Morgunblaðið - 03.01.2003, Page 12

FRÉTTIR
12 FÖSTUDAGUR 3. JANÚAR 2003 MORGUNBLAÐIÐ
SIGURÐUR Demetz Franzson tónlistarmaður
var sæmdur stórriddarakrossi fyrir störf í
þágu söngmenntunar á Bessastöðum á nýárs-
dag. Forseti Íslands sæmdi 14 aðra riddara-
krossi hinnar íslensku fálkaorðu, þar á meðal
Ásbjörn K. Morthens tónlistarmann fyrir fram-
lag hans til tónlistar. Aðrir sem fengu riddara-
kross eru þessir: Berglind Ásgeirsdóttir, að-
stoðarframkvæmdastjóri OECD, fyrir störf í
opinbera þágu og á alþjóðavettvangi, Elín Rós
Finnbogadóttir, Samhjálp kvenna í Reykjavík,
fyrir störf að mannúðarmálum, Grímur Gísla-
son, fréttaritari á Blönduósi, fyrir störf að fé-
lags- og byggðamálum, Guðmundur H. Garð-
arsson, fyrrverandi alþingismaður, fyrir störf í
opinbera þágu að málefnum launafólks, Hólm-
fríður Pétursdóttir, húsfreyja í Reykjahlíð, fyr-
ir störf að menningar- og félagsmálum, Hulda
Jensdóttir, ljósmóðir í Reykjavík, fyrir ljós-
móðurstörf, Jón Björnsson frá Bólstaðahlíð
fyrir varðveislu þekkingar um íslensk skip og
báta, Oddgeir Guðjónsson, fyrrum bóndi,
Hvolsvelli, fyrir fræðistörf og eflingu íslensks
handverks, Sigrún Júlíusdóttir, prófessor í
Reykjavík, fyrir fræðistörf á sviði félagsvís-
inda, Sigrún Klara Hannesdóttir landsbóka-
vörður, fyrir framlag til bókasafns- og upplýs-
ingafræða, Stefán Aðalsteinsson búfjárfræð-
ingur fyrir framlag til erfðafræði og búvísinda,
Steinar Berg Björnsson framkvæmdastjóri fyr-
ir störf í þágu Sameinuðu þjóðanna og Svend
Aage Malmberg haffræðingur fyrir framlag til
haffræðirannsókna.
Morgunblaðið/Kristinn
Forseti Íslands, Ólafur Ragnar Grímsson, sæmdi 15 Íslendinga heiðursmerki hinnar íslensku fálkaorðu á Bessastöðum á nýársdag.
Fimmtán Íslendingar sæmdir fálkaorðunni
UMBOÐSMAÐUR Alþingis hefur
komist að þeirri niðurstöðu að kjara-
nefnd hafi ekki gætt þess nægjan-
lega að taka tillit til sérstakra áhrifa
sameiningar prestakalla á stöðu
hvers sóknarprests. „Sérhver starfs-
maður, sem fellur undir ákvörðunar-
vald kjaranefndar, skal almennt eiga
þess kost að koma að athugasemdum
sínum þegar laun hans og önnur
starfskjör eru ákveðin af nefndinni,“
ítrekar umboðsmaður í niðurstöðu
sinni.
Forsaga málsins er sú að prestur
kvartaði til umboðsmanns Alþingis
m.a. yfir synjun kjaranefndar frá 19.
desember 2001 um að tekin skyldi
sérstök ákvörðun um launakjör hans
eftir að tvö prestaköll höfðu verið
sameinuð. Presturinn hafði áður ver-
ið sóknarprestur í öðru prestakallinu
en hafði verið settur til að sinna hinu.
Fyrir það fékk hann sérstaka auka-
greiðslu. Eftir sameininguna var
hann sóknarprestur í hinu samein-
aða prestakalli. Þegar sameining
prestakalla var auglýst í Stjórnartíð-
indum, hinn 19. febrúar 1999, lækk-
aði presturinn í launum, m.a. á þeim
forsendum að í lögum um skipan
prestakalla og prófastsdæma væri
m.a. kveðið á um að starfandi sókn-
arprestar yrðu að hlíta, án sérstakra
viðbótarlauna þeim breytingum er
yrðu á stærð prestakalla. Presturinn
taldi sig hins vegar eiga tilkall til að
halda óbreyttum launum. Þessum
óskum hans var synjað.
