Morgunblaðið - 04.12.2002, Blaðsíða 15
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 4. DESEMBER 2002 15
Dregið 24. desemberVeittu stuðning - vertu með!
mikilvægt forvarnastarf
Þátttaka í happdrætti
Krabbameinsfélagsins
er stuðningur við
CECIL Clarke, ráðherra at-
vinnuþróunarmála í ríkis-
stjórn Nova Scotia-fylkis í
Kanada, er staddur hér á
landi í boði Valgerðar Sverr-
isdóttur, iðnaðar- og við-
skiptaráðherra. Hann segir
tilgang heimsóknarinnar
vera tvíþættan. „Við endur-
nýjuðum viljayfirlýsingu um
aukin viðskipti milli Íslands
og Nova Scotia. Þá hefur
okkur gefist tækifæri til að
hitta og eiga gagnlegar við-
ræður við Valgerði Sverris-
dóttur, viðskipta- og iðnað-
arráðherra, og Sturlu
Böðvarsson, samgönguráð-
herra,“ segir Clarke.
Vilji til áframhaldandi
viðræðna um fríverslun
Hann segir að rætt hafi
verið um viðræður EFTA-
ríkjanna við Kanada um frí-
verslunarsamning og vilja
Íslendinga til að Kanada
haldi þeim áfram. „Við lögðum
áherslu á vilja okkar til að halda
áfram á þeirri braut. Við hittum full-
trúa Norðmanna í Nova Scotia og
ræddum málin. Málefni skipasmíða-
stöðva eru efst á baugi í fríverslunar-
málefnum EFTA og Kanada um
þessar mundir. Við erum að reyna að
leysa vandamál sem tengjast þeim,“
segir Clarke.
Clarke segir að ráðgert sé að
fulltrúar íslenskra stjórnvalda heim-
sæki Nova Scotia í febrúar næst-
komandi. „Þá vonumst við til þess að
viðskiptaráðherrar hinna EFTA-
ríkjanna, ásamt fulltrúa kanadískra
stjórnvalda, mæti einnig til fundar-
ins.“
Þá segir Clarke að rætt hafi verið
við forsvarsmenn Flugleiða um
möguleikann á aukinni notkun fé-
lagsins á Halifax sem áfangastað.
„Fundur okkar með Flugleiðamönn-
um var mjög gagnlegur. Einn mögu-
leikinn sem var ræddur var að Flug-
leiðir hæfu vöruflutninga í gegnum
Halifax til New York. Við munum
hvetja innlend fyrirtæki til að nýta
sér þá þjónustu ef til hennar kemur,“
segir Clarke, „en markmiðið væri á
endanum að koma upp farþegaflugi,“
heldur hann áfram.
Hann segir að auðvitað verði við-
skiptahugmyndin að vera gróðavæn-
leg fyrir Flugleiðir. „Við munum
vinna að því að skapa nægan hvata til
þess að gera hugmyndina aðlaðandi
fyrir fyrirtækið.“
Morgunblaðið/Golli
Cecil Clarke, ráðherra atvinnuþróunarmála í
stjórn Nova Scotia, ásamt Valgerði Sverris-
dóttur viðskipta- og iðnaðarráðherra.
Gagnkvæmur
vilji til aukinna
viðskipta
Ráðherra í ríkisstjórn Nova Scotia
ræðir við íslensk stjórnvöld
Í GÆR var 76 starfsmönn-
um Íslandssíma og Tals
sagt upp störfum, sem er
um fjórðungur af sameigin-
legum starfsmannafjölda fé-
laganna. Samtals missa 45
starfsmenn Íslandssíma
vinnuna og 31 starfsmaður
Tals. Uppsagnirnar taka
gildi um komandi áramót.
Óskar Magnússon, for-
stjóri Íslandssíma, segir
þetta hafa verið erfiða
ákvörðun en hjá henni hafi
ekki verið komist. Með
þessu sé óvissu starfsfólks
eytt, því þetta hafi legið fyr-
ir frá því tilkynnt var um
samruna félaganna í síðasta
mánuði. Frekari uppsagnir
séu ekki fyrirhugaðar.
Í tilkynningu frá Íslandssíma
segir að vegna samruna Íslands-
síma og Tals hafi verið ráðist í víð-
tæka endurskipulagningu á rekstri
fyrirtækjanna. Fækkun starfs-
manna sé liður í þeirri endurskipu-
lagningu. Þá segir í tilkynningunni
að uppsagnirnar, sem starfsmönn-
um fyrirtækjanna var tilkynnt um í
gær, muni ekki hafa áhrif á þá
þjónustu sem félögin veiti. Þegar
sé hafist handa við sameiningu
fjarskiptakerfa og -neta félaganna,
endurskoðun og samræming mark-
aðs- og sölustarfs standi yfir og
unnið sé að sameiningu allrar ann-
arrar starfsemi.
