Morgunblaðið - 03.04.2003, Blaðsíða 48

MINNINGAR
48 FIMMTUDAGUR 3. APRÍL 2003 MORGUNBLAÐIÐ
✝ Sigrún Daníels-dóttir hjúkrunar-
fræðingur fæddist á
Akranesi 6. mars
1937. Hún andaðist á
Sjúkrahúsi Akraness
aðfaranótt sunnu-
dagsins 30. mars síð-
astliðins. Foreldrar
hennar voru Daníel
Vigfússon, f. 16.11.
1903, d. 11.5. 1964, og
Sigrún Sigurðardótt-
ir, f. 2.10. 1907, d.
23.5. 1942. Systkini
Sigrúnar eru Gróa, f.
2.1. 1929, Guðrún, f.
5.1. 1930, Anna, f. 1.8. 1931, d. 3.6.
1999, Hrefna, f. 16.4. 1933, Sigurð-
ur, f. 16.11. 1934, Halldóra, f. 18.5.
1939, og Margeir Rúnar, f. 20.12.
1943.
Börn Sigrúnar eru: Þröstur E.
Guðmundsson, f. 12.5. 1963, Eð-
varð Dan Eðvarðsson, f. 12.6. 1965,
og Víðir Sigrúnarson, f. 17.7. 1968.
Sigrúnu fæddist óskírð dóttir 16.5.
1958. Hún lést
skömmu eftir fæð-
ingu.
Sigrún nam hjúkr-
unarfræði við Hjúkr-
unarskóla Íslands og
útskrifaðist þaðan í
nóvember 1960. Frá
1960 starfaði Sigrún,
með hléum vegna
barneigna, sem
hjúkrunarfræðingur
á lyflækningadeild á
sjúkrahúsinu á Akra-
nesi og seinna um
nokkurra ára skeið á
deild A6 á Borgar-
spítalanum í Reykjavík. Síðustu ár
starfsævinnar starfaði Sigrún á
öldrunardeild á sjúkrahúsi Akra-
ness, til ársins 1993. Auk þess
starfaði Sigrún um skamma hríð
sem kennari í heilbrigðisfræðum
við Fjölbrautaskólann á Akranesi.
Útför Sigrúnar fer fram frá
Akraneskirkju í dag og hefst at-
höfnin klukkan 14.
Elsku mamma mín. Ég mun alltaf
minnast þín með þakklæti og hlýju.
Ein af mínum elstu minningum um
þig er frá því ég var á fjórða ári og þú
varst að baða mig. Við vorum að
ræða saman um lífið og tilveruna og
ég sagði þér að ég ætlaði að verða
læknir af því að þú varst hjúkrunar-
kona. Ég ætlaði alltaf að lækna þig
þegar þú yrðir veik og þannig koma í
veg fyrir að þú myndir nokkurn tím-
ann deyja. Ég var mjög ánægður
með þessa hugkvæmni mína. Þá var
lífið svo einfalt og svo gott.
Það var ekki auðvelt að ala ein upp
þrjá stráka, misóstýriláta og erfiða á
köflum. Lífið með sinn hverfulleika
var oft og tíðum óbilgjarnt og fór
ekki alltaf um þig þeim blíðuhöndum
sem þú gerðir gagnvart okkur.
Ég hef margoft fengið að heyra
hversu góður hjúkrunarfræðingur
þú varst og það voru margar sög-
urnar um sjúklinga sem ekki vildu
láta neina aðra en þig sinna sér og
menn neituðu jafnvel að láta sprauta
sig þangað til þú varst mætt á vakt-
ina. Ég veit að þér þótti það mest
gefandi í starfi þínu að sitja yfir deyj-
andi og jafnvel eftir að þú lést af
störfum var það þitt hlutverk að sitja
yfir deyjandi ættingjum og vinum.
Ég get gert mér það í hugarlund
hversu gott það hefur verið að njóta
aðhlynningar þinnar á síðustu
augnablikum ævinnar, það hefur ver-
ið eins og að vera með sjálfa Florence
Nightingale við dánarbeðinn, eins
falleg og þú varst.
Mér þykir það sárast að þú náðir
ekki að sjá litla strákinn okkar Lauf-
eyjar sem við eigum von á nú á næstu
dögum. Ég veit að þú hlakkaðir mik-
ið til að sjá hann og varst búin að
kaupa ýmislegt fallegt handa honum
og varst, þrátt fyrir veikindi þín,
byrjuð að prjóna á hann barnaföt. Ég
mun segja honum frá þér og segja
honum að á himnum sé fallegur eng-
ill sem vaki yfir honum og gæti hans.
Þakka þér fyrir allt, mamma mín.
Víðir.
