Morgunblaðið - 04.12.2002, Blaðsíða 17

ERLENT
MORGUNBLAÐIÐ MIÐVIKUDAGUR 4. DESEMBER 2002 17
ÍRÖNSKU systurnar Ladan og Lal-
eh Bijani, sem eru samvaxnar á
höfði, komu fram á blaðamanna-
fundi í Singapore í gær en þar eru
læknar að kanna hvort unnt er að
skilja þær að. Er mjög erfitt að gera
slíka aðgerð á fullorðnu fólki en
þær eru 28 ára gamlar. Þær sögð-
ust þó ekkert óttast og vona það eitt
að hægt væri að skilja á milli þeirra.
Reuters
Aðskilnaður athugaður
HRYÐJUVERKASAMTÖKIN
Jemaah Islamiah höfðu á prjónunum
hryðjuverkaárás á Ólympíuleikun-
um í Sydney 2000 en hættu við. Dag-
blað í Singapore hélt þessu fram í
gær en vildi ekki láta heimildar-
manna sinna getið.
Fullyrt er að Jemaah Islamiah
tengist al-Qaeda-hryðjuverkasam-
tökunum og þá hefur samtökunum
verið kennt um sprengjutilræðin á
Balí 12. október sl. en þar fórust
næstum 200 manns, m.a. fjölmargir
ástralskir ferðamenn. Ekki hefur
hins vegar áður komið fram að sam-
tökin hefðu ætlað að láta til sín taka
á Ólympíuleikunum í Sydney.
Dagblaðið Singapore
Straits Times sagði Riduan
Isamuddin, meintan að-
gerðastjóra Jemaah Islam-
iah, hafa lagt á ráðin um
árásina en leiðtogi samtak-
anna í Ástralíu mun hins
vegar hafa hafnað hug-
myndinni. Ekki er vitað
hvers vegna eða hvers eðlis
árásin átti að vera.
Fullyrt er að Jemaah
Islamiah, sem berst fyrir
stofnun múslimaríkis í Suðaustur-
Asíu, hafi frá árinu 1996 haft útsend-
ara á sínum snærum í Ástralíu.
Singapore Straits Times nafn-
greinir Kushmir nokkurn
Nesirwan sem þátttakanda í
gerð umræddra áætlana en
Nesirwan fæddist í Indó-
nesíu og starfaði seinna sem
leigubílsstjóri í Sydney.
Nesirwan kallaði staðhæf-
ingar blaðsins „ótrúlegar“ í
gær og hafnaði algerlega
allri aðild að samsæri um að
fremja hryðjuverk. Kvaðst
hann aldrei hafa heyrt
minnst á samtökin Jemaah
Islamiah þó að hann viðurkenndi að
hafa hitt að máli meintan leiðtoga
þeirra, Indónesann Abu Bakar
Bashir.
Lögðu á ráðin um
hryðjuverk í Sydney
Singapore. AP.
Abu Bakar Bashir,
meintur leiðtogi
Jemaah Islamiah.
ÍSRAELSKA leyniþjónustan var í
gær gagnrýnd eftir að í ljós kom að
henni höfðu borist ábendingar um að
al-Qaeda-hryðjuverkasamtökin væru
að undirbúa hryðjuverk í borginni
Mombasa í Kenýa nokkrum dögum
áður en illvirkjarnir létu til skarar
skríða. Þrír Ísraelar og tíu Kenýa-
menn biðu bana í árás í Mombasa fyr-
ir helgi og að auki munaði minnstu að
hryðjuverkamönnum tækist að
granda ísraelskri farþegaþotu sem í
var 261 farþegi.
Hershöfðinginn Yossi Kuperwass-
er, yfirmaður leyniþjónustu ísraelska
hersins, sagði fyrir þingnefnd að ísr-
aelska leyniþjónustan, Mossad, hefði
fengið upplýsingar um að al-Qaeda
hefði í bígerð árásir í Afríku, og að
raunar hefði Mombasa í Kenýa verið
nefnd sérstaklega.