Vönduð vinna
Óskar Magnússon segir hagræð-
inguna sem hlýst af sameiningu
fyrirtækjanna ráða fækkun starfs-
fólks, enda séu þau í sömu starf-
semi. Hann segir að undirbúningur
að uppsögnum starfsmanna félag-
anna hafi verið þannig að hver og
einn framkvæmdastjóri hins sam-
einaða félags hafi farið yfir sitt svið
og komist að niðurstöðu um þá þörf
sem viðkomandi hefur fyrir starfs-
fólk. Þetta hafi verið mjög vönduð
vinna þar sem allir starfsmenn hafi
verið metnir. Í mörgum tilvikum
hafi þurft að velja á milli mjög
hæfra starfsmanna.
Að sögn Óskars er orðinn til öfl-
ugur hópur hjá Íslandssíma og
Tali, sem ætlað er mjög krefjandi
starf. Hann segir að það starf sé
ekki eingöngu að takast á við sam-
keppnina á fjarskiptamarkaðinum,
heldur á sama tíma að klára öll þau
miklu verkefni sem samruna félag-
anna fylgir.
Rúmlega 300 manns
starfa hjá sameinuðu félagi
Íslandssíma og Tals í 281
stöðugildi. Þar af eru 154
stöðugildi hjá Íslandssíma
og 127 hjá Tali. Segir í til-
kynningu Íslandssíma að
stjórnendum fækki hlut-
fallslega jafnmikið og al-
mennu starfsfólk. Fækkun-
in sé í takt við þær áætlanir
sem gerðar voru fyrir sam-
einingu félaganna og gangi
hlutfallslega jafnt yfir bæði
félögin.
Fram kemur í tilkynning-
unni að uppsagnarfrestur
þeirra starfsmanna sem
sagt hefur verið upp sé í
langflestum tilfellum þrír
mánuðir. Þeir sem hafi
áunnið sér fullan uppsagnarfrest
njóti því launa í samtals fjóra mán-
uði í stað þriggja eins og lög kveði
á um.
Óskar segir að sumir þeirra
starfsmanna sem sagt hefur verið
upp muni hætta strax en aðrir
starfi út uppsagnarfrest. Hann
segir að það hafi verið vísvitandi
ákvörðun að draga uppsagnir fram
yfir mánaðamót til að tryggja
starfsfólki einn mánuð til viðbótar.
Íslandssími hefur samið við
Mannafl um ráðgjöf þeim til handa
sem hætta störfum hjá félaginu.
Ráðgjöfin felst í viðtölum, gerð fer-
ilskráa og aðstoð við undirbúning
starfsviðtala.
Tal keypt í síðasta mánuði
Íslandssími keypti 57,31% hlut
Western Wireless International í
Tali í október síðastliðnum. Í lok
nóvember var Tal svo að fullu kom-
ið í eigu Íslandssíma er félagið
keypti m.a. 35% hlut Norðurljósa í
Tali. Heildarkaupverðið var um 4,1
milljarður króna.
Óskar Magnússon sagði af þessu
tilefni í samtali við Morgunblaðið
að fækka þyrfti starfsfólki hjá sam-
einuðu félagi.
Íslandssími tilkynnti til Kaup-
hallar Íslands í framhaldi af kaup-
um á öllu hlutafé Tals, að Óskar
hefði verði ráðinn forstjóri hins
sameinaða félags og jafnframt að
gengið hefði verið frá skipun sam-
eiginlegrar framkvæmdastjórnar
félaganna. Hana skipa sex fram-
kvæmdastjórar sviða. Jafnframt
var þá tilkynnt um ráðningu sjö
annarra lykilstjórnenda hins sam-
einaða félags.
Um fjórðungi starfs-
manna Íslandssíma
og Tals sagt upp
Morgunblaðið/Ómar
Óskar Magnússon, forstjóri Íslandssíma, segir frek-
ari uppsagnir ekki fyrirhugaðar hjá félaginu.
SAMEINING íslenzku risanna í út-
flutningi sjávarafurða og vinnslu
þeirra erlendis er enn á ný til um-
ræðu. Hugmyndir um sameiningu
þeirra hafa komið upp reglulega,
hún hefur verið rædd óformlega
nokkrum sinnum en aldrei form-
lega. Í síðustu viku hittust stjórn-
arformenn og framkvæmdastjórar
beggja fyrirtækjanna til að ræða
málið, en þær viðræður leiddu
hvorki til ákvörðunar um form-
legar viðræður né ákvörðunar um
að svo yrði ekki.
