Morgunblaðið - 11.04.2003, Blaðsíða 19

STRÍÐ Í ÍRAK
MORGUNBLAÐIÐ FÖSTUDAGUR 11. APRÍL 2003 19
VORI‹ BIRTIST
Í ÓTAL MYNDUM
debenhams
S M Á R A L I N D
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
EB
2
08
62

04
/2
00
3
Persónulegur stílisti
Ókeypis persónuleg þjónusta án nokkurra skuldbindinga.
Ráðgjöf um val á brjóstahöldurum
Um 70% kvenna nota ranga stærð brjóstahaldara.
Fagfólk okkar ráðleggur þér um rétt val, ókeypis
og án skuldbindinga.
Snyrtistofa Kanebo
Himmnesk upplifun.
Tryggðarkort í snyrtivörudeild
Glæsilegir kaupaukar.
Gjafainnpökkun
Gjöfinni þinni pakkað inn í glæsilegar umbúðir.
brjóstahaldari 2.590 kr.
nærbuxur 990 kr.
toppur 8.900 kr.
buxur 7.500 kr.
húfa 1.090 kr.
bolur 2.190 kr.
buxur frá 2.890 kr.blússa 2.190 kr.
3ja mán. - 3ja ára
herraskyrtur í úrvali
TYRKIR hyggjast senda eftirlits-
menn úr hernum til olíuborgarinnar
Kirkuk í Norður-Írak en Tyrkir
heimta að hersveitir Kúrda leggi
hana ekki undir sig til frambúðar.
Abdullah Gul utanríkisráðherra
sagði að þetta væri gert í samræmi
við samning sem hann hefði gert við
Colin Powell, utanríkisráðherra
Bandaríkjanna, í vikunni. Gul hafði í
gær eftir Powell og Massoud Barz-
ani, einum öflugasta leiðtoga íraskra
Kúrda, að bandarískir fallhlífaher-
menn væru á leiðinni til Kirkuk og
myndu kúrdísku hermennirnir fljót-
lega yfirgefa hana.
Er Gul var spurður hvort sent yrði
tyrkneskt herlið til borgarinnar sagði
hann engin áform uppi um það. „Við
skulum vera bjartsýn en til eru áætl-
anir um viðbrögð við hverju því sem
gerast kann,“ sagði hann.
Kúrdar héldu inn í Kirkuk snemma
í gærmorgun ásamt nokkrum banda-
rískum sérsveitarmönnum. Fullyrt
er að með innrásinni hafi Kúrdar
brotið samninga sem þeir hafi gert
við Bandaríkjamenn um að fara sér
hægt þótt stjórn Saddams Husseins
hryndi. Leiðtogar Kúrda segja að
sendir hafi verið með leynd Kúrda-
hermenn inn í borgina fyrir nokkru
og hafi þeir síðan hafið uppreisn sem
síðan hafi fengið aðstoð hermanna í
Peshmerga-sveitum Kúrda.
Innrásarliðið mætti nær engri
mótspyrnu af hálfa íraskra hermanna
sem virðast flestir hafa flúið eða
fleygt frá sér vopnunum og farið úr
einkennisklæðum sínum. Sums stað-
ar heyrðist strjál skothríð í gær en
ekki var ljóst hvort þar var um að
ræða átök við íraska hermenn. Rétt
utan við borgina gengu hópar íraskra
hermanna í herklæðum en vopnlausir
fram hjá sveitum Bandaríkjamanna
og Kúrda, sumir Írakarnir hrópuðu:
„Húrra Bandaríkin og Bretland!“
Bandarískir sérsveitarmenn hafa
undanfarnar vikur starfað með Kúrd-
um að því að hrekja Íraksher frá
norðursvæðunum. Einnig hafa þeir
leiðbeint með fjarskiptum sprengju-
flugvélum bandamanna er hafa víða
lamað baráttuþrek Íraka.
Bush ákaft hylltur
Þúsundir óbreyttra borgara úr
röðum Kúrda í grenndinni héldu á
eftir kúrdíska herliðinu inn í borgina í
gær og var ákaft fagnað á götunum.
Veifað var fánum tveggja helstu sam-
taka Kúrda, felldar myndastyttur af
Saddam og rifnar niður myndir af
leiðtoganum. Sums staðar réðst fólk
inn í stjórnarskrifstofur og rændi þar
öllu og ruplaði.
George W. Bush Bandaríkjaforseti
var ákaft hylltur og einnig sérsveit-
armennirnir bandarísku. Þótt Banda-
ríkjamenn hafi lengi lagt hart að leið-
togum Kúrda að reyna ekki að taka
borgina sögðu sjónvarpsfréttamenn
að sumir sérsveitarmennirnir hefðu
ekki getað stillt sig um að taka þátt í
fögnuði Kúrda. Athygli vakti að fólk
úr röðum arabískra Íraka og þjóð-
arbroti Túrkmena, sem eru alls nokk-
ur hundruð þúsund í norðurhluta
Íraks, tók í mörgum tilfellum þátt í
fögnuðinum yfir falli stjórnar Sadd-
ams en Túrkmenar hafa löngum deilt
við Kúrda um landsvæði. Tyrkir segj-
ast ætla að gæta hagsmuna Túrkm-
enanna en þeir tala tungu sem skyld
er tyrknesku.
Viðkvæmt fyrir Tyrki
Geoff Hoon, varnarmálaráðherra
Bretlands, sagði aðspurður að ljóst
væri að málið væri allt mjög við-
kvæmt. Tyrkir óttast mjög að ef
Kúrdar fái að leggja undir sig olíu-
borgirnar Kirkuk og Mósul geti farið
svo að íraskir Kúrdar stofni algerlega
sjálfstætt ríki. Aðrir segja að Tyrkir
hafi líka augastað á olíulindunum sem
eru flestar í grennd við Kirkuk en
einnig við Mósul. Kirkuk hefur öldum
saman verið ein helsta borg íraskra
Kúrda en fyrir nokkrum árum lét
Saddam Hussein reka þá flesta burt
og arabíska Íraka setjast þar að í
staðinn.
Um 12 milljónir Kúrda búa í Tyrk-
landi og þar hefur lengi verið öflug
sjálfstæðishreyfing og hópar upp-
reisnarmanna hafa barist gegn tyrk-
neskum hermönnum. Er tyrkneski
herinn með mörg þúsund manna lið á
landamærum Tyrklands og Íraks og
hefur öðru hverju á síðari árum ráðist
yfir landamærin til að elta uppi
skæruliða sem þangað hafa flúið.
Reuters
Kúrdar fagna í Kirkuk í gær eftir að hafa lagt borgina undir sig án teljandi
mótspyrnu. Nokkrir bandarískir hermenn voru í fylgd með Kúrdunum.
Hersveitir Kúrda
ráðast inn í Kirkuk
Nær engin mótspyrna af hálfu
Íraka en Tyrkir áhyggjufullir
Istanbúl, Kirkuk. AP.