Morgunblaðið - 03.04.2003, Blaðsíða 59
ÍÞRÓTTIR
MORGUNBLAÐIÐ FIMMTUDAGUR 3. APRÍL 2003 59
HANNA Kjartansdóttir, fyrirliði
KR, sagði lið sitt hafa misst damp-
inn. „Það var sérstaklega sárt að
tapa því við höfðum fyrri hálfleik-
inn í okkar höndum. Það getur ver-
ið að þessi blessaða breidd sem okk-
ur skortir hafi haft áhrif en and-
lega hliðin brást líka. Við vorum
rosalega ákveðnar í fyrri hálfleik
og ef við mætum svoleiðis til leiks
er ekkert lið sem getur stöðvað
okkur en við verðum þá líka að vera
það allan leikinn. Þær náðu að
halda aftur af Jessicu Stormsky hjá
okkur og hún náði sér engan veg-
inn á strik. Þær hafa oft haldið í við
hana áður þó hún hafi skilað stig-
unum eins og hún á að gera en hún
átti ekki góðan dag í dag, þá ekki
endilega af því að Keflavík hafi
leikið góða vörn heldur að hún átti
ekki góðan dag. Það hefur líka háð
okkur að allt liðið á aldrei góðan
dag, það er alltaf einhver einn sem
stendur upp úr og þannig vinnur
ekkert lið,“ sagði Hanna og telur að
reynslan, sem liðið hefur fengið í
vetur, muni skila sér. „Mér finnst
við hafa staðið okkur vel miðað við
þau áföll sem við höfum orðið fyrir.
Við misstum fjóra landsliðmenn frá
í fyrra og stelpurnar, sem eru að
spila núna voru vanar að spila sex
til sjö mínútur en eru allt í einu
farnar að spila tuttugu til þrjátíu
mínútur. Þær þurfa að venjast því
en það gerist ekki á einni nóttu og
við komum því sterkar til leiks
næsta ár, reynslunni ríkari.“
Andlega hliðin brást
ÁKVÖRÐUN um keppnisleyfi í
efstu deild karla í knattspyrnu í sum-
ar var ekki tekin á fundi leyfisráðs
KSÍ á þriðjudag, eins og til stóð.
Henni var frestað þar sem Knatt-
spyrnusamband Evrópu, UEFA,
hefur ekki formlega samþykkt leyf-
ishandbók KSÍ en fyrstu leyfishand-
bækur knattspyrnusambanda í álf-
unni verða samþykktar í þessum
mánuði. Næsti fundur leyfisráðsins
verður 8. apríl en ekki liggur fyrir
hvort samþykktin verði þá komin frá
UEFA.
Eins og fram hefur komið hafa
bæði KA og Fylkir átt í erfiðleikum
með að uppfylla kröfur um mann-
virki, sem tilskildar eru til að félög
fái keppnisleyfi í efstu deild í sumar.
Frá fyrstu mínútu lögðu Keflavík-urstúlkur mikla áherslu á að
loka fyrir sendingar inn á KR-inginn
Jessicu Stormsky
undir körfuna og
einnig varna henni
að taka fráköst í
vörninni. Það gekk
vel en þær sáu ekki fyrir að Hanna
Kjartansdóttir myndi þá láta til sín
taka. Hún skoraði hverja körfuna á
fætur annarri og dró vagninn fyrir
KR ásamt Hildi Sigurðardóttur. Það
var helst Sonia Ortega, sem hélt
Keflvíkingum gangandi í sókninni
þótt allir hafi lagst á árarnar en KR
náði samt 20:12 forystu þegar átta
mínútur voru liðnar af fyrsta þriðj-
ungi. Þá slökuðu gestirnir á klónni í
nokkrar mínútur svo að Keflavík
náði eins stigs forystu en með góðri
baráttu náði KR aftur að snúa tafl-
inu við. Það kostaði hins vegar mikla
baráttu og Hildi þrjár villur svo að
hún var tekin af leikvelli til að nota í
átökin síðar. Fjarvera hennar hafði
slæm áhrif á KR, liðið missti móðinn
þótt þeim hafi tekist með herkjum
að halda sér inni í leiknum.
Snemma í þriðja leikhluta fóru
leiðir að skiljast og í rúmar níu mín-
útur tókst KR aðeins að skora 3 stig
gegn góðri vörn Keflvíkinga, sem þó
skoruðu fimmtán á sama tíma og
staðan orðin 58:45. Helsta ástæðan
var að Keflavík náði að skipta ört
inn á reynslumeiri leikmönnum og í
fjórða leikhluta jókst bilið enn frek-
ar. Þegar Jessica fór síðan út af með
5 villur sjö mínútum fyrir leikslok
brá fyrir uppgjöf í mörgum leik-
mönnum KR, sem hömuðust á vell-
inum en skiluðu liðinu ekki miklu.
„Við ætluðum að nýta okkar
mesta styrkleika, breiddina, og
gerðum það mjög vel,“ sagði Anna
María Sveinsdóttir, þjálfari og leik-
maður Keflavíkur, eftir leikinn. „Við
vissum vel að þær myndu ekki leyfa
okkur að vinna þrjá leiki í röð en líka
að ef við myndum spila að okkar
hætti og halda áfram að hlaupa
endalaust myndum við stinga þær af
því við erum í betri æfingu og getum
spilað á fleiri leikmönnum. Jessica
er ekki í góðri æfingu svo við stung-
um hana af og hún var búin að vera í
síðari hálfleik. Allir sem komu inn á
hjá okkur spiluðu vel og skiluðu
sínu. Við sýndum hvernig yfirburði
við höfum haft í vetur – töpuðum
reyndar þremur leikjum á vondum
tíma en unnum þrjá titla svo að ég er
rosalega sátt. Við höfum ekki unnið
bikarinn á heimavelli í um áratug og
langaði því virkilega að vinna núna.
