Morgunblaðið - 31.01.2003, Blaðsíða 22

HÖFUÐBORGARSVÆÐIÐ
22 FÖSTUDAGUR 31. JANÚAR 2003 MORGUNBLAÐIÐ
TIL LEIGU
Til leigu í þessu glæsilega
húsi skrifstofuhúnæði sem
uppfyllir allar kröfur til skrif-
stofureksturs. Mjög góð
staðsetning. Næg bílastæði.
Frábært útsýni.
6. hæð ca 430 fm
7. hæð (efsta) 850 fm
Upplýsingar veitir
Magnús Gunnarsson í
s. 588 4477 eða 822 8242
Ingólfur G. Gissurarson, logg. fast. www.valholl.is - Opið virka daga frá kl. 9-17.30.
FORVARNARNEFND Hafnar-
fjarðabæjar stóð nýverið fyrir könn-
un á sölu tóbaks til barna yngri en 18
ára í bæjarfélaginu. Tveir 15 ung-
lingar voru sendir í alla sölustaði
tóbaks til að freista þess að fá af-
greiðslu. Í tilkynningu frá Hafnar-
fjarðarbæ segir að niðurstöðurnar
séu verslunarfólki til sóma en enginn
staður seldi unglingum tóbak þrátt
fyrir sterkan vilja ungmennanna til
að kaupa. Könnunin var gerð 21. jan-
úar sl. og voru 30 sölustaðir heim-
sóttir.
 %&

   
 &'   ( )
)   *+,,-./
 &' & & %0*

0 *+1*& %




 

