Morgunblaðið - 17.12.2002, Síða 19

ERLENT
MORGUNBLAÐIÐ ÞRIÐJUDAGUR 17. DESEMBER 2002 19
Á fljúgandi fer›
- um jólin
15% afsláttur af brettapökkum
(bretti, skór og bindingar)
Smáralind - Glæsibæ
Simi 545 1550 og 545 1500
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
1
94
42

12
/2
00
2
fiegar flú breg›ur flér í bæinn á bílnum er gott a› huga
a› gó›ri gistingu fyrir hann á me›an flú sinnir flínum
málum. Kolaporti› bí›ur „gistingu“ fyrir bíla á 1,33 kr.
mínútuna.
Hér er gó› gisting undir flaki á notalegum sta›.
Lægsta gjald er 80 kr. fyrir eina klukkustund og eftir fla›
borgar flú a›eins fyrir
flann tíma sem flú
notar, e›a 10 kr. fyrir
hverjar 12 mínútur.
Mána›arkort í Kolaport
bjó›ast á a›eins
5.600 kr.*)
Ód‡r gisting
fyrir bílinn flinn
Kolaport
vi› Arnarhól
*) Ef flú kaupir 6 mánu›i borgar›u a›eins fyrir 5.
AL Gore, fyrrverandi varaforseti
Bandaríkjanna, sem var hársbreidd
frá því að ná kjöri sem forseti fyrir
tveimur árum, hefur tilkynnt að
hann muni ekki bjóða sig fram gegn
George W. Bush forseta í kosning-
unum 2004. Ólíklegt er að hann fái
annað tækifæri til að verða forseti.
„Ég held að það væri ekki rétt af
mér að [fara fram],“ sagði Gore á
sunnudaginn. Hann sagði að annað
kapphlaup við Bush myndi „óhjá-
kvæmilega fela í sér að athyglin
myndi beinast að fortíðinni og það
myndi varpa skugga á framtíðina,
sem ég held að öll kosningabarátta
eigi að snúast um,“ sagði Gore í
fréttaþættinum „60 mínútur“ á
sjónvarpsstöðinni CBS á sunnudag-
inn.
Gore sagðist enn hafa næga orku
og kraft til að fara í framboð, en
„það voru margir í Demókrata-
flokknum sem voru úrvinda [eftir
kosningabaráttuna 2000] og vildu
ekki ganga í gegnum það aftur. Og
ég einfaldlega vil taka tillit til þessa
fólks“.
Gore sagðist reikna með að öld-
ungadeildarþingmaðurinn Joseph
Lieberman, sem var varaforsetaefni
hans, byði sig fram. Howard Dean,
ríkisstjóri Vermont, hefur þegar
boðið sig fram og öldungadeild-
arþingmaðurinn John Kerry er
byrjaður að kanna málið. Aðrir sem
íhuga málið eru Tom Daschle, leið-
togi demókrata í öldungadeildinni,
Dick Gephardt, fulltrúadeild-
arþingmaður, og John Edwards,
öldungadeildarþingmaður.
Auðveldasta bráðin
Það er líklega flokknum til fram-
dráttar að Gore hefur ákveðið að
draga sig í hlé, segja margir demó-
kratar sem vildu ekki að Bush og
Gore ettu kappi í annað sinn. „Það
hefði verið auðveldast fyrir Bush að
vinna hann af öllum okkar mönn-
um,“ sagði Gale Kaufman, ráðgjafi
Demókrataflokksins í Kaliforníu.
Fjöldi demókrata sagði samvisku-
samlega í viðtölum eftir að Gore til-
kynnti um ákvörðun sína að þar
með hefði flokkurinn misst topp-
frambjóðanda, en margir minntust
líka á þá kosti sem fylgdu ákvörð-
uninni. Nú geta menn farið að snúa
sér af krafti að öðrum vongóðum
demókrötum, sem kunna að verða
fleiri en reiknað hafði verið með.
„Það er ljóst að með honum
hverfur mjög hæfur og reyndur
frambjóðandi. Það er alltaf sárt fyr-
ir flokkinn að sjá á bak manni með
slíka reynslu af kosningum,“ sagði
Ron Klain, sem tók þátt í kosninga-
baráttu Gore 2000. „En aftur á móti
gefur þetta auðvitað fjölmörgum
nýjum mönnum möguleika á að láta
til sín taka.“
Gott fyrir Lieberman
Brotthvarf Gore mun koma sér
hvað best fyrir Lieberman, sem
hafði heitið því að bjóða sig ekki
fram gegn Gore. Talið er að Lieb-
erman muni fljótlega tilkynna fram-
boð sitt. Kerry og Dean kunna að
geta nýtt tækifærið nú, á meðan fá-
ir eru um hituna. Allnokkrir ráð-
gjafar Demókrataflokksins nefndu
Edwards er rætt var um nauðsyn
þess að fá nýja menn til forystu.
Einnig telja menn að brotthvarf
Gore gefi aukið svigrúm á vinstra
væng flokksins fyrir menn á borð
við Gephardt, sem hefur lengi haft
náin tengsl við launþegasamtök, og
íhugar framboð. Á meðan enginn
hefur augljóslega forystuna kunna
enn aðrir, minna þekktir, að telja
sig eiga tækifæri, þ. á m. Wesley
Clark, fyrrverandi hershöfðingi, og
öldungadeildarþingmennirnir Joe
Biden og Christopher Dodd.
