Morgunblaðið - 13.10.2002, Síða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 13. OKTÓBER 2002 VERÐ Í LAUSASÖLU 190 KR. MEÐ VSK.
RÍKISSTJÓRNIN hefur nú til um-
fjöllunar frumvarp um endurvinnslu
úrgangsefna sem Siv Friðleifsdóttir
umhverfisráðherra mun væntanlega
leggja fram á Alþingi á næstu dög-
um. Frumvarpið hefur að markmiði
að auka söfnun og endurvinnslu á
ýmsum tegundum úrgangs og er lagt
til að tekið verði upp sérstakt gjald
sem lagt verði á hinar ýmsu vörur
við markaðssetningu þeirra, sem
standi undir kostnaði við endur-
vinnslu og förgun úrgangsins.
Um er að ræða heildarlöggjöf um
endurvinnslu sem nær m.a. yfir
spilliefni, einnota umbúðir, farar-
tæki, hjólbarða, landbúnaðarplast og
ákveðnar umbúðategundir.
Ber að auka endurvinnslu úr-
gangsefna skv. EES-reglum
Leggur umhverfisráðherra
áherslu á að frumvarpið verði af-
greitt fyrir áramót þannig að lögin
taki gildi um áramótin.
,,Okkur ber eins og öðrum ríkjum
á Evrópska efnahagssvæðinu að
auka endurvinnslu á tilteknum úr-
gangi á næstu árum. Þetta er hægt
vaxandi markmið og núna erum við
að undirbúa frumvarp sem gengur
út á að gera okkur kleift að ná þess-
um markmiðum. Það verður notuð
svipuð nálgun og gert hefur verið
varðandi spilliefni. Lagt verður sér-
stakt gjald á þá úrgangsflokka sem
um er að ræða við markaðssetningu
viðkomandi vöru hér á landi og síðan
verður það fjármagn notað til þess
að kosta endurvinnsluna og með-
höndlun úrgangsins í lokin,“ segir
Magnús Jóhannesson, ráðuneytis-
stjóri í umhverfisráðuneytinu.
Í frumvarpinu er gerð tillaga um
upphæð gjaldsins en að sögn Magn-
úsar er það misjafnt eftir tegundum
úrgangsefna. ,,Atvinnulífið hefur
lagt mjög mikla áherslu á að þetta sé
gegnsætt, þannig að það sé raun-
verulega verið að taka þau gjöld af
viðkomandi vöru sem fara til að
greiða nákvæmlega fyrir þann úr-
gang,“ segir hann.
Magnús bendir á að þó að þessi
gjöld verði tekin upp séu þau ekki í
öllum tilvikum hreinn viðbótarkostn-
aður vegna þess að fyrirtæki verji nú
þegar fjármunum vegna endur-
vinnslu og förgunar sem þau greiða
við afhendingu úrgangsins.
Magnús segir að ekki sé gert ráð
fyrir að gjaldtakan komi til með að
hafa mikil áhrif á útgjöld almennings
og eigi ekki að hafa nein umtalsverð
áhrif á neysluverðsvísitöluna.
Óheimilt verður innan tíðar
að urða hjólbarða og plastefni
Sementsverksmiðjan á Akranesi
hefur með höndum eyðingu ýmissa
úrgangsefna á borð við úrgangsolíu
en Gunnar Örn Gunnarsson, stjórn-
arformaður Sementsverksmiðjunn-
ar, bendir á að innan tíðar gangi hér í
gildi Evrópureglur sem banni urðun
úrgangsefna á borð við hjólbarða og
plastefni. Þá þurfi að finna leiðir til
að farga þessum efnum með öðrum
hætti ,,Sementsverksmiðjan er upp-
lagt fyrirtæki til förgunar á slíkum
efnum,“ segir hann en bendir á að til
að svo megi verða þyrfti að fjárfesta í
búnaði.
,,Það leggjast til mörg þúsund
tonn af þessum úrgangsefnum og
menn geta ímyndað sér hvað það
myndi kosta að koma þeim um borð í
skip og sigla með þau til annarra
landa og kaupa þjónustu til að eyða
þeim. Það hefur verið lauslega reikn-
að að það myndi kosta íslenska sam-
félagið mörg hundruð milljónir
króna,“ segir hann.
