Morgunblaðið - 01.12.2002, Síða 40

MINNINGAR
40 SUNNUDAGUR 1. DESEMBER 2002 MORGUNBLAÐIÐ
Innilegar þakkir fyrir auðsýnda samúð og hlý-
hug við andlát og útför eiginmanns míns, föður
okkar, tengdaföður, afa og langafa,
HÉÐINS OLGEIRS JÓNSSONAR
málarameistara,
Barðastöðum 9,
Reykjavík.
Kristjana Lilja Kristinsdóttir,
Kristinn G. Guðmundsson, Ingveldur Einarsdóttir,
Salvör Kristín Héðinsdóttir, Ingþór Pétur Þorvaldsson,
Lilja Jónína Héðinsdóttir,
Sigrún Eir Héðinsdóttir, Karl-Johan Brune,
barnabörn og barnabarnabörn.
Útför systur okkar og frænku,
JÓHÖNNU ERASMUSDÓTTUR
frá Háu-Kotey í Meðallandi,
sem lést á hjúkrunarheimilinu Skógarbæ að
morgni þriðjudagsins 26. nóvember, fer fram
frá Fossvogskirkju þriðjudaginn 3. desember
nk. kl.13.30.
Sveinbjörg Erasmusdóttir,
Guðríður Erasmusdóttir,
Helga Erasmusdóttir,
Lilja Benediktsdóttir,
Páll Jóhannesson.
Mín ástkæra eiginkona, móðir, tengdamóðir og
amma,
SIGRÍÐUR ERLA SIGURBJÖRNSDÓTTIR,
sem lést sunnudaginn 24. nóvember, verður
jarðsungin frá Hallgrímskirkju þriðjudaginn
3. desember kl. 13.30.
Fyrir hönd aðstandenda,
Vilhjálmur Auðun Þórðarson,
Margrét Vilhjálmsdóttir, Egill Heiðar Anton Pálsson,
Ólafur Þór Vilhjálmsson, Hrefna Bachmann,
Auðný Vilhjálmsdóttir, Guðjón Þór Mathiesen
og barnabörn.
Innilegar þakkir til þeirra sem sýndu okkur hlý-
hug og vináttu vegna andláts og útfarar eigin-
manns míns, föður okkar, tengdaföður, afa og
langafa,
GUÐJÓNS HELGASONAR
frá Hlíðarenda,
fyrrum bónda á Rauðaskriðum,
Fljótshlíð.
Þóra Ágústsdóttir,
Hjörtur Guðjónsson, Sólveig Stolzenwald,
Örn Helgi Guðjónsson,
Björn Guðjónsson, Vigdís Þorsteinsdóttir,
Sigurveig Guðjónsdóttir, Sigfús Traustason,
Pálmi Guðjónsson,
Ágústa Guðjónsdóttir, Guðjón Guðmundsson,
Bergþór Guðjónsson, Olga E. Guðmundsdóttir,
Ísleifur Helgi Guðjónsson,
Þorsteinn Guðjónsson, Ingveldur G. Sveinsdóttir
Sigurgeir Guðjónsson, Ingibjörg R. Grétarsdóttir,
barnabörn og barnabarnabörn.
Hjartans þakkir sendum við öllum þeim sem
sýndu okkur hlýju og samúð við andlát og útför
elskulegs eiginmanns míns, föður okkar, sonar
og afa,
JÓNS ÆGIS JÓNSSONAR,
Reykjamel 1,
Mosfellsbæ.
Sérstakar kveðjur og þakkir eru til starfsfólks á
líknardeild Landspítalans í Kópavogi.
Fyrir hönd aðstandenda,
Dís Níelsdóttir.
Innilegar þakkir til allra sem sýndu okkur
samúð og hlýhug við andlát og útför
ÓSKARS GUÐMUNDSSONAR,
Nesvegi 70,
Reykjavík.
Sérstakar þakkir til Friðbjörns Sigurðssonar
læknis og starfsfólks á deildum 11F og 11E,
Landspítala við Hringbraut og starfsfólks
Heimahlynningar Krabbameinsfélagsins.
Erla Friðriksdóttir og fjölskylda.
Bestu þakkir fyrir auðsýnda samúð við andlát
og útför
TORFA NIKULÁSSONAR,
Túngötu 38,
Eyrarbakka.
Þorkell Nikulásson, Hólmfríður Kristjánsdóttir,
Matthildur Nikulásdóttir,
Jónatan Jónsson, Sigrún Ingjaldsdóttir
og fjölskyldur.
✝ Eiríkur ÁgústSæland fæddist í
Hafnarfirði 28. apríl
1922. Hann lést á
Heilbrigðisstofnun
Suðurlands 22. nóv-
ember síðastliðinn.
Foreldrar hans voru
hjónin Stígur Sveins-
on Sæland, lögreglu-
þjónn í Hafnarfirði,
f. 30.11. 1880, d. 21.4.
1974, og Sigríður Ei-
ríksdóttir Sæland,
ljósmóðir í Hafnar-
firði, f. 12.8. 1889, d.