Laun hækkuðu ekki
Síðar eða hinn 20. mars 2001
ákvað kjaranefnd hins vegar, vegna
óskar kirkjuráðs, að við sameiningu
prestakalla skyldu prestar fá tíma-
bundnar viðbótargreiðslur vegna
aukins álags í starfi. Þetta varð þó
ekki til að umræddur prestur hækk-
aði í launum eins og hann taldi rétt.
Þegar til hennar var leitað synjaði
kjaranefndin því að mál prestsins
yrði tekið upp aftur.
Presturinn kvartaði yfir þessari
synjun til umboðsmanns Alþingis og
hefur hann komist að niðurstöðu,
eins og áður sagði. Í útdrætti úr nið-
urstöðunni segir m.a.: „Það var nið-
urstaða umboðsmanns að færi kjara-
nefnd þá leið að ákveða prestum sem
þjónuðu sameinuðu prestakalli sér-
stök viðbótarlaun vegna aukins álags
hvíldi sú skylda á nefndinni [...] að
leggja mat á það í hverju tilviki að
hvaða marki tilefni væri til greiðslu
viðbótarlauna vegna aukins álags.
Nefndinni væri ekki unnt að setja
sér fortakslausa reglu sem afnæmi
þetta mat eins og gert var með al-
mennum úrskurði nefndarinnar frá
20. mars 2001.“ Beinir umboðsmaður
Alþingis þeim tilmælum til kjara-
nefndar að taka mál prestsins til at-
hugunar með hliðsjón af þessari nið-
urstöðu óski presturinn eftir því.
Umboðsmaður tekur þó fram að
hann taki ekki afstöðu til þess hvort
eða með hvaða hætti hugsanleg sér-
staða prestsins eigi að koma fram í
starfskjörum hans.
Umboðsmaður Alþingis fjallar um störf kjaranefndar
Horft til stöðu presta við
sameiningu prestakalla
STÚLKUBARN fæddist kl. 9.42
hinn 1. janúar í Vestmannaeyjum
og er það fyrsta barn ársins hér á
landi. Stúlkan vó 19 merkur og var
56 cm löng. Foreldrarnir heita Ása
Ingibergsdóttir og Sigmundur
Rafnsson. Fyrir eiga þau þriggja
ára dóttur, Kristínu Rós.
Ása segir í samtali við Morgun-
blaðið að fæðingin hafi gengið mjög
vel. „Ég var farin að fá verki um kl.
sjö um morguninn,“ segir Ása en
hálftíma síðar fóru hún og Sig-
mundur á Heilbrigðisstofnun Vest-
mannaeyja. Litla stúlkan kom í
heiminn rúmum klukkutíma síðar.
Aðspurð segir Ása að ekki sé búið
að gefa stúlkunni nafn. „Hún er
voða brött sú litla, stór og drekkur
mikið.“
Rólegt var á fæðingadeild Land-
spítalans á nýársnótt þar sem
fyrsta barn ársins kom ekki í heim-
inn fyrr en kl. 14.50 hinn 1. janúar.
Fyrsta barn ársins 2003 fæddist í Eyjum
Morgunblaðið/Sigurgeir Jónasson
Fyrsta barn ársins fæddist í Vestmannaeyjum. Foreldrarnir heitir Ása
Ingibergsdóttir og Sigmundur Rúnar Rafnsson. Stóra systirin heitir Krist-
ín Rós. Valgerður Ólafsdóttir ljósmóðir tók á móti barninu.
Stór og drekkur vel
HVORKI Halldór Ásgrímsson,
formaður Framsóknarflokks-
ins, né Alfreð Þorsteinsson,
oddviti framsóknarmanna í
Reykjavík, vilja gera mikið úr
ummælum Ingibjargar Sólrún-
ar Gísladóttur þess efnis að
henni hafi þótt ógeðfellt að sjá
hvernig menn innan stjórn-
málaflokkanna, og þá sérstak-
lega Framsóknarflokksins, hafi
beitt valdi sínu.
