Morgunblaðið - 04.12.2002, Blaðsíða 7
FRÉTTIR
MORGUNBLAÐIÐ MIÐVIKUDAGUR 4. DESEMBER 2002 7
FJÓRIR hlutu í gær Múrbrjótinn,
viðurkenningu Landssamtakanna
Þroskahjálpar sem veitt er þeim
sem þykja hafa „skarað fram úr í að
ryðja fötluðum nýjar brautir í jafn-
réttisátt“, að því er segir í tilkynn-
ingu frá samtökunum.
Páll Skúlason, rektor Háskóla
Íslands, afhenti verðlaunin á
alþjóðadegi fatlaðra á Grand hót-
eli.
Þeir sem hlutu Múrbrjótinn í ár
eru:
Svæðisskrifstofa málefna fatl-
aðra á Vesturlandi, vegna þjónustu
við börn með fötlun og fjölskyldur
þeirra, Rannveig Traustadóttir,
dósent við Háskóla Íslands, vegna
uppbyggingar fræðastarfs í þágu
fólks með fötlun, Dóra S. Bjarna-
son, dósent við Kennaraháskóla Ís-
lands, vegna einarðrar baráttu og
rannsókna í þágu fólks með fötlun,
en Dóra á sjálf fatlaðan dreng, og
Jóhann Ágúst Sigurðsson, pró-
fessor við læknadeild Háskóla Ís-
lands, vegna grundvallarspurninga
sinna um siðferði snemmómskoð-
unar.
Verðlaunagripirnir eru allir
búnir til á handverkstæðinu Ás-
garði.
Að sögn Friðriks Sigurðssonar,
framkvæmdastjóra Landssamtak-
anna Þroskahjálpar, eru þeir gerðir
úr tré og draga nafn sitt af múr-
brjótum sem notaðir voru forðum til
að vinna á steini og voru einnig úr
tré.
„Það er verið að veita þessa við-
urkenningu til fólks sem hefur hogg-
ið umtalsverð skörð í ýmsa múra
sem stundum umlykja fólk með fötl-
un, fólks sem hefur brotið niður for-
dóma og jafnvel aðra slíka múra.“
Morgunblaðið/Golli
Frá afhendingu viðurkenninganna, frá vinstri: Páll Skúlason, rektor Háskóla Íslands, Jóhann Ágúst Sigurðsson,
prófessor við HÍ, Dóra S. Bjarnason, dósent við KHÍ, Magnús Þorgrímsson, framkvæmdastjóri Svæðisskrifstofu
málefna fatlaðra á Vesturlandi, og Rannveig Traustadóttir, dósent við HÍ.
Múrbrjótar Þroska-
hjálpar afhentir
GUÐRÚN Sævarsdóttir, móðir
tveggja barna sem eru á leikskólum
Reykjavíkur, segir að óánægja sé
meðal foreldra í Reykjavík með fyr-
irhugaða lokun skólanna í sumar.
Ljóst sé að allnokkur hópur foreldra
eigi þess ekki kost að taka sér sum-
arfrí á þeim tíma sem skólunum er
lokað og fari þess vegna á mis við
það að vera í sumarfríi á sama tíma
og börnin.
Fram hefur komið að leikskólun-
um verði lokað á þeim tíma sem
henti flestum foreldrum. Guðrún
sagði að útilokað væri að koma til
móts við þarfir allra foreldra. „Það
er talað um að það sé gott að for-
eldrar taki börnin í sumarfrí úr leik-
skólunum og njóti samvista með
þeim, en þegar sumarleyfistíminn er
fastsettur á þennan hátt fer ekki hjá
því að margir foreldrar geta ekki
tekið sér frí á sama tíma. Það er ekki
gott fyrir börnin ef maður þarf að
setja þau í pössun, t.d. hjá fjórtán
ára unglingi, í einhverjar vikur.“
Guðrún sagðist því ekki sjá fag-
legar forsendur fyrir þessari breyt-
ingu. Það væri ekki gott fyrir barnið
að lenda á hrakhólum. Hún sagði að
það hefði lengi verið stundað á Ís-
landi að láta stálpuð börn passa
yngri börn, en sagðist telja að við-
horf til þessara mála hefðu verið að
breytast. Það væri staðreynd að
slysatíðni á litlum börnum á Íslandi
væri há og það væri ekki að ástæðu-
lausu að stöðugt væru gerðar meiri
kröfur til menntunar starfsfólks
leikskólanna.
„Fyrir mig er það ekki aðlaðandi
að skilja börnin mín, tveggja ára og
fimm ára, eftir í höndum fjórtán ára
unglings allan daginn, alveg sama
hversu áreiðanlegur og góður sá
unglingur er. Fjórtán ára barn er
bara barn.“
Guðrún sagði slæmt ef Reykjavík-
urborg ætlaði að taka sér til fyrir-
myndar sveitarfélög sem veittu
minnsta þjónustu á þessu sviði. Nær
væri að taka sér til fyrirmyndar þau
sveitarfélög sem veittu bestu þjón-
ustuna. Guðrún tók fram að hún
væri alls ekki á móti því að leikskóla-
börn tækju sér frí á sumrin eins og
verið hefði, en hún sagðist vilja halda
í þann sveigjanleika sem verið hefði í
þjónustunni hjá Reykjavíkurborg.
Gagnrýni á lokanir
hjá leikskólum
Ekki allir
sem geta
nýtt fríið