Engar opinberar yfirlýsingar
bárust úr Hvíta húsinu um tilkynn-
ingu Gore, en ráðgjafar Bush for-
seta sögðu í einkasamtölum að þeir
hefðu viljað fá að takast á við Gore
aftur. „Hann hefði verið fyrirsjáan-
legasti frambjóðandinn,“ sagði Whit
Ayres, ráðgjafi í Repúblíkana-
flokknum. „Maður veit nákvæmlega
hvernig maður á að haga framboði
gegn Gore og núna verður þetta
ekki nærri eins fyrirsjáanlegt fyrir
forsetann.“
Ekki horfinn
Þrátt fyrir orð Gore um að hann
ætli ekki aftur í framboð hafa sumir
demókratar sagt að þeir reikni með
að hann reyni seinna meir að verða
forseti, e.t.v. strax 2008, en öld-
ungadeildarþingmaðurinn Hillary
Rodham Clinton, fyrrverandi for-
setafrú, er sögð íhuga framboð þá.
Og brotthvarf Gore, sem hefur ver-
ið sakaður um að reyna sífellt að
sýna á sér nýjar hliðar, kann að
vera besta leiðin fyrir hann til að
breyta ímyndinni, segja þessir
demókratar.
Gore sagði sjálfur að hann myndi
að öllum líkindum ekki fá tækifæri
til annars framboðs. „Ég hef engar
áætlanir um að bjóða mig fram í
framtíðinni,“ sagði hann. En hvað
sem úr verður segja demókratar að
það hafi verið snjallt af honum að
hætta. „Þeir eru margir sem bera
ekki skynbragð á það hvenær leikn-
um er í raun lokið,“ sagði Jim
Duffy, ráðgjafi Demókrataflokksins
í Washington. „Gore veit að hann
fékk tækifæri en náði ekki að nýta
það. Þetta er búið.“
Brotthvarf Gore veitir
mörgum tækifæri
AP
Al Gore í viðtali í sjónvarpsþættinum „60 mínútur“ á sunnudaginn.
Segist reikna með
að Lieberman gefi
kost á sér 2004
Washington. AP.
’ Gore veit að hannfékk tækifæri en
náði ekki að nýta
það. Þetta er búið. ‘
HENRY Kissinger, fyrrverandi ut-
anríkisráðherra Bandaríkjanna,
sagði af sér síðastliðinn föstudag
sem formaður
nefndar er á að
kanna þau mis-
tök, sem banda-
rískum leyniþjón-
ustustofnunum
urðu á fyrir
hryðjuverkin 11.
september.
George W. Bush,
forseti Bandaríkj-
anna, skipaði í
gær Tom Keane, fyrrverandi ríkis-
stjóra New Jersey, í formannsemb-
ættið.
Afsögn Kissingers kom á óvart en
Kissinger kvað ástæðuna vera hags-
munaárekstur. Hvíta húsið birti
bréf, sem Kissinger sendi en í því
segir hann, að hann óttist, að tilraun-
ir til að leysa úr ýmiss konar hags-
munaárekstri muni verða til að tefja
störf nefndarinnar. Þess vegna hafi
hann ákveðið að segja af sér.
Í bréfinu kom fram að Kissinger
væri ekki tilbúinn til að birta nöfn
viðskiptavina sinna en hann rekur
ráðgjafarfyrirtæki. Krafa um slíka
nafnabirtingu kom fram á fimmtu-
dag í liðinni viku þegar demókratar
og repúblíkanar í siðanefnd öldunga-
deildar Bandaríkjaþings birtu það
álit sitt að allir þeir sem í rannsókn-
arnefndinni sætu þyrftu að veita
upplýsingar um fjárreiður sínar í
samræmi við starfsreglur þingsins.
Dagblaðið The New York Times
hafði eftir ónefndum vini Kissingers
að hann hefði ekki verið tilbúinn til
að verða við þeirri kröfu. Hefði hann
þá neyðst til að birta nöfn þeirra ein-
staklinga og fyrirtækja sem hann
hefur veitt ráðgjöf. Kissinger hefði
ævinlega lagt á það ríka áherslu við
viðskiptavini sína að þeir mættu ekki
skýra frá því að þeir hefðu þegið ráð-
gjöf hans. Með sama hætti vildu fjöl-
mörg þeirra fyrirtækja sem keyptu
þjónustu Kissingers ekki að upplýst
væri að þau viðskipti hefðu átt sér
stað. Slíkar upplýsingar gætu
gagnast keppinautum þeirra með
ýmsum hætti.
Kissinger hefði og komist að þeirri
niðurstöðu að jafnvel þótt hann birti
nöfn viðskiptavina sinna myndi
koma fram sú krafa að hann seldi
fyrirtæki sitt. Hefði hann ákveðið að
segja af sér því fyrirtækið væri hann
ekki tilbúinn að láta af hendi.
Afsögn Kissingers úr nefnd um mistök leyniþjónustunnar
Vildi ekki birta nöfn við-
skiptavina fyrirtækis síns
Henry
Kissinger