Þegar ég kveð Sigrúnu, tengda-
móður mína, er mér efst í huga þakk-
læti fyrir hlýjan hug hennar í garð
okkar Víðis og barnsins sem við eig-
um von á núna í aprílmánuði. Ég veit
að hún hlakkaði mikið til að fá barna-
barnið í heimsókn og þrátt fyrir erfið
veikindi var hún byrjuð að prjóna
hlýtt teppi handa barninu. Ég fékk
sjálf marga mjúka pakka með hlýjum
flíkum frá Sigrúnu sem ennþá ylja
mér og oftar en ekki gott í gogginn
þegar við Víðir heimsóttum hana á
Akranesi.
Ég fel í forsjá þína
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(M. Joch.)
Hvíldu í friði, elsku Sigrún.
Laufey Ásgrímsdóttir.
Mig langar að minnast Rúnu, móð-
ursystur minnar, með örfáum orðum.
Hún var besta frænka, falleg, glöð,
blíð og alltaf stutt í húmorinn. Ljós-
bleiki liturinn sem fylgdi henni í öllu.
Púðurdósin, Engelbert Humperdink
og Tom Jones vekja alltaf upp góðar
minningar um bestu frænku.
Eitt sinn verða allir menn að deyja.
Eftir bjartan daginn kemur nótt.
Ég harma það, en samt ég verð að segja,
að sumarið líður alltof fljótt.
(Vilhj. Vilhjálmsson.)
Elsku Þröstur, Eddi og Víðir.
Sendi ykkur mínar innilegustu sam-
úðarkveðjur.
Rúna Björk.
Nú kveð ég góða vinkonu mína og
nágranna. Hún Sigrún er nú farin og
kemur ekki aftur. Mér finnst það svo
skrýtið, þar sem mér fannst að hún
ætti mörg ár til viðbótar þegar ég
heimsótti hana á sjúkrahúsið. Ég fór
með myndir til hennar sem ég hafði
verið að sækja í framköllun. Og það
fannst henni gaman að skoða. Henni
fannst Patrekur vera orðinn svo stór
þar sem hún var búin að vera allaveg-
ana tvo mánuði á Reykjalundi og
ekkert búin að sjá hann. Við sátum
og spjölluðum og borðuðum súkku-
laði þangað til Patrekur vaknaði og
þá kvaddi ég hana í síðasta sinn.
Við Sigrún kynntumst í fyrra, þeg-
ar hún bankaði upp á hjá mér og bað
mig að sækja fyrir sig póstinn og svo
fékk ég lykil að póstkassanum hjá
henni og sótti hann nánast á hverjum
degi. Henni þótti voða gott að spjalla
þar sem hún komst ekkert út. Hún
talaði mikið um Víði og hvað hann
væri duglegur í læknisfræðinni og
væri að verða pabbi í apríl.
Við Unnar reyndum að stilla fyrir
hana sjónvarpið því að myndin var
græn-gul og sjónvarpið eiginlega
eina afþreyingin fyrir hana. Svo fékk
hún óvæntan glaðning og keypti sér
bara nýtt sjónvarp sem hún var rosa-
lega ánægð með.
Vertu yfir og allt um kring
með eilífri blessun þinni.
Sitji guðs englar saman í hring
sænginni yfir minni.
(Sig. Jónsson.)
Við Unnar Örn og Patrekur Orri
kveðjum hér yndislega konu með
gott hjarta. Hafðu það nú sem allra
best. Og við biðjum guð að vernda
litla ófædda ömmubarnið þitt og fjöl-
skyldu.
Þín vinkona,
Ragnheiður.
SIGRÚN
DANÍELSDÓTTIR
Ástkær móðir okkar, tengdamóðir, amma og
langamma,
MARKÚSÍNA GUÐNADÓTTIR
hárgreiðslumeistari,
sem lést föstudaginn 28. mars, verður jarð-
sungin frá Fossvogskirkju föstudaginn 4. apríl
kl. 13.30.
Helena Alma Ragnarsdóttir, Jón Ingvar Ragnarsson,
Sigurður Egill Ragnarsson, Bryndís S. Halldórsdóttir,
barnabörn og barnabarnabörn.
Elskuleg systir mín, móðir okkar, tengdamóðir,
amma og langamma,
FRIÐBJÖRG ÓLÍNA KRISTJÁNSDÓTTIR
frá Einarslóni,
síðast til heimilis á
Faxabraut 13,
Keflavík,
verður jarðsungin frá Keflavíkurkirkju föstu-
daginn 4. apríl kl. 14.
Blóm afþökkuð, en þeim, sem vilja minnast hennar, er bent á Sjúkra-
húsið í Keflavík.