Enginn staður seldi
unglingum tóbak
30 sölustaðir tóbaks heimsóttir
Hafnarfjörður
FULLTRÚAR foreldraráðs Lang-
holtsskóla afhentu á dögunum Stef-
áni Jóni Hafstein, borgarfulltrúa og
formanni fræðsluráðs, undirskrift-
arlista frá 430 foreldrum þar sem
skorað er á fræðsluyfirvöld að
standa við loforð um viðbyggingu
við skólann.
Í áskoruninni er á það minnt að í
fimm ára áætlun fræðsluráðs frá
1997 sé gert ráð fyrir viðbyggingu
við skólann árið 2001 og skv. endur-
skoðaðri áætlun frá 1999 hafi fram-
kvæmdir átt að hefjast árið 2001 og
viðbyggingin að vera tekin í notkun
2002. Þá segir þar að í frumdrögum
að „enn endurskoðaðri kostnaðar-
áætlun fyrir 2003 er gert ráð fyrir
15 milljónum til þessa verks. Ljóst er
að ef þetta er niðurstaðan mun það
dragast enn að við í Langholtsskóla
fáum þær úrbætur í húsnæðismálum
sem við höfum lengi beðið eftir og
eru sannarlega orðnar brýnar.“
Að sögn Jakobínu Ólafsdóttur,
formanns foreldraráðs Langholts-
skóla, telja foreldrar að auk þess
sem ekki hafi verið staðið við loforð
um viðbyggingu hafi viðhaldi á skól-
anum verið ábótavant. Aðstaða í
skólanum sé mjög ófullnægjandi og
skólinn í mikilli niðurníðslu. Sem
dæmi sé ekki aðstaða fyrir börnin til
að borða hádegismat.
„Þetta er nokkuð sem hefur áhrif
á menninguna í skólanum. Það er
ákveðin siðmenning í því að setjast
til borðs og borða matinn sinn.“
Að sögn Jakobínu er hvorki mat-
salur né eldhús í skólanum.
Stefán Jón Hafstein segir að
fræðsluyfirvöldum sé vel kunnugt
um þann húsnæðisvanda sem steðjar
að Langholtsskóla og þau verkefni
sem bíða þar úrlausnar.
„Þetta er eitt af þeim verkefnum
sem þarf að ráðast í fljótlega,“ segir
hann.
Hann bendir á að verið sé að vinna
að nýrri fimm ára áætlun fræðslu-
ráðs og að ekki verði nefndar neinar
dagsetningar í tengslum við fram-
kvæmdir við einstaka skóla fyrr en
búið sé að skoða málið í heild sinni.
Hann segir að víðar en í Lang-
holtsskóla matist börn inni í stofum
og það fyrirkomulag hafi gengið
upp
þótt það sé ekki æskilegt. Gert sé
hins vegar ráð fyrir matsal í nýrri
byggingu við Langholtsskóla.
Morgunblaðið/Golli
Fulltrúar foreldraráðs Langholtsskóla afhenda Stefáni Jóni Hafstein, for-
manni fræðsluráðs, undirskriftalista foreldra. Frá vinstri: Jakobína Ólafs-
dóttir, formaður foreldraráðs, og Ragnheiður Halldórsdóttir.
Foreldrar í Langholts-
skóla krefjast úrbóta
Reykjavík
HEIMASÍÐA Reykjavíkurborgar:
www.reykjavik.is, hefur nú fengið
nýtt útlit. Meðal nýjunga á vefnum
er að framvegis verður hægt að
hlusta á fundi borgarstjórnar í
beinni útsendingu. Þá er í athugun
að setja eldri fundi á vefinn.
Fundir borgarstjórnar eru haldnir
fyrsta og þriðja fimmtudag hvers
mánaðar og hefjast að jafnaði kl. 14.
Um árabil hefur fundunum verið út-
varpað á FM 98,3 og verður svo
áfram.
Að sögn Hreins Hreinssonar, upp-
lýsingafulltrúa hjá Reykjavíkur-
borg, var nýr vefur borgarinnar upp-
haflega tekinn í notkun til
bráðabirgða í lok október á síðasta
ári. Hreinn segir að frá þeim tíma
hafi áfram verið unnið að framsetn-
ingu efnis á vefnum. Vefurinn er
hannaður af Gagarín, efnisumsýsla
er í höndum Hugvits og Sjá sjá um
viðmótsprófanir og ráðgjöf.
Samkvæmt samræmdri vefmæl-
ingu Modernus ehf. yfir gestafjölda,
flettingar og innlit á heimasíðum er
heimasíða Reykjavíkurborgar nú í
26. sæti yfir vinsælustu heimasíð-
urnar. Að sögn Hreins hafa viðtök-
urnar á nýja vefnum verið mjög góð-
ar og er notendaaukningin frá því í
lok nóvember á síðasta ári á bilinu 60
– 70%. Um 4.200 gestir skoða vefinn í
viku hverri.
Algengast er að gestir vefjarins
skoði fréttir, fundargerðir, upplýs-
ingar um borgarfulltrúa og við-
burðadagatal. Um 20% heimsókna á
vefinn eru erlendis frá. Að sögn
Hreins hefur verið unnið að því að
bæta enska hluta heimasíðunnar.
Heimasíða borgarinnar fær nýtt útlit
Fundum borg-
arstjórnar út-
varpað beint
Reykjavík
BORGARRÁÐ hefur samþykkt að
útfæra hugmyndir um þjónustumið-
stöðvar sem starfræktar verði í borg-
arhlutum eða hverfum borgarinnar.
Tvær slíkar miðstöðvar eru þegar
starfræktar, Miðgarður í Grafarvogi
og Vesturgarður í Vesturbæ.
Það var Ingibjörg Sólrún Gísla-
dóttir borgarstjóri sem bar upp tillög-
una og í greinargerð hennar segir að
það hafi verið markmið Reykjavíkur-
borgar á undanförnum árum að bæta
þjónustu við borgarbúa og styrkja
samstarfið við íbúa. Gerð hafi verið
tilraun með fjölskylduþjónustu í Graf-
arvogi, Miðgarð, árið 1997 sem þótti
takast vel en þar var sameinuð ýmis
þjónusta við fjölskyldur í Grafarvogs-
hverfunum. Um mitt ár 2001 hafi
Miðgarður síðan verið festur í sessi
innan borgarkerfisins.
Þá hafi nýju tilraunaverkefni verið
hleypt af stokkunum í Vesturbæ þar
sem Skóla- og fjölskylduþjónustan
Vesturgarður er.
Með samþykktinni verður hafinn
undirbúningur að stofnun fleiri þjón-
ustumiðstöðva í hverfum borgarinnar
þar sem byggt verður á þeirri reynslu
sem fengist hefur í Miðgarði og Vest-
urgarði. Er þessum þjónustumið-
stöðvum ætlað að koma í staðinn fyrir
samsvarandi þjónustu sem veitt er
hjá einstökum stofnunum innan borg-
arinnar.
Kemur fram að gert sé ráð fyrir
hagræðingu þegar til lengri tíma er
litið en hvorki er áformað að fjölga né
fækka starfsfólki við þessar breyting-
ar.
Þjónustu-
miðstöðvar
komi í alla
borgarhluta
Reykjavík
LEIKSKÓLA- og grunnskólakenn-
arar á Seltjarnarnesi héldu á dög-
unum sameiginlegan námskeiðsdag
en hér er um breytt fyrirkomulag að
ræða. Í tilkynningu frá Seltjarnar-
nesbæ kemur fram að síðastliðið vor
var ákveðið að samræma skóladaga-
tal fyrir alla skóla bæjarins og falla
skipulagsdagar leikskólans því fram-
vegis á sömu daga og starfsdagar
grunnskólans. Með þessu sé komið
til móts við foreldra.
Á námskeiðsdeginum 27. janúar
sl. var kennurum allra skóla boðið
upp á fyrirlestur um hegðunar-
vandamál barna og unglinga og að-
ferðir til að sporna við þeim.
Samræmt
skóladagatal
fyrir leik- og
grunnskóla
Seltjarnarnes
ÞRJÚ ný deiliskipulög eru sem
stendur í kynningu hjá skipulags- og
byggingarsviði borgarinnar. Þau
eru: miðborgarreitur (Ölgerðarreit-
ur), Reynisvatnsheiði – hitaveitu-
geymar og Suðurgötukirkjugarður.
Hægt er að kynna sér þau betur á
vef skipulags- og byggingarsviðs,
www.skipbygg.is, undir liðnum: Mál
í kynningu, neðst á síðunni.
Á vefnum segir að fólk geti jafn-
framt kynnt sér málin í sal skipu-
lags- og byggingarsviðs í Borgartúni
3 alla virka daga milli 10 og 16.
Frestur til að gera athugasemdir
rennur út 13. mars nk.
Athugasemdafrestur
rennur út 13. mars
Þrjú ný deili-
skipulög í
kynningu
Reykjavík