Taka ummælin ekki
sérstaklega til sín
Halldór Ásgrímsson segir að
framsóknarmenn taki ummæli
Ingibjargar ekki sérstaklega til
sín. „Hún ákvað að fara í lands-
málapólitík og það var hennar
ákvörðun en ekki okkar. Ég tel
að þeir sem taka ákvarðanir
verði að bera á þeim fulla
ábyrgð en eigi ekki að reyna að
koma henni á einhverja aðra.“
Alfreð Þorsteinsson segir
ekki ástæðu til þess að bregð-
ast sérstaklega við ummælum
Ingibjargar. „Þetta var sjálf-
sagt sagt í hita leiksins og fólk á
eftir að jafna sig og átta sig á
hlutunum eins og þeir eru.“
Ummæli borgar-
stjóra um ógeðfellda
valdbeitingu
Sjálfsagt
sagt í hita
leiksins
FJÖLDI nemenda á háskólastigi hér
á landi hefur fjórfaldast frá árinu
1977 og frá árinu 1980 hefur fjöldi
þeirra sem útskrifast úr háskólum
hér á landi tvöfaldast. Ríflega átján
hundruð manns útskrifast árlega úr
háskólunum sem starfræktir eru í
landinu.
„Fram til 1971 var Háskóli Íslands
eini skólinn sem útskrifaði nemend-
ur á háskólastigi. Árið 2000 voru há-
skólarnir í landinu átta. Atvinnuleysi
fer vaxandi um þessar mundir og
segir í auknum mæli til sín meðal há-
skólamenntaðs fólks. Á sama tíma
fjölgar útlendingum sem koma hing-
að til starfa í framleiðslu- og þjón-
ustustörfum,“ segir m.a. í frétt frá
Reykjavíkurakademíunni.
Hvert stefnir í málefnum háskóla
á Íslandi? Er rétt að fjölga skólunum
svona mikið, eða eru menn með því
að dreifa takmörkuðum fjármunum
og kröftum of mikið?
Þessum spurningum og fleirum
verður leitast við að svara á rann-
sóknarstefnu Reykjavíkurakadem-
íunnar sem verður haldin í dag,
föstudaginn 3. janúar. Hún hefst
klukkan 15 og lýkur um klukkan
17:30. Rannsóknarstefnan fer fram í
húsnæði Reykjavíkurakademíunnar
í JL-húsinu, Hringbraut 121, 4. hæð.
Tómas Ingi Olrich menntamála-
ráðherra flytur ávarp í upphafi ráð-
stefnunnar. Síðan flytur Stefán Arn-
órsson, prófessor í Háskóla Íslands,
erindi um rannsóknir og háskóla.
Ólafur Proppé, rektor Kennarahá-
skóla Íslands, ræðir um rekstrarskil-
yrði háskóla og Ari Edwald, fram-
kvæmdastjóri Samtaka atvinnulífs-
ins, ræðir um háskólamenntun og
atvinnulífið.
Að loknu kaffihléi hefjast pall-
borðsumræður og verða þátttakend-
ur Ólafur Örn Haraldsson, varafor-
maður menntamálanefndar Al-
þingis, Kolbrún Halldórsdóttir,
fulltrúi Vinstri grænna í mennta-
málanefnd, Guðfinna Bjarnadóttir,
rektor Háskólans í Reykjavík, Páll
Skúlason, rektor Háskóla Íslands,
og Stefán Baldursson, skrifstofu-
stjóri í menntamálaráðuneytinu.
Rætt verður um stefnuna í háskóla-
málum út frá ýmsum sjónarhornum
og fundarmönnum gefst tækifæri til
að leggja spurningar fyrir þá sem
verða í pallborðinu.
Fundarstjóri og stjórnandi pall-
borðsumræðu verður Erna Indriða-
dóttir fréttamaður.
Ræða um uppbyggingu háskóla
TALSVERT tjón varð á einbýlis-
húsi í norðurbæ Hafnarfjarðar á
gamlárskvöld þegar öflugur flug-
eldur fór inn um rúðu í stofu. Flug-
eldurinn braut tvöfalt gler í rúð-
unni og hafnaði í hægindastól þar
sem hann sprakk og kveikti um
leið í stólnum. Húsið var mannlaust
en snarráður nágranni braut sér
leið inn í húsið og slökkti eldinn.
Að sögn lögreglunnar í Hafnar-
firði varð nágranni var við eldinn
og gat látið annan nágranna sinn
vita af óhappinu og slökkti sá eld-
inn eftir að hafa brotið sér leið inn í
húsið.
Talsvert tjón varð innandyra,
m.a. skemmdist parket í stofunni
þegar sprengikúlur úr flugeldinum
dreifðust um stofuna.
Flugeldur kveikti í stól