Morgunblaðið - 17.12.2002, Page 22

HÖFUÐBORGARSVÆÐIÐ
22 ÞRIÐJUDAGUR 17. DESEMBER 2002 MORGUNBLAÐIÐ
Mörkinni 3, sími 588 0640
Glæsilegar
jólagjafir
NORDICA hotel verður nýtt nafn
fyrrum Hótels Esju en stækkun
þess og endurbætur er stærsta
uppbyggingarverkefni í íslenskri
ferðaþjónustu um þessar mundir.
Áætlað er að hátt í 100 þúsund
gestir gisti á hótelinu árlega eftir
að það hefur verið opnað í mars
næstkomandi.
Nafn hótelsins verður kynnt í
dag en að sögn Kára Kárasonar,
framkvæmdastjóra Flugleiðahótel-
anna, var það mat manna að þörf
væri á nafni sem gengi betur á al-
þjóðlegum vettvangi en gamla
nafnið gerði. „Þó að gamla nafnið
hafi verið gott og gilt þá fylgdu því
líka ókostir í sambandi við alþjóð-
lega markaðssetningu. Þess vegna
vildum við fá nafn sem hljómaði al-
þjóðlega en hefði samt tilvísun í
landfræðilega staðsetningu okkar
hér í norðrinu. Það má segja að
hughrifin af þessari tilvísun í Norð-
urlöndin eða norðrið er náttúran,
ákveðinn hreinleiki, öryggi, skipu-
lag, gæði og líka ákveðið ævintýri.“
Breytist úr ferðamannahóteli
í ráðstefnu- og viðskiptahótel
Eins og Morgunblaðið hefur
greint frá hafa gagngerar endur-
bætur staðið yfir á hótelinu auk
þess sem það hefur verið stækkað
töluvert. Þegar komið er inn á
jarðhæð hússins í dag er allt sem
minnir á gömlu Hótel Esju horfið.
Þar er nú einn geimur sem verið er
að endurhanna frá grunni. Búið er
að tengja jarðhæðirnar saman í
nýju byggingunni og þeirri gömlu
en gestamóttakan verður sex sinn-
um stærri en áður.
Hótelið verður með 284 herbergi
í stað 172 herbergja áður en önnur
aðstaða er stækkuð verulega sem
endurspeglar að verið er að breyta
hótelinu úr dæmigerðu „ferða-
mannahóteli í ráðstefnu- og við-
skiptahótel“, eins og Kári orðar
það. Hótelið verður áfram fjögurra
stjörnu en Kári segir muninn þann
að nú verði það samkeppnisfært
við erlend hótel í sama stjörnu-
flokki.
Meðal nýjunga í Nordica hotel
eru 23 svítur á 9. hæð hússins, þar
af verða tvær glæsiíbúðir sem eru
stærri og með talsverðum íburði. Á
áttundu hæð er að sögn Kára verið
að byggja utan á hótelið stórt gler-
hýsi þar sem sérstök setustofa
verður fyrir betri herbergi hússins.
Brenndur leir utan á
annarri hæð hússins
Talsvert verður lagt í ráðstefnu-
aðstöðu hótelsins en hún verður í
um 2.000 fermetra húsnæði. Alls
verða ráðstefnu- og veislusalir ell-
efu talsins og á jarðhæð verður
stórt sýningarsvæði fyrir framan
stærsta ráðstefnusalinn sem tekur
600 manns í sæti. Hann verður
ennfremur nýttur sem veislusalur
og getur tekið 450 manns í mat. Þá
verður ráðstefnumiðstöð á annarri
hæð hótelsins með níu fundarsölum
og sérútbúið fundarherbergi fyrir
stjórnarfundi.
Loks má nefna að heilsuaðstaða
hótelsins verður öll endurnýjuð en
hún verður í þúsund fermetra hús-
næði þar sem áhersla verður lögð á
svokallaðar heilsulindarmeðferðir,
vellíðan og slökun.
Að utan verður húsið tekið í
gegn og skipt um glugga auk þess
sem brenndur leir, sem settur hef-
ur verið utan á aðra hæð hússins, á
eftir að setja mikinn svip á útlit
þess.
Kostnaður um tveir milljarðar
Kostnaður vegna heildarverkefn-
isins nemur um 2 milljörðum
króna. Það er fasteignafélagið
Stoðir, sem á fasteignina en rekst-
urinn verður í höndum Flugleiða-
hótela. Gert er ráð fyrir um 70 pró-
senta nýtingu á húsnæði hótelsins
að meðaltali og segir Kári að það
ætti að þýða að nálægt 100 þúsund
gestir gisti þar ár hvert. Þar af
ættu erlendir gestir að vera í
kringum 90 þúsund. Að sögn Kára
er verkið nánast á áætlun og er
stefnt að því að opna Nordica hotel
í lok mars á næsta ári.
