Morgunblaðið - 03.04.2003, Blaðsíða 28
LANDIÐ
28 FIMMTUDAGUR 3. APRÍL 2003 MORGUNBLAÐIÐ
SAMKVÆMT upplýsingum á
heimasíðu Austur-Héraðs, egils-
stadir.is, sýna nýjar rannsóknir á
vatnsbólum þéttbýlisins á Egils-
stöðum að þau eru mun öruggari en
haldið hefur verið fram til þessa.
Vatnið í þeim er grunnvatn ættað
úr nálægu fjalllendi en ekki vatn
sem meðal annars á uppruna sinn í
Eyvindará, eins og hingað til hefur
verið talið. Þetta eru niðurstöður
rannsókna sem framkvæmdar voru
þegar flóðin í Lagarfljóti stóðu sem
hæst fyrri hluta vetrar. Neysluvatn
fyrir þéttbýlið á Egilsstöðum er
unnið úr ríflega 10 metra djúpum
borholum á Egilsstaðanesi, sem er
tangi á ármótum Lagarfljóts og Ey-
vindarár. Auk ferskvatnsnáms er
ýmis önnur starfsemi á Nesinu og
er Egilsstaðaflugvöllur þar mest
áberandi, en þar hefur einnig verið
stundað malarnám. Að öðru leyti er
Nesið að verulegu leyti ræktarland.
Vegna þessara umsvifa hafa ýmsir
haft uppi efasemdir um að vatns-
bólin væru nægilega örugg gagn-
vart mengun, þrátt fyrir að neyslu-
vatnsnám þarna hafi verið
áfallalaust. Til þessa hafa verið
dregnar þær ályktanir að grunn-
vatnsstreymi til vatnsbólanna væri í
megindráttum frá Eyvindará. Af
hálfu Heilbrigðiseftirlits Austur-
lands hefur samt verið áhugi á að
taka sýni til efnagreininga við
óvenjulegar aðstæður, sem hugs-
anlega gætu orsakað efnamengun í
vatnsbólunum, eða sýnt fram á
grunnvatnsstreymi að þeim frá
Lagarfljóti. Þetta tækifæri bauðst í
stórflóðum í Lagarfljóti fyrri hluta
vetrar og þegar seinna flóðið var í
hámarki 2. desember sl. tók starfs-
maður Heilbrigðiseftirlits Austur-
lands vatnssýni úr vatnsbólunum
annarsvegar og Lagarfljóti hinsveg-
ar.
Á heimasíðu Austur-Héraðs segir
enn fremur, að við efnagreiningu
hjá rannsóknasviði Orkustofnunar
hafi komið í ljós að sýnið úr Lag-
arfljóti líkist á engan hátt vatni í
vatnsbólunum og miðað við sýni frá
fyrri árum varð engin marktæk
breyting á vatni í þeim meðan á
flóðunum stóð. Þessar rannsóknir
leiddu í ljós að efnasamsetning
vatnsins í vatnsbólum Egilsstaða
bendir til uppruna í grunnvatni frá
hálendi en síður úr árvatni eins og í
Lagarfljóti eða Eyvindará. Orku-
stofnun segir meðal annars í
skýrslu sinni að á grundvelli þess-
ara upplýsinga teljist vatn í vatns-
bólum Egilsstaða að mestu leyti
vera grunnvatn ættað úr nálægu
fjalllendi og sjáist ekki merki um
árvatn í því. Vatnsbólin verji sig vel
þó að stórflóð komi í aðliggjandi
vatnsföll og þau hafi ekki orðið fyr-
ir áhrifum af vatni úr Lagarfljóti í
flóðunum í desember. Þessar rann-
sóknir séu því afar hagstæðar
vatnsbólunum og neysluvatn úr
þeim hafi tiltölulega stöðuga efna-
samsetningu, vatnið hafi mun meiri
grunnvatnseinkenni en ætlað var og
áhrifa vatns úr Lagarfljóti gæti
ekki. Þessar niðurstöður hafa vakið
athygli víðar, því þær voru kynntar
fyrir forsvarsmönnum samstarfs-
verkefnis Háskóla Íslands, Háskól-
ans á Akureyri og Orkustofnunar
um vatnsauðlindir Íslands. Þeim
þótti áhugavert að safnað yrði frek-
ari sýnum úr vatnsbólunum og
nærliggjandi ám og lindum til yf-
irgripsmikillar efnagreiningar. Því
má vera að enn frekari rannsóknir
fari fram á neysluvatni úr vatns-
bólum Egilsstaða sem, samkvæmt
nýjustu rannsóknum, er tært og
hreint grunnvatn komið úr iðrum
jarðar.
Nýjar rannsóknir sýna að Eyvindará og
Lagarfljót hafa ekki áhrif á vatnsbúskap
Vatnsból Egils-
staðabúa betri
en talið var
Morgunblaðið/Steinunn Ásmundsdóttir
Egilsstaðir
LEIKHÓPUR Hafralækjarskóla
sýndi um helgina Heilagan Bene-
dikt, en svo nefnist harmrænn gam-
anleikur eftir sr. Þorgrím Daníels-
son, sóknarprest á Grenjaðarstað.
Margt fólk var á sýningunni enda
gætti töluverðrar forvitni þar sem
um alveg nýtt leikverk er að ræða.
Það var sr. Þorgrímur sjálfur sem
leikstýrði verkinu með aðstoð Ró-
berts Blöndals Gíslasonar, en nítján
nemendur völdu það að taka þátt í
þessu samstarfsverkefni sókn-
arprests og skólans.