Það þurfti því ekki mikið til að herða
á liðinu og allir voru tilbúnir.“ Hún
átti góðan leik ásamt Erlu Þor-
steinsdóttur sem var einnig dugleg
við að gæta Jessicu og tók 12 frá-
köst. Birna Valgarðsdóttir tók níu
fráköst en Sonja 8 og gaf 7 stoðsend-
ingar.
Hanna og Hildur báru KR-liðið
uppi. Hanna var stigahæst og tók 4
fráköst en Hildur sex. Guðrún Sig-
urðardóttir átti góðan sprett með 11
fráköst en Jessica tók sex.
Morgunblaðið/Árni Torfason
Anna María Sveinsdóttir, þjálfari og leikmaður Keflvíkinga, gat ekki leynt gleði sinni en þessi frá-
bæri leikmaður átti stóran þátt í 10. meistaratitli Keflavíkurliðsins frá upphafi.
Keflavík vann bik-
arinn í tíunda sinn
ÞAÐ reyndist KR-stúlkum um megn að standast stöðuga pressu og
mikinn sigurvilja Keflvíkinga þegar þriðji úrslitaleikur liðanna fór
fram í Keflavík í gærkvöldi. Gestunum tókst með ærinni fyrirhöfn að
halda jöfnum leik fram að hálfleik en sprungu þá á limminu og
Keflavíkurstúlkur sigldu af öryggi fram úr til 82:61-sigurs og tíunda
Íslandsmeistaratitils.
Stefán
Stefánsson
skrifar
ÞAÐ var fátt um varnir þegar
Magdeburg tapaði fyrir Nordhorn
á útivelli í þýsku Bundesligunni í
handknattleik í gærkvöld. 75 mörk
litu dagsins ljós en lokatölur urðu
40:35, Nordhorn í vil en staðan í
hálfleik var 22:13.
Þýski landsliðsmaðurinn Stefan
Kretzschmar var markahæstur í
liði Magdeburg með 10 mörk og
þeir Ólafur Stefánsson og Nenand
Perunicic skoruðu 6 mörk hver.
Sigfús Sigurðsson náði hins vegar
ekki að skora fyrir Magdeburg. Hjá
Nordhorn var Jan Filip atkvæða-
mestur með 10 mörk.
Lemgo er efst í deildinni með 48
stig og á titilinn næsta vísan, Flens-
borg er í öðru sæti með 42 stig,
Magdeburg í því þriðja með 37 stig
og Essen í fjórða með 36 stig. Nord-
horn kemur svo í fimmta sætinu
með 31 stig.
Magdeburg tapaði
í 75 marka leik
Ólafur Stefánsson
LYFJAEFTIRLITSNEFND
Íþrótta- og ólympíusambands
Íslands, ÍSÍ, tók alls 119
lyfjapróf á síðasta ári í 17
íþróttagreinum, þar af eru
sextán greinanna innan ÍSÍ.
Af þeim voru 70 tekin í
keppni en 49 utan keppni.
Alls reyndust fjögur sýnanna
vera jákvæð, þ.e. innihalda
efni sem eru á bannlista í
íþróttum. Þetta er mesti
fjöldi jákvæðra sýna sem
greinst hefur á einu ári hér
á landi, en þrjú sýnanna
voru tekin fyrir aðila sem
ekki eru innan vébanda ÍSÍ,
það er í hreysti. Eina já-
kvæða sýnið sem fannst hjá
íþróttamanni innan ÍSÍ var í
knattspyrnu. Öllum málum
var vísað áfram til Lyfjaráðs
ÍSÍ sem flutti málið fyrir
dómstólum ÍSÍ þar sem við-
komandi íþróttamenn voru
dæmdir til refsingar sam-
kvæmt lögum ÍSÍ og Al-
þjóðaólympíunefndarinnar,
IOC.
Lyfjaprófum hér á landi
hefur fjölgað meira en tvö-
falt frá árinu 1996 þegar þau
voru 50. Síðan hefur þeim
fjölgað jafnt og þétt og hefur
aðeins einu sinni verið tekin
fleiri lyfjapróf hér landi en á
síðasta ári, það var árið 2000
og skýrist m.a. af því að
mjög strangt eftirlit var með
öllum þátttakendum Íslands
á Ólympíuleikunum sem
fram fóru í Sydney það ár.
Kostnaður á lyfjaprófi
um 30 þús. kr.
Kostnaður við hvert lyfja-
próf hleypur á bilinu 30–35
þúsund krónur og því má
áætla að lyfjapróf síðasta árs
hafi kostað um 4 milljónir
króna. Af því leggur ríkis-
sjóður fram um eina milljón
króna til prófanna en að
öðru leyti stendur ÍSÍ
straum af kostnaðinum.
Flest lyfjaprófin voru tek-
in í knattspyrnu, 28. Þar á
eftir kom handknattleikur
þar sem 18 lyfjapróf voru
tekin, 16 sinnum voru körfu-
knattleiksmenn teknir í
lyfjapróf, þrettán sinnum
voru frjálsíþróttamenn kall-
aðir til og tíu sinnum sund-
menn, svo dæmi sé tekið af
þeim íþróttagreinum sem í
flest lyfjaprófin fóru.
Aldrei
fleiri
fallið á
lyfjaprófi
Ákvörðun
um keppnis-
leyfi frestað