Morgunblaðið - 17.12.2002, Síða 21

ERLENT
MORGUNBLAÐIÐ ÞRIÐJUDAGUR 17. DESEMBER 2002 21
EVRÓPUSAMBANDIÐ hyggst
hefja friðargæslu í Makedoníu
eftir nokkrar vikur, hugsanlega
í febrúar, að því er fréttavef-
urinn euobserver.com hafði eftir
Jacques Chirac Frakklandsfor-
seta í gær. Verður það í fyrsta
skipti sem Evrópusambandið
sendir eigin hersveitir til frið-
argæslu.
Á leiðtogafundi Evrópusam-
bandsins í Kaupmannahöfn á
föstudag var staðfest að sam-
bandið væri „tilbúið að taka við
hernaðaraðgerðum“ í Makedon-
íu eins fljótt og mögulegt er í
samráði við Atlantshafsbanda-
lagið sem hefur annast friðar-
gæsluna í landinu. 450 hermenn
frá flestum ríkjum Atlantshafs-
bandalagsins, NATO, taka nú
þátt í friðargæslunni.
Friðargæslusveitirnar í Bosn-
íu eru að mestu skipaðar her-
mönnum frá Evrópu en þær eru
enn undir stjórn NATO. Tíma-
mótasamkomulag náðist við
Tyrki á leiðtogafundi Evrópu-
sambandsins á föstudag um að
60.000 manna herlið Evrópu-
sambandsins fengi að nota ýms-
an búnað Atlantshafsbandalags-
ins, svo sem flutningavélar,
stjórnstöðvar og njósnagervi-
hnetti.
Samkomulag við Tyrki
Tyrkir höfðu lengi hindrað
samkomulagið en þeir féllust
loks á það eftir að Evrópusam-
bandið lofaði að aðeins þau ríki,
sem eiga aðild að NATO, tækju
þátt í aðgerðum þar sem búnaði
Atlantshafsbandalagsins yrði
beitt. Malta og Kýpur fá því
ekki að taka þátt í aðgerðunum.
Boða fyrstu
friðargæsluna
á vegum ESBBANDARÍSKA forsetaembættiðhefur sett saman lista yfir hryðju-
verkaleiðtoga sem leyniþjónusta
landsins (CIA) hefur heimild til að
drepa, að því er The New York Times
greindi frá á sunnudaginn. Hafði
blaðið þetta eftir háttsettum embætt-
ismönnum í hernum og leyniþjónust-
unni.
Á listanum, sem hefur ekki áður
verið gerður opinber, eru lykilmenn í
al-Qaeda-samtökunum, þ. á m.
Osama bin Laden og helsti aðstoðar-
maður hans, Ayman al-Zawahiri, auk
annarra frammámanna í hryðju-
verkasamtökum sem talin eru tengj-
ast al-Qaeda, að því er embættis-
mennirnir sögðu. Um tuttugu
hryðjuverkaleiðtogar, sem nefndir
eru á listanum, eru „þeir allra verstu“
af hryðjuverkamönnum heimsins.
George W. Bush Bandaríkjaforseti
hefur veitt CIA skriflega, lagalega
heimild til að hafa uppi á og drepa
hryðjuverkamennina án þess að þurfa
að leita frekara leyfis í hvert sinn sem
stofnunin stendur að aðgerðum, að
því er segir í frétt blaðsins. Bush gaf
út forsetatilskipun í fyrra, í kjölfar
hryðjuverkanna 11. september, og
veitti CIA þar með heimild til að
drepa hryðjuverkaleiðtoga.
Listinn, sem CIA hefur nú fengið,
er liður í hertum aðgerðum stofnun-
arinnar í því skyni að leita að og drepa
útsendara al-Qaeda fjarri hefðbundn-
um átakasvæðum í löndum á borð við
Jemen, að því er The New York Tim-
es greindi frá.
Leyniþjónustan fær
lista yfir réttdræpa
Washington. AFP.
AP
Bush ræðir við Hassanal Bolkiah, soldán af Brúnei, í Hvíta húsinu í gær.
Brúnei-menn eru múslímar og geta því skipt máli í stríðinu gegn al-Qaeda.