Róbert Guðfinnsson, stjórn-
arformaður SH, lýsti því yfir á síð-
asta aðalfundi SH að jákvæð sam-
legðaráhrif af sameiningu
fyrirtækjanna gætu numið um 500
milljónum króna og líklegt má telja
að það sé, ef eitthvað er, nokkuð
vanmetið. Samlegðaráhrifin eru í
raun nokkuð augljós, sérstaklega
þar sem bæði fyrirtækin eru með
svipaða eða sams konar starfsemi
víða erlendis. Bæði fyrirtækin eru
með fiskréttaverksmiðjur í Banda-
ríkjunum, SH er með slíkar verk-
smiðjur í Bretlandi og SÍF í Frakk-
landi og fleira mætti tína til.
Það virðist ljóst að meirihluti
stjórna beggja fyrirtækjanna sé
fylgjandi sameiningu og vilji sé til
þess hjá stærstu hluthöfunum, en
tvo þriðju hluta atkvæða þarf til að
samþykkja samruna. Þarna gegnir
Burðarás og tengdir aðilar lykil-
hlutverki með milli 40 og 50% hlut í
SÍF og um 20% í SH. Burðarás og
tengdir aðilar yrðu þá stærsti hlut-
hafinn í sameinuðu fyrirtæki með
meira en 30%. En það er fleira sem
kemur til, sem að þessu sinni virð-
ist setja strik í reikninginn. Þor-
móður rammi-Sæberg á tæp 25% í
SH. Eftir að upp úr slitnaði með
Róbert og hans mönnum og Afli
með Þorstein Vilhelmsson í far-
arbroddi, þurftu Róbert og félagar
að kaupa hlut Afls í Þormóði
ramma-Sæbergi og Þorbirni-
Fiskanesi fyrir um fjóra milljarða
króna. Um tveir milljarðar til
þeirra kaupa komu frá ýmsum fyr-
irtækjum, en þeir félagar í Ramm-
anum þurftu að legga fram ríflega
tvo milljarða. Hugsanlega verða
þeir að selja hluti sína í Þorbirni-
Fiskanesi og SH til að afla fjár til
þeirra kaupa. Þessi staða mun hafa
skapað óvissu meðal SH-foryst-
unnar.
Áður var talið að S-hópurinn svo-
kallaði, sem er með um 36% í SÍF,
gæti og myndi jafnvel koma í veg
fyrir sameiningu í krafti stærðar
þess hlutar, þar sem hann teldi sig
ekki komu nógu sterkan út úr sam-
einingunni. Nú er samstaðan innan
þess hóps tæpast fyrir hendi lengur
og kökunni þar hefur reyndar þeg-
ar verið skipt að miklu leyti með
uppskiptingu eignaraðaila að Olíu-
félaginu og VÍS. Því er ekkert sjálf-
gefið að S-hópurinn stæði saman
þegar greiða ætti atkvæði um sam-
einingu.
Ljóst er að áhugi er fyrir samein-
ingu og samlegðaráhrifin eru mik-
il. Ekkert liggur hins vegar fyrir
um hver hlutföllin í sameiginlegu
fyrirtæki yrðu. Velta SÍF er heldur
meiri en SH en sameiginleg velta
þeirra á þessu ári gæti verið ná-
lægt 120 milljörðum króna, en af-
koma SH er betri en SÍF. Ekki hef-
ur verið farið í það að meta eignir
félaganna erlendis, einkum verð-
mæti vörumerkja þeirra í Banda-
ríkjunum, Bretlandi og Frakklandi.
Staðreyndin virðist þrátt fyrir allt
vera sú að vilji er til sameiningar í
risavaxið fyrirtæki á íslenzkan
mælikvarða, með afar sterka stöðu
á mörkuðunum fyrir fiskafurðir
beggja vegna Atlantsála.
Innherji skrifar
innherji@mbl.is
TÍU manns var sagt upp störfum hjá
AcoTæknivali fyrir síðustu mánaða-
mót. Uppsagnirnar tóku gildi 1. des-
ember en flestir starfa uppsagna-
frestinn, þrjá mánuði. Samtals starfa
rúmlega 180 manns hjá fyrirtækinu.
Magnús Norðdahl, forstjóri Aco-
Tæknivals, segir að með þessum
uppsögnum sé verið að aðlaga rekst-
ur fyrirtækisins aðstæðum. Þeir
starfsmenn sem sagt hafi verið upp
starfi hjá flestum deildum fyrirtæk-
isins og séu bæði almennir starfs-
menn og yfirmenn. Markvisst sé
unnið að því að bæta stöðu Aco-
Tæknivals og uppsagnirnar séu að-
eins einn liður af mörgum í þeim að-
gerðum.
Uppsagnir hjá
Aco-Tæknivali