Morgunblaðið - 14.02.2003, Side 46

46 FÖSTUDAGUR 14. FEBRÚAR 2003 MORGUNBLAÐIÐ






 













 




 
 





!







 
!!

"



!!
 
#  BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MÉR hnykkti við þegar ég las pistil í
Lesbókinni minni í morgun. Árni
nokkur Ibsen finnur heimsókn
Charles Indifone allt til foráttu.
Hann segir að aðstandendur heim-
sóknar lækningapredikarans hafi
smalað saman fólki í Smáralindina til
að þiggja af því fé. Árni sér ekki alla
þá sem fengu blessun og bót, en
hann veit af einhverjum geðsjúkum
huldumanni sem lenti í hremming-
um. Árni fárast einnig yfir því að
menn sem tengjast þessum samkom-
um fengju að tjá sig við fjölmiðla og
svala eðlilegri forvitni fólks. Árni
gengur síðan enn lengra og reynir að
sverta kirkjurnar sem að þessu
stóðu með því að rifja upp ásaknir
Geðhjálpar á hendur þeim sem ekki
var flugufótur fyrir.
Ég verð að vísa málflutningi Árna
Ibsen á bug sem óhróðri af verstu
tegund. Hann hefði sómað sér vel
sem pistlahöfundur fyrir McCarthy í
Bandaríkjunum á sínum tíma eða
fulltrúi Rannsóknarréttarins á
Spáni, en að slík viðhorf séu sett
fram í Morgunblaðinu árið 2003 af
manni, sem væntanlega á að teljast
ábyrgur, er þyngra en tárum taki.
Ég ætla að grípa til minna beitt-
ustu vopna til að þagga þessa vit-
leysu niður. Ég ætla að biðja fyrir
Árna.
GUNNAR ÞORSTEINSSON,
forstöðumaður Krossins
í Kópavogi.
Bænarefni
Frá Gunnari Þorsteinssyni
Í SUNNUDAGSBLAÐI kemur
fram gagnrýni á að menningarmála-
nefnd borgarinnar hafi vísað til fé-
lagsþjónustunnar styrkumsókn
vegna listahátíðar félags fólks með
þroskahömlun. Rétt er að þetta var
gert, en að óyfirveguðu ráði sam-
kvæmt ábendingu faghóps sem vann
grunnvinnu fyrir menningarmála-
nefnd.
Að mati okkar nefndarmanna
meirihlutans sem funduðum í síðustu
viku þótti rétt að ræða þessa umsókn
eins og aðrar umsóknir um styrki við
menningarviðburði á árinu. Berum
við fulla ábyrgð á því að svona var
með farið, en þótti að athuguðu máli
rétt að skipta um skoðun. Ekki er
ástæða til að ætla að fulltrúar minni-
hlutans í menningarmálanefnd séu
því andsnúnir. Umsókninni var því
ekki vísað frá í raun, eins og þó hafði
verið kynnt. Fulltrúar í menningar-
málanefnd hafa fjölmargar umsókn-
ir til umfjöllunar þessar vikurnar og
er ljúft og skylt að geta, að þessu til-
efni gefnu, að umsókn Átaks er þar á
meðal. Formanni þykir leitt að svona
skyldi fara.
Virðingarfyllst,
STEFÁN JÓN HAFSTEIN,
formaður menningarmálanefndar
Reykjavíkur.
Svar við bréfi
um listahátíð
þroskahamlaðra
Frá Stefáni Jóni Hafstein
FRÁ hverjum skyldi þessi ótrúlega
fyrirsögn komin? Einhverjum sem
dvalið hefur langdvölum á Kúbu,
Norður-Víetnam eða í fyrrum Sovét-
ríkjum? Trúa menn því að þessi orð
má lesa skýrum stöfum í viðtali í
Morgunblaðinu hinn 12. þ.m., við kon-
una sem fyrst einstaklinga í vestrænni
stjórnmálasögu hefur tilkynnt öllum
lýðum, að hún og hún ein verði for-
sætisráðherraefni sambræðings hluta
gamla Alþýðubandalagsins og vinstri
krata í svokallaðri Samfylkingu.
Hvað segja allir kirkjunnar menn
um þessa skoðun Ingibjargar Sól-
rúnar forsætisráðherraefnis? – Hvað
segja þeir sem gæta laga og reglna í
þjóðfélaginu? Hvað segja fjölmiðla-
menn um þessa skoðun Ingibjargar
Sólrúnar forsætisráðherraefnis?
Og enn má lesa í sama viðtali við
forsætisráðherraefnið: „Fólk treyst-
ir ekki stofnunum samfélagsins, það
treystir ekki stjórnmálamönnum.“
Nú verða menn að gera upp við sig
hvort þeir vilja brosa eða gráta, eða
skyldu borgarfulltrúar Framsóknar-
flokksins og vinstri-grænna kannast
við einhvern sem lofaði og hét ótal
sinnum fyrir síðustu borgarstjórnar-
kosningar að hlaupa ekki undan
merkjum, og stjórna borginni næstu
fjögur árin. „Fólk treystir ekki
stjórnmálamönnum.“
Spurningin sem brenna mun hins
vegar á öllu hugsandi fólki fyrir
komandi Alþingiskosningar er þessi:
Getur einstaklingur sem hvorki
treystir lögreglu, kirkju né fjölmiðl-
um, sem svíkur án þess að blikna
samherja í borgarstjórn, getur þessi
sami einstaklingur gert kröfur um að
verða lyft í gullstól í forsæti ríkis-
stjórnar á Íslandi? Gangi nú hver og
einn í smiðju sinnar samvisku.
MAGNÚS ERLENDSSON,
ellilífeyrisþegi á Seltjarnarnesi.
„Fólk treystir
ekki lögreglu, kirkju
og fjölmiðlum“
Frá Magnúsi Erlendssyni