Morgunblaðið - 05.09.2002, Qupperneq 16

LANDIÐ
16 FIMMTUDAGUR 5. SEPTEMBER 2002 MORGUNBLAÐIÐ
SUÐURNES
JÓN Valgeir Williams er Suð-
urnesjatröllið eftir að að hafa
sigrað í aflraunakeppninni sem
fram fór á Suðurnesjum um
helgina.
Aflraunakeppnin Suðurnesja-
tröllið fór fram um helgina í
vægast sagt misjöfnu veðri.
Fresta varð greinum sem áttu að
vera á sunnudeginum í Grindavík
fram á mánudag vegna veður-
ofsans. Keppnin fór fram á þrem-
ur stöðum að þessu sinni, í Hafn-
arfirði, Sandgerði og Grindavík.
Jón Valgeir Williams vann af-
gerandi sigur í þessari keppni, en
hann er á leið til Malasíu eftir
tæpa viku sem fulltrúi Íslands í
keppninni Sterkasti maður heims
og hlaut titilinn Austfjarðatröllið
fyrir skemmstu. Í öðru sæti varð
Grétar Guðmundsson og Unnar
Garðarsson og Terry Walsh
deildu þriðja sæti.
Í Hafnarfirði var keppt í skóg-
arhöggi, þar fór Jón Valgeir sér
hægt þar sem hann slasaðist illa í
þeirri grein í fyrra þegar öxin
skrapp í fótinn á honum.
Í kasti yfir rá kastaði Jón Val-
geir hæst en Grétar Guðmunds-
son lengst. Blautt lóðið skrapp úr
greipum Grétars og hentist í átt
að áhorfendum sem áttu fótum
fjör að launa, en sem betur fer
sluppu allir ómeiddir.
Einn helsti aðdáandi sigurveg-
arans, Davíð Óskar Davíðsson, lét
sig ekki vanta á þessa keppni
frekar en aðrar. Jón Valgeir til-
einkaði honum sigurinn þar sem
Davíð átti 10 ára afmæli á laug-
ardaginn.
Keppt var í átta greinum að
þessu sinni; skógarhöggi, bíl-
drætti, kasti yfir rá, drumbalyftu,
bóndagöngu, krossfestulyftu,
herkúlesarhaldi og hleðslu.
Ljósmynd/Jens Fylkisson
Suðurnesjatröllið, Jón Valgeir Williams, trónir yfir aðra keppendur og
hjá honum stendur aðdáandi hans, Davíð Óskar Davíðsson, sem heiðr-
aður var í tilefni afmælis síns.
Jón Valgeir er
Suðurnesjatröllið
Sandgerði/Grindavík
NÝSKIPAÐ umhverfisráð Sand-
gerðis hefur í fyrsta skipti veitt við-
urkenningar fyrir falleg hús og
garða. Viðurkenningarnar voru af-
hentar við hátíðlega athöfn á dög-
unum.
Margir húseigendur í Sandgerði
hafa verið að vinna að endurbótum á
girðingum og smíða sólpalla við hús
sín og hafði umhverfisráðið því úr
fjölda húsa og garða að velja.
Jóhann Harðarson og Sólrún
Anna Símonardóttir fengu viður-
kenningu fyrir endurnýjun og um-
hverfi hússins Strandgötu 18 en þar
eru starfræktar listasmiðjan Ný-
Vídd og kertasmiðjan Jöklaljós.
Friðrik Björnsson og Þórhildur Sig-
urðardóttir fengu viðurkenningu
fyrir skjótan frágang á nýbyggðu
húsi og lóð á Suðurgötu 22. Valborg
Jónsdóttir og Högni Jensson hlutu
viðurkenningu fyrir gamalt hús,
Hjarðarholt, sem stendur við Tún-
götu 19, en því og lóðinni umhverfis
hefur verið haldið vel við.
Oddnýjarbraut 1 hlaut útnefn-
inguna verðlaunagarður Sandgerðis
2002 en hann er í eigu hjónana Birg-
is Kristinssonar og Maríu Björns-
dóttur. Ljóst er að mikil vinna ligg-
ur í garðinum enda er hann
glæsilegur og ekki síður bakgarð-
urinn. Garðinn prýðir fjöldi styttna
og smádýra sem setja sérstakan
svip á umhverfið.
Morgunblaðið/Reynir Sveinsson
María Björnsdóttir og Birgir Kristinsson í verðlaunagarðinum.
Fallegasti garðurinn
við Oddnýjarbraut 1
Sandgerði
FJÖLMENNT var á hverfahátíð
sem haldin var fyrir nokkru á sól-
björtu síðsumarkvöldi á Fljótsdals-
héraði.
Þá hittust íbúarnir, snæddu sam-
an grillbras og fylktu undir fánum
liði á Vilhjálmsvöll, þar sem keppt
var í ýmsum þrautum.
Egilsstaðabæ og dreifbýli Fljóts-
dalshéraðs var skipt upp í hverfi.
