Morgunblaðið - 15.04.2003, Blaðsíða 25

LISTIR
MORGUNBLAÐIÐ ÞRIÐJUDAGUR 15. APRÍL 2003 25
SÝNING á listvefnaði Þorbjargar
Þórðardóttur myndlistarmanns
stendur um þessar mundir yfir í and-
dyri Hallgrímskirkju. Náttúran er
kveikjan að verkum Þorbjargar, og
notast hún við óvenjuleg efni í mynd-
verkum sínum. „Það sem ég er að
sýna á þessari sýningu er í beinu
framhaldi af því sem ég hef verið að
gera undanfarin ár,“ segir Þorbjörg í
samtali við Morgunblaðið. „Áferðin
er stór þáttur í verkum mínum og er
að verða það í ríkari mæli.“
Þorbjörg vinnur verk sín úr garni
sem hún spinnur sjálf úr margvísleg-
um náttúruefnum, hrosshári, hör, ull
og sisal. Hún notar spólurokk við
spunann, en þeirri aðferð kynntist
hún í framhaldsnámi sínu við Konst-
fackskólann í Stokkhólmi á áttunda
áratugnum að loknu námi við Mynd-
lista- og handíðaskóla Íslands. „Þá
spann ég að mestu í ull, en það urðu
ákveðin tímamót á ferli mínum þegar
ég var beðin að vinna verk fyrir
Bændaskólann á Hvanneyri árið
1989. Þeir gerðu það að skilyrði að
ég ynni með efni frá staðnum sem
var mjög spennandi fyrir mig, og þá
gat ég auðvitað nýtt ullina, en komst
jafnframt í kynni við hrosshárið. Þá
tók ég aftur fram spólurokkinn og
hef unnið með hann og hrosshárið
síðan,“ segir hún.
Náttúran er áhrifamikil
Þorbjörg litar allt efnið sem hún
spinnur úr sjálf og segist fá við það
meiri breidd í litavalið. „Ég hef líka
alltaf spunnið hrosshárið mjög
frjálslega, svolítið villt, og fengið
þannig skemmtilega áferð.“
Íslensk náttúra hefur alltaf verið
Þorbjörgu hugleikin í listsköpun
hennar. Hún segist telja að þannig
sé því farið með flesta íslenska lista-
menn. „Þó að útkoman í verkum
mínum sé oft á tíðum óhlutbundin, er
kveikjuna að finna í náttúrunni,“
segir hún. „Þó það sé kannski gamall
frasi að vinna útfrá náttúrunni, þá er
hún allt í kring hér á Íslandi og það
er einfaldlega staðreynd að hún er
mjög áhrifamikil.“
Verkin á sýningunni í Hallgríms-
kirkju hafa verið í fjögur ár í und-
irbúningi hjá Þorbjörgu, en hún hef-
ur tekið þátt í alþjóðlegum textíl-
sýningum í Póllandi að undanförnu,
auk þess sem hún rekur galleríið
Meistari Jakob við Skólavörðustíg
ásamt tíu myndlistarmönnum. „Því
miður hefur það orðið svo að flest
verkin mín hafa selst til útlanda. Það
er alltaf svolítil eftirsjá að sjá á bak
börnunum sínum til útlanda, ef svo
má að orði komast, því helst vildi ég
vita af þeim á Íslandi. Útlendingar
virðast ekki síður hrifnir en Íslend-
ingar af því mikla handverki sem
felst í verkunum mínum, enda vanir
hefðinni og fyllast lotningu yfir öll-
um þeim tíma sem ég eyði í verkin
mín. Sjálfri finnst mér þetta
skemmtilega á skjön við hraða nú-
tímans. Og þó verkin mín séu að
mörgu leyti þjóðleg sökum uppruna
síns, þá tel ég að þau séu um leið al-
þjóðleg á vissan hátt.“
Þorbjörg heldur úti heimasíðu,
www.thorbjorg.com. Sýningunni
lýkur 26. maí.
Náttúran í hrosshár
Morgunblaðið/Árni Sæberg
Þorbjörg Þórðardóttir við verk sín í Hallgrímskirkju.
MENNINGARMÁLANEFND Hafn-
arfjarðar veitti 17 styrki til menn-
ingar- og liststarfsemi og styrki úr
Húsverndarsjóði Hafnarfjarðar á
dögunum að upphæð 2.350.000 kr.
en í febrúar var undirritaður samn-
ingur við átta kóra, Lúðrasveit
Hafnarfjarðar, Sveinssafn, Ljósa-
klif og Kammersveit Hafnarfjarðar
að upphæð 4.800.000 krónur.
Styrki til menningar og liststarf-
semi hlutu Kári Árnason vegna
heiðurstónleika sem halda á Guð-
mundi Steingrímssyni trommuleik-
ara, Þóra Þórisdóttir til uppsetn-
ingar og sýningar á skúlptúr,
Magnea Þuríður Ingvarsdóttir
vegna sýningar á vídeóverki,
Brynja Árnadóttir vegna myndlist-
arsýningar, Ragnheiður Gests-
dóttir og Dansleikhús með Ekka
vegna uppsetningar á leik- og dans-
verki fyrir börn, Birgir Svan Sím-
onarson vegna ljóðabókar fyrir
börn og vinnslu á geisladiski, Örn
Hrafnkelsson og Þorfinnur Skúla-
son vegna útgáfu á textum frá 17.
öld, Kvikmyndafélagið Þeir tveir
vegna lokavinnslu á stuttmynd,
Flensborgarskólinn og Sjónvarp
Flensborgar til gerðar á heimild-
armynd um Lista- og menningarhá-
tíðina Bjartir dagar sem haldin
verður 1.–23. júní nk.
Styrk úr Húsverndarsjóði hlutu
Brekkugata 12 (1905), Suðurgata
52 (1904), Norðurbraut 13 (1931),
Suðurgata 33 (1907), Brekkugata 9
(1913), Hringbraut 51(1915),
Hraunhvammur 3 (1926), Lækjar-
gata 12 (1927).
Hilmar Jónsson, leikhússtjóri
Hafnarfjarðarleikhússins, hlaut
sérstaka viðurkenningu fyrir frum-
kvöðlastarf í menningar- og listalífi
Hafnarfjarðar. Nefndina skipa Ása
Björk Snorradóttir, Símon Jón Jó-
hannsson og Magnús Kjartansson.
Morgunblaðið/Jim Smart
Handhafar menningar- og listastyrkja 2003 í Hafnarfirði.
17 styrkir til menningar
www.solidea.com
4. flokki 1992 – 38. útdráttur
4. flokki 1994 – 31. útdráttur
2. flokki 1995 – 29. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. júní 2003.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is