Morgunblaðið - 18.08.2002, Page 16
ERLENT
16 SUNNUDAGUR 18. ÁGÚST 2002 MORGUNBLAÐIÐ
Stuðningsaðili StuðningsaðiliBremsuhlutir
Pústkerfi Tæknibúnaður
SíurLjósabúnaður Demparar
RafgeymarVarahlutir
KASSABÍLARALLÝ BÍLANAUSTS
fer fram sunnudaginn 25. ágúst 2002 á bílaplaninu við Bílanaustsbúðina í Borgartúni. Glæsilegir vinningar
Skráning og allar frekari upplýsingar er að finna á bilanaust.is. Sérstakur gestur er Gísli G. Jónsson torfærukappi
Þátttökuseðla er einnig að finna í öllum 9 verslunum Bílanausts um land allt • Skráning fer fram til 22. ágúst 2002
Frábært
®
Grill og gos
ZHANG og öldruð móðir hans sátu
fyrir framan sjónvarpið dag nokk-
urn fyrir skömmu þegar íbúðin
þeirra varð skyndilega rafmagns-
laus. Á sama tíma var vatnið tekið
af. Þetta henti ekki bara þau
mæðginin, heldur líka nágranna
þeirra í gömlu og heldur niður-
níddu hverfi í miðri Shanghai-borg.
Íbúarnir vita ósköp vel hvernig á
þessu stendur. Þarna var að verki
fyrirtæki í eigu ríkisins, sem sér
um að rífa niður gömul íbúðahverfi.
Í hverfinu þeirra eiga að rísa ný-
tískuleg háhýsi á vegum stórfyr-
irtækis í Hong Kong.
„Þeir sögðu, að við yrðum að
hafa okkur á brott en við bjugg-
umst ekki við þessum ruddaskap,“
sagði Zhang, 34 ára hótelstarfs-
maður, sem vildi ekki, að sitt fulla
nafn kæmi fram. Hann er einn í
hópi 200 manna, sem hafa þráast
við að hlýða fyrirskipunum um
brottflutning.
Talsmenn fyrirtækisins, sem
annast niðurrifið og er í eigu einnar
hverfisstjórnarinnar í Shanghai,
neita því harðlega að hafa átt nokk-
urn þátt í að svipta fólkið rafmagni,
vatni og gasi en það segist vita bet-
ur. Þetta sé að gerast vítt og breitt
um borgina og alls staðar sé beitt
sama ruddaskapnum við að koma
fólki burt.
Gömlu hverfin hafa verið rifin
niður hvert á fætur öðru til að rýma
fyrir skýjakljúfum og verslunar-
miðstöðvum. Nú er stefnt að því, að
Shanghai, sem áður einkenndist af
hrörnun og afturför á flestum svið-
um, skipi sér á bekk með helstu
viðskiptamiðstöðvum í heimi. Eru
íbúarnir flestir mjög jákvæðir
gagnvart breytingunum en mót-
mæla hins vegar harðlega tillits-
lausum aðferðum stjórnvalda við að
koma þeim á.
Lokað á útsendingar
frá heimsmeistarakeppninni
Zhang og nágrannar hans segja,
að fyrstu truflanirnar hafi orðið í
júní meðan á heimsmeistaramótinu
í knattspyrnu stóð. Þá slokknaði á
kapalsjónvarpinu rétt fyrir mikil-
vægustu leikina en það komst síðan
í lag þegar keppninni var lokið.
Í Shanghai er framtíð heilla
hverfa komin upp á náð og miskunn
skipulagsyfirvalda og örlög þeirra
eru ráðin á bak við luktar dyr. Íbú-
arnir vakna oft við það, að útburð-
arbréf hafa verið límd upp á veggi
og staura í hverfinu. Embættis-
mennirnir halda því fram, að tekið
sé fullt tillit til fólksins en þegar
ákveðið hafi verið að rífa hverfi sé
ekki um neitt annað að ræða fyrir
það en hafa sig á brott.
„Við reynum að fá fólkið til að
flytjast burt með góðu og bjóðum
því sanngjarnar bætur. Ef það neit-
ar, verða borgaryfirvöld að tryggja
með öðrum hætti nauðsynlegar
framfarir og þróun,“ sagði einn
embættismannanna, sem aðeins
gaf upp eftirnafnið Xu.
