Morgunblaðið - 04.12.2002, Blaðsíða 20
AKUREYRI
20 MIÐVIKUDAGUR 4. DESEMBER 2002 MORGUNBLAÐIÐ
Árlegt bikarmót Skákfélags Ak-
ureyrar hefst annaðkvöld, fimmtu-
dagskvöldið 5. desember kl. 20.
Tefldar verða atskákir og falla menn
úr leik eftir að hafa tapað þrisvar.
Mótinu verður framhaldið á sunnu-
dag.
Halldór Brynjar Halldórsson frá
Akureyri hafnaði í 2. sæti á Íslands-
móti unglinga, 20 ára og yngri, sem
fram fór um helgina. Hann fékk 6
vinninga úr 7 skákum, jafn marga og
Davíð Kjartansson úr Reykjavík.
Þeir mættust því í einvígi og þar
hafði Davíð betur. Annar strákur frá
Akureyri, Ágúst Bragi Björnsson,
tók einnig þátt í mótinu og hafnaði
hann í 6.-7. sæti með 4 vinninga.
Á MORGUN
Ljóðakvöldi sem auglýst hafði verið í
Húsi skáldsins á Sigurhæðum í kvöld,
miðvikudaginn 4. desember, hefur
verið frestað um viku og verður mið-
vikudagskvöldið 11. desember. Það
verður þá jafnframt hið næstsíðasta,
en með jólaljóðakvöldi 18. desember
lýkur þessum þætti í starfinu á Sig-
urhæðum, a.m.k. um sinn, en hann
hefur ásamt námskeiðahaldi verið
einkennandi fyrir það.
Á NÆSTUNNI
HVERFISNEFND verður
stofnuð í Giljahverfi annað
kvöld, fimmtudagskvöldið 5.
desember, á fundi í Giljaskóla
en hann hefst kl. 20.
Hverfið afmarkast af Borg-
arbraut að norðan og Hlíðar-
braut að austan.
Kristján Þór Júlíusson, bæj-
arstjóri, mun á fundinum
kynna hugmyndina sem liggur
að baki stofnun hverfisnefnda,
fjallað verður um sögu, þjón-
ustu og umhverfismál í Gilja-
hverfi og loks verður kosið í
nýja hverfisnefnd.
Hverfisnefndir starfa sjálf-
stætt og á eigin ábyrgð, en
hlutverk þeirra er að vera vett-
vangur íbúanna til að hafa áhrif
á nánasta umhverfi sitt. Mál
sem slíkar nefndir geta látið til
sín taka eru m.a. málefni barna
og ungmenna, skipulagsmál,
umgengnismál, umhverfismál
og umferðarmál.
Hverfis-
nefnd
stofnuð í
Giljahverfi
Í FRIÐI og ró, út á sjó, út á sjó, út á
sjó, syngja strákarnir í hljómsveit-
inni Roðlaust og beinlaust sem er
skipuð mönnum úr áhöfn Kleifa-
bergsins frá Ólafsfirði. Þeir voru að
gefa lagið út á geisladiski, en það
þekkja margir með texta þar sem
sungið er um meiri snjó, meiri snjó,
meiri snjó.
Björn Valur Gíslason, stýrimaður
á Kleifaberginu, gerði nýjan texta
við lagið. Hann var úti á dekki að
gera við trollið þegar Morgunblaðið
náði tali af honum, en skipið er við
veiðar út af Vestfjörðum. „Við gáf-
um út disk fyrir síðustu jól og hann
seldist alveg þokkalega. Allur ágóð-
inn af sölunni rann til björg-
unarsveita landsins, það var eitt-
hvað vel á aðra milljón,“ sagði Björn
Valur. Ágóði af þeim diski sem nú
býðst landsmönnum mun renna til
hinna nýstofnuðu samtaka „Regn-
bogabarna“ og sagði Björn Valur að
með því að leggja inn að lágmarki
500 krónur á reikning í Sparisjóði
Ólafsfjarðar gæti fólk nálgast disk-
inn.
„Þessi samtök hafa verið í um-
ræðunni og það er að okkar mati
mjög þarft verk sem þau sinna með
Stefán Karl í fararbroddi,“ sagði
Björn Valur.
Hljómsveitin hefur staðið fyrir
tónleikum og öðrum uppákomum í
Ólafsfirði gegnum árin og ævinlega
gefið ágóðann til góðra mála. „Við
höfum fyrst og fremst gaman af
þessu og viljum láta aðra njóta þess
ef eitthvað er afgangs,“ sagði Björn
Valur. Hann sagði útgerðina, Þor-
móð ramma-Sæberg styðja við bakið
á félögunum, enda væri góður
starfsandi mikilvægur. „Það hafa
nánast verið sömu karlarnir um
borð í áraraðir, menn eru góðir vinir
og við reynum að hafa þetta svolítið
skemmtilegt hjá okkur,“ sagði hann.
