Morgunblaðið - 15.04.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 15. APRÍL 2003 11
einhverju að hverfa. Bræðurnir
játuðu líkamsárásina að hluta.
Fórnarlambið hlaut fjóra skurði á
höfði, tólf stungusár í andliti og á
líkama, þrettán marbletti, glóðar-
auga báðum megin auk nefbrots
og fleiri áverka. Alvarlegast var þó
höfuðkúpubrot og blæðing sem af
því hlaust en minnstu munaði að
hann hlyti bana af. Ragnheiður
sagði að atlagan hefði verið
„dæmalaust hrottaleg“ og mætti
helst líkja henni við pyntingar.
Miðað við framburð nágranna
hefðu barsmíðarnar staðið yfir í
nokkra klukkutíma og síðan aftur
hafist á göngustígnum um morg-
uninn. Ummerkin í íbúðinni töluðu
sínu máli. Á mörgum áhöldum í
íbúðinni hefði fundist blóð og upp
um veggi og loft voru blóðslettur
sem bentu til þess að blóðugum
hlut hefði ítrekað verið sveiflað af
krafti, væntanlega í höfuð, enda
væri það blóðríkast.
Ragnheiður sagði lítið að græða
á framburði bræðranna en ljóst að
þeir bæru í sameiningu ábyrgð á
árásinni. Hvorugur vildi þó kann-
ast við að hafa valdið höfuðkúpu-
brotinu og Brynjar Níelsson og
Ómar Stefánsson hdl., verjendur
bræðranna, sögðu að ekkert hefði
verið sannað umfram það sem
bræðurnir hafa játað.
Bræðurnir eru einnig ákærðir
fyrir að hafa ráðist tvívegis á
mann á Eiðistorgi. Samkvæmt
framburði mannsins sem varð fyr-
ir árásinni kom annar þeirra að
honum og bað hann að gefa sér
sígarettu. Maðurinn sagðist hafa
verið dauðhræddur við hann, enda
augnaráðið tryllingslegt, og því
orðað það sérstaklega kurteislega
að hann gæti ekki gefið honum
sígarettuna en upp úr því hefði
verið ráðist á hann. Verjendur
bræðranna sögðu á hinn bóginn að
maðurinn hefði haft í frammi ögr-
anir.
Bræðurnir ávörpuðu báðir dóm-
inn og sögðust sjá eftir verkn-
aðinum og hétu því jafnframt að
losa sig úr þeim vítahring sem líf
þeirra væri í.
UPPELDISSAGA bræðranna er
dapurleg og það var faðir þeirra
sem leiddi þá inn á þá braut sem
þeir eru komnir á. Þegar þeir voru
12–13 ára þáðu þeir fíkniefni hjá
föður sínum og urðu upp úr því
neyslufélagar hans. Hann ýtti und-
ir ofbeldishneigð þeirra með því að
segja hetjusögur af slagsmálum og
kallaði jafnvel á þá til að taka þátt
í handalögmálum. Móðir þeirra var
ekki nægilega sterk til að sporna
gegn þessu. Báðir hafa ítrekað
komist í kast við lögin og verið
dæmdir fyrir líkamsárásir og
þjófnað.
Svona lýsti Ragnheiður Harð-
ardóttir saksóknari uppvaxtarsögu
tveggja bræðra, sem ákærðir eru
fyrir hrottafengna líkamsárás á
heimili þeirra á Skeljagranda og á
göngustíg þar fyrir utan, í mál-
flutningsræðu sinni fyrir Héraðs-
dómi Reykjavíkur í gær. Áður
hafði sálfræðingur lýst því að
bræðurnir hefðu mótast af lang-
varandi fíkniefnanotkun auk þess
sem uppeldisaðstæður þeirra
hefðu haft veruleg áhrif á persónu-
leika þeirra. Báðir sæju eftir árás-
inni en töluðu þó ekki vel um fórn-
arlambið, gamlan vin sinn.
