Morgunblaðið - 31.01.2003, Blaðsíða 49
FÓLK Í FRÉTTUM
MORGUNBLAÐIÐ FÖSTUDAGUR 31. JANÚAR 2003 49
Hafið
Með Hafinu er komið fram verk sem ber
því vitni að íslenskt listafólk hafi náð full-
komnum tökum á hinu alþjóðlega tungu-
máli kvikmyndalistarinnar. (H.J.) Háskólabíó.
Lord of the Rings:
The Twin Towers: Hringa-
dróttinssaga: Tveggja
turna tal
Millikafli stórvirkis Tolkiens og Jacksons
gnæfir yfir aðrar myndir ársins, mikilfeng-
leg sagnagáfa þeirra skapar eitt magnað-
asta ævintýri kvikmyndasögunnar. Ósvikin
epík um hugrekki, vináttu og drenglyndi.
(S.V.) Laugarásbíó, Smárabíó.
Harry Potter og leyniklefinn
Harry og félagar eru komnir aftur í mynd
fullri af frábærum karakterum, ótrúlegum
aðstæðum, spennu og hryllingi. Gaman,
gaman! (H.L.) ½
Sambíóin.
8 Mile (8 mílur)
Þegar á heildina er litið er það hversu ein-
föld meginfléttan er, en hún snýst í raun
um þátttöku rapparans í einni keppni,
bæði helsti kostur og galli myndarinnar.
Þannig tekst að halda sögunni á raunsæis-
legu sviði en á sama tíma er sigursagan
teygð dálítið á langinn. (H.J.) Háskólabíó, Sambíóin, Laugarásbíó.
Gullplánetan
Skemmtilegar og frumlegar persónur í
geggjuðu umhverfi þeysast um himingeim-
inn í spennandi og dramtískri leit að gulli.
Fyrir alla fjölskylduna. (H.L.) Sambíóin, Háskólabíó, Laugarásbíó
Sex is Comedy
(Kynlíf er grín)
Líkt og fyrri myndir leikstjórans Breillat, for-
vitnileg, ástríðufull, heimspekileg og jafnvel
enn persónulegri. Mynd innan myndar þar
sem verið er að fjalla um mannlegar til-
finningar og eðli, einkum kynhvötina, frá
nýstárlegu sjónarhorni. (S.V.) Háskólabíó
Die Another Day
(Deyðu annan dag)
Fulllöng Bond mynd þar sem hasarinn
ræður ríkjum og húmorinn er kominn í
hring. Ágætasta afþreying fyrir fólk í góðu
skapi og með smekk fyrir fallegu fólki.
(H.L.) ½
Smárabíó, Regnboginn, Laugarásbíó, Borg-
arbíó Akureyri.
The Banger Sisters
(Grúppíurnar)
Tvær frábærar leikkonur halda lífinu í gam-
anmynd um miðaldra konur sem eyddu
bestu árunum sem hjásvæfur poppara. 20
árum síðar hefur margt breyst. (S.V.)
½
Regnboginn.
Analyze That
(Aftur í meðferð)
Framhaldsmyndin á sína spretti, og er það
iðulega vegna þess hversu vel aðalleik-
urunum tekst að fylla upp í tómlegt hand-
ritið. (H.L.) Sambíóin, Háskólabíó
Jackass: The Movie
(Kjánaprik: Kvikmyndin)
Botnlaus kjánaskapur og fífldirfska eru
drifkrafturinn á bak við þessa kvikmynd,
sem er óneitanlega sprenghlægileg í 50%
tilfella. Ekki alvitlaus, þegar menn ná að
halda sig innan lágkúrumarkanna. (H.J.)
Sambíóin
Juwanna Man
(Ingiríður Eygló)
Körfuboltakappi klæðist kvenfötum og
heldur áfram í kvennaliði þegar hann er
rekinn úr NBA. Mun skárra en það hljómar.
(S.V.) Sambíóin
Once Upon a Time in the
Midlands (Eitt sinn í
Miðlöndunum)
Úrvali breskra leikara tekst ekki að gera
fyndna mynd, þar sem stefnuleysi og van-
virðing fyrir persónunum ráða ríkjum.
Dramað virkar rétt undir lok og brand-
ararnir eru allt of fáir fyrir gamanmynd.
Vonbrigði. (H.L.) Háskólabíó
The Transporter
(Flutningsmaðurinn)
Sólskinið í Suður-Frakklandi, vel skipulögð
átakatriði og eltingaleikir eru ljósu punkt-
arnir í annars myrkri meðalmennsku. (S.V.)
Smárabíó.
Half Past Dead
(Darraðardans)
Seagal er orðinn gamall og feitur, en þrá-
ast við í sama hlutverkinu einn áratuginn í
viðbót. Góður hraði, þunnur söguþráður og
gloppóttur, endalaus slagsmál og dynjandi
rapptónlist einkenna hola mynd. (H.L.)
Regnboginn
The Hot Chick
(Aðalpæjan)
Hér glímir Rob Schneider við enn eina
ónáttúruna, síðast var hann dýr í mannslík-
ama, nú unglingsstúlka í líkama loðins og
ófrýnilegs karlmanns. Groddahúmorinn
veður hér uppi, en hittir sjaldan í mark.
(H.J.) ½
Sambíóin
BÍÓIN Í BORGINNI
Sæbjörn Valdimarsson/Hildur Loftsdóttir/Heiða Jóhannsdóttir
Meistaraverk Ómissandi Miðjumoð Tímasóun 0 Botninn
„Seagal er orðinn gamall og feitur,
en þráast við í sama hlutverkinu
einn áratuginn í viðbót,“ segir um
nýjasta verk Stevens Seagals.