Morgunblaðið - 24.08.2002, Blaðsíða 50

50 LAUGARDAGUR 24. ÁGÚST 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ENNÞÁ er deilt um atburðarásina
þegar Kennedy Bandaríkjaforseti var
myrtur í Dallas 22. nóvember 1962.
Í Mbl. 1. sept. 1994 er grein þar
sem ég sýndi fram á að skotið hefði
verið á höfuð forsetans aftan frá, en á
þeim tíma var rifist um það hvorum
megin frá var skotið. Greinin birtist
einnig erlendis. Þær deilur virðast nú
hafa þagnað alveg.
Samt er ennþá rifist um það hvort
fyrra skotið af tveim sem hittu forset-
ann hafi verið skot nr. eitt eða skot nr.
tvö af þrem skotum sem skotið var
þennan sorgardag. Þessar deilur
ættu líka að vera þagnaðar, því að
enginn vafi leikur á því að það var
skot nr. 2 og að það hitti báða menn-
ina. Fráfróðir háðfuglar kalla það
„töfrakúluna“. Skot nr. eitt lenti í göt-
unni fyrir framan forsetabílinn. Það
sáu mörg vitni. Þau sáu líka ryk sem
kúlan þeytti upp úr götunni, en vitn-
isburður þeirra virðist ekki hafa dug-
að til að þagga niður þessar deilur.
Mynd af kúlunni hlýtur þó að duga.
Kúlan sést á kvikmynd Abrahams
Zapruder þótt ótrúlegt sé. Hana ber
við skuggann undir stuðaranum. Það
mun vera myndrammi nr. 151 (núm-
erakerfi Warren-nefndarinnar) sem
sýnir kúluna sem hvíta línu á ská. Lín-
an er ekki rispa á filmunni. Þær eru
öðruvísi. Skytta sá bílinn illa, skotið
fór í gegnum trjákrónu og kann að
hafa snert trjágrein og breytt um
stefnu. Forsetinn veifaði til mann-
fjöldans allan tímann á myndrömm-
um 172–207, en það var heilum þrem-
ur sekúndum eftir fyrsta skotið.
Svo mun hafa viljað til að afstaða
sólar og myndavélar til kúluferilsins
ásamt tímasetningu myndramma 151
var þannig að einmitt þegar kúluna
bar í skuggann undir bílnum þá kom
glampinn af endilangri hlið þessa
gljáandi sívalnings til myndavélarinn-
ar með opið ljósop. Helmingalína
hornsins sól – kúla – myndavél var þá
væntanlega hornrétt á hugsaðan flöt
sem innihélt kúluferilinn. Annars
hefði kúlan varla sést nógu vel.
Bíllinn ók yfir rykið sem kúlan
þeytti upp, það sést aftan við hægra
framhjólið á myndrömmum milli nr.
157 og 164. Tímabilið milli fyrsta og
þriðja skots var 8,85 sekúndur – 162
myndrammabil. Kúlan sést t.d. vel í
Zapruder myndinni sem birtist í kvik-
myndinni JFK, best í þeim hluta
myndarinnar sem er stækkaður.
Kúlan ætti að sjást á meðf. ljós-
mynd ef hún prentast vel.
CARL J. EIRÍKSSON,
Skólagerði 47, Kópavogi.
Ótrúlegt en satt
Frá Carli J. Eiríkssyni:
Kúluna ætti að bera í skuggann undir bílnum.
Í UPPHAFI voru allir eðlilegir í land-
inu. Fólk lifði að mestu í sátt og sam-
lyndi glatt við sitt. Fyrir tæpum tutt-
ugu árum kom til þessa lands
marghöfða þurs einn mikill og ógur-
legur (lesist Visa). Mjög fljótlega
lagði þurs þessi undir sig brú eina
mikla, sem lá yfir á nokkra, sem skipti
landinu og íbúar landsins höfðu byggt
og hafði hún veruleg áhrif á öll við-
skipti í landi þessu. Þursinn eignaði
sér brúna og krafðist gjalds frá hverj-
um þeim sem um hana vildi fara. Til
að byrja með mótmæltu íbúar lands-
ins yfirgangi þursins og neituðu að
greiða tollinn. Afleiðingar þessa yfir-
gangs þursins urðu þær að einungis
þeir sem greiddu tollinn komust um
brúna og gátu sótt sér hráefni eða
vörur til að vinna úr eða selja. Þessir
aðilar hækkuðu hjá sér vöruverðið og
veltu kostnaðinum af brúartollinum
yfir á viðskiptamenn sína. Hinir sem
ekki vildu greiða tollinn, þar sem þeir
töldu sig eiga brúna og að þeir hefðu
áður greitt byggingarkostnað hennar
með sköttum og skyldum, urðu fljót-
lega uppiskroppa með hráefni og
vörur og urðu þar með af öllum við-
skiptum.
Nú tæpum tuttugu árum síðar ræð-
ur þurs þessi öllu í landinu ásamt
þursakerlingunni (lesist Euro) sem
einnig fluttist búferlum til landsins.
Land þetta hefur fengið nafnið
Undralandið. Þursarnir stjórna nán-
ast öllum viðskiptum í landinu og þeir
fitna ógurlega. Þeir sem ekki eru til-
búnir að greiða brúartollinn hafa ann-
aðhvort flutt úr landinu eða eru að
veslast upp. Örfáir áttu sér bátskeljar
eða aðra farkosti og gátu sniðgengið
þursana og brúartollinn. Þursarnir
gripu þá til þess ráðs að gefa þessum
aðilum stórafslátt af brúartollinum og
flestir þessara aðila nýta sér þann
möguleika og telja hann ódýrari en
bátanotkunina. Bátarnir grotna nú í
fjöruborðinu og brátt verða þessir að-
ilar í sömu stöðu og aðrir því engum
bátum eða öðrum farkostum verður
til að dreifa þegar yfir lýkur.
Enginn þorir að leggja til atlögu við
hina marghöfða þursa því í hvert
skipti sem einn haus er höggvinn af
vaxa nýir tveir í staðinn. Nú er vöru-
verð í landinu miklu hærra en áður og
miklu hærra en vera þyrfti og al-
mennum lífskjörum hefur farið mjög
aftur. Þursarnir fitna hinsvegar óg-
urlega og svo senda þeir alltaf hluta af
hagnaðinum heim til pabba og
mömmu í Ameríku. Í Undralandinu
ríkir nú spilling og ójöfnuður eykst og
einungis þeir ríku hafa í raun efni á að
greiða brúartollinn. Hinir ríku verða
ríkari og hinir fátæku verða fátækari.
SIGURÐUR LÁRUSSON,
Klapparstíg 11, Njarðvík.
Undralandið
Frá Sigurði Lárussyni: