Morgunblaðið - 18.08.2002, Blaðsíða 56

FÓLK Í FRÉTTUM
56 SUNNUDAGUR 18. ÁGÚST 2002 MORGUNBLAÐIÐ
☯
Kvikmyndin Maður eins og ég forsýnd í Háskólabíói
Þeir Júlíus Kemp og Róbert Douglas fylgjast með Dorrit Moussaief og
Ólafi Ragnari Grímssyni, forseta Íslands.
Aðalleikari í Maður eins og ég, Jón Gnarr, mætti í fylgd fjölskyldunnar.
Mann-
mergð
á Mann-
inum
NÝJASTI laukurinn í garði ís-
lenskra kvikmynda kom fyrir
augu almennings síðastliðinn
fimmtudag í Háskólabíói.
Um er að ræða kvikmynd Ró-
berts Douglas, Maður eins og ég.
Auk þess að leikstýra er Róbert
höfundur handrits ásamt Árna Óla
Ásgeirssyni en framleiðandi er
Júlíus Kemp.
Með aðalhlutverk fara þau Jón
Gnarr, Þorsteinn Guðmundsson,
Stephanie Che, Katla Margrét
Þórisdóttir og Sigurður Sig-
urjónsson.
Húsfyllir var í Háskólabíói á
forsýningu myndarinnar.
Að sýningu lokinni var aðstand-
endum klappað lof í lófa og var
ekki annað að sjá en að viðstaddir
væru hæstánægðir með Mann eins
og mig.
Morgunblaðið/Jim Smart
Hrafn Gunnlaugsson óskaði leikstjóranum Róberti Douglas
til hamingju með árangurinn.
 ÁSGARÐUR, Glæsibæ: Caprí-tríó
leikur fyrir dansi kl. 20 til miðnættis.
 CAFÉ ROMANCE: Ray Ramon og
Mete Gudmundsen spila fyrir gesti.
 O’BRIENS, Laugavegi 73: Helgi
Valur trúbador.
Í DAG
 Sjá einnig Staður og stund á mbl.is
Gamli maðurinn sem las
ástarsögur
(The Old Man Who read Love
Stories)
Drama
Evrópsk/áströlsk samframleiðsla, 2000.
Góðar stundir VHS. (111 mín.) Bönnuð
innan 12 ára. Leikstjórn: Rolf de Heer.
Aðalhlutverk: Richard Dreyfuss, Timothy
Spall, Cathy Tyson, Hugo Weaving.
MYND þessi, sem byggð er á
skáldsögu eftir rithöfundinn Luis
Sepúlveda, færir áhorfandann í fjar-
lægan heim. Þar segir af Antonio
Bolivar sem hefur alið manninn í litlu
þorpi við bakka
Amazon-fljótsins
djúpt í frumskógin-
um. Sá er tekinn að
reskjast og tekur
þá upp þann sið að
lesa ástarsögur.
Það er hinn drykk-
felldi þorpslæknir
(Hugo Weaving)
sem lánar Antonio bækurnar úr
safni hinnar seiðandi Josefinu
(Cathy Tyson). Lesturinn breytir
sýn Antonios á lífið og þegar mannýg
jagúarynja tekur að herja á ná-
grenni þorpsins reynir á hið endan-
lega hugrekki gamla mannsins.
Gamli maðurinn sem las ástarsög-
ur segir heillandi sögu, þar sem
sterkar persónur þorpsins krydda
hina dularfullu sögu af viðureign
gamla mannsins og villidýrsins.
Richard Dreyfuss túlkar hlutverk
Antonios á eftirminnilegan hátt, og
er þar studdur af sterku fjölþjóðlegu
leikaraliði. Það er hollensk-ástralski
leikstjórinn Rolf de Heer, er fyrst
vakti athygli fyrir myndina Bad Boy
Bubby, sem stýrir þessari óvenju-
legu mynd.  Heiða Jóhannsdóttir
Myndbönd
Gamli mað-
urinn og
jagúarinn
Kill Me Later
(Dreptu mig seinna)
Spennumynd
Bandaríkin, 2001. Myndform VHS. 90
mín. Bönnuð innan 16 ára. Leikstjórn:
Dana Lustig. Aðalhlutverk: Selma Blair,
Max Beesley.
CHARLIE (Max Beesley) er
óreyndur smákrimmi sem ákveður
að reyna stórt bankarán ásamt fé-
lögum sínum. Skipulagning og fram-
kvæmd ránsins hefðu líka tekist
ágætlega hefði ekki
ungur og óham-
ingjusamur þjón-
ustufulltrúi (Selma
Blair) ákveðið að
príla upp á þak á
byggingunni í því
skyni að binda
enda á líf sitt, á
sama hálftímanum
og ránið fer fram. Þannig fer banka-
ránið út um þúfur og Charlie forðar
hinni vansælu Shawn frá því að láta
sig falla niður 30 hæðir. Í kjölfarið
fylgir ástarsaga þar sem Charlie og
Shawn sitja uppi hvort með annað,
kynnast óhamingju hvort annars, og
verða ástfangin. Þetta er látlaus
spennumynd sem tekur óvænta
stefnu, fjallar fremur um tilfinninga-
líf persónanna en einhverja spenn-
usnúninga. Persónusköpunin sem
felst í þessu er nokkuð vel heppnuð,
og er þunglyndið sem Shawn glímir
við birt á sannfærandi hátt. Semsagt
ágætismynd. Heiða Jóhannsdóttir
Tilfinningar
eltar uppi