Stór alþjóðleg ferðaráð-
stefna í desember 2003
Að sögn Kára verður sótt á nýja
markaði í greininni með stækkun
hússins þar sem áhersla verður
lögð á að fá ráðstefnur á alþjóð-
legum markaði til landsins ásamt
erlendum fyrirtækjahópum í svo-
kallaðar hvataferðir. Þar sé átt við
ferðir fyrirtækjahópa en mikið sé
um að stór fyrirtæki verðlauni
starfsmenn með skemmtiferðum
þar sem vörur fyrirtækjanna eru
gjarnan kynntar í leiðinni. Segir
Kári gríðarlega stóran markað fyr-
ir slíkar ferðir. „Þetta eru bankar,
lyfjafyrirtæki, tryggingafélög, bíla-
fyrirtæki og svo mætti lengi telja.“
Þá er búið að bóka hátt í 30 er-
lendar ráðstefnur í hótelið á árinu
2003 eftir að það opnar í mars. „Ég
geri þó ráð fyrir að við fáum miklu
meiri viðbrögð eftir áramót því
menn eru að sjálfsögðu varkárir að
bóka ráðstefnur í hótel sem ekki er
búið að opna enn,“ segir Kári en
nefnir sérstaklega eina ráðstefnu,
sem von er á í lok næsta árs.
„Við vorum búin að segja frá því
að við sóttumst eftir því að fá stóra
alþjóðlega ferðaráðstefnu í desem-
ber árið 2003 en skipuleggjendur
hennar eru ein virtustu samtök í
heiminum sem skipuleggja ráð-
stefnu- og hvataferðir einstaklinga.
Við fengum þessa ráðstefnu, eftir
að hafa keppt við nokkur lönd og
höfum kannski unnið mest í kring
um þennan hóp undanfarna mán-
uði.“ Hann segir að miklar vonir
séu bundnar við þessa ráðstefnu
enda sæki hana um 400 erlendar
lykilmanneskjur í skipulagningu
þeirra ferða og ráðstefna sem hót-
elið sækist hvað mest eftir að hýsa.
Fyrrum Hótel Esja opnað í mars eftir gagngerar breytingar og stækkun
Nafninu breytt í Nordica
hotel vegna markaðarins
Svokallað stjórnarherbergi á annarri hæð hótelsins. „Þetta verður lokuð
fundaraðstaða sem miklu meira verður í lagt en önnur fundarherbergi í hús-
inu,“ segir Kári. „Þarna verður rými fyrir 14 manns í sæti og m.a. verður sér-
baðherbergi inn af fundarrýminu, sérforstofa og herbergi þar sem menn
geta brugðið sér afsíðis, t.d. ef þeir þurfa að tala í síma. Þannig eiga menn
ekki að þurfa að fara út úr fundarherberginu á meðan á fundinum stendur.“
Ráðstefnusalur hótelsins. Hann tekur 400 manns í þeirri uppstillingu sem
hérna er sýnd en ef eingöngu stólum er raðað upp er rými fyrir 600 manns. Í
veisluuppstillingu með hringlaga borðum tekur salurinn 450 manns. „Sal-
urinn er alveg ferhyrndur eða 23 sinnum 23 metrar að flatarmáli, sem gerir
hann miklu glæsilegri en ella,“ segir Kári. „Lofthæðin er mikil en lægsti
punktur er fimm metrar. Megnið af salnum er þó 5,70 metrar að hæð. Þannig
að þetta verður svona glæsilegasti ráðstefnu- og veislusalur landsins.“
Suðurlandsbraut
MÁLNINGARÚÐI lá í loftinu við
Strandgötuna í Hafnarfirði á dög-
unum en þar stóðu unglingar við
veggi og úðuðu á þá málningu af
miklum móð. Um var að ræða
keppni í veggjalist og var portið
við Strandgötu 28–30 vettvangur
listsköpunarinnar.
Illa frágengnir veggirnir í port-
inu hafa verið búðareigendum og
gestum verslunarmiðstöðvarinnar
Fjarðar til ama og því var brugð-
ið á það ráð að fá unglinga úr fé-
lagsmiðstöðvum bæjarins til að
keppa sín á milli um listaverk á
veggina. Hver félagsmiðstöð
sendi 2–4 manna lið á staðinn sem
kepptu sín á milli um besta lista-
verkið.
Þema verkanna var „jólin“ en
keppendur fengu frjálsar hendur
um stærð verka sinna. Hver fé-
lagsmiðstöð fékk úthlutað
ákveðnu svæði og fengu kepp-
endur takmarkað magn af máln-
ingu og þurftu að ljúka verkum
sínum innan ákveðins tímaramma.
Lið Vitans í Víðistaðaskóla með
þá Frey Árnason og Inga Má Úlf-
arsson inanborðs þótti að mati
dómnefndar uppfylla flestar þær
kröfur sem gerðar voru til verks-
ins og stóðu uppi sem sigurveg-
arar keppninnar.
Morgunblaðið/Sverrir
Verkin á veggjunum tóku smám saman á sig litríka mynd.
Hugarflug í málningarúða
Hafnarfjörður