Morgunblaðið - 25.02.2003, Blaðsíða 20
SUÐURNES
20 ÞRIÐJUDAGUR 25. FEBRÚAR 2003 MORGUNBLAÐIÐ
MEÐ BLAÐINU Í DAG
16 síðna blað um
menningu og mat
í tilefni Vetrarhátíðar
og „Food & Fun“.
Geymið blaðið!
VEFUR Reykjanesbæjar fær bestu
heildarútkomu í úttekt á þjónustu-
hlutverki vefja tuttugu stærstu
sveitarfélaga landsins. Vefurinn
slær sér upp á því að vera góður vett-
vangur umræðu og skoðanaskipta en
er talinn lakari við frétta- og upplýs-
ingamiðlun.
Úttekin var gerð í lok síðasta árs
og byrjun þessa af Jóni Heiðari Þor-
steinssyni og eru niðurstöðurnar
bornar saman við könnun sem gerð
var 2001. Lagt er mat á þrjá þætti
þjónustu, í fyrsta lagi frétta- og upp-
lýsingamiðlun, í öðru lagi þjónustu
og í þriðja lagi umræður og skoð-
anaskipti.
Vefur Reykjanesbæjar hefur bætt
sig umtalsvert frá fyrri könnun og
inniheldur mest af því efni og þjón-
ustu sem verið var að skoða í úttekt-
inni. Vefur bæjarins fær 75% ein-
kunn fyrir þjónustuver, 50% fyrir
fréttir og upplýsingamiðlun og 100%
fyrir umræður og skoðanaskipti.
Heildareinkunn er 77% sem er það
hæsta sem sveitarfélag fær. Næstur
í röðinni er vefur Reykjavíkurborg-
ar, með 69%, og Akranesbæjar, með
68%. Meðaltal þjónustu fimm fjöl-
mennustu sveitarfélaga landsins
reyndist 56%.
Eins og sést á þessum tölum fékk
vefur Reykjanesbæjar hámarksein-
kunn fyrir umræður og skoðana-
skipti en 50% einkunn fyrir fréttir og
upplýsingamiðlun dregur heildar-
einkunnina niður.
Reykjanesbær hefur lengi verið í
forystu sveitarfélaga á þessu sviði.
Var fyrstur til að veita þessa þjón-
ustu á Netinu. Upplýsingavefurinn
er í stöðugri þróun og mun úttektin
nýtast við að auka enn frekar þjón-
ustuþætti, að því er fram kemur í
fréttatilkynningu frá Reykjanesbæ.
Vefur bæjarins með
bestu þjónustuna
Reykjanesbær
KONRNAR í slysavarnadeildinni Þórkötlu voru
í óða önn að gera blómvendina klára þegar
fréttaritari leit við í húsi björgunarsveitarinnar
í Grindavík.
Þorgerður Guðmundsdóttir, formaður deild-
arinnar, er ánægð með starfsemina hjá kon-
unum og sagði: „Við erum um 150 í deildinni
og starfið mjög blómlegt og skemmtilegt. Þetta
er mesta fjáröflunin hjá okkur og árviss við-
burður. Við keyrum út blómvendi til þeirra
sem eru búnir að panta en við erum búnar að
senda skeyti á bátana í Grindavík og á fleiri
staði áður.“
Þorgerður segir að ágóðinn af blómasölunni
renni til kaupa á tækjum og búnaði til björg-
unarstarfa.
Morgunblaðið/Garðar Páll Vignisson
Björgunartæki fjármögnuð með blómum
Grindavík
„ÞESSI félagsskapur hófst árið
1971 og Baðstofan hefur verið
starfrækt allar götur síðan, nánast
með sama sniði,“ sagði Guðrún
Karlsdóttur forsvarsmaður í sam-
tali við blaðamann Morgunblaðsins
sem leit inn á námskeið hjá félag-
inu í Svarta pakkhúsinu í Keflavík.