8.10. 1970. Systkini
Eiríks eru: 1) Auður Helga, fyrrv.
kaupmaður í Tjæreborg í Dan-
mörku, f. 13.6. 1917, gift Harry
August Herlufsen, rakarameistara
og hljómlistarmanni, og eiga þau
sjö börn; 2) Sólveig Guðfinna, hús-
móðir í Hafnarfirði, f. 26.8. 1928,
gift Einari Ingvarssyni, fyrrv.
starfsmanni hjá Álverinu í
Straumsvík, og eiga þau sjö börn;
3) Ragnheiður Pétursdóttir á
Sléttu í Eyjafjarðarsveit, f. 21.12.
1921, gift Hreiðari Eiríkssyni
garðyrkjubónda, d. 24.11. 1995,
þau eiga sex börn.
Hinn 12.8. 1944 kvæntist Eiríkur
eftirlifandi eiginkonu sinni, Huldu
Gústavsdóttur Sæland húsfreyju, f.
24.12. 1926. Foreldrar hennar voru
Gústav Sigurbjarnason, birgða-
vörður og símamaður í Reykjavík,
f. 28.7. 1901, d. 25.10. 1971, og
um, stundaði vélstjóranám hjá
Fiskifélaginu og öðlaðist vélstjóra-
réttindi 1940, stundaði nám við
Garðyrkjuskóla ríkisins á Reykjum
í Ölfusi og lauk þaðan prófum
1943. Eiríkur var vélstjóri á Bolla
frá Akranesi 1941, Guðbjörgu frá
Hafnarfirði 1943–1944 og á Hval-
fjarðarsíldinni 1947–1948.
Eiríkur var garðyrkjumaður hjá
Sveini Björnssyni ríkisstjóra á
Bessastöðum um tíma og kynntist
þar eftirlifandi eiginkonu sinni,
Huldu, sem þar var starfsstúlka. Á
árunum 1945–1946 ráku þau garð-
yrkjustöðina á Nesjavöllum í
Grafningi. 1. maí 1948 flytjast þau í
Biskupstungur, kaupa spildu úr
jörðinni Stóra-Fljóti og reisa þar
garðyrkjubýli, sem þau nefndu
Sjónarhól en nafninu var seinna
breytt í Espiflöt. Þar bjuggu þau
og störfuðu að garðyrkju til ársins
1998, þegar þau fluttu á Selfoss.
Eiríkur var alla tíð virkur í fé-
lagsmálum. Hann var formaður
Ungmennafélags Biskupstungna
1959–1962 og bókasafnsvörður fé-
lagsins í fjölda ára. Hann var heið-
ursfélagi í Umf. Bisk. Eiríkur sat í
stjórn Garðyrkjubændafélags upp-
sveita Árnessýslu 1962–1972, þar
af formaður í fimm ár. Hann var
formaður Sambands garðyrkju-
bænda 1967–1969. Einnig sat hann
í stjórn Sölufélags garðyrkju-
manna um skeið. Um skeið var
hann umboðsmaður Happdrætta
DAS og SÍBS, en lengst af hafði
hann Happdrætti Háskóla Íslands
með höndum, alls um 25 ár.
Útför Eiríks verður gerð frá Sel-
fosskirkju á morgun, mánudaginn
2. desember, og hefst athöfnin
klukkan 13.30.
Klara Ólafía Bene-
diktsdóttir, verkakona
í Reykjavík, f. 31.7.
1905, d. 25.6. 1934.
Börn Eiríks og Huldu
eru: 1) Sigríður Sæ-
land, íþróttakennari á
Selfossi, f. 27.5. 1944,
gift Árna Erlingssyni
byggingameistara og
kennara á Selfossi,
þau eiga tvær dætur;
2) Gústaf Sæland,
garðyrkjubóndi á Sól-
veigarstöðum í Bisk-
upstungum, f. 7.12.
1945, kvæntur Elínu
Ástu Skúladóttur garðyrkjubónda,
þau eiga fjögur börn; 3) Stígur Sæ-
land, garðyrkjubóndi á garðyrkju-
stöðinni Stóra-Fljóti í Biskups-
tungum, f. 19.8. 1949, hann á þrjá
syni, sambýliskona hans er Kristín
J. Arndal; 4) Klara Sæland, hús-
móðir í Þjóðólfshaga í Rangár-
þingi ytra, f. 3.4. 1951, gift Haraldi
B. Arngrímssyni trésmið og fanga-
verði, þau eiga tvo syni; 5) Sveinn
Auðunn Sæland, garðyrkjubóndi á
Espiflöt í Biskupstungum, f. 29.10.
1954, kvæntur Áslaugu Svein-
bjarnardóttur garðyrkjubónda og
eiga þau þrjú börn; 6) Eiríkur Óm-
ar Sæland, blómakaupmaður í
Vestmannaeyjum, f. 11.11. 1958,
hann á tvö börn.
Eiríkur fæddist í Hafnarfirði og
ólst þar upp. Hann lauk gagn-
fræðaprófi frá Flensborgarskólan-
Elsku pabbi. Nú ert þú farinn frá
okkur yfir móðuna miklu. Þegar ég
lit til baka er margt sem kemur upp
í hugann.
