Morgunblaðið - 18.08.2002, Blaðsíða 6

FRÉTTIR
6 SUNNUDAGUR 18. ÁGÚST 2002 MORGUNBLAÐIÐ
VIKAN 11/8 – 17/8
ERLENT
INNLENT

STJÓRNVÖLD hafa
ákveðið að afnema rík-
isábyrgð vegna stríðs- og
hryðjuverkatrygginga
flugrekenda, þar sem
tryggingarmöguleikar á
almennum markaði hafa
opnast.

KÓPAVOGSBÆR hef-
ur sent borgaryfirvöldum
í Reykjavík athugasemda-
bréf vegna tillögu að deili-
skipulagi í Norðlingaholti,
þar sem lagt er til að fall-
ið verði frá jafnþéttri
byggð og fyrirhugað er að
reisa á svæðinu.
Þá hefur skipulags- og
byggingarnefnd Reykja-
víkur lengt frest til að
skila inn athugasemdum
til 28. ágúst.

UMFANGSMIKIL leit
að ítölskum ferðamanni,
sem talinn er týndur á
Látraströnd, austan við
Eyjafjörð, hófst á fimmtu-
dag.

FJÖLDI manna var
fluttur á slysadeild þegar
stórt regnskyggni féll of-
an á tugi manna sem voru
að fylgjast með skemmti-
dagskrá á Ingólfstorgi í
tengslum við Hinsegin
daga um síðustu helgi.
Milli 25 og 30 þúsund
manns tóku þátt í dagskrá
daganna og fóru hátíð-
arhöld að öðru leyti vel
fram.

RÚSSNESKA herskipið
Admiral Chabanenko kom
til landsins og var mark-
mið heimsóknarinnar að
styrkja tengsl þjóðanna.
Sjóliðar af skipinu spiluðu
knattspyrnu við hermenn
varnarliðsins á Keflavík-
urflugvelli.
Fallist á tvo kosti
Norðlingaölduveitu
SKIPULAGSSTOFNUN féllst með
skilyrðum á tvo kosti í úrskurði um
mat á umhverfisáhrifum Norðlinga-
ölduveitu, sem birtur var á þriðjudag.
Fallist er á lón í 575 eða 578 metra
hæð yfir sjávarmáli, en stofnunin hafn-
ar gerð lóns sem yrði í 581 metra hæð.
Úrskurðurinn hefur vakið mismun-
andi viðbrögð og hafa Náttúruvernd-
arsamtök Íslands þegar ákveðið að
kæra úrskurðinn. Ljóst er að ef hann
verður kærður til umhverfisráðherra
mun Siv Friðleifsdóttir umhverfisráð-
herra víkja sæti. Ástæða þess er um-
mæli Sivjar í kvöldfréttum Ríkisút-
varpsins í febrúar 2001.
Fallið frá takmörk-
unum á hlut
stofnfjáreigenda
SAMÞYKKT var á fundi stofnfjáreig-
enda SPRON á mánudag að falla frá
ákvæðum í samþykktum SPRON um
takmörk á fjölda hluta í eigu einstakra
stofnfjáreigenda.
Stjórn SPRON telur grundvöll fyrir
vexti og viðgangi sparisjóðsins með til-
boði Starfsmannasjóðs SPRON um
viðskipti með stofnfé að fengnu sam-
