Morgunblaðið - 24.08.2002, Blaðsíða 22
ERLENT
22 LAUGARDAGUR 24. ÁGÚST 2002 MORGUNBLAÐIÐ
MEIRA en sex hundruð þúsund
manns hafa nú flúið heimili sín í
Hunan-héraði í Kína vegna flóða-
hættu úr vatninu Dongting en óttast
er að það flæði yfir bakka sína um
helgina. Gerist það myndu um tíu
milljónir manna vera í lífshættu en
svæðið umhverfis Dongting er eitt
hið þéttbýlasta í öllu Kína.
Kínverski herinn stýrði björgun-
arstarfi í gær en um milljón manns,
þar af ríflega eitt hundrað þúsund
liðsmenn hersins, lagði þá allt kapp á
að hlaða varnargarða til að koma í
veg fyrir að Dongting flæddi yfir
bakka sína. Fyrirskipaði Wen
Jiabao, aðstoðarforsætisráðherra
Kína, „meiriháttar útkall“ hjá her
landsins og sagði að ekki mætti við
neinum mistökum í þessu samhenta
átaki hermanna og óbreyttra borg-
ara. Óttast er að bresti bakkar
vatnsins muni risastór flóðbylgja
fara niður Yangtze-ána, og aðrar ár
sem renna í Dongting, og ógna
byggð á nærliggjandi svæðum.
Það var ekki til að létta brúnina á
mönnum þegar talsmenn Rauða
krossins vöruðu við því í gær að von
væri á meiri rigningu, en ekki hefur
rignt á svæðinu undanfarna daga.
Höfðu menn vonast til að rigning-
arleysið síðustu daga gæti gert
gæfumuninn og tryggt að varnar-
garðar Dongting, sem er um 3.900
ferkílómetrar að stærð, héldu.
Einnig flóðahætta í
Jiangsu og Jiangxi
Jarðrask af völdum vatnavaxt-
anna í Hunan hefur þegar eyðilagt
um 27 þúsund heimili, að sögn ráða-
manna, og skemmdir hafa orðið á 67
þúsund heimilum til viðbótar.
Þá telja menn nú að hætta sé á
flóðum á fleiri svæðum er Yangtze-
áin rennur um. Voru björgunarsveit-
ir í Jiangsu-héraði í austurhluta
Kína m.a. í viðbragðsstöðu í gær eft-
ir að yfirborð árinnar hafði farið yfir
öll hættumörk í borginni Nanjing.
Ennfremur voru vatnavextir í vötn-
unum Jiujiang og Poyong í Jiangxi-
héraði, sem liggur næst Hunan.
Tæplega eitt þúsund manns hafa
þegar farist vegna flóðanna í Kína nú
í sumar, þar af tvö hundruð í Hunan.
Er það skoðun kínverska umhverf-
issinnans Dai Qing að ítrekuð flóð á
þeim svæðum sem Yangtze rennur
um séu afleiðing skógarhöggs og
jarðræktunar hættulega nærri
bökkum árinnar.
Óttast að varnargarð-
ar bresti um helgina
Xiangyin. AFP.
Sex hundruð þúsund manns hafa
flúið heimili sín í Hunan-héraði í Kína
/01
!"
#
"$
%&
"'(
'(
" #
$#
# "
!"!
'&()
*
+, ',, #
$%
23
4
3
-'./-01/-
2)
.
/
-
3)
„BATASUNA í dag, hver næst?“
stendur á skilti þessa manns sem í
gær tók þátt í mótmælaaðgerðum í
Bilbao, höfuðborg Baskalands,
gegn áætlunum spænskra ráða-
manna að banna baskneska stjórn-
málaflokkinn Batasuna.
Fullyrt var í gær að spænski
dómarinn Baltasar Garzon myndi
eftir helgi tilkynna um bannið á
Batasuna en þrátt fyrir málaflutn-
ing lögmanns Batasuna í gær er
Garzon sagður sannfærður um að
flokkurinn tengist hryðjuverka-
hópnum Aðskilnaðarhreyfingu
Baska (ETA) svo sterkum böndum
að ómögulegt sé annað en að binda
enda á starfsemi hans. Um 800
manns hafa fallið í ódæðisverkum,
sem ETA hefur lýst á hendur sér.