Í Baðstofunni kemur saman
hópur fólks sem vinnur að mynd-
list. Að sögn Guðrúnar eru fé-
lagsmenn mislangt komnir, flestir
séu búnir að vera nokkuð lengi en
alltaf bætist nýir við og séu boðnir
velkomnir. „Við erum alltaf með
kennara eða leiðbeinanda hjá okk-
ur til þess að kenna aðferðir og
gagnrýna. Kennari hjá okkur núna
er Ingunn Eydal, grafík- og gler-
listamaður, og við hittumst í
Svarta pakkhúsinu á þriðjudags-
kvöldum.“
Upphaf Baðstofunnar má rekja
til þess að þrír áhugamenn, þau
Runólfur Elentínusson og systurn-
ar Guðrún og Erla Sigurbergs-
dætur, auglýstu í Suðurnesjatíð-
indum og voru Suðurnesjamenn
fljótir að taka við sér. Erlingur
Jónsson var fyrsti kennari hópsins
en síðan hafa kennarar og leið-
beinendur verið allmargir, m.a. Ei-
ríkur Smith í mörg ár. Á þeim
rúmu 30 árum sem Baðstofan hef-
ur verið starfrækt hafa margir
listamenn stigið fram en nýir bæt-
ast líka í hópinn. Joel E. Balana er
einn af þeim, en hann hefur búið í
Reykjanesbæ í tvö ár.
Gaman að teikna
Joel, sem er 15 ára, stundar
nám í Myllubakkaskóla í Keflavík
og fékk hvatningu frá kennara sín-
um að fara í þennan félagsskap.
„Einn af kennurum mínum, hún
Alma Vestmann, talaði við mig, því
hún hafði tekið eftir því að ég var
alltaf að teikna. Hún benti mér á
myndmenntina í skólanum, en þar
sem ég var of seinn í áfangann,
hafði hún samband við Guðrúnu til
að athuga hvort ég kæmist í þenn-
an félagsskap,“ sagði Joel í samtali
við blaðamann.
Aðspurður sagði Joel að þetta
væri mjög skemmtilegt, en hann
væri hins vegar ekkert ákveðinn í
hvað hann gerði meira með þetta.
„Mér finnst mjög gaman að teikna,
en hvort ég ætli að verða listamað-
ur er ég ekki ákveðinn í.“
Ungur, upprennandi myndlistarmaður á listnámskeiði hjá Baðstofunni í Keflavík
„Mér finnst gam-
an að teikna“
Morgunblaðið/Svanhildur Eiríksdóttir
Joel E. Balana er ekki viss um að hann langi að verða listamaður en hefur
engu að síður gaman af því að koma í Baðstofuna einu sinni í viku.
Keflavík
LÖGREGLAN í Hafnarfirði hand-
tók tvo menn á Reykjanesbrautinni
um miðjan dag á föstudag en þeir
voru á leiðinni úr Keflavík þar sem
þeir höfðu stolið úr verslunum.
Klukkan 15.27 var tilkynnt um
grunsamlegar ferðir tveggja manna í
Keflavík. Höfðu þeir farið í tvær
verslanir og vitni sagðist hafa séð þá
stinga munum inn á sig. Lögreglan í
Hafnarfirði stöðvaði þá á Reykjanes-
brautinni. Í bifreiðinni fundust hinir
ýmsu munir sem mennirnir viður-
kenndu að hafa tekið ófrjálsri hendi.
Þjófarnir
náðust í
Hafnarfirði
Keflavík
LÖGREGLAN í Keflavík fór um
helgina á tvo tölvuspilasali vegna
ábendinga sem borist höfðu um
starfsemina og um að þar væru börn
og unglingar langt fram eftir kvöld-
um. Stöðvaði lögreglan starfsemi
staðanna þar sem tilskilin leyfi lágu
ekki fyrir.
Á föstudagskvöldið voru tveir 13
ára piltar á öðrum staðnum þegar
lögreglan kom þar að klukkan 23.
Stöðva starf-
semi í tölvu-
spilasölum
Reykjanesbær
♦ ♦ ♦