Morgunblaðið - 08.11.2002, Qupperneq 26

SUÐURNES
26 FÖSTUDAGUR 8. NÓVEMBER 2002 MORGUNBLAÐIÐ
„Í BÆNUM okkar er best að vera“
er heiti nýrrar revíu sem Leikfélag
Keflavíkur hefur æft undanfarnar
vikur og frumsýnir í Frumleikhúsinu
í kvöld. Fjallað er á gamansaman
hátt um mannlífið í Reykjanesbæ.
Revían er eftir Ómar Jóhannsson
sem áður hefur skrifað þrjár revíur
fyrir leikfélagið, síðast „Saman
stöndum við! (Sundraðir ...)“
„Keflavíkurrevíur Ómars hafa
alltaf verið vinsælar og nú eru nokk-
ur ár síðan sú síðasta var sýnd. Við
fengum hann því til að skrifa nýja
revíu fyrir okkur enda nóg verið að
gerast í bæjarlífinu,“ segir Jón Mar-
inó Sigurðsson, formaður Leikfélags
Keflavíkur.
„Ótrúlega gaman“
Eins og nærri má geta fjallar
verkið á gamansaman hátt um
mannlífið í Reykjanesbæ og ná-
grenni og málefnin tekin fyrir í leik
og söng. „Ég fékk það skemmtilega
hlutverk að leika okkar ágæta bæj-
arstjóra og er stoltur af því,“ sagði
Jón Marinó þegar hann var spurður
að því hver léki Árna Sigfússon sem
hlýtur að koma nokkuð við sögu í
revíu sem sýnd er í lok kosningaárs,
þar sem hann kom eins og storm-
sveipur inn í bæjarfélagið.
Leikstjóri er Helga Braga Jóns-
dóttir gamanleikari og Baldur Þórir
Guðmundsson er tónlistarstjóri. Alls
taka um 40 manns þátt í sýningunni.
Helga Braga segir að allt hafi fyllst
af ungu fólki í haust, þegar auglýst
var eftir áhugasömu fólki. Hópurinn
sem standi að sýningunni sé þó
blanda af ungu fólki og reyndara og
margir stórefnilegir leikarar. Hún
segir að aðstaðan í Frumleikhúsinu
sé einnig til fyrirmyndar.
„Þetta hefur verið ótrúlega gam-
an. Ég er alin upp í svona leikhúsi,
Skagaleikflokknum, þar sem
mamma var formaður og þekki
stemmninguna vel,“ segir hún.
Jón Marinó segir að mikil aðsókn
unglinga í leikstarfið hafi komið á
óvart. Leikfélagið miði við að taka
ekki yngri krakka en tíundubekk-
inga og hafi því ekki allir komist að.
„Maður sér það núna að unga fólkið
er það eina sem hefur nógan tíma.
Það var skrifaður sérstakur þáttur
inn í revíuna sem sýnir hvað lítið er
um að vera fyrir unga fólkið hér í
bæjarfélaginu,“ segir hann og bætir
því við að leikfélagið stefni að því að
gera eitthvað sérstaklega fyrir ungt
fólk eftir áramót.
Jón Marinó er ánægður með sýn-
inguna og fullyrðir að fólk muni
skemmta sér vel. Frumsýningin
verður í kvöld kl. 20 í Frumleikhús-
inu á Vesturbraut 17 í Keflavík og
næsta sýning verður á sunnudag og
síðan fleiri eftir aðsókn og aðstæð-
um.
Ný revía frumsýnd í Frumleikhúsinu í kvöld
Formaðurinn leikur
nýja bæjarstjórann
Morgunblaðið/Svanhildur Eiríksdóttir
Fékk bærinn brókarsótt á Ljósanótt? stendur einhvers staðar í söngtextanum sem hér er verið að æfa.
Keflavík
„ÞAÐ hefur myndast einhverskonar
ástarsamband milli mín og Reykja-
nesbæjar,“ segir Helga Braga Jóns-
dóttir, leikstjóri
nýjustu Keflavík-
urrevíunnar.
„Það eru ör-
lög,“ segir Helga
Braga spurð um
tildrög þess að
hún bætti leik-
stjórninni í Kefla-
vík inn í þéttskip-
aða dagskrá sína.
Hún var að leika í
kvikmyndinni Dauði kötturinn sem
tekin var upp í gamla bænum í
Keflavík í sumar. Við myndina vann
fólk úr Leikfélaginu. Helga Braga
segist hafa verið að gantast með það
að gaman væri að leikstýra í þessu
fína leikhúsi og verið tekin á orðinu.
Annars segir hún að myndast hafi
einhverskonar ástarsamband milli
sín og Reykjanesbæjar. „Nær ekki
Reykjanesbær yfir alla bæina,
Grindavík líka?“ spyr Helga en er
fljót að komast á réttan kúrs þegar
blaðamaður fellur í pyttinn og fer
að leiðrétta. „Ég hef verið fengin til
að skemmta aftur og aftur um öll
Suðurnesin, meira að segja oftar en
einu sinni í sömu félögunum.“
Í ástarsamband
við Reykjanesbæ
Helga Braga
Jónsdóttir
VERIÐ er að athuga hagkvæmni
þess að breyta félagsheimilinu Festi
í Grindavík í gistiheimili.
Fyrirtækið Ráðgjöf-verktaka
(RV) á Keflavíkurflugvelli, sem með-
al annars rekur leikskólann við Krók
í Grindavík, hefur verið í viðræðum
við bæjaryfirvöld um möguleikana á
því að breyta Festi í gistiheimili.
Fyrirtækið er í samstarfi við Ís-
lenska aðalverktaka um verkefnið.