Umhverfisgjald lagt á við
markaðssetningu vöru
Frumvarp umhverfisráðherra um endurvinnslu úrgangsefna rætt í ríkisstjórn
HRESSANDI gönguferðir eru
hverjum manni gagnlegar þegar
þeim verður við komið. Ekki er
verra að vera í góðum félagsskap
eins og þessar útivistardömur í
Kópavogi til að geta rætt landsins
gagn og nauðsynjar.
Morgunblaðið/Golli
Gönguferð
í haustgjólu
„HÚN kom mér mjög á óvart. Kát
og hress stelpa en í vinnu mjög ag-
aður fagmaður,“ segir Hilmir Snær
Guðnason leikari um hina heims-
frægu þýsku kvikmyndastjörnu
Frönku Potente, en hann hefur ný-
lokið við að leika aðalhlutverk í
þýskri bíómynd á móti henni.
Franka Potente er nú ein helsta leik-
kona Evrópu og öðlaðist frægð fyrir
titilhlutverkið í Hlauptu Lola,
hlauptu, en hefur síðan m.a. leikið í
myndum eins og Blow, Storytelling
og The Bourne Identity. Nýja mynd-
in heitir Blueprint og er dramatísk
og siðferðisleg saga um fyrstu klón-
uðu manneskjuna í heiminum. Að
sögn Hilmis Snæs hafa honum borist
þrjú ný tilboð um leik í þýskum kvik-
myndum í framhaldi af Blueprint.
Hilmir Snær í þýskri bíó-
mynd með Frönku Potente
 Leikur ástmann/B1
Hilmir Snær Guðnason og þýska leikkonan Franka Potente leika saman
í nýrri, þýskri bíómynd. Efni hennar er um fyrsta klónaða manninn.
HEILBRIGÐISKERFIÐ þenst sí-
fellt út, rekstur þess kostar sífellt
meira fé og Íslendingar leita æ
oftar til lækna. En samt líður okk-
ur ekkert betur. Við tökum einnig
inn æ meira af alls kyns lyfjum en
þrátt fyrir það hafa fjarvistir frá
vinnu vegna veikinda aukist. Þessi
þversögn er orðin áberandi þannig
að menn eru af alvöru farnir að
ræða um sjúkdómsvæðingu heil-
brigðiskerfisins.
Þetta kemur m.a. fram í samtali
Jóhanns Ágústs Sigurðssonar,
prófessors í heimilislækningum,
við Morgunblaðið. Hann talar þar
um að menn séu beinlínis að búa
til sjúklinga og selja mönnum
sjúkdóma.
Jóhann bendir á að aðferðin við
að búa til sjúklinga og selja sjúk-
dóma sé alltaf hin sama; upplýs-
ingum um ástand eða sjúkdóm,
sem áður hafi verið ómeðhöndl-
aður eða lítill gaumur gefinn, sé
komið til fjölmiðla. Lögð sé
áhersla á hversu sjúkdómurinn sé
útbreiddur með það að markmiði
að skapa ótta hjá almenningi og
þannig reynt að búa til þörf sem
ekki var fyrir hendi áður. Ljóst sé
að einhverjir sjái sér hag í því
koma slíkum upplýsingum á fram-
færi því frumkvæðið sé ekki fjöl-
miðlanna.
Segir sjúk-
linga vera
búna til
 Sjúkdómsvæðing/20
BÍL VAR ekið fram af bílageymslu-
húsi í Jötunsölum í Kópavogi í fyrra-
kvöld. Bíllinn lenti á hvolfi en bíl-
stjórinn náði að komast sjálfur út úr
honum og gerði vart við sig. Hann
var fluttur á slysadeild með sjúkra-
bíl. Bíllinn er mikið skemmdur.
Að sögn lögreglunnar í Kópavogi
féll bíllinn um þrjá metra. Hafði hon-
um verið lagt á bílastæði sem er ofan
á bílageymsluhúsi. Húsnæðið er nýtt
og ekki er búið að ganga frá kanti
sem á að koma í veg fyrir að hægt sé
að aka fram af bílageymslunni. Málið
er í rannsókn lögreglu.
Ók bíl fram af
bílageymslu
♦ ♦ ♦