Skipaðir voru höfðingjar í hverju
þeirra og voru þeir ábyrgir fyrir að
velja grillstaði, sjá um framkvæmd
samneytisins og skipuleggja skrúð-
göngur á Vilhjálmsvöll, auk þess að
sjá um að sérstakir fánar væru búnir
til fyrir hverfin. Sigurvegarar
hverfaleikanna hlutu veglegan far-
andbikar að launum og voru hylltir
af fleiri hundruð manns sem
skemmtu sér konunglega fram í
myrkur. Hverfahátíð er nýbreytni í
Ormsteiti 2002, en sú hátíð var nú
haldin tíunda árið um allt Fljótsdals-
hérað.
Íbúarnir
sprella á
hverfahátíð
Morgunblaðið/Steinunn Ármannsdóttir
Egilsstaðir
VEL miðar með allar þær breytingar sem hafa verið
gerðar á höfninni á Arnarstapa í sumar. Búið er að end-
urhlaða og lengja varnargarðinn sem mun nú veita skjól
gegn suð-austanáttinni.
Höfnin sjálf hefur verið dýpkuð til að auðvelda innsigl-
ingu í hana og nú er verið að vinna að því að breyta ak-
veginum niður að henni. Hann var á sínum tíma hogginn
úr berginu með handafli og stærsta grjótið sprengt sund-
ur með dínamíti. Nú eru það nútíma vinnuvélar sem
vinna þetta verk á auðveldan hátt. Vinnan við varnar-
garðinn og breytingar á akveginum eru í höndum verk-
takafyrirtækisins Stafnafells.
Morgunblaðið/Guðrún Bergmann
Vel hefur miðað á Stapanum
Hellnar
ÞRÁTT fyrir að fyrsta haustlægðin
sé komin og farin og fleiri eigi eflaust
eftir að sigla í kjölfarið, halda erlendir
skútusiglarar áfram ferðum sínum
hér við land. Einn slíkur kom til
Húsavíkur á dög-
unum og þar var á
ferð gamalreynd-
ur enskur sigl-
ingakappi, Will-
iam W. Kerr að
nafni.
William er ekki
með öllu ókunn-
ugur siglingum
við Ísland því
hann hefur siglt
hingað nokkrum
sinnum áður. Þá hefur hann einnig
siglt með Íslendingum og spurðist
fyrir um það við komuna hvort maður
að nafni Börkur Arnviðarson byggi á
Húsavík. Kom þá upp úr krafsinu að
Börkur hafði siglt með karli fyrir um
tuttugu árum eða svo. Því miður hef-
ur téður Börkur ekki búið á Húsavík
um árabil þannig að ekki varð af end-
urfundum þeirra að þessu sinni.
William hélt frá Skotlandi á skútu
sinni Assent í júní og sagðist hafa sagt
konu sinni að hann kæmi heim fyrir
septemberlok. Hann er búsettur í
Wellington í Somerset á Suður-Eng-
landi og áætlar að halda áfram heim á
leið þegar veður leyfir.
Enskur
skútukarl í
heimsókn
Húsavík
William W.
Kerr
BETUR fór en á horfðist er eldur
kom upp í Sandvíkingi ÁR 14 við
bryggju í Þorlákshöfn í fyrrinótt.
Einn skipverja, Mykhaylo Buzuk-
in, svaf um borð og vaknaði hann
við brunalyktina og gat gert við-
vart um brunann.
Mykhaylo, sem er frá Úkraínu
sagðist sofa mjög laust og hann
hefði vaknað við mjög súra og
vonda lykt, enginn tími hefði verið
til að taka neitt með sér, bara
forða sér og kalla eftir hjálp. Sig-
urður Gunnarsson, skipstjóri sagði
að best þætti sér að ekki hefði orð-
ið manntjón, tjónið virðist í fljótu
bragði minna en ætla hefði mátt í
upphafi. Sigurður sagði ennfremur
að mikill hiti hefði verið afturí og
stýrisvélin sem þar er hefði verið
farin að bólgna út og leka olíu svo
ekki hefði mátt tæpara standa.
Kviknaði í frystiskáp
Eldurinn kom upp í frystiskáp
sem er í geymslu aftast í skipinu
en þaðan hefði hann komist inn í
matvælageymslu en ekki náð að
breiðast út. Slökkvilið Þorláks-
hafnar sem kallað var út laust fyr-
ir klukkan þrjú, náði fljótlega að
slökkva eldinn. Sigurður skipstjóri
sagðist reikna með að viðgerð gæti
tekið 2 til 3 mánuði og mesta tjón-
ið væri ef til vill vegna rekstr-
arstöðvunar. „Við erum nýlega
hættir á lúðuveiðum og vorum til-
búnir að fara á net,“ sagði Sig-
urður.
Þórður Jónsson ehf. frá Bíldudal
á og gerir Sandvíking út.
Morgunblaðið/Jón H. Sigurmundsson
Sigurður Gunnarsson, skipstjóri
á Sandvíkingi ÁR 14, virðir fyrir
sér skemmdirnar sem urðu í
brunanum síðastliðna nótt.
Skipverji vakn-
aði við brunalykt
Þorlákshöfn