Morgunblaðið - 15.04.2003, Page 39

FRÉTTIR
MORGUNBLAÐIÐ ÞRIÐJUDAGUR 15. APRÍL 2003 39
Jóhann Ársælsson
Anna Kristín
Gunnarsdóttir
Eftir fjölsótta fundaferð um byggðir landsins
boða Ingibjörg Sólrún Gísladóttir og Össur
Skarphéðinsson til síðasta fundar vorsins undir
yfirskriftinni „Fundur um pólitísk aðalatriði“.
Fundurinn verður haldinn í Hótel Borgarnesi í
kvöld, þriðjudagskvöld, klukkan 20.
Fundur í Borgarnesi um
pólitísk
aðalatriði
Þriðjudagur 15. apríl, kl. 20
ÖKUMENN óku óvar-
lega um helgina því 38
umferðaróhöpp með
eignatjóni voru tilkynnt
til lögreglunnar í Reykjavík. 78 öku-
menn voru grunaðir um of hraðan
akstur og ellefu um ölvun við akstur.
Ellefu sinnum voru menn teknir með
fíkniefni í fórum sínum um helgina.
Síðdegis á föstudag var óskað að-
stoðar að bensínstöð í austurborginni.
Þar hafði ökumaður á bifreið orðið
óþolinmóður. Kona var að taka bensín
við dælu og var að ljúka dælingu þeg-
ar ökumaðurinn vildi komast að og ók
á bifreið konunnar til leggja áherslu á
mál sitt. Engar skemmdir urðu þó á
bifreiðinni. Lögreglan fór í húsleit í
iðnaðarhúsnæði í vesturbænum. Þar
inni reyndist vera marijuanaræktun.
Einnig fundust þar ætluð fíkniefni,
hass og amfetamín.
Á gjörgæslu – grunur
um neyslu e-töflu
Sérstakt eftirlit og fíkniefnaleit var
á hljómleikum í Laugardalshöll. Af-
skipti voru höfð af 40 manns en fimm
reyndust vera með fíkniefni meðferð-
is og verða þeir kærðir. Lítilræði af
amfetamíni og nokkrar e-töflur fund-
ust. Sérstakt eftirlit og fíkniefnaleit
var á hljómleikum í Laugardalshöll.
Stúlka var flutt með sjúkrabifreið frá
Laugardalshöll á slysadeild meðvit-
undarlaus, grunur er um e-töflu
neyslu. Stúlkan var sett á gjörgæslu.
Nokkru síðar var önnur stúlka flutt
með sjúkrabifreið á slysadeild. Hún
kvaðst hafa drukkið kók sem einhver
maður hefði laumað dufti út í. Um
miðnættið var enn eftirlit við Laug-
ardalshöll vegna tónleikanna en mik-
ill mannfjöldi var utandyra og ölvun.
Nokkur órói var þar og þurfti atbeina
lögreglu nokkrum sinnum við að stilla
til friðar en erfitt var að komast um
svæðið vegna mannmergðar.
Áberandi mikið af ungum krökk-
um, 13–14 ára, voru á svæðinu án for-
eldra sinna að því er virtist en einnig
nokkuð um að foreldrar væru með
börnum sínum.
Eftir miðnætti var óskað eftir lög-
reglu að veitingastað í miðborginni.
Þar var verið að vísa manni út vegna
óláta þegar annar lenti á milli en sá
hafði fram að því ekki tengst ólátun-
um. Þessi maður brást þá ókvæða við
og lamdi dyravörð þrisvar í höfuðið
með flösku þegar dyraverðir reyndu
að yfirbuga hann. Í kjölfarið kom til
talsverðra átaka sem linnti ekki fyrr
en lögregla skarst í leikinn.
Margsinnis var lögregla kvödd að
veitingahúsum þessa nótt vegna
slagsmála ölvaðra gesta húsanna.