Bannið mun fela í sér að öll starf-
semi flokksins, mótmæli og annað á
hans vegum, telst ólögleg en
fulltrúar hans á þingi Baskalands
og í bæjarstjórnum þar munu hins
vegar fá starfað áfram.
Batasuna, sem nokkrum sinnum
hefur breytt um nafn til að komast
hjá banni, hefur ætíð neitað því að
fordæma aðgerðir ETA, sem berst
fyrir sjálfstæðu basknesku ríki.
Garzon, og aðrir andstæðingar Bat-
asuna, segja það eina sönnun á sekt
stjórnmálaflokksins.
Reuters
Mótmælir banni
á Batasuna
ÞJÓÐVERJAR sem búa nærri Sax-
elfi þar sem hún rennur í gegnum
norðurhluta Þýzkalands kljást nú við
að reyna að hindra að flóðið í ánni
valdi öðrum eins skaða og það er bú-
ið að valda í kringum efri hluta far-
vegarins, sunnar. En deila stjórn-
málamanna um það hvernig standa
beri straum af kostnaðinum sem
hlýzt af flóðatjóninu virðist ætla að
gefa kosningabaráttu Gerhards
Schröders kanzlara góðan byr í segl-
in. Einn mánuður er nú þar til Þjóð-
verjar kjósa nýtt Sambandsþing.
Fjöldi þeirra sem týnt hafa lífi
vegna flóðanna í Þýzkalandi óx í
fyrrinótt í 24, eftir að ökumaður
vöruflutningabifreiðar missti stjórn
á henni á vegi sem var lokaður vegna
flóðaskemmda. Hann var sautjánda
fórnarlamb flóðanna í Saxlandi einu,
sem er það hérað Þýzkalands sem
verst hefur orðið úti.
Flóðvatnið í Saxelfi braut sér leið í
gegnum varnargarða á nokkrum
stöðum í Norður-Þýzkalandi þar
sem það nú mjakast niður eftir
fljótinu á leið til sjávar. Þúsundir
sjálfboðaliða kepptust við að styrkja
flóðvarnargarðana í borgum eins og
Lüneburg og öðrum bæjum með-
fram ánni í Neðra-Saxlandi. Fjöldi
fólks, sem býr í húsum sem talin eru
í bráðri hættu ef varnargarðar
bresta, þurfti að yfirgefa heimili sín.
Ógna flóðin í Saxelfi enn þúsund-
um heimila í norðanverðu Þýzka-
landi þó að þau hafi verið í rénun frá
því um síðustu helgi.
Fylgi stóru flokkanna
orðið jafnt
Samtímis þessu voru birtar niður-
stöður nýrra skoðanakannana, sem
sýna að vinsældir Schröders og
flokks hans, Jafnaðarmannaflokks-
ins SPD, hafa tekið kipp frá því
flóðahörmungarnar dundu yfir.
Mælist fylgi SPD nú um 38% og er
þar með svo til jafnt og fylgi kristi-
legu flokkanna, CDU og CSU, en
þeir höfðu annars að undanförnu
notið öruggs fylgisforskots. Flokkur
Græningja, sem er í stjórnarsam-
starfi við jafnaðarmenn, virðist
halda sínu fylgi stöðugu í um sjö pró-
sentustigum.
Vel hefur verið látið af því hvernig
Schröder og stjórn hans hefur brug-
ðizt við flóðahörmungunum og þegar
svona stendur á njóta Græningjar
góðs af því að vera taldir trúverð-
ugustu málsvarar umhverfisvernd-
ar. Margir Þjóðverjar telja að tengsl
séu milli skaðræðisflóðanna og
meintra hnattrænna veðurfars-
breytinga af völdum gróðurhúsa-
áhrifanna svokölluðu.
