Morgunblaðið - 21.02.2003, Síða 18

ERLENT
18 FÖSTUDAGUR 21. FEBRÚAR 2003 MORGUNBLAÐIÐ
TVEIR verkamenn veiða rusl úr Austurvatni í borginni Wuhan, höfuðstað
héraðsins Hubei í Kína. Mengun í ám, vötnum og lofti og önnur umhverf-
isspjöll hafa orðið vaxandi vandamál í Kína síðustu áratugina vegna iðn-
væðingar og aukinnar framleiðslu í landinu.
Reuters
Hreinsað til í menguðu Austurvatni
NORÐUR-kóreskri orrustu-
þotu var í gær flogið inn í s-kór-
eska lofthelgi en það hefur ekki
gerst síðan árið 1983. Brugðust
S-Kóreumenn mjög hart við,
sendu á loft sex orrustuþotur og
juku viðbúnað flugskeytastöðva
á landi, en n-kóresku þotunni
var fljótlega snúið við. Átti at-
burðurinn sér stað yfir Gulahafi
en þar skarst í odda með norð-
ur- og suður-kóreskum fall-
byssubátum á síðasta ári. Gerist
þetta á sama tíma og N-Kóreu-
stjórn lýsir því yfir, að hún vilji
frið á Kóreuskaga.
Friðurinn úti
í Venesúela?
LÖGREGLAN í Venesúela
handtók í fyrradag kaupsýslu-
manninn Carlos Fernandez en
hann var helsti skipuleggjandi
63 daga verkfalls í því skyni að
neyða Hugo Chavez forseta til
afsagnar. Kom handtakan á
óvart því að Chavez og stjórn-
arandstaðan í landinu undirrit-
uðu á þriðjudag samning um, að
hvorirtveggju skyldu forðast of-
beldi og vinna að friði. Carlos
Ortega, leiðtogi stórs sambands
verkalýðsfélaga og andstæðing-
ur Chavezar, sagði í gær, að
handtakan hefði verið liður í
„ofsóknum“ forsetans gegn
stjórnarandstöðunni og spáði
því, að brátt yrði friðurinn úti á
ný.
124 ára
fangelsi
ANDREW Luster, erfinginn að
Max Factor-snyrtivörufyrir-
tækinu, var í gær dæmdur fjar-
verandi í 124 ára fangelsi fyrir
að hafa
nauðgað
þremur kon-
um eftir að
hafa byrlað
þeim ólyfjan.
Dómari í
Ventura-
sýslu, sem er
norður af
Los Angeles,
dæmdi hann
einnig til að greiða konunum 80
millj. kr. í skaðabætur. Luster
var handtekinn en látinn laus 3.
janúar sl. gegn 80 millj. kr.
tryggingu. Nokkru síðar lét
hann sig hverfa og er nú leitað.
Prófessor
handtekinn
PALESTÍNSKUR prófessor
við Tampa-háskóla í Flórída,
Sami Al-Arian, var í gær
ákærður í Bandaríkjunum
ásamt sjö öðrum mönnum fyrir
að styðja palestínsk hryðju-
verkasamtök. Fjórir hinna
ákærðu eru nú búsettir utan
Bandaríkjanna og gegna for-
ystustörfum fyrir samtökin, Ísl-
amska Jihad, að sögn alríkislög-
reglunnar, FBI. John Ashcroft
dómsmálaráðherra segir menn-
ina sakaða um að styðja Ísl-
amska Jihad með fé og æsa til
hryðjuverka. Sagði Ashcroft að
Arian væri leiðtogi Norður-Am-
eríkudeildar samtakanna sem
eru á skrá Bandaríkjastjórnar
yfir alþjóðleg hryðjuverkasam-
tök.
STUTT
Brutu
lofthelgi
Suður-
Kóreu
Andrew Luster
ÝMIS mannréttindasamtök og
stjórnarandstaðan í Zimbabwe
gagnrýndu frönsku stjórnina
harðlega í gær fyrir að hafa
boðið til sín Robert Mugabe, for-
seta Zimbabwe og næstum ein-
valdsherra í landinu. Voru
Frakkar sakaðir um að hafa
með því kastað fyrir róða bar-
áttu sinni fyrir mannréttindum.
Mugabe situr nú ráðstefnu
Frakka í Paris með leiðtogum
margra Afríkuríkja. Við kom-
una heilsaði Jacques Chirac
Frakklandsforseti honum með
handabandi en lét vera að kyssa
hann á kinnina eins og hina leið-
togana. Hér snúa þeir baki hvor
í annan og engu líkara er en
Chirac sé að kanna hvort Mug-
abe standi nokkuð of nærri. Reuters
Chirac og
Mugabe
EFNA þarf til annarrar umferðar í
forsetakosningunum í Armeníu en
núverandi forseti, Robert Kochar-
ian, fékk 49,8% atkvæða í kosning-
unum í fyrradag. Hann vantaði því
aðeins 0,2% upp á að ná kjöri.
