Morgunblaðið - 04.12.2002, Blaðsíða 21
SUÐURNES
MORGUNBLAÐIÐ MIÐVIKUDAGUR 4. DESEMBER 2002 21
REYKJANESBÆR tekur þátt í
hvatningarátakinu Hættum að
reykja sem Jóhann G. Jóhannsson
tónlistarmaður stendur fyrir í sam-
starfi við ýmsa aðila. Samningur
þess efnis var undirritaður af Árna
Sigfússyni bæjarstjóra og Jóhanni
G. við athöfn sem fram fór í Heið-
arskóla í gær.
Jóhann G. hefur verið að vinna að
undirbúningi þessa átaks frá því á
síðasta ári, meðal annars í samvinnu
við tóbaksvarnanefnd. Ungmenna-
félag Íslands hefur ákveðið að taka
þátt í því. Á næstunni kemur út
hljómplata með lögum sem beint er
gegn reykingum, meðal annars
þekktum lögum Jóhanns G. í flutn-
ingi þekktra tónlistarmanna. Platan
á að vera helsta verkfærið í áróðr-
inum gegn reykingum og hún ber
nafn átaksins, Hættum að reykja.
Fyrsta sveitarfélagið
Jóhann segir að samningurinn við
Reykjanesbæ eigi að vera fyrirmynd
þátttöku annarra sveitarfélaga í
átakinu. Tekur hann fram að fleiri
sveitarfélög muni taka þátt og von-
ast til að þátttaka verði sem almenn-
ust.
Samningurinn felur það meðal
annars í sér að Reykjanesbær, fyr-
irtæki og stofnanir í bænum styrkja
hvatningarátakið með fjárframlagi
sem nemur einni milljón kr. Á móti
fær Menningar-, íþrótta- og tóm-
stundasvið Reykjanesbæjar 1.200
eintök af geislaplötunni, Hættum að
reykja. Fram kom í gær að þessi ein-
tök verða gefin nemendafélögum
grunnskóla bæjarins. Þau geta síðan
nýtt hana til fjáröflunar tiltekinna
verkefna, svo sem vegna kaupa á
tækjum, skólaferðalaga og þess hátt-
ar.
Auk Reykjanesbæjar styrkja ell-
efu fyrirtæki reykingaátakið í
Reykjanesbæ en það eru Sparisjóð-
urinn í Keflavík, Hitaveita Suður-
nesja, Aðalstöðin, Apótek Keflavík-
ur, Plastgerð Suðurnesja, Versl-
unarmannafélag Suðurnesja, Sjóvá-
Almennar, Tryggingamiðstöðin,
Flugstöð Leifs Eiríkssonar, Matar-
lyst-Atlanta og Verkfræðistofa
Njarðvíkur.
Taka þátt í hvatningar-
átakinu Hættum að reykja
Ljósmynd/Jóhannes Kr. Kristjánsson
Sundfólk úr bikarmeistaraliði ÍRB var viðstatt þegar Árni Sigfússon og Jó-
hann G. Jóhannsson gengu frá samkomulaginu en þau eru, frá vinstri: Guð-
laugur Guðmundsson, Íris Edda Heimisdóttir, Jón Oddur Sigurðsson og
Örn Arnarson.
Reykjanesbær
MIKIÐ var um að vera í lista-
smiðjunni Nýrri vídd í Sandgerði
um helgina. Á sunnudag var íbú-
um bæjarins gefinn kostur á að
koma í heimsókn og vinna að ým-
iss konar föndri undir leiðsögn
kennara.
Fjölmargir nýttu sér boðið og
vann fólkið að fjölbreyttum verk-
efnum. Vegna árstímans snerist
vinna margra um jólin og jóla-
undirbúninginn. Um þessar
mundir er um 80 manns á öllum
aldri í tengslum við listasmiðjuna.
Fólkið málar eða vinnur með leir,
gler eða tré.
Kolbrún Vídalín, kennari við
listasmiðjuna, segir að alla daga
komi fólk til að vinna við áhuga-
mál sín, ýmist á daginn eða
kvöldin.
Á myndinni eru Kolbrún
Vídalín og Erla Sigursveinsdóttir
í sölubás listasmiðjunnar.
Morgunblaðið/Reynir Sveinsson
Fjölmenni
í listasmiðjunni
Sandgerði
FJÓRIR rithöfundar lesa upp og
kynna nýjustu verk sín á bókakon-
fekti sem haldið verður í Bókasafni
Reykjanesbæjar næstkomandi laug-
ardag klukkan 16.
Þeir höfundar sem heiðra gesti
bókasafnsins með nærveru sinni að
þessu sinni eru Guðjón Friðriksson,
Sigurbjörg Þrastardóttir, Kolbrún
Bergþórsdóttir og Þórarinn Eldjárn.
Við þetta tækifæri mun Dagný Þ.
Jónsdóttir sópransöngkona einnig
koma fram.
Bókabúð Keflavíkur verður með
sölubás á staðnum og getur fólk
keypt bækur þessara höfunda og
fengið þær áritaðar. Auk safnsins og
verslunarinnar standa menningar-
fulltrúi Reykjanesbæjar og Miðstöð
símenntunar á Suðurnesjum að
uppákomunni.
Fjórir höf-
undar lesa á
bókakonfekti
BJÖRGUNARSVEITIN Suðurnes
var kölluð út í rokinu sem var í fyrri-
nótt og gærmorgun, vegna þess að
bátar voru byrjaðir að losna frá
bryggju í Keflavík.
Björgunarsveitarmenn aðstoðuðu
við að tryggja betur landfestar bát-
anna.
Tjón var lítið, samkvæmt upplýs-
ingum lögreglu.
Landfestar
voru að slitna
Keflavík
♦ ♦ ♦
TEPPI Á
STIGAHÚS
- got t verð -
komum og gerum verðtilboð
JÓLABÆKLINGUR
FYLGIR BLAÐINU Á MORGUN
PEYSUR
2.990
S M Á R A L I N D — K R I N G L U N N I