guðni segir að þeir réttindakennarar sem sóst
hafa eftir leyfisbréfi að undanförnu sé ekki ein-
ungis fólk sem útskrifaðist nú í vor heldur séu
þetta einnig kennarar sem útskrifast hafa á und-
anförnum árum. Þetta fólk sé nú að óska eftir að
fá leyfisbréf, en enginn megi ráða sig til kennslu
nema fá slíkt bréf. Af samtölum við skólastjóra
og sveitarstjórnarfólk vítt og breitt um landið
megi ráða að það gangi víðar betur en áður að fá
kennara með réttindi til starfa.
Aðspurður hvort ráðning réttindakennara fyrir
utan höfuðborgarsvæðið gangi betur í sumum
landshlutum en öðrum, segir Guðni svo ekki vera.
„Við höfum ekki tilfinningu fyrir því að ákveðnir
landshlutar séu verr settir en aðrir. Þetta er
fremur bundið við einstök svæði eða einstaka bæi
eða byggðarlög á landinu,“ segir Guðni.
Hann segir að aðrir þættir skipti einnig máli
þegar fólk velur sér kennslustað, til dæmis hvort
vinna sé í boði fyrir maka á staðnum. Hann segir
að tölur um hlutfall réttindakennara eftir land-
svæðum muni ekki liggja fyrir fyrr en um mán-
aðamótin þar sem ráðningar standi enn yfir. Þá
segist Guðni ekki hafa tölur um það hvort nem-
endum í grunnskólum sé að fjölga í ár en fámenn-
ur árgangur hafi verið að útskrifast úr grunn-
skólum í vor svo gera megi ráð fyrir að
nemendum í grunnskólum muni fjölga eitthvað í
vetur.
Grunnskólarnir nánast
fullmannaðir í Reykjavík
Á vef menntamálaráðuneytisins kemur fram að
undanþágunefnd grunnskóla samþykkti 634 um-
sóknir um undanþágu vegna umsókna leiðbein-
enda skólaárið 2000–2001 og árið á undan voru
536 slíkar umsóknir samþykktar. Menntamála-
ráðherra samþykkti 176 umsóknir leiðbeinenda
skólaárið 2000–2001 sem undanþágunefnd hafði
hafnað og 1999–2000 voru 166 slíkar umsóknir
samþykktar af ráðherra.
Ingunn Gísladóttir, starfsmannastjóri
Fræðslumiðstöðvar Reykjavíkur, segir að í
stórum dráttum gangi ráðningar á kennurum í
grunnskóla Reykjavíkur vel. „Núna sýnist mér að
það vanti um það bil 10–20 manns til kennslu í
Reykjavík, en kennarastöður eru á milli 1.400 og
1.500 svo þetta er ekki nema um 1% sem vantar.
Ástandið núna er svipað og í fyrra, en á sama
tíma fyrir tveimur árum vantaði á milli 60 og 70
manns til kennslu fyrir haustið,“ segir Ingunn.
Hún segir að í raun séu grunnskólarnir í
Reykjavík nánast fullmannaðir. Alltaf vanti þó
einhverja því fólk fari í leyfi eða veikist og þá
þurfi að fylla í skarðið eins og á öllum vinnustöð-
um.
Ingunn segir að ekki séu allir sem ráðnir eru
til kennslu, réttindakennarar. Hins vegar séu nú
ráðnir færri leiðbeinendur en fyrr og þeir leið-
beinendur sem ráðnir eru séu yfirleitt með
kennslureynslu. Ánægjulegt sé að æ fleiri leið-
beinendur leggi nú stund á réttindanám jafnhliða
vinnu.
Fleiri réttindakennarar
sækja í kennslu í skólum
ÞYRLA Landhelgisgæslunnar sótti
tæplega þrítugan mann í Stykkis-
hólm um fimmleytið í gærmorgun en
maðurinn varð fyrir alvarlegri lík-
amsárás við Hótel Stykkishólm. Að
sögn lögreglunnar á Snæfellsnesi
var 22 ára karlmaður handtekinn,
grunaður um árásina.