Forseta verður að kjósa með að
minnsta kosti 50% atkvæða og því
mun Kocharian takast á við Stepan
Demirchian, helsta keppinaut sinn, í
annarri umferð. Ljóst er, að aðrir
andstæðingar Kocharians munu
sameinast um Demirchian og því
gæti seinni umferðin orðið mjög
spennandi. Því er þó almennt spáð,
að Kocharian muni að lokum hafa
vinninginn.
Við margan vanda er að glíma í
Armeníu en einna brýnast þykir að
finna lausn á deilu Armena og
Azerbaídjana um héraðið Nagorno-
Karabakh.
Önnur umferð
í Armeníu
Jerevan. AFP.
RÉTTARHÖLDIN yfir Marokkó-
manninum Mounir El Motassadeq,
sem þýskur dómstóll dæmdi á mið-
vikudag í 15 ára fangelsi fyrir aðild
að hryðjuverkunum í Bandaríkj-
unum, þykja sýna mjög vel hvernig
hryðjuverkasamtökin al-Qaeda
starfa og hvernig þau eru skipu-
lögð.
Motassadeq var fundinn sekur
um að hafa verið einn af átta mönn-
um í al-Qaeda-sellu í Hamborg en
talið er, að hún hafi lagt á ráðin um
að ræna flugvélum og fljúga þeim á
World Trade Center og Pentagon.
Lýstu saksóknarar honum sem
„mikilvægum hlekk“ í aðgerðinni og
sögðu, að hann hefði verið eftir í
Hamborg til að annast skipulagn-
ingu og annan undirbúning.
„Skipulagningin og það, sem að
henni lýtur, er mikilvægur hluti af
starfsemi al-Qaeda. Samtökin eru
þannig byggð upp, að þau líkjast
fremur neti nokkuð sjálfstæðra ein-
inga en boðvaldsstofnun,“ sagði
Humphry Crum Ewing í viðtali við
BBC, breska ríkisútvarpið, en hann
starfar hjá rannsóknarstofnun í
varnar- og öryggismálum við Lan-
caster-háskóla.
Motassadeq bjó
í íbúð með Moh-
amed Atta, auð-
ugum Egypta, en
talið er, að hann
hafi verið leiðtogi
sellunnar í Ham-
borg og foringi
hryðjuverkahóps-
ins. Hafði Mo-
tassadeq umboð til að annast
bankareikning eins flugræningj-
anna, Marwans El-Shehhi, og færði
af honum fé, sem notað var til að
greiða fyrir flugnám flugræningj-
anna í Bandaríkjunum.
Fé fært milli reikninga
Motassadeq færði féð fyrst inn á
reikning Ramzis Binalshibhs, Jem-
ena, sem hefur verið ákærður fyrir
að vera einn helsti skipuleggjandi
hryðjuverkanna og helsti tengiliður
Hamborgarsellunnar við yfirstjórn
al-Qaeda. Var Binalshibh handtek-
inn í Pakistan í
september síðast-
liðnum. Á banka-
færslum má sjá,
að það var síðan
Binalshibh, sem sá
um að yfirfæra
peningana til flug-
skóla í Flórída og
inn á annan
bankareikning,
sem Shehhi átti í Bandaríkjunum.
Voru þessar greiðslur í samræmi
við úttekt á reikningi Shehhis í
Hamborg. Við réttarhöldin var
einnig upplýst, að Motassadeq hefði
undirritað erfðaskrá Atta og hefði
verið í þjálfunarbúðum al-Qaeda í
Afganistan. Þrætti Motassadeq
raunar lengi fyrir að hafa verið þar
en viðurkenndi það um síðir.
Hamborg heppileg
Crum Ewing sagði í viðtalinu við
BBC, að valið á Hamborg sem að-
setri sellunnar hefði skipt miklu
máli. Þar byggju margir arabar auk
þess sem andrúmsloftið væri frjáls-
legt og réttarkerfið vingjarnlegt.
Þar fyrir utan væri borgin mjög
miðja vegu og auðvelt að forða sér
yfir næstu landamæri.
Félagarnir í al-Qaeda-sellunni
gerðu allt til að vekja ekki athygli á
sér og blönduðu því mikið geði við
aðra araba og arabíska námsmenn í
háskólanum.
Þýsku leyniþjónustunni hrósað
„Þeir voru óhultir svo lengi sem
þeir brutu ekkert af sér. Jafnvel
þótt lögregluna hafi grunað eitt-
hvað, gat hún ekki gert neitt fyrr
en hún fékk tilefni til þess,“ sagði
Crum Ewing. Fór hann mjög lof-
samlegum orðum um þýsku leyni-
þjónustuna, sem hann sagði mjög
virka og skipulagða.
„Ég tel, að dómurinn yfir Mot-
assadeq og allt það, sem grafið var
upp um hann, sýni hve vel var að
verki staðið,“ sagði Crum Ewing og
nefnir til samanburðar, að yfirvöld í
Bretlandi hafi enn engan ákært fyr-
ir hryðjuverk vegna skorts á sönn-
unum.
El Motassa sá um skipulagn-
inguna og peningamálin
Réttarhöld í Þýskalandi þykja sýna
vel hvernig al-Qaeda-sellur starfi
Motassadeq Mohamed Atta