Brynjar Níelsson hrl., verjandi
eldri bróðurins, spurði hvort hann
ætti „möguleika á að koma sér út
úr þessu öllu saman“ og taldi sál-
fræðingurinn að vissar forsendur
væru til þess hjá þeim báðum en
til þess þyrfti gott betur en að
hætta fíkniefnaneyslu. Sníða þyrfti
þeim mjög þröngan ramma til
langs tíma og þeir þyrftu að temja
sér „hversdagslega lífshætti“ og
benti á að þeir hefðu aldrei verið
undir vinnu- eða námsaga. Fram
kom að sá eldri á kærustu og á
von á barni með henni og var það
talið auka möguleika hans á að
bæta líf sitt. Hann ætti a.m.k. að
Saksóknari segir föður „Skeljagranda-bræðr-
anna“ hafa ýtt undir fíkniefnaneyslu og ofbeldi
Líkti atlögunni
við pyntingar
NÓI-SÍRÍUS hefur ákveðið að inn-
kalla svokölluð púkapáskaegg með
Markúsi fótboltapúka á, þar sem í
ljós kom að boltinn sem festur er
við höfuð hans getur í sumum til-
fellum losnað af, að sögn Gunnars
Sigurgeirssonar, markaðsstjóra hjá
Nóa-Síríus. „Við ákváðum að inn-
kalla eggin bæði vegna hættu á að
yngstu börnin gætu sett boltann
upp í sig og af því að hér er um er
að ræða vörugalla sem við viljum
bæta fyrir.“
Hann segir að á púkaeggjunum
séu fimm fígúrur auk Markúsar svo
ekki sé um mikið magn að ræða.
Eggin hafa nú verið fjarlægð úr
búðum en Gunnar hvetur þá sem
hafa keypt páskaegg með Markúsi
fótboltakappa til að hafa samband
við fyrirtækið sem muni senda nýtt
páskaegg um hæl.
Í ljós hefur komið að boltinn á
Markúsi getur stundum losnað af.
Innkalla
páskaegg
með fót-
boltapúka
MEÐAL kvenna skipta félagsleg
velferðarmál mestu máli þegar þær
velja flokka til að kjósa fyrir þing-
kosningarnar og sjávarútvegsmál
og kvótakerfið eru kjósendum á
landsbyggðinni mun hugleiknari en
í Reykjavíkurkjördæmunum og
Suðvesturkjördæmi.
Þetta má m.a. lesa út úr könnun
Félagsvísindastofnunar Háskóla Ís-
lands sem gerð var fyrir Morgun-
blaðið á fylgi flokkanna dagana 6. til
11. apríl síðastliðinn.
Spurt var hvaða málefni myndu
ráða mestu um hvaða flokk eða lista
svarendur myndu kjósa í Alþingis-
kosningunum 10. maí nk. Stuðst var
við 1.200 manna slembiúrtak úr
þjóðskrá sem náði til allra lands-
manna á aldrinum 18–80 ára. Net-
tósvörun var 66,5%, 20% neituðu að
taka þátt í könnuninni og ekki náð-
ist í 13,5% úrtaksins.
Eins og fram kom í blaðinu í gær
skipta skatta- og velferðarmál
mestu máli um val kjósenda á því
hvaða flokka þeir velja. Þriðja mik-
ilvægasta málefni voru sjávarút-
vegsmál og kvótakerfið. Einnig
komu í ljós mismunandi áherslur
eftir því hvaða flokka fólk ætlaði að
kjósa.
Séu svörin skoðuð eftir kyni svar-
enda kemur í ljós að ekki er munur
milli kynja hvað skattamálin varðar.
Um þriðjungur hvors kyns telur þau
málefni skipta miklu máli. Fé-
lagsvísindastofnun segir tölfræði-
lega marktækan mun ekki vera á
svörum karla og kvenna hvað sjáv-
arútvegsmálin varðar, en ívið fleiri
karlar (11,8%) nefndu þann mála-
flokk en konur (4,7%). Áberandi
fleiri konur, eða 36,6% þeirra á móti
19,8% karla, töldu félagsleg velferð-
armál skipta miklu um val þeirra,
þ.e. húsnæðismál, menntamál, heil-
brigðismál, velferðarkerfið og mál-
efni aldraðra, öryrkja og ungs fólks.
Velferðarmál oftar nefnd
meðal kjósenda í borginni
Að mati Félagsvísindastofnunar
er marktækur munur á svörum
kjósenda í Reykjavík annars vegar
og á landsbyggðinni hins vegar
varðandi velferðarmál. Ríflega 35%
kjósenda í Reykjavík telja velferð-
armál skipta mestu um flokksval
þeirra en rúm 19% kjósenda í lands-
byggðarkjördæmunum, sem reikn-
uð voru saman í einu lagi, þ.e. Norð-
vesturkjördæmi, Norðausturkjör-
dæmi og Suðurkjördæmi. Tæp 28%
kjósenda í Suðvesturkjördæmi
nefndu þau málefni.