Allt snýst um peninga
Þessi útburðarmál eru dæmigerð
fyrir andstæðurnar í Kína. Það er
eitt af síðustu kommúnistaríkjun-
um en efnahagslífið verður æ kapít-
alískara og þar er hagnaðarvonin
ein höfð að leiðarljósi. Deilurnar
snúast líka oftast nær um peninga.
Fólkinu, sem skipað er að hafa sig
á brott, eru að vísu greiddar nokkr-
ar bætur en þær hrökkva hvergi til
að leigja eða kaupa íbúð í nýju há-
hýsunum. Ríkisstjórnin, sem á allt
land, fær hins vegar fúlgur fjár fyr-
ir að leigja landið byggingafyrir-
tækjum, sem mörg hver eru skráð
erlendis.
Það þýðir lítið fyrir hinn al-
menna borgara að kvarta. Embætt-
ismaðurinn, sem tekur við kvört-
ununum, er kannski líka á kafi í
samningum um háhýsin og niður-
rifið.
Oft er eina leiðin til að mótmæla
útburðinum sú að fara hvergi. Það
getur þó verið hættulegt. Dæmi
eru um, að ótíndir þrjótar hafi verið
fengnir til að þjarma að fólki og
fyrir fjórum árum var haft eftir
vitnum, að gömlum manni hefði
verið kastað út um glugga á ann-
arri hæð.
Hverfið hans Zhangs er í næsta
nágrenni við eitt fínasta veitinga-
húsið í Shanghai og nýjar versl-
unarmiðstöðvar. Það er hálfgert
völundarhús tveggja hæða bygg-
inga, sem reistar voru fyrir öld er
Frakkar fóru með stjórn í þessum
borgarhluta. Í húsunum eru yfir-
leitt engin salerni eða aðstaða til
baða.
Flust í úthverfin
Um 90% þeirra 2.000 fjölskyldna,
sem bjuggu í hverfinu hans
Zhangs, samþykktu að hafa sig á
brott og tóku við bótunum, rúmlega
42.000 íslenskra króna á fermetra.
Fyrir þann pening gátu þær sest að
í háhýsum í útjaðri borgarinnar en
hver fermetri í háhýsunum, sem
eiga að rísa í gamla hverfinu þeirra,
á að kosta rúmlega 212.000 krónur.
„Miðborgin er að breytast í
klúbb fyrir hina ríku,“ sagði einn
íbúanna en Zhang og þeir, sem eft-
ir eru í hverfinu, segjast ekki ætla
að gefast upp fyrr en tekið verði á
málum þeirra af sanngirni.
Fólkið borið
út með
góðu eða illu
AP
Horft yfir hverfið, sem bíður þess að vera rifið. Kvartanir íbúanna breyta engu.
Til að rýma fyrir nýjum háhýsum
í Shanghai eru gömlu borgar-
hverfin rifin niður og íbúunum
skipað að hafa sig á brott.
’ Miðborgin er aðbreytast í klúbb fyr-
ir hina ríku. ‘
Shanghai. AP.
Æ FLEIRI Danir hafa nú áhuga á
því að kynna sér íslamstrú og arab-
íska menningu. Frá því er sagt í
Politiken að danskir háskólar taki
eftir umtalsverðri fjölgun skráninga
í námskeið sem fjalli um arabísk
málefni og Mið-Austurlandafræði.
Þá sé ávallt fullt út úr dyrum á op-
inberum fyrirlestrum sem haldnir
eru um íslam.
Við Kaupmannahafnarháskóla
hefur umsóknum vegna náms í arab-
ískri tungu fjölgað um 60% frá því í
fyrra. „Við tökum um það bil þrjátíu
manns inn. Það þýðir að við þurfum
nú að vísa um helmingi umsækjenda
frá,“ segir Ingolf Thuesen, fram-
kvæmdastjóri Carsten Niebuhr-
stofnunarinnar.
Þá hafa aðstandendur háskólans í
Óðinsvéum sömuleiðis orðið varir við
aukinn áhuga á málefnum Miðaust-
urlanda.
Thuesen telur að þennan aukna
áhuga megi rekja til ástandsins fyrir
botni Miðjarðarhafs en fréttir af
átökum Ísraela og Palestínumanna
prýða nú forsíður dagblaða sem aldr-
ei fyrr.
Aukinn
áhugi á
íslam í
Danmörku
Til að auglýsa á þessari síðu hafðu
samband við okkur í
síma 569 1111 eða sendu okkur
tölvupóst á augl@mbl.is