„Það spila nú ekki allir á hljóð-
færi, en ég held að flestir hafi gam-
an af því að syngja, það er hluti af fé-
lagsstarfinu um borð að syngja
saman,“ sagði Björn Valur. Um hið
nýútkomna lag sagði hann hug-
myndina „hafa komið í einhverju
bríaríi,“ eins og hann orðaði það. Í
textanum er fjallað um sjóara, sem
helst vill koma í land á Þorláks-
messu, þegar allt er tilbúið fyrir jól-
in og svo þegar búið er skaupið og
taka þarf niður skrautið er best að
láta úr höfn að nýju. „Við erum að
gera svolítið grín að þeim sem vilja
bara vera í friði og ró úti á sjó á með-
an á undirbúningi jólanna stendur
og þegar að frágangi eftir þau kem-
ur,“ sagði Björn Valur, en þvertók
fyrir að um væri að ræða lýsingu á
áhöfn Kleifabergsins. „Auðvitað
vilja menn vera heima á þessum
tíma og verja tíma með börnunum
sínum,“ sagði Björn Valur. Hljóm-
sveitin er einnig með í undirbúningi
útgáfu á öðrum diski, sem væntan-
lega kemur út næsta vor.
Hljómsveitin Roðlaust og beinlaust á Kleifaberginu gefur út disk
Hljómsveitin Roðlaust og beinlaust í syngjandi sveiflu á sviði.
Málin rædd um borð.
Hluti af
félags-
starfinu
að syngja
saman
Björn Valur Gíslason með gítarinn.
ÞRJÚ tilboð bárust í húseignina
Þórsstíg 4, sem er í eigu Akureyr-
arbæjar og Byggðastofnunar, og
hafnaði stjórn Fasteigna Akureyrar-
bæjar þeim öllum fyrir sitt leyti á
síðasta fundi sínum. Um er að ræða
3.800 fermetra iðnaðar- og skrif-
stofuhúsnæði, þar sem starfsemi
Akóplasts var til húsa.
Smáragerði ehf. bauð skuldabréf
að upphæð 50 milljónir króna og
eignir félagsins á Glerárgötu 36.
Höldur átti tvö tilboð í eignina, ann-
ars vegar upp á rúmar 120 milljónir
króna, útborgun og skuldabréf og
hins vegar greitt með andvirði
Draupnisgötu 1A og 1B og með
skuldabréfi upp á um 58 milljónir
króna. Höldur rekur bílaverkstæði
og varahlutalager á Draupnisgötu 1.
Stjórn Fasteigna Akureyrarbæjar
auglýsti Þórsstíg 4 til sölu sl. vor og
þá einnig Þórsstíg 2, rúmlega 400
fermetra iðnaðarhús þar sem gatna-
gerð Akureyrarbæjar var til húsa.
Eitt tilboð barst þá í báðar eignirnar
og tvö tilboð í Þórsstíg 2. Fasteigna-
félag Höldurs bauð 160 milljónir
króna í báðar eignirnar, sem yrði
greitt með eignarhlut Höldurs ehf. í
Hafnarstræti 97 á Akureyri en þar
er um að ræða 3., 4. og 5. hæð húss-
ins, sem er í útleigu.
Fasteignafélag Höldurs bauð 20
milljónir króna í Þórsstíg 2 en einnig
barst tilboð í eignina upp á 4 millj-
ónir króna. Stjórn Fasteigna Akur-
eyrarbæjar taldi sl. vor ekki rétt að
selja Þórsstíg 2 fyrr en kaupandi
hefði fengist að Þórsstíg 4 og hafnaði
því báðum tilboðunum.
Þrjú tilboð í Þórsstíg 4
Öllum
tilboðum
hafnað
er staðsett í miðborg Reykjavíkur á Spítalastíg 1. Þar
er boðið upp á lúxus 2ja manna herbergi með sér-
setustofu, eldunaraðstöðu og sjónvarpi. Einnig 3ja
herbergja íbúðir (2 svefnherbergi, 4 rúm). Bílastæði
fyrir gesti. Kjörin staðsetning og gott verð hvort heldur
sem þú ert í viðskiptaerindum eða vilt njóta menning-
arlífs höfuðborgarinnar. Myndir á vefsíðu. Hafðu sam-
band og þú sérð ekki eftir því.
Sími 511 2800. Fax 511 2801.
Netfang luna@luna.is. Vefsíða www.luna.is
Geymið auglýsinguna.
Gistihúsið Luna