Bæði þýsk og áströlsk stjórnvöld
höfðu ráðið borgurum sínum frá því
um miðjan nóvember að ferðast til
Mombasa. Bjuggu þau þá yfir upplýs-
ingum um að vænta mætti árása gegn
vestrænu fólki í borginni.
Kuperwasser, sem var að svara
spurningum Ofer Pines, fram-
kvæmdastjóra ísraelska Verka-
mannaflokksins, tók hins vegar fram
að Mossad hefði engar upplýsingar
haft um það hvenær al-Qaeda myndi
láta til skarar skríða, né heldur að ísr-
aelskir ferðamenn yrðu skotmark ill-
virkjanna.
Pines hafði fyrr í vikunni farið
hörðum orðum um Mossad og gagn-
rýndi hann að leyniþjónustunni
skyldi mistakast að vara ísraelska
ríkisborgara við væntanlegri hryðju-
verkaárás.
Al-Qaeda-liðar ábyrgir
Á mánudagskvöld birtist á Netinu
yfirlýsing sem sögð var frá al-Qaeda
en þar lýstu samtökin ábyrgð á ódæð-
inu í Mombasa á hendur sér. „Með
blessan Guðs [...] stóðu hetjurnar fyr-
ir tveimur aðgerðum í Mombasa sem
beindust gegn gyðingum en tveimur
eldflaugum var þá skotið að ísraelskri
flugvél og ísraelskt hótel var eyði-
lagt,“ sagði í yfirlýsingunni. Var frek-
ari árásum gegn gyðingum og „kross-
ferðarmönnum“ heitið.
Greindu háttsettir bandarískir
embættismenn frá því í gær að sönn-
unargögnin bentu sterklega til að al-
Qaeda hefði verið hér að verki.
Mossad vissi að
búast mætti við
árásum í Afríku
Jerúsalem, Dubai. AFP.
FRAMKVÆMDASTJÓRN Evrópu-
sambandsins birti í gær lista yfir 66
skip, sem það vill ekki sjá í sinni lög-
sögu. Þessi svarti listi kemur í kjölfar
mengunarslyss undan ströndum
Spánar sem varð þegar gamalt olíu-
skip sökk í hafið 19. nóvember sl.
Við eftirgrennslan á mánudag við
flak gríska olíuskipsins Prestige und-
an ströndum Galisíu á Spáni var þess
ekki að gæta að leki væri frá skipinu.
Níu þúsund tonn af olíu höfðu hins
vegar þegar farið í hafið og hefur
mengunin haft skelfilegar afleiðingar
á lífríkið undan ströndum Galisíu.
Loyola de Palacio, yfirmaður sam-
göngumála í framkvæmdastjórn
ESB, lagði áherslu á það í gær að
koma hefði mátt í veg fyrir slysið ef
ESB hefði verið búið að taka í gildi
nýjar og hertar reglur um ferðir skipa
um lögsögu ESB-ríkjanna. Hvatt var
til þess að reglurnar yrðu innleiddar
eftir að olíuskipið Erika fór í hafið
undan ströndum Frakklands í desem-
ber 1999.
Fór de Palacio fram á það við leið-
toga ESB-ríkjanna að þeir sam-
þykktu á fundi sínum í Kaupmanna-
höfn í næstu viku hertar reglur um
öryggi á hafi úti, auk svarta listans,
sem framkvæmdastjórnin birti í gær.
Á listanum eru skip frá 13 löndum,
þar af eru 26 skráð í Tyrklandi, 12 á
karabísku eyjunum St. Vincent og
Grenadín og 9 í Kambódíu.
Þá fór hún fram á að olíuskipum
sem aðeins hefðu einfaldan byrðing –
eins og Prestige – yrði bannað að fara
um lögsögu ESB.
ESB setur 66 skip
á svartan lista
Brussel. AFP.