Morgunblaðið - 21.03.2003, Síða 1
Stríð í Írak: Saddam Hussein var fyrsta
skotmarkið Hyggjast eyða sérsveitunum 18/25
STOFNAÐ 1913 77. TBL. 91. ÁRG. FÖSTUDAGUR 21. MARS 2003 PRENTSMIÐJA ÁRVAKURS HF. mbl.is
BANDAMENN gerðu í gærkvöldi harðar
loftárásir á Bagdad á sama tíma og stað-
fest var að liðsafli þeirra hefði haldið frá
Kúveit yfir landamærin og inn í Írak.
Loftárásirnar á Bagdad voru mun harð-
ari en þær sem gerðar voru í fyrrinótt.
Beindust þær að sögn hernaðarfræðinga
að lykilbyggingum í stjórnkerfi Saddams
Husseins Íraksforseta. Sögðu fréttamenn í
Bagdad að eldflaugar og sprengjur hefðu
hæft byggingu þar sem Tariq Aziz, aðstoð-
arforsætisráðherra Íraks, hefði áður haft
höfuðstöðvar sínar. Þá urðu ráðuneyti
skipulagsmála og utanríkisráðuneytið fyr-
ir árásum. Írakar greindu frá því að heim-
ili ættmenna Saddams Husseins hefðu orð-
ið fyrir árásum en manntjón hefði ekki
orðið. Sögðu þeir að meira en 70 eldflaug-
um hefði verið skotið á Bagdad.
Íraska sjónvarpið sýndi myndir af Sadd-
am Hussein en ógerlegt var að staðfesta
hvar og hvenær þær voru teknar. Banda-
ríkjamenn höfðu fyrr í gær staðfest að
Saddam forseti og aðrir helstu leiðtogar
Íraks hefðu verið skotmarkið í fyrstu árás-
inni á Bagdad í fyrrinótt.
Hermálasérfræðingar sögðu að svo virt-
ist sem bandamenn beindu einkum kröft-
um sínum að því að lama baráttuþrek
Íraka með því að beina árásum að leiðtog-
um landsins og lykilbyggingum í stjórn-
kerfinu. Von þeirra væri sú að þannig
mætti ef til vill knýja fram ólgu og jafnvel
uppgjöf.
Tony Blair, forsætisráðherra Bretlands,
greindi frá því í gærkvöldi að breskur liðs-
afli hefði látið til sín taka á láði, legi og í
lofti í suðurhluta Íraks. Hermdu fréttir að
Bretar hefðu m.a. gengið á land á Faw-
skaga syðst í landinu. Bandarískar sveitir
héldu einnig yfir landamærin frá Kúveit
eftir að gerðar höfðu verið miklar stór-
skotaliðs- og loftárásir á stöðvar Íraka í
suðurhlutanum. Hermt var að bandamenn
hefðu grandað nokkrum bryndrekum þar.
Fyrr um daginn höfðu Írakar skotið
a.m.k. þremur eldflaugum að Kúveit. Þær
ollu ekki tjóni en hermenn þar klæddust
ítrekað eiturefnabúningum þegar
loftvarnaflautur tóku að hljóma. Var það
gert af ótta við að eldflaugar Íraka bæru
efna- eða sýklavopn.
Ráðist gegn stjórnkerfi
Íraks með loftárásum
Ráðuneytisbyggingar í ljósum logum í Bagdad Landhernaður hafinn í suðurhlutanum
HUNDRUÐ þúsunda manna
tóku í gær þátt í mótmælafund-
um út um allan heim gegn
stríðsrekstri í Írak. Víða lentu
mótmælendur í pústrum við
lögreglu er þeir söfnuðust sam-
an fyrir utan bandarísk sendi-
ráð.
Nokkrum stundum eftir að
fyrstu flugskeytin lentu á bygg-
ingum í Bagdad í fyrrinótt
hófst mótmælabylgjan í Ástr-
alíu og Asíu og gekk síðan yfir
heiminn eftir tímabeltum.
Í Kaíró, stærstu borg araba-
heimsins, beitti lögregla þrýsti-
vatni til að dreifa múg sem
kastaði grjóti og reyndi að ráð-
ast inn í bandaríska sendiráðið.
Fjölmenn mótmæli voru í
Frakklandi, á Ítalíu og Spáni, í
Grikklandi og Austurríki. Á
mótmælafundi í þýzkum borg-
um mættu yfir 200.000 manns.
Stríðsrekstrinum var líka
mótmælt kröftuglega í mörgum
brezkum og bandarískum borg-
um. Fyrir utan Hvíta húsið í
Washington hrópuðu mótmæl-
endur: „Ekkert blóð fyrir olíu“.
Stríðinu
mótmælt
Lundúnum, Berlín, AP, AFP.
REYKJARMÖKKUR rís upp af skipulags-
málaráðuneyti Íraks við bakka Tígrisfljóts í
Bagdad í gærkvöldi, eftir að bandarísku flug-
skeyti var stýrt á það. Loftárásir á valin skot-
mörk í írösku höfuðborginni byrjuðu aftur síð-
degis, en hernaðurinn hófst með slíkum árásum í
fyrrinótt. Lentu sprengjur m.a. á höll Saddams
Husseins forseta, ráðuneytum og öðrum stjórn-
arbyggingum.
Sprengjuárásir á valin skotmörk
Reuters
ELDAR lýstu upp næturhimininn
nærri borginni Basra í suðurhluta
Íraks í gær og virtust þannig stað-
festa að Írakar hefðu afráðið að
kveikja í olíulindum þar.
Bandarískur herforingi sagði í
samtali við AP-fréttastofuna að
Írakar hefðu kveikt í þremur olíu-
lindum. Greina mátti eldinn í um 15
kílómetra fjarlægð og fréttamenn
sem fóru með liðsafla Bandaríkja-
manna yfir landamæri Kúveits og
inn í Írak kváðust hafa séð eldtungur
og reykjarmökk stíga á loft.
Donald Rumsfeld, varnarmálaráð-
herra Bandaríkjanna, kvaðst í gær
ekki geta staðfest að skemmdarverk
þessi hefðu verið unnin en sagði að
vera kynni að kveikt hefði verið í á
þremur eða fjórum olíuvinnslusvæð-
um. Bandaríkjamenn fullyrða að
Saddam Hussein hafi látið koma
sprengjum fyrir við olíulindir og
þannig sé frá þeim gengið að einn
maður geti kveikt í þeim. Þannig
hyggist Saddam uppræta mikilvæg-
ustu auðlind þjóðarinnar telji hann
stríðið tapað. Arabíska sjónvarps-
stöðin Al-Arabiya greindi einnig frá
því að eldar hefðu blossað upp við
Rumeila um 80 kílómetra vestur af
Basra. Rumeila er eitt stærsta olíu-
vinnslusvæði Íraka.
Kveikt í olíulindum
Við landamæri Íraks og Kúveits. AP.