Pétur Guðmundsson rekstrarstjóri
segir að nú sé unnið að gerð við-
skiptaáætlunar um gistiheimilið.
Þeirri vinnu ljúki í febrúar eða mars
og þá verði ákveðið með framhaldið.
Pétur segir að nýta megi félags-
heimilið betur en nú er gert og að
bæjaryfirvöld hafi tekið vel í hug-
myndir RV. Þá sé ljóst að fleiri gisti-
möguleika vanti í bæinn. Hann segir
miðað við að áfram verði salur til
samkomuhalds í Festi.
Hugmyndir
um gisti-
heimili í Festi
Grindavík
KIWANISKLÚBBURINN Hof í
Garði á 30 ára starfsafmæli um þess-
ar mundir. Í tilefni þess verður hald-
inn hátíðarfundur sunnudaginn 10.
nóvember næstkomandi klukkan 16 í
Kiwanishúsinu, Heiðartúni 4.
Að undanförnu hafa staðið yfir
lagfæringar á húsnæðinu. Opið hús
verður á sunnudaginn frá klukkan 17
til 19 og hvetja Hofsfélagar Garð-
menn til að líta inn, skoða húsnæðið,
spjalla við félagsmenn og fá sér
kaffisopa.
Kiwanis-
klúbburinn
Hof þrítugur
Garður
MYND nóvembermánaðar hefur
verið sett upp í Kjarna, Hafn-
argötu 57 í Keflavík. Myndin er
eftir Soffíu Þorkelsdóttur, mynd-
listarmann mánaðarins í Reykja-
nesbæ.
Menningarfulltrúi Reykjanes-
bæjar stendur fyrir því framtaki
að kynna myndlistarmenn bæj-
arins með því að hafa myndir eftir
þá til sýnis í Kjarna.
Soffía Þorkelsdóttir er fædd 4.
apríl 1915 að Álftá í Mýrarsýslu
en flutti til Keflavíkur árið 1943
og hefur búið þar allar götur síð-
an. Soffía hefur sótt myndlist-
arnámskeið á vegum Baðstof-
unnar frá árinu 1974 og helsti
leiðbeinandi hennar hefur verið
Eiríkur Smith listmálari.
Soffía hefur haldið nokkrar
einkasýningar, síðast í Galleríi
Hringlist árið 2000, og einnig tek-
ið þátt í mörgum samsýningum,
síðast á Ljósanótt í september sl.
ásamt öðrum gömlum nemendum
Eiríks Smith. Þess má einnig geta
að Soffía hefur rekið hann-
yrðaverslun í Reykjanesbæ í 50 ár.
Ný mynd
mánaðarins
komin upp
Reykjanesbær
BÆJARSTJÓRN Reykjanesbæjar
hefur samþykkt að ganga til samn-
inga við eigendur Hafnargötu 88 í
Keflavík um leigu á húsnæðinu undir
væntanlega menningarmiðstöð ungs
fólks í Reykjanesbæ. Stefnt er að
opnun miðstöðvarinnar sem gengur
undir vinnuheitinu „88“, næsta haust.
Tómstunda- og íþróttaráð Reykja-
nesbæjar hefur í nokkur ár haft
áhuga á að koma upp upplýsinga- og
menningarmiðstöð ungs fólks. Stefán
Bjarkason, íþrótta- og tómstunda-
fulltrúi, segir að nú sé draumastað-
urinn fundinn. Húsið sé á góðum stað
í bænum og um 800 fermetrar að
stærð. Þar er Vélsmiðjan Óðinn til
húsa, auk verslunar. Það gefi mikla
möguleika til nýtingar.
Ýmsar hugmyndir um nýtingu
Í tillögu Sjálfstæðisflokksins sem
samþykkt var samhljóða í bæjar-
stjórn er gert ráð fyrir að íþrótta- og
tómstundaskrifstofu og tómstunda-
og íþróttaráði verði falið að útfæra til-
lögur um nákvæma nýtingu á hús-
næðinu. Stefán segir gert ráð fyrir að
koma þar fyrir upplýsinga- og menn-
ingarmiðstöð ungs fólks, 16 ára og
eldri. Þeir nemendur sem ekki fara í
framhaldsskóla eða flosni þar upp úr
námi missi oft tengsl við jafnaldra
sína sem halda áfram í skólanum. Slík
miðstöð gæti orðið vettvangur til að
ungmennin gætu myndað tengsl á
nýjan leik. Hann segir ýmsar hug-
myndir uppi um starfsemi í upplýs-
ingamiðstöðinni en hana verði að þróa
með notendum hennar og í ljósi
reynslu annarra staða. Nefnir Stefán
þó að áhugavert væri að koma á sam-
starfi við fyrirtæki sem þjónuðu ungu
fólki, til dæmis tölvuleikjafyrirtæki,
um að koma upp slíkri aðstöðu í hús-
inu og hefði það þegar verið rætt.
Fjölmargar hugmyndir hafa komið
fram um aðra starfsemi í miðstöðinni.
Gert er ráð fyrir að félagsmiðstöðin
Fjörheimar flytji þangað úr kjallar-
anum á Stapa, þar verði aðstaða
Vinnuskóla Reykjanesbæjar, bæki-
stöð Útideildar, æfingaaðstaða fyrir
unglingahljómsveitir og aðalbækistöð
Tómstundabandalags Reykjanesbæj-
ar, svo nokkuð sé nefnt.
Hús leigt undir menn-
ingarmiðstöð ungs fólks
Reykjanesbær
Ljósmynd/Hilmar Bragi
♦ ♦ ♦
www.forval.is
finndu þann
sem að
þér þykir bestur..
..Diesel ilmirnir
eru hver öðrum
F R A G R A N S E S
vinsælli
spennandi
öðruvísi