Ég minnist þess er ég var 13 ára
og þú varst að endurnýja gróðurhús
heima á Espiflöt, ég var að snúast í
kringum þig og reyna að hjálpa til
eftir mætti. Þetta var að vetri til og
eldri systkinin að heiman í skóla. Þú
leiðbeindir mér og sagðir mér til.
Svo liðu árin. Við vorum 6 systk-
inin og það þurfti að stækka búgarð-
inn. Upp úr 1970 var eitt gróðurhús-
ið byggt af öðru og alltaf var verið
að. Þú varst svo áhugasamur og
krafturinn svo mikill að oft hélt
maður að þú værir kominn fram úr
sjálfum þér.
Um svipað leyti fór tæknin að
halda innreið sína í íslensk gróður-
hús, sjálfvirkir gluggar og hitastýr-
ing. Ætíð varst þú fyrstur garð-
yrkjumanna að prófa nýja tækni og
notfæra þér nýjungar. Þú varst
brautryðjandi í lýsingu gróðurhúsa
og byrjaðir fyrstur allra garðyrkju-
manna á Íslandi að rækta við lýs-
ingu og gjörlýstir gróðurhúsin. Þú
varst fyrstur í stéttinni að rækta
jólastjörnur. Þú varst hugmynda-
ríkur og óhræddur að taka áhættur.
Fyrsta árið varstu með 160 jóla-
stjörnur og jókst ræktunina milli
ára. Nú í dag eru ræktaðar 60.000
jólastjörnur hér á landi. Einnig
byrjaðir þú að rækta brúðarslör og
ég gæti nefnt miklu fleira. Þú varst
framsýnn og sífrjór í hugsun.
Þú gerðir Espiflötina að stóru og
myndarlegu garðyrkjubýli, svo
myndarlegu að þú og mamma feng-
uð viðurkenningar fyrir garðyrkju-
stöðina ykkar og skrúðgarðinn. Á
Espiflöt störfuðuð þú og mamma í
50 ár.
Ákveðið var að gera Espiflötina
að félagsbúi 1975, tókst þú Svein
bróður minn og mig inn sem sam-
eigendur. Hélst það fyrirkomulag
þar til um áramót 87/88. Þá var fé-
lagsbúinu skipt og ég fékk minn
hluta úr því en þú og Sveinn voruð
áfram með búið á Espiflöt þar til þú
og mamma fluttuð á Selfoss 1998.
Ég var svo lánsamur að ég gat
fylgt þér í starfi frá því að ég var
unglingur og fram að 38 ára aldri.
Það var góður skóli. Þú mótaðir
framtíð mína sem garðyrkjumanns.
Elsku pabbi minn, takk fyrir allt
sem þú gafst mér í veganesti. Ég
mun varðveita dýrmætar minningar
um þig í mínu hjarta. Guð geymi
þig.
Þinn sonur
Stígur.
Elsku afi, það er mér þungt í
hjarta að þú sért farinn. En mig
langar að minnast þín með fáeinum
orðum.
Afi var hæglátur og góður maður,
hann var líka mjög ættrækinn og
var hann stoltur af ætt sinni. Það
var alltaf mikið áhugamál hjá hon-
um að vita hvað hver og einn afkom-
andi hans væri að læra. Afi var mjög
fróður maður og hafði hann gaman
af því að fræða okkur systkinin um
heima og geima.
Þegar ég lít til baka koma ótal
margar góðar minniningar upp í
kollinn. Eins og þegar þú varst að
hjálpa mér við frímerkjasafnið mitt.
Og þegar þú kenndir mér að raka
hey í fyrsta sinn. Þetta voru góðir
tímar, já þú kenndir mér margt nyt-
samlegt. Þú lést heldur ekki neinn
vaða yfir þig og þú vissir alltaf hvað
þú söngst. Alltaf þegar ég reyndi að
rökræða við þig hafðir þú alltaf rétt
fyrir þér. Þú hafðir líka alltaf rétt
fyrir þér þótt þú hefðir rangt fyrir
þér. Svona minningar gleymast
aldrei. Ég er mjög stoltur að hafa
átt þig sem afa og gleymi ég þér
aldrei.
Þinn sonarsonur
Ívar Sæland.
Elskulegur afi okkar er dáinn.
Margar góðar minningar eigum við
um hann, alltaf var jafn gaman að
koma í sveitina til ömmu og afa og
móttökurnar eins og við værum
drottningar – allt gert fyrir okkur
og við máttum gera allt. Háaloftið
sérstaklega spennandi, fullt af
gömlum fötum og dóti, og eftir góð-
an tíma kom afa í stigaopið og
spurði: Eruð þið nokkuð að rusla til
fyrir ömmu ykkar?
Seinna þegar vitið var orðið meira
fengum við vinnu hjá afa í gróður-
húsunum og þá var eins gott að
standa sig, því þar vildi afi ekki hafa
neinn rolugang og lét heyra í sér ef
honum mislíkaði vinnubrögðin en
mikið lærðum við um blómin, græn-
EIRÍKUR ÁGÚST
SÆLAND