Nú á sunnudaginn mætast
Schröder og keppinautur hans um
kanzlarastólinn, Edmund Stoiber, í
fyrsta sinn í sjónvarpskappræðum
og verður þar vafalaust tekin rimma
um hvaða leiðir séu þjóðhagslega
skynsamlegastar til að standa
straum af kostnaðinum við endur-
uppbyggingu eftir flóðin, en það hef-
ur gert að engu stóran hluta þess
uppbyggingarstarfs sem unnið hefur
verið undanfarinn áratug í héruðum
sem áður voru hluti Austur-þýzka
Alþýðulýðveldisins.
Gjörólíkar hugmyndir
um viðbrögð
Ríkisstjórnin og stjórnarandstað-
an hafa kynnt mjög mismunandi
hugmyndir um hvernig þetta skuli
gert. Fyrr í þessari viku lýsti Stoiber
því yfir að næði hann kjöri sem
kanzlari myndi hann kollvarpa sum-
um þeim ráðstöfunum sem stjórn
Schröders hefur ákveðið að grípa til í
þessu sambandi; deilan stendur
einkum um áformaðar skattalækk-
anir sem taka áttu gildi á næsta ári,
en stjórn Schröders vill fresta gild-
istöku þeirra til að stoppa upp í gatið
í fjárlögunum sem ríkið sæti annars
uppi með af völdum flóðatjónsins.
Segir stjórnarandstaðan að þessi
ákvörðun sé „félagslega óréttlát“;
réttara væri að gera meira til að fá
stór fyrirtæki til að axla hluta byrð-
anna og hækka frekar skatta á þau.
Schröder brást þegar við þessu og
fékk samtök þýzka iðnaðarins til að
samþykkja að fyrirtækin greiddu
26,5% skatt á næsta ári í stað 25%.
Stoiber hefur enn fremur mælzt til
þess að nýttur verði í þessum til-
gangi hluti af hagnaði þýzka seðla-
bankans Bundesbank, en hann var
yfir 11 milljarðar evra á síðasta ári,
andvirði um 930 milljarða króna.
Nú þegar hafa safnazt um 100
milljónir evra í frjáls framlög frá
þýzkum borgurum í sjóð til hjálpar
þeim sem eiga um sárt að binda eftir
flóðin. Að sögn dagblaðsins Tages-
spiegel stefnir í að 130 milljónir evra
safnist í sjóðinn, sem yrði þýzkt met.
Flóðin í Saxelfi hafa greinileg áhrif á kosningabaráttuna í Þýzkalandi
Vatn á myllu
Schröders
Berlín. AFP.
Reuters
Tvær stúlkur ganga fram hjá kosningaauglýsingaskilti frá frjálsum demókrötum í Berlín í gær. Skiltið sýnir þá
Gerhard Schröder kanzlara (t.h.) og Edmund Stoiber, keppinaut hans um embættið, en þeir mætast í sjónvarps-
kappræðum á sunnudaginn. Er þetta í fyrsta sinn sem slíkt einvígi fer fram í þýzku sjónvarpi.
FÁGÆTUM eintökum af frumút-
gáfu einnar bóka enska rithöfund-
arins Charles Dickens var stolið á
safni í London í fyrradag.
Um var að ræða þrjú eintök af
„Jólasögu“ Dickens [A Christmas
Carol] en helsta söguhetja hennar
er hinn úrilli herra Scrooge. Var
hver bókanna metin á nærri fjórar
milljónir ísl. kr.
Komu þjófarnir í Dickens-safnið
um miðjan dag, skáru burt glerið
fyrir skápnum, sem geymdi bæk-
urnar, og forðuðu sér burt. Þeim
tókst hins vegar ekki að skera burt
glerið fyrir öðrum skáp með ein-
tökum af „Ævintýrum Pickwicks“.
Andrew Xavier, forstöðumaður
safnsins, kvaðst viss um, að bók-
unum hefði verið stolið samkvæmt
pöntun enda væru þær einna verð-
mætastar af öllum frumútgáfum af
verkum skáldsins. Hafa öryggis-
ráðstafanir í safninu verið hertar.
Fágætum Dickens-bókum stolið
London. AFP.