Morgunblaðið - 31.01.2003, Blaðsíða 23
AKUREYRI
MORGUNBLAÐIÐ FÖSTUDAGUR 31. JANÚAR 2003 23
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Andrew Kaye dósent við tón-
listardeild Albright College í
Pennsylvaníu flytur fyrirlestur á
vegum félagsvísinda- og lagadeildar
Háskólans á Akureyri á morgun,
laugardag kl. 13.30 í stofu 24 í
húsakynnum háskólans við Þing-
valla-stræti. Þetta er fyrsti fyr-
irlesturinn sem þessi nýja deild við
skólann stendur fyrir. Fyrirlest-
urinn fjallar um það hvernig sú
mynd sem dregin er upp af Afríku
í tónlist kvikmynda hefur breyst á
sl. eitt hundrað árum, en raktar
eru með dæmum breytingar frá
dögum þöglu myndanna, Tarzan-
myndanna og mynda frá síðustu
áratugum síðustu aldar.
Á MORGUN
Eyþór Ingi Jónsson organisti held-
ur hádegistónleika í Akureyr-
arkirkju á morgun, laugardaginn 1.
febrúar kl. 12.
Á efnisskrá tónleikanna verða verk
eftir Jehan Titelouze, J.S. Bach,
Oskar Lindberg og Magnús Blöndal
Jóhannsson. Lesari á tónleikunum
er sr. Jóna Lísa Þorsteinsdóttir. Að-
gangur að tónleikunum er ókeypis
og eru allir velkomnir.
KOMPAN sem Aðalheiður S. Ey-
steinsdóttir rekur í Listagilinu
svonefnda á Akureyri er 5 ára í
dag og af því tilefni verður efnt til
veislu á vinnustofu hennar í kvöld
kl. 21 fyrir velunnara Kompunnar.
Þar koma fram Haraldur Bessa-
son, Arna Valsdóttir, Rögnvaldur
Bragi Rögnvaldsson, Bólbræður,
Georg Hollandes og Jón Laxdal
Halldórsson.
Aðalheiður sagði að áhugi sinn á
myndlist með ljósmynda- og tölvu-
tækni hefði vaknað fyrir nokkrum
árum, en sýningar af slíku tagi þá
verið sjaldséðar í bænum, ferðir
hennar til höfuðborgarinnar og út-
landa stopular, „þannig að ég
ákvað að flytja listina til okkar,“
sagði Aðalheiður sem útbjó lítið
herbergi í vinnustofu sinni sem
þótti tilvalið sýningarrými. Það
nefndist til að byrja með Ljós-
myndakompan og fyrsta sýningin
„raunveruleg íslensk gleði“ eftir
Birgi Andrésson var opnuð 31.
janúar 1998. Síðar stefndi hugur
hennar á önnur svið myndlistar og
var nafni gallerísins þá breytt í
Kompuna. Alls hafa 31 listamaður
sýnt verk sín þar, „þessar sýn-
ingar hafa vakið áhuga fólks fyrir
því nýja og opnað okkur glugga út
í heim,“ sagði Aðalheiður, en lista-
mennina kvað hún hafa tekið boði
um sýningu fagnandi og oft hefðu
þeir lagt mikið á sig, vinnu og
ferðalög, til að leyfa bæjarbúum
og gestum að njóta. Aðalheiður
sagði að svo lengi sem sér entist
áhugi og aðstaða myndi hún halda
áfram að færa Akureyringum litlar
en áhugaverðar sýningar.
Kompan
fagnar 5
ára afmæli
Listaverkið Innsetning eftir Jón
Laxdal er til sýnis í Kompunni.
NÍU fyrirtæki víðs vegar að af
landinu hófu í gær þátttöku í verk-
efni sem nefnist „Nýsköpun og
markaðssókn í starfandi fyrir-
tækjum,“ í samstarfi við Impru,
nýsköpunarmiðstöð á Akureyri.
Fyrirtækin eru Búbót á Húsavík,
Hótel Ísafjörður og SKG veitingar
á Ísafirði, Netagerð Friðriks Vil-
hjálmssonar, Neskaupsstað, Vest-
urferðir, Ísafirði, Sæferðir, Stykk-
ishólmi, Sölufélag Austur-Hún-
vetninga, Blönduósi, Hestasport/
Ævintýraferðir, Varmahlíð,Vilko,
Blönduósi og Ístex, Mosfellsbæ.
Markmiðið með verkefninu er að
gera fyrirtækin hæfari til að tak-
ast á við nýsköpun og sækja inn á
nýja markaði. Páll Kr. Pálsson er
ráðgjafi verkefnisins en verkefn-
isstjóri er Sigurður Steingrímsson.
„Það má segja að menn hafi ein-
blínt um of á nýsköpun þegar kem-
ur að atvinnuuppbyggingu á lands-
byggðinni, þ.e. að setja á stofn ný
fyrirtæki oft með ærnum tilkostn-
aði. Við sjáum hins vegar marg-
vísleg sóknarfæri í þeim fyrir-
tækjum sem þegar eru starfandi á
landsbyggðinni og með þessu verk-
efni er ætlunin að rækta þau og
byggja upp, leita nýrra markaða
og hvar ný tækifæri er að finna,“
sagði Páll.
Impra mun styrkja fyrirtækin í
þessu verkefni gegn framlagi frá
fyrirtækjunum sjálfum, en gert er
ráð fyrir að því ljúki í nóvember á
þessu ári, eða eftir 10 mánuði.
„Við gerum ráð fyrir að í kjölfarið
hafi fyrirtækin burði til að hefja
sókn á grunni nýsköpunar og að á
næsta ári muni árangur verkefn-
isins skila sér með sýnilegum
hætti,“ sagði Páll.
Impra mun á næstu vikum
hleypa af stokkunum fleiri stuðn-
ingsverkefnum, m.a. í vöruþróun,
aðstoð við frumkvöðla, netvið-
skiptum, virðisstjórnun og eins
verður námskeiðið „Brautargengi“
í boði, en þar fær fólk fræðslu um
gerð viðskiptaáætlana og stofnun
og rekstur fyrirtækja.
Fyrsta verkefni nýsköpunarmiðstöðvarinnar Impru
Morgunblaðið/Kristján
Fulltrúar þeirra fyrirtækja sem þátt taka í verkefni Impru, ásamt Páli Kr. Pálssyni, ráðgjafa verkefnisins (t.v.), og
Sigurði Steingrímssyni verkefnisstjóra (t.h.). Markmiðið er að gera fyrirtækin hæfari til að takast á við nýsköpun.
Níu fyrirtæki um land allt
taka þátt í verkefninu