Snemma á laugardagsmorgun réð-
ust tveir menn á þann þriðja á Lauga-
vegi og fann sá til eymsla í viðbeini og
rifbeinum. Gerendur voru handteknir
og færðir á lögreglustöð en hinn slas-
aði var fluttur með sjúkrabifreið á
slysadeild. Þá var tilkynnt um innbrot
í íbúð við Skólavörðustíg. Þar voru
tekin sjónvörp, myndbandstæki, dvd-
spilari, leikjatölva, dvd-myndir, far-
tölva, stafræn myndvél og fleira.
Slagsmálahundur
fluttur á dýraspítala
Laus boxer-hundur flaugst á við
annan hund í Efstasundi. Hundurinn
var ómerktur og var hann nokkuð
blóðugur eftir átökin. Hann var flutt-
ur á dýraspítalann og síðan á hunda-
hótel.
Tilkynnt var um mann sem hafði
hótað öðrum með byssu. Þegar lög-
reglumenn komu á vettvang í hús í
austurbænum þá mættu þeir mann-
inum byssulausum og handtóku hann.
Í íbúðinni fannst talsvert magn af ætl-
uðu hassi og áhöldum til fikniefna-
neyslu en engin byssa. Par var hand-
tekið og flutt í fangamóttöku.
Lögreglumenn veittu tveimur
mönnum athygli í bifreið í austurbæn-
um. Grunur kviknaði um að þar færu
fram fíkniefnaviðskipti. Rætt var við
mennina og þeir látnir tæma vasa
sína. Í vösum annars fundust 34
grömm af hassi en eitt gramm var í
vasa hins. Mennirnir voru handteknir
og færðir á lögreglustöðina þar sem
leit var gerð í bifreiðinni. Mennirnir
viðurkenndu fíkniefnaviðskipti.
Starfsfólk hótels óskaði eftir aðstoð
lögreglu vegna ungmenna sem sóttu
þangað inn en þar gista menn sem
kenna sig við Jackass.
Kona rann til á blautu dansgólfi og
datt. Hún var flutt á slysadeild og er
líklega handleggsbrotin. Stuttu síðar
var tilkynnt um að kona hefði verið að
dansa á öðrum skemmtistað, runnið
til og dottið og væri líklega fótbrotin.
Nokkru eftir miðnætti aðfaranótt
sunnudags var lögregla kölluð að veit-
ingahúsi við Laugaveg. Hafði manni
verið hrint niður stiga og fékk hann
einnig glas í höfuðið og var lítillega
skorinn. Síðar um nóttina kom til
ryskinga milli tveggja manna á veit-
ingahúsi við miðbæinn. Annar þeirra
sló hinn með bjórglasi í andlitið svo
mikið blæddi úr og var stór skurður
frá auga og að eyra.
Úr dagbók lögreglu 11.–14. apríl
Fimm fíkniefnamál á tón-
leikum í Laugardalshöll
Ungir frambjóðendur í Suðvest-
urkjördæmi reyna með sér í kapp-
ræðum, sem fram fara í Hraunholti í
Hafnarfirði, Dalshrauni 15, kl. 20
miðvikudaginn 16. apríl. Tveir ungir
fulltrúar frá hverjum stjórn-
málaflokki etja kappi í tveimur
málaflokkum, sem eru menntamál
og verkefni framtíðarinnar. Ýmis
skemmtiatriði verða milli kapp-
ræðna en að loknum fundahöldum
eru seldar léttar veitingar.
Framsóknarflokkurinn í Norð-
vesturkjördæmi opnar kosninga-
skrifstofu í Brautarhvammi á
Blönduósi, á morgun, miðvikudaginn
16. apríl kl. 20.30. Frambjóðendur
ávarpa gesti. Léttar veitingar og
uppákomur.
Hitt Húsið og JC á Íslandi býður
ungu fólki á aldrinum16–30 ára á
stefnumót við frambjóðendur stjórn-
málaflokkanna, í Hinu Húsinu, Póst-
hússtræti 3–5, í dag, þriðjudaginn
15. apríl kl. 20. Frambjóðendur í
Reykjavík kynna stefnumál sín fyrir
ungu fólki og kynnast sjónarmiðum
þeirra. Eins gefst fólki tækifæri til
þess að koma með spurningar.
STJÓRNMÁL