Morgunblaðið - 15.04.2003, Page 4

FRÉTTIR
4 ÞRIÐJUDAGUR 15. APRÍL 2003 MORGUNBLAÐIÐ
Sjaldséður ránfugl á
sveimi í Mýrdalnum
SMÁFUGLASÖNGURINN í Fagra-
dal þagnaði snögglega á föstudag
þegar hættulegur gestur frá út-
löndum tók að sveima yfir sveitinni.
Síðan þá hefur lítið heyrst í smá-
fuglunum og fréttaritari Morg-
unblaðsins sefur því betur á morgn-
ana.
Að sögn Gunnars Hallgríms-
sonar, fuglaáhugamanns, er að öll-
um líkindum um að ræða vatna-
gleðu sem er afar sjaldséður
ránfugl hér á landi og gerir sér
reyndar sjaldan ferð til annarra
landa í Norður-Evrópu. Aðeins er
vitað til að tvisvar áður hafi slíkur
fugl sést hér á landi.
Fyrir fimm árum flaug hingað
svölugleða sem er náskyldur ætt-
ingi. Hún hafðist hér við í um tvö ár
en eftir að fýll spúði á hana lýsi
tóku starfsmenn Náttúru-
fræðistofnunar Íslands hana upp á
sína arma og fluttu hana síðan til
Skotlands þaðan sem hún var upp-
runnin. Nú er sem sagt frænka
hennar komin í heimsókn, fugla-
áhugamönnum til mikillar ánægju
og flykkjast þeir austur í Mýrdalinn
í þeirri von að berja fuglinn augum.
Gunnar Hallgrímsson er einn
þeirra. Þegar Morgunblaðið ræddi
við hann í gær hafði hann þó ekki
séð fuglinn berum augum en af ljós-
myndum sem fréttaritari Morg-
unblaðsins tók taldi hann líklegast
að um vatnagleðu væri að ræða, að
öllum líkindum tegundarafbrigði
sem á sér ekki heimkynni í Norður-
Evrópu en er til bæði á Spáni og
Ítalíu. Sé það rétt er þetta fyrsta
heimsókn þessarar tegundar.
Það væri þó ekki einfalt mál að
greina tegundina með vissu, m.a.
vegna þess að fuglinn er að fella
fjaðrir. Gunnar segir að vatnagleð-
an sé á stærð við fálka en ekki eins
fim. Hún gerir ekki skyndiárásir
líkt og fálkinn en lifir fremur á
hræjum og hremmir fugla og smá-
spendýr þegar færi gefst.
Morgunblaðið/Jónas
Gleðan á sveimi milli Fagradals og
Höfðabrekku austan við Vík.
LÆKKUN tekjuskattshlutfallsins um fjögur pró-
sentustig myndi gagnast yfirgnæfandi meirihluta
skattgreiðenda betur en hækkun skattleysis-
marka um 10.000 krónur á mánuði, samkvæmt út-
reikningum ríkisskattstjóra fyrir Davíð Oddsson
forsætisráðherra. Í minnisblaði skattstjóra til for-
sætisráðherra, sem Morgunblaðið hefur undir
höndum, kemur fram að lækkun skatthlutfallsins
myndi gagnast einstaklingum með 104.000 króna
mánaðarlaun og hærri og hjónum með samanlögð
212.500 króna mánaðarlaun og hærri betur en
hækkun skattleysismarkanna.
Í svari ríkisskattstjóra til forsætisráðherra
kemur fram að fyrir hjón með tekjur undir
2.550.000 kr. á ári sé skattalækkun meiri ef skatt-
leysismörk séu hækkuð um 10.000 kr. á mánuði en
ef skatthlutfallið lækki um 4% og persónuafsláttur
verði óbreyttur. „Neðan þessara marka voru 8.116
hjón sem er um 14% allra hjóna. Af þeim hjónum
sem greiddu skatt voru um 6.375 hjón neðan
markanna og er það um 11% þeirra hjóna sem
greiddu skatt,“ segir í svari skattstjóra.
Fyrir einhleypa gagnast hækkun skattleysis-
markanna betur þeim, sem hafa 1.250.000 króna
árslaun eða lægri. „Neðan þessara marka voru um
34.900 einstaklingar sem er um 35% allra ein-
hleypra. Af þeim einhleypum sem greiddu skatt
voru um 12.000 neðan markanna og er það um 16%
einhleypra, sem greiddu skatt,“ segir í svarinu.
Forsætisráðherra spurði ríkisskattstjóra jafn-
framt hvað skatthlutfall þyrfti að vera á tekjur yfir
150.000 krónur á mánuði ef skattleysismörk yrðu
hækkuð um 10.000 krónur á mánuði og 30% skatt-
ur síðan lagður á tekjur þar yfir og upp að 150.000
krónum, m.ö.o. ef einhvers konar fjölþrepaskatt-
kerfi væri tekið upp þar sem fyrsta þrepið væri
30%, en miðað væri við að ríkissjóður missti ekki
aðrar tekjur en sem leiddi af hækkun skattleys-
ismarkanna. Í svari ríkisskattstjóra kemur fram
að samkvæmt útreikningum embættisins þyrfti
þetta skatthlutfall að vera um 47%. Þá er gert ráð
fyrir því að hátekjuskatturinn sé óbreyttur, þann-
ig að þeir, sem hefðu tekjur yfir u.þ.b. 340.000
krónum á mánuði, greiddu þá 52% af tekjum um-
fram þá tölu í skatt.
Samanburður á 4% lækkun skatthlutfalls og 10.000 kr. hækkun skattleysismarka
Mikill meirihluti hagnast
meira á lægra skatthlutfalli
Fór eðlilega
með „Stebbi
stóð á
ströndu“
TÆPLEGA fimmtugur maður
var í gær dæmdur til að greiða
sekt og sviptur ökuréttindum
fyrir að aka bifreið sinni um
Kópavog undir áhrifum deyf-
andi lyfja í fyrrasumar. Maður-
inn neitaði sök en játaði að hafa
kvöldið áður tekið 2–4 svefntöfl-
ur en ekki neytt lyfsins eftir það.
Lögreglan stöðvaði för
mannsins eftir að vitni hafði til-
kynnt undarlegt aksturslag
hans. Hann hefði m.a. um tíma
ekið bifreið sinni á röngum veg-
arhelmingi og í tvígang misst
hana út fyrir akbrautina og
hefði þá minnstu munað að hann
æki á ljósastaur. Fyrir dómi
kvaðst maðurinn hafa verið fær
um að stjórna bifreið og kann-
aðist ekki við að akstur hans á
umræddri leið hefði verið
skrykkjóttur eða aðfinnanlegur
með öðrum hætti.
Í skýrslu læknis sem skoðaði
manninn eftir handtökuna segir
m.a. að hann hafi verið þreytu-
legur og geispað í viðtalinu,
gangur hans rólegur og nánast
yfirvegaður. Tal hans var skýrt
og hann fór eðlilega með „Stebbi
stóð á ströndu“ o.s.frv. Hreyf-
ingar voru allar hægar og fín-
hreyfingar klaufalegar. Rann-
sókn á þvagsýni leiddi í ljós
talsvert af svefnlyfjum sem
benti til þess að hann hefði tekið
fleiri töflur en hann viður-
kenndi, þótt ekki væri útilokað
að framburður hans væri réttur.
Maðurinn krafðist sýknu en
Héraðsdómur Reykjavíkur
féllst ekki á það. Auk 70.000
króna sektar þarf maðurinn að
greiða málsvarnarlaun skipaðs
verjanda síns, Arnar Clausen
hrl. Sigríður Elsa Kjartansdótt-
ir sótti málið f.h. sýslumannsins
í Hafnarfirði. Þorgeir Ingi
Njálsson kvað upp dóminn.
DANSARAR á öllum aldri sýndu
listir sínar á fjölmennri nem-
endasýningu Jazzballettskóla
Báru, sem haldin var í Borg-
arleikhúsinu í gærkvöldi. Þar
sýndu nemendur dansa sem þeir
höfðu lært í skólanum í vetur. Á
meðal þeirra sem tóku sporið
voru þessar ungu dansmeyjar sem
stóðu sig vel á sviðinu í Borg-
arleikhúsinu.
Morgunblaðið/Jim Smart
Dansmeyj-
ar í Borgar-
leikhúsi
FRÆÐSLURÁÐ Hafnarfjarðar
telur Íslensku menntasamtökin
ekki hafa gefið nægilega skýrar
upplýsingar um hvernig þau hygg-
ist tryggja áframhaldandi rekstur
leikskólans Tjarnaráss.
Þetta var niðurstaða aukafundar
sem fræðsluráð hélt síðdegis í
gær, að sögn Magnúsar Baldurs-
sonar, fræðslustjóra Hafnarfjarð-
ar.
Ákveðið var að boða forsvars-
menn ÍMS á fund í hádeginu í dag
með fræðslustjóra, leikskólafull-
trúa og lögmanni bæjarins. „Á
fundinum munum við óska frekari
skýringa á hvernig samtökin
hyggjast standa að rekstri leik-
skólans,“ segir Magnús.
Til í viðræður um yfirtöku
Samtökin munu einnig hafa lýst
sig reiðubúin til viðræðna um yf-
irtöku bæjarins á leikskólanum en
Magnús segir að fræðsluráð vilji
fyrst kanna hvernig samtökin ætla
að standa að rekstrinum áður en
aðrar leiðir verði skoðaðar. Ef
samtökin reynist hins vegar ekki
geta tryggt reksturinn í samræmi
við gerðan þjónustusamning á milli
aðila þurfi bæjaryfirvöld að leita
annarra leiða.
Vilja nánari skýringar á áfram-
haldandi rekstri Tjarnaráss FIMM stéttarfélög innan Samiðnarhafa sameinast í Félag iðn- og tækni-
greina, FIT. Félögin sem standa að
hinu nýja félagi eru Bíliðnaðarfélagið,
Félag byggingariðnaðarmanna í
Hafnarfirði, Félag garðyrkjumanna,
Málarafélag Reykjavíkur og Sunniðn.
Sameiningin var samþykkt á stofn-
fundi á laugardag, en áður hafði farið
fram atkvæðagreiðsla innan aðildar-
félaga. Hilmar Harðarson, formaður,
segir að með sameiningunni sé fyrst
og fremst verið að veita félagsmönn-
um meiri og betri þjónustu.
Stéttarfélög
sameinast