þykki Fjármálaeftirlitsins.
Tillaga um vantraust á stjórnina var
tekin af dagskrá.
Forseti Lettlands
í opinberri heimsókn
FORSETI Lettlands, Vaira Vike-
Freiberga, kom til Íslands í tveggja
daga opinbera heimsókn, ásamt 40
manna viðskiptasendinefnd og hópi
lettneskra fréttamanna.
Forsetinn ræddi við íslenska ráða-
menn og tók þátt í hringborðsumræð-
um um stöðu smáþjóða innan Atlants-
hafsbandalagsins.
FLÓÐIN í Saxelfi og Dóná voru á
föstudag þau mestu í meira en heila
öld og hafa þau valdið gífurlegu tjóni
allt frá Þýskalandi til Rúmeníu.
Vegna flóðanna í Saxelfi varð að
flytja tugþúsundir manna frá þorpum
og bæjum við ána og í Dresden voru
margir borgarhlutar undir vatni á
föstudaginn.
Tugþúsundir hermanna og ann-
arra björgunarmanna unnu að því í
gær að flytja burt fólk og bjarga
ómetanlegum listverkum frá
skemmdum en áætlað er, að tjón á
mannvirkjum og efnahagslegt tjón í
Þýskalandi einu nemi hundruðum
milljarða ísl. kr. Gerhard Schröder,
kanslari Þýskalandi, hét í gær fyrstu
aðstoð við fórnarlömb flóðanna, rúm-
lega 30 milljörðum kr. Hefur Evrópu-
sambandið einnig heitið mikilli hjálp.
Í Tékklandi og Austurríki hleypur
tjónið líka á hundruðum milljarða kr.
Einn leiðtogi Fatah
fyrir rétt
RÍKISSAKSÓKNARI Ísraels höfð-
aði á fimmtudag mál á hendur Marw-
an Barghouti, einum þekktasta leið-
toga Palestínumanna og þingmanni á
palestínska þinginu, fyrir ætlaða
þátttöku hans í hryðjuverkum á
hendur Ísraelskum borgurum. Sök-
uðu ísraelsk stjórnvöld Barghouti um
að hafa leitt Al-Aqsa-herdeildirnar,
einn hryðjuverkahóp Palestínu-
manna, og að hafa skipulagt tugi
árása á ísraelsk skotmörk.
Stjórnmálaskýrendur segja Ísr-
aela taka nokkra áhættu með því að
höfða málið á hendur Barghouti með
jafnáberandi hætti og gert hefur ver-
ið. Hafa sumir Ísraelar af því áhyggj-
ur að vegur Barghoutis meðal Palest-
ínumanna muni vaxa eftir því sem
líður á réttarhöldin en hann er einn
vinsælasti leiðtogi Palestínumanna.
Gífurlegt tjón af
völdum flóðanna
ROBERT Mugabe, for-
seti Zimbabve, ítrekaði á
þriðjudag, að allar bú-
jarðir hvítra manna yrðu
afhentar svörtum bænd-
um fyrir ágústlok. Varaði
hann hvítu bændurna við
og sagði, að reyndu þeir
að þráast við, yrðu þeir
að taka afleiðingunum.