Sr. Þorgrímur byggir verk sitt á
fornri helgisögn um heilagan Bene-
dikt frá Núrsíu en hann var uppi um
og eftir 500 e.Kr. og var þekktastur
fyrir að stofna reglu Benediktus-
armunka sem hafði gífurleg áhrif á
alla vestanverða Evrópu á miðöld-
um. Nokkur klaustur á Íslandi munu
hafa starfað eftir þessari reglu og
enn í dag er fjöldi klaustra kenndur
við heilagan Benedikt en eftir hann
liggur reglurit um munkaklaustur
sem sr. Þorgrímur studdist við þeg-
ar hann samdi verkið. Þá var einnig
stuðst við ævisögukafla sem talið er
að Gregor mikli hafi sett saman.
Leikritið gerist í klaustri einu þar
sem ábótinn er látinn og er heilagur
Benedikt fenginn til þess með
nokkrum fortölum að gerast ábóti
hjá eftirlifandi munkum en þeir
höfðu ákveðið að fá utanaðkomandi
ábóta til að vera andlit klaustursins
út á við. Við komu heilags Benedikts
breyttist daglegt líf í klaustrinu
mikið því hann var ekki alveg venju-
legur ábóti og úr spannst heilmikil
atburðarás.
Með helstu hlutverk fóru m.a.
Halldóra Kristín Bjarnadóttir sem
lék heilagan Benedikt, Brandur
Þorgrímsson sem lék Príor, æðsta
valdamann klaustursins, Slepjus
frænda Príorsins lék Arnfríður Her-
mannsdóttir, brytann lék Elvar Rún-
arsson og Svala Hrönn Sveinsdóttir
lék Jón hinn heiðarlega munk.
Sögumaður var Íris Arngrímsdóttir
sem jafnframt var hvíslari.
Mikil vinna var lögð í búninga og
margir urðu til þess að leggja hönd
á plóginn til þess að sýning þessi
yrði að veruleika. Í lok sýningar
fengu höfundurinn og þessir ungu
leikarar skólans mikið klapp enda
ekki annað að sjá en að allir hefðu
skemmt sér feikilega vel.
Heilagur Benedikt í
Hafralækjarskóla
Morgunblaðið/Atli Vigfússon
Halldóra Kristín Bjarnadóttir og Svala Hrönn Sveinsdóttir í leikritinu.
Laxamýri
NÆSTKOMANDI laugardag, 5.
apríl, verður haldið íbúaþing hér í
Hveragerði. Unnið er að því að radd-
ir sem flestra bæjarbúa heyrist.
Börnum í bænum er boðið að taka
þátt í þinginu og koma með sínar
skoðanir á því sem bærinn hefur upp
á að bjóða og hvað það er sem þeim
þykir að vanti í bænum þeirra.
Krakkarnir sem eru í 5. bekk í vetur
fengu þrjár spurningar til að vinna
úr. Spurningarnar eru: Hvað er gott
við að búa í Hveragerði?, hverju þarf
að breyta? og í þriðja lagi hvað
myndi ég gera ef ég mætti ráða?
Margar skemmtilegar hugmyndir
komu frá krökkunum og var gaman
að fylgjast með einum hópnum þeg-
ar hann reyndi að finna skýringar á
því hvers vegna þeim þættu allir svo
skemmtilegir í Hvergerði. Rödd
krakkanna fær að heyrast og mun
fulltrúi þeirra koma á íbúaþingið og
skýra frá niðurstöðum þeirra.
Morgunblaðið/Margrét Ísaksdóttir
Sóley, Íris, Ívar, Laufey, Jóhann og Jenný undirbúa sig fyrir íbúaþingið.
Íbúaþing í Hveragerði
Hveragerði
FERÐAMÁLADEILD Hólaskóla
og atvinnu- og ferðamálanefnd
Skagafjarðar standa sameiginlega
að málþingi á Hólum um nýjungar í
ferðaþjónustu mánudaginn 7. apríl.
Að málþingi loknu er opið hús hjá
Ferðaþjónustunni á Hólum en ætl-
unin er að ferðaþjónustuaðilar í
Skagafirði muni á næstu vikum
kynna starfsemi sína fyrir íbúum
Skagafjarðar.
Ferðaþjónusta í Skagafirði er
stöðugt að sækja í sig veðrið og mikil
uppbygging hefur átt sér stað innan
afþreyingargeirans undanfarin ár.
Sífellt verður þó að leita leiða til þess
að finna ný tækifæri sem geta styrkt
stöðu ferðaþjónustunnar á svæðinu.
Á málþinginu verða ný sóknarfæri á
sviði ferðaþjónustu kynnt til sögunn-
ar en einnig verður kynnt nýleg
rannsókn Hagfræðistofnunar á
margfeldisáhrifum ferðaþjónustu í
Skagafirði.
Öflug kynningarstarfsemi er mik-
ilvægur þáttur í starfsemi flestra
ferðaþjónustufyrirtækja og liður í
þeirri kynningu er að heimamenn
hafi glögga vitneskju um hvað ferða-
þjónustan á þeirra svæði hefur upp á
að bjóða, segir í fréttatilkynningu.
Þetta er í fyrsta skipti sem boðið er
upp á opið hús hjá ferðaþjónustufyr-
irtækjum. Ferðamálafulltrúi Skaga-
fjarðar heldur utan um skipulagn-
ingu á opnu húsi ferðaþjónustunnar
en verkefnið er unnið í samstarfi
ferðamálafulltrúa, ferðamáladeildar
Hólaskóla og atvinnu- og ferðamála-
nefndar Skagafjarðar.
Ferðaþjónusta að sækja í sig veðrið
Skagafjörður