Þórheiður Kristjánsdóttir,
Sigurður Sævar Matthíasson, Janina Matthíasson,
Hafdís Matthíasdóttir, Sigbjörn Ingimundarson,
Ingibjörg Sigbjörnsdóttir, Shane Seaword,
Matthías Sigbjörnsson,
Pétur Ingi Sigbjörnsson
og ástvinir.
INGIBJÖRG ÞORGEIRSDÓTTIR
sem lést föstudaginn 28. mars, verður jarð-
sungin frá Reykhólakirkju laugardaginn 5. apríl
kl. 14.00.
Ingibjörg stofnaði á sínum tíma Styrktarsjóð
aldraðra. Sjóðurinn er í vörslu Landssam-
bands eldri borgara og eru þeir, sem vildu
minnast hennar, beðnir að láta hann njóta
þess, á reikning hjá Búnaðarbanka Íslands nr.
301-13-300693, kt. 600989-4059.
Fyrir hönd vina og ættingja,
Ásgrímur Gunnarsson.
Ástkær eiginkona mín, móðir okkar, tengda-
móðir, amma og langamma,
MAGGÝ HELGA JÓHANNSDÓTTIR,
Kópavogsbraut 1b,
Kópavogi,
verður jarðsungin frá Fossvogskirkju föstu-
daginn 4. apríl kl. 10.30.
Tómas Jónsson,
Sandra Róberts, Helgi Björnsson,
Margrét Tómasdóttir, Arnar Jósefsson,
Sigríður Tómasdóttir, Guðjón Sverrisson,
Jóhann Tómasson, Sigurlaug Sæmundsdóttir,
Helga Tómasdóttir, Ingvi Magnússon,
barnabörn og barnabarnabörn.
Elskuleg eiginkona mín, móðir okkar, tengda-
móðir, amma og langamma,
MARGRÉT GUÐLEIFSDÓTTIR,
verður jarðsungin frá Siglufjarðarkirkju laugar-
daginn 5. apríl kl. 14.00.
Níels Friðbjarnarson,
Ólöf M. Ólafsdóttir, Jón Torfi Snæbjörnsson,
Guðrún Þ. Níelsdóttir, Sigurður K. Harðarson,
Friðbjörn Níelsson, Soffía Jónsdóttir,
ömmubörn og langömmubörn.
Innilegar þakkir til allra sem sýndu okkur samúð
og hlýhug við andlát og útför elskulegrar systur
okkar,
HELGU HÖNNU MAGNÚSDÓTTUR,
Holtsgötu 19,
Reykjavík.
Fyrir hönd aðstandenda,
Þórný Magnúsdóttir,
Hörður Jónsson.
Legg ég nú bæði líf og
önd,
ljúfi Jesús, í þína hönd,
síðast þegar ég sofna fer
sitji Guðs englar yfir
mér.
(Hallgr. Pétursson.)
Ég kveð þig, kæri Jón læknir, með
óendanlegu þakklæti í huga. Í mín-
um huga varst þú einstakur maður
JÓN KRISTJÁN
JÓHANNSSON
✝ Jón Kristján Jó-hannsson fæddist
í Reykjavík 30. apríl
1927. Hann lést á
heimili sínu í Reykja-
vík 11. mars síðast-
liðinn og var útför
hans gerð frá Graf-
arvogskirkju 21.
mars.
og frábær læknir og á
ég líf mitt þér að þakka.
Kæri Jón, þú varst vin-
ur vina þinna og það er
besta fólkið.
Öllum þeim sem
þótti vænt um hann
sendi ég samúðar-
kveðjur með bæn um
styrk og huggun.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. Sveinbjörn Egilsson.)
Ingibjörg Danivalsdóttir
og fjölskylda.
AFMÆLIS- og minningar-
greinum má skila í tölvupósti
(netfangið er minning@mbl.is,
svar er sent sjálfvirkt um leið
og grein hefur borist) eða á
disklingi. Ef greinin er á disk-
lingi þarf útprentun að fylgja.
Nauðsynlegt er að tilgreina
símanúmer höfundar og/eða
sendanda (vinnusíma og heima-
síma). Ekki er tekið við hand-
skrifuðum greinum.
Um hvern látinn einstakling
birtist ein aðalgrein af hæfi-
legri lengd á útfarardegi, en
aðrar greinar séu um 300 orð
eða 1.500 slög (með bilum) en
það eru um 50 línur í blaðinu
(17 dálksentimetrar). Tilvitn-
anir í sálma eða ljóð takmark-
ast við eitt til þrjú erindi. Einn-
ig er hægt að senda örstutta
kveðju, HINSTU KVEÐJU, 5–
15 línur, og votta virðingu án
þess að það sé gert með langri
grein. Greinarhöfundar eru
beðnir að hafa skírnarnöfn sín
en ekki stuttnefni undir grein-
unum.
Frágangur
afmælis-
og minning-
argreina