Áverkar voru í andliti mannsins,
skurðir og brotnar tennur. Maðurinn
var fluttur á Sjúkrahúsið í Stykkis-
hólmi en þegar þangað var komið var
hann meðvitundarlaus og lék grunur
um alvarlega höfuðáverka þannig að
ákveðið var að kalla til þyrlu Land-
helgisgæslunnar.
Maðurinn gekkst undir rannsókn
á Landspítalanum í Fossvogi og eru
áverkarnir ekki eins alvarlegir og
haldið var í fyrstu.
Lögreglan telur að ekki séu tengsl
á milli mannanna en hinn slasaði er
heimamaður og hinn aðkomumaður.
Vitni voru að árásinni.
Danskir dagar eru í Stykkishólmi
um helgina og segir lögregla að
margt fólk sé í bænum. Að sögn lög-
reglu fóru hátíðarhöld vel fram fyrir
utan líkamsárásina og aðra minni-
háttar, en töluverð ölvun var í fyrra-
kvöld. Lögregla segir að mikið hafi
borið á ölvun ungmenna og var lög-
reglan iðin við að hella niður áfengi.
Fluttur með
þyrlu Gæsl-
unnar eftir
líkamsárás
ALLT að eitt hundrað björgunar-
sveitarmenn tóku þátt í leit að
ítalska ferðamanninum Davide
Paite á Látraströnd og í nágrenni í
gær, laugardag. Byrjað var að
ferja leitarmenn á svæðið með bát-
um um sexleytið í gærmorgun. Tíu
hundar eru notaðir við leitina og
sex bátar. Þyrla Landhelgisgæsl-
unnar var notuð við leitina, en hún
varð að hætta leit eftir að bilun
kom upp í henni. Skilyrði til leitar
voru ágæt í gær, skýjað en skyggni
gott. Snjóað hefur í fjallstoppa á
leitarsvæðinu sem nær frá Greni-
vík og eftir ströndinni að Hval-
vatnsfirði.
Góð skilyrði til leitar
Leita átti í fjöllum og fjalladöl-
um í gær. Ekkert hefur spurst til
Paite í viku, en hann lagði upp fót-
gangandi frá Grenivík sl. laugar-
dag.
„Aðgerðir ganga betur fyrir sig í
dag en í gær, þar sem veður er
mun betra og hægt er að ferja
menn á bátum á svæðið sem sparar
tíma,“ sagði Smári Sigurðsson hjá
Svæðisstjórn björgunarsveita um
hádegisbilið í gær. Engar nýjar
vísbendingar um ferðir Paite höfðu
þá komið fram. Leitarmenn voru
ferjaðir með bátum í Látur og að
Kjálkanesi í gær.
Á föstudag var ekki hægt að
leita við fjallið Gjögur vegna veð-
urs en að sögn Smára var m.a. leit-
að þar í gær. Grjóthrun er úr hlíð-
um fjallsins á þessum slóðum og
því var ekki óhætt að senda leit-
armenn á svæðið fyrr en létti til.
Smári segir að á föstudag hafi
leit verið lokið að mestu á láglendi
með ströndinni. Í gær var leitað í
fjöllum og fjalladölum á leitar-
svæðinu.
Á föstudag þurftu leitarmenn að
ganga í sex tíma til að komast á
svæðið sem leitað var á, að sögn
Smára. Leitarhópur hafðist við í
Keflavík í fyrrinótt, en um 8–9
tíma ganga er að svæðinu. Hóf sá
hópur leit að nýju snemma í gær-
morgun.
Björgunarsveitir
koma víða að
Björgunarsveitarmenn sem leit-
uðu í gær eru frá björgunarsveit-
um í Skagafirði, Suður-Þingeyjar-
sýslu, af höfuðborgarsvæðinu svo
og af öllu Eyjafjarðarsvæðinu. All-
ir leitarmenn eru vanir fjallamenn
með útbúnað sem gerir þeim kleift
að vera við leit í allt að 24 klukku-
stundir án utanaðkomandi aðstoð-
ar.
„Þetta er hörku leitarlið,“ sagði
Smári. „Það fer enginn inn á þetta
leitarsvæði öðruvísi en að vera í
toppformi.“
Leit að ítölskum ferðamanni hélt áfram á Látraströnd og í nágrenni í gær
Þyrla Landhelg-
isgæslunnar að-
stoðaði við leitina