Ekki er sagður tölfræðilega
marktækur munur á svörum eftir
kjördæmum varðandi önnur mál-
efni. Þó eru hlutfallslega mun fleiri í
landsbyggðarkjördæmunum sem
nefna sjávarútvegsmál og kvóta-
kerfið, eða 15,9%, á móti 6,2% kjós-
enda í Suðvesturkjördæmi og 3,2% í
Reykjavík. Skattamál eru ofarlega í
huga þriðja hvers kjósanda á þess-
um svæðum, eða frá 28,2% til 35,2%.
Skoðanakönnun á því hvaða málefni skipta kjósendur mestu máli
Kvótakerfið á landsbyggðinni
og velferðarmál meðal kvenna
3!
5!
5
*
5!!:%+%"$1"7 !;
4++
40!+
-%.$/#$!+$/7+<3
! #%"!+$/7+<3
C<2. +$/7+<3
!"!
!
!$
7
7
7
77
# 7
##7
#7
#7
7 47! =#<"01!+D
6+ 7
&
7
#7
THEÓDÓR Júlíusson, leikari í Borgarleikhúsinu, grípur
í hvað sem er á milli sýninga og hefur meðal annars séð
um að koma tómum flöskum í leikhúsinu í endurvinnslu.
„Ég tók þetta að mér 1989 og hef séð um það síðan, en
þetta er ólaunað hugsjónastarf,“ segir hann.
Að sögn Theódórs var ekkert skipulag á þessum mál-
um og því ákvað hann að taka þau að sér, en hann segir
að skilaverðið haldist í hendur við aðsóknina, það sé gott
þegar aðsóknin að leikhúsinu sé góð. „Afraksturinn fór í
starfsmannasjóð og var notaður til að gleðja starfsmenn
á hátíðlegum tímamótum eins og í lokahófum og á jóla-
gleði, en leikhúsið í sinni fátækt þarf á þessum peningum
að halda og notar þá nú til reksturs,“ segir hann.
Um þessar mundir er Theódór í einu aðalhlutverk-
anna í leikritinu um Púntila og Matta, leikur Púntila
bónda. „Ég er leikari að aðalstarfi en get gripið í hvað
sem er,“ segir hann og bætir við að reynslan í ruslinu
geti nýst sér síðar.
Morgunblaðið/Kristinn
Í rusli á milli sýninga
FYRST verður leitað að innlendum
kunnáttumönnum áður en gefin
verða út atvinnuleyfi til erlendra
kunnáttumanna vegna virkjunar-
framkvæmda á Austurlandi, sam-
kvæmt frétt frá Vinnumálastofnun.
Útgáfa atvinnuleyfa fer fram í
samræmi við ákvæði laga um at-
vinnuréttindi útlendinga en þar
kemur m.a. fram að tímabundin at-
vinnuleyfi skuli aðeins gefa út þegar
fyrir liggur að kunnáttumenn verði
ekki fengnir innanlands, atvinnu-
vegi landsins skorti vinnuafl eða
aðrar sérstakar aðstæður mæli með
leyfisveitingu.
Í frétt frá Vinnumálastofnun er
áréttað að stofnunin fari með útgáfu
atvinnuleyfa í umboði félagsmála-
ráðherra og á vegum stofnunarinnar
starfi svæðisvinnumiðlanir víða um
land. „Í ljósi atvinnuástandsins nú
um stundir mun stofnunin kanna
vandlega með aðstoð svæðisvinnu-
miðlana hvort kunnáttumenn fáist
ekki innanlands til starfa við fram-
kvæmdirnar á Austurlandi. Vinnu-
málastofnun vill árétta að það er að-
eins eftir að slík könnun hefur átt
sér stað að hægt er að meta fjölda
þeirra erlendu starfsmanna sem
stofnunin kemur til með að veita
heimild til að starfa hérlendis að
þessu verkefni.“
Ennfremur segir að stofnunin
muni í samvinnu við aðila vinnu-
markaðarins ganga úr skugga um
að þeir erlendu starfsmenn sem
hingað koma frá evrópska efnahags-
svæðinu njóti kjara í samræmi við
lög og kjarasamninga á íslenskum
vinnumarkaði.
Fyrst verður leitað að inn-
lendum kunnáttumönnum