GEORGE W. Bush
Bandaríkjaforseti sagðist
á miðvikudag trúa því að
efnahagur landsins væri á
réttri leið en meira þyrfti
til að hann næði sér að
fullu. Bush lét þessi orð
falla á ráðstefnu um
ástand efnahagsmála í
Bandaríkjunum sem hald-
in var í bænum Waco í
Texasríki.

FJÖLMIÐLAR í Ísrael
sögðu á þriðjudag að Ar-
iel Sharon, forsætisráð-
herra landsins, íhugaði nú
að boða til kosninga fyrr
en gert hefur verið ráð
fyrir. Er Sharon sagður
velta fyrir sér að halda
þingkosningar strax í jan-
úar, en að öllu óbreyttu
ættu kosningar að fara
fram um haustið 2003.

GEORGE W. Bush, for-
seti Bandaríkjanna, ákvað
á fimmtudag að loka fyrir
aukalega fjárhagsaðstoð
við Egyptaland vegna
dóms yfir egypsk-
bandaríska mannréttinda-
frömuðinum Saad Eddin
Ibrahim.

RÁÐAMENN belgíska
hersins eru nú að láta
kanna hvort nokkrir her-
menn hafi notað gervi-
byssur á hersýningu
vegna sjálfstæðisdagsins
21. júlí.
ÞAÐ hljóp heldur betur á snærið
hjá konum í Kvenfélagi Hruna-
mannahrepps í fyrrakvöld. Þá
voru þær í skemmtisiglingu með
bátnum Andreu og undir lok
ferðarinnar fóru þær í sjóstanga-
veiði rétt norðan við Engey. „Við
vorum búnar að vera um tvo tíma
að fiska þegar fjörutíu kílóa lúða
beit á hjá einni okkar, Ragnhildi
Þórarinsdóttur,“ segir Sigrún
Einarsdóttir, félagi í kvenfélag-
inu, en þær voru tíu kvenfélags-
konurnar sem höfðu farið í sigl-
inguna. Sigrún segir að
Ragnhildur hafi barist við fiskinn
í nokkrar mínútur, en síðan hafi
veiðarfærin gefið eftir og slitnað.
Stuttu síðar beit lúðan á hjá ann-
arri kvenfélagskonunni, Valnýju
Guðmundsdóttur. „Valný náði
fiskinum upp ásamt háseta á
bátnum,“ segir Sigrún. Þau náðu
fiskinum upp á yfirborð sjáv-
arins, en þar þurfti að krækja í
lúðuna til að ná henni um borð í
bátinn, því hún var svo þung.
Lúðan reyndist vera um fjöru-
tíu kíló að þyngd og um einn og
hálfur metri að lengd. „Lúðan
náði okkur upp undir hendur,“
útskýrir Sigrún. „Hún var spik-
feit og falleg og góð eftir því,“
segir Sigrún ennfremur en lúðan
var grilluð um borð. „Við borð-
uðum hana af bestu lyst.“ Skip-
stjóri Andreu, Gunnar Ingi Löv-
dal, fullyrðir að svo stór lúða hafi
aldrei veiðst á sjóstöng áður.
„Þetta hefur sennilega aldrei
gerst áður,“ segir hann. Gunnar
Ingi segir að lúðan hafi verið
með þrjá króka í sér þegar hún
náðist upp. „Enda voru mikil læti
þegar verið var að ná henni
upp.“
Veiddu
fjörutíu
kílóa lúðu
á sjóstöng
Ragnhildur Þórarinsdóttir og Jens Pétur Högnason, sem er í áhöfn
Andreu, voru ánægð eftir að lúðan góða var komin um borð í bátinn.
Kvenfélag Hrunamannahrepps við veiðar við Engey
VERNDARSJÓÐUR villtra laxa-
stofna (NASF) hefur keypt heild-
arlaxveiðikvóta við Grænlandsmið
en sjóðurinn samdi við samtök
veiðimanna á Grænlandi um kvót-
ann. Grænlenska landstjórnin hef-
ur lagt blessun sína yfir samning-
inn og gefur út reglugerðir í
samræmi við hann í framhaldinu.
„Þetta er einhver stærsti samn-
ingur sem við höfum gert þar sem
við kaupum allan kvótann sem
netamenn mega veiða, það er við
kaupum heildarkvótann. Veiðar í
atvinnuskyni og til eigin nota
verða að mestu leyti aflagðar en
þó mega þeir ennþá stunda sport-
veiðar og láta í té lax á sjúkrahús
og elliheimili en ekki í verslanir,
reykhús og að sjálfsögðu ekki til
útflutnings og þess háttar,“ segir
Orri Vigfússon, formaður Vernd-
arsjóðs villtra laxastofna. Hann
segir jafnframt að með þessum
samningi leggist laxveiðar við
Grænlandsmið að mestu leyti af.
Að sögn Orra gildir samning-
urinn til fimm ára, auk þess sem
