Morgunblaðið - 03.01.2003, Síða 52

52 FÖSTUDAGUR 3. JANÚAR 2003 MORGUNBLAÐIÐ






 



  
 

 



  

  
 
 
 
    
     !   
 
!"  
 
 

#" 
$
$

  $ #
% BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FRIÐARGANGAN og ávarp á Ing-
ólfstorgi á Þorláksmessu olli mér
miklum vonbrigðum í ár. Mér finnst
það nálgast hræsni að ganga blysför
í nafni friðar niður Laugaveg og
flytja þjóðinni ávarp frá Ingólfstorgi
í nafni Íslenskra friðarsamtaka, og
minnast ekki stöku orði á þær of-
sóknir og ofbeldi sem stjórnvöld eru
að beita samtökin Friði 2000 og einn
öflugasta baráttumann friðar á Ís-
landi, Ástþór Magnússon.
Mér er kunnugt um að þúsundir
mótmælabréfa hafa streymt til
landsins og til íslenskra sendiráða
frá leiðtogum erlendra friðarsam-
taka, stjórnmálaflokka og einstak-
lingum víða um heim. Þá hafa birst
greinar í erlendum blöðum, m.a. í
stærsta blaði Svíþjóðar, Aftenbladet,
eftir heimsþekktan rithöfund sem
hefur fordæmt og mótmælt til
sænskra stjórnvalda aðför þeirra Ís-
lensku að Friði 2000 og Ástþóri. Er-
lendir friðarsinnar átta sig á hvað
þetta er alvarleg aðför að tjáning-
arfrelsinu. En ég minnist ekki að
hafa séð neitt slíkt frá Íslenskum
friðarsamtökum.
Í einfeldni minni hélt ég að ís-
lenskar friðarhreyfingar myndu
nota tækifærið á Þorláksmessu til að
fordæma hina dæmalausu aðför
stjórnvalda að Friði 2000 sem helst
minnir á alræðisstjórnina í Kína. En
mér til mikillar furðu var ekki
minnst á þetta einu orði. Þess í stað
dregnar upp hálfrar aldar gamlar
lummur um handtökur friðarsinna í
útlöndum á síðustu öld.
Talsmaður friðarhreyfinganna er
sagður merkilegur pistilhöfundur
hjá Fréttablaðinu. Sá fjölmiðill hefur
sungið hástöfum í ófrægingarher-
ferð gegn Friði 2000 og Ástþóri
Magnússyni. Pistlahöfundar blaðs-
ins, að ofangreindum meðtöldum
hafa verið duglegir að kalla Ástþór
ýmsum fjölskrúðugum uppnefnum
eftir hann var handtekinn fyrir að
flauta á stríðsleik Davíðs, m.a.:
Ófriður tvö þúsund, Friðþór tvö þús-
undkall, Landskunnur vitleysingur,
Athyglissjúklingur, Ruglukollur,
Þorpsfífl og Smekksemisfanga.
Mér fannst Ástþór góður að mæta
á Ingólfstorg í búningi jólasveinsins
með svartan trefil bundinn fyrir
munninn. Hins vegar var það skipu-
leggjendum til vansæmdar hvernig
þeir beittu ofbeldi við að hrinda hon-
um nær um koll úr friðsamlegri mót-
mælastöðu. Mótmælin beindust að
dæmalausu vali á frummælanda sem
Friður 2000 fékk ekkert að segja um,
og því að Ástþóri var meinað að
segja nokkur orð sem andsvar við
margvíslegum rangtúlkunum fjöl-
miðla að undanförnu. Eftir að Ástþór
blés í friðarflautuna á stríðsæsinga-
mennina Davíð og Halldór, hafa fjöl-
miðlarnir keppst við að þagga niður
sannleikann um samningana í Prag
og gera Ástþór tortryggilegan í aug-
um almennings. Enda líklegt að Ást-
þór sé að fletta ofan af einu mesta
hneykslismáli sem komið hefur upp í
stjórnartíð Davíðs Oddssonar.
Gaman verður að fylgjast með
réttarhöldunum sem hefjast mánu-
daginn 13. janúar kl. 13.30 í Héraðs-
dómi Reykjavíkur. Ég er vís til að
mæta á áhorfendapalla og hlusta á
framburð Ástþórs milliliðalaust í
stað þess að eyða skóleðri í fleiri
skrautgöngur niður þunnan ís undir
Davíðssálmum keisarans. Enda þori
ég að standa bak við einn öflugasta
ísbrjót samtímans í takt við þúsundir
erlendra friðarsinna úr öllum heims-
álfum.
BRAGI ÞÓR BRAGASON,
Kleppsvegi 160, 105 Reykjavík.
Þunnur ís
Bragi Þór Bragason skrifar
ÍSRAELSMENN hafa nú annað árið
í röð hindrað Yasser Arafat, leiðtoga
PLO, í að vera viðstaddan miðnæt-
urjólamessu í kirkju þeirri í Betlehem
sem talin er vera reist yfir þeim stað
sem hundruð milljóna manna trúa að
sé fæðingarstaður Messíasar, eða
gyðingsins Jesú frá Nazaret.
Fjöldi leiðtoga um allan heim hefur
harmað þá framkomu Ísraelsmanna
að hindra leiðtoga Palestínumanna í
að komast til hinnar Biblíusögu- og
gyðingasögufrægu borgar, Betlehem,
þar sem báðir eru fæddir Davíð kon-
ungur og Jesús Kristur konungur
konunganna.
Ástæðan fyrir farbanni Ísr-
aelsmanna á Arafat snýst um að
hindra hann sem mest í stjórnun
hryðjuverkastarfsemi sinnar.
Þar sem Arafat er múslimi og ísl-
amisti þá er fyrir honum jólahátíð
kristinna manna auðvitað óguðlegt at-
hæfi. En hvers vegna sækir hann það
þá svo fast að komast til messu í
Betlehem á jólum? Vegna þess að það
hefur mikið áróðursgildi þegar millj-
ónir manna um allan heim beina sjón-
um sínum í gegnum sjónvarpsskjái til
Betlehem. Arafat kynnir sig þá sem
„skjöld kristinna manna jafnt sem
múslima andspænis hernámi óvin-
veitts ísraelsks hers“.
Tilgangur Arafats er liður í að sam-
eina tímabundið kristna menn og
múslima gegn gyðingum í því skini að
útrýma Ísraelsríki úr Mið-Austur-
löndum. Honum hefur að vísu lítið
orðið ágengt í að blekkja kristna
Bandaríkjamenn en reynst auðvelt að
draga Evrópubúa á asnaeyrunum þar
sem þeir hafa öldum saman talið
sjálfa sig hina einu sönnu arftaka Ísr-
aels. (Svokölluð Staðgengilsguðfræði
samanber Krossferðirnar.)
Þeir sem þekkja til íslam vita að
trúarrit múhameðstrúarmanna, Kór-
aninn, boðar skýrt að bæði gyðingar
og kristnir séu óvinir íslam. Þess
vegna myndi Arafat og aðrir leiðtogar
íslamista, eins og t.d. Osama Bin Lad-
en, ef mögulegt væri, ekki láta staðar
numið við að eyða Ísrael heldur halda
áfram inn í Evrópu. Þá endurtæki
sagan sig.
GUÐMUNDUR ÖRN
RAGNARSSON
prestur.
Arafat verður af
jólamessu í Betlehem
Frá Guðmundi Erni Ragnarssyni