endurskoðunarákvæði eru í samn-
ingnum. Hann segir að auk
greiðslu muni sjóðurinn veita
Grænlendingum alls konar þróun-
araðstoð í formi nýrra atvinnu-
tækifæra, þá aðallega á vestur-
ströndinni, en hann á von á að
þessi samdráttur í laxveiði komi
verst við íbúa þar. „Þeir stunda
náttúrlega mjög einsleitt atvinnulíf
þannig að það er mjög flókið að
koma upp nýjum atvinnutækifær-
um. Þarna hafa margir átt erfitt
uppdráttar. Við vonumst til að
þessi verkefni sem við leggjum í
muni hjálpa eitthvað upp á sak-
irnar. Þeir eru afskaplega þakk-
látir fyrir að hafa fengið að semja
svona við okkur og hjálpa okkur
því við uppbyggingu á villtum
laxastofnum hér í Norður-Atlants-
hafi,“ leggur hann áherslu á.
Laxinn er gríðarlega mik-
ilvægur hrygningarstofn
Orri segir að hugmyndin sé að
fara með móðurskip til
vesturstrandarinnar á næstu ár-
um, taka við þorski sem er á inn-
fjörðum þar og frysta um borð.
„Það eru margvísleg þróunarverk-
efni sem við munum stuðla að.
Hingað til höfum við hjálpað þeim
að setja upp veiðar og vinnslu á
grásleppu og snjókrabba,“ bætir
hann við. Aðspurður segir hann
þýðingu samningsins fyrir lax-
veiðistofninn vera þá að laxinn fái
að dvelja óáreittur á fæðuslóðun-
um. Umræddur lax komi víða að,
meðal annars frá Bandaríkjunum,
Kanada, Spáni, Frakklandi, Bret-
landi og Íslandi. Hann bendir á að
þegar laxinn sé orðinn nógu stór
og vilji snúa aftur til síns heima
komist hann heim án þess að
nokkur veiði hann.
Að sögn hans hefur heildarlax-
veiði í heiminum, þ.e.a.s. á villtum
Atlantshafslaxi, minnkað um meira
en 80%. Sérstaklega á þessum
stóra laxi, sem dvelur lengst í sjó
og er við Grænland. Orri undir-
strikar að þessi lax sé gríðarlega
mikilvægur sem hrygningarstofn.
Hann telur að samkomulagið nú
hafi mesta þýðingu fyrir banda-
ríska laxveiðistofninn sem þegar
er á lista yfir dýr í útrýmingar-
hættu.
„Það er mjög víðtæk samstæða
um þennan samning. Við leggjum
áherslu á það út um allan heim,
þar sem við höfum náð svona
samningum, að það sé víðtæk sam-
stæða og samningarnir gerðir af
fúsum og frjálsum vilja,“ bendir
Orri á.
Laxveiðar við Græn-
land að leggjast af
Verndarsjóður villtra laxastofna hefur keypt
heildarlaxveiðikvóta á Grænlandsmiðum
177 KRÖFUHAFAR eru í þrotabú
Leikfélags Íslands og nema kröf-
urnar alls 172 milljónum. Gerir
Tollstjórinn í Reyjavík kröfu upp á
rúmar 33 milljónir vegna vangold-
inna opinberra gjalda, skatts,
tryggingargjalds, staðgreiðslu
vegna launa og virðisaukaskatts.
Segir Páll Arnór Pálsson
hæstaréttarlögmaður, skiptastjóri
þrotabúsins, að frá því að
kröfulýsingarfrestur rann út hafi
honum borist tilkynning frá skatt-
inum um lækkun þessara krafna
þannig að upphæðin muni væntan-
lega lækka um rúmar 11 milljónir
króna.
Forgangskröfur í búið, útistand-
andi laun og greiðslur í lífeyrissjóð
eru 13,4 milljónir króna. Segir Páll
Arnór að aðrir kröfuhafar séu t.d.
bankar og verktakar, þar á meðal
leikarar sem hafi tekið að sér ýmis
verkefni á vegum leikfélagsins eins
og hljóðsetningu og annað í þeim
dúr.
Rekstur fyrirtækisins stöðvaðist
í september í fyrra og munu van-
goldin opinber gjöld vera fyrir
mánuðina þar á undan.
Eignir þrotabúsins eru litlar, að
sögn Páls Arnórs, og veðsettar
með eignarréttarfyrirvörum. Á
miðvikudag verður haldinn fundur
með kröfuhöfum þar sem verður
tekin ákvörðun um framhaldið.
Leikfélag Íslands sameinaðist
Hljóðsetningu og Loftkastalanum
árið 2000.
177 leggja fram kröfur í þrotabú Leikfélags Íslands
Kröfur rúmar 170 milljónir