Morgunblaðið - 15.04.2003, Blaðsíða 15

ERLENT
MORGUNBLAÐIÐ ÞRIÐJUDAGUR 15. APRÍL 2003 15
ÞEGAR dyrnar opnuðust blasti við draumaíbúð dæmi-
gerðs glaumgosa á sjöunda áratugnum, svefnherbergi
með stórum speglum á tveimur veggjum, lampar með
lögun kvenna, málverk af berbrjósta ljóshærðri konu
og hetju með yfirvaraskegg sem berst við krókódíl.
Bandarískir hermenn telja að þetta hafi verið heimili
hjákonu Saddams Husseins þótt í stofunni og svefn-
herberginu séu myndir af honum með eiginkonu sinni.
Yfirmaður hermannanna telur þá hafa fundið einn af
mörgum griðastöðum Saddams.
„Þetta hlýtur að hafa verið ástarhreiður Saddams,“
sagði bandaríski liðþjálfinn Spencer Willardson.
Húsið er í hverfi í miðborg Bagdad þar sem hers-
höfðingjar og æðstu embættismenn Baath-flokksins
bjuggu. Bandarískir hermenn settu upp varðstöð í
hverfinu um helgina og leituðu dyrum og dyngjum að
vopnum og ræningjum sem stálu öllu steini léttara úr
íbúðarhúsum og opinberum byggingum.
Í næstu íbúð, þar sem allir gluggarnir voru lokaðir
með járnplötum, fundust meðal annars um 6.000 Ber-
etta-skammbyssur, 650 Sig Sauer-skammbyssur, 248
Colt-marghleypur og tólf kassar af léttum vélbyssum.
Ennfremur fundust þar tugir þúsunda skothylkja,
sprengjuvörpur, gamlar skammbyssur og þungar vél-
byssur.
Íbúð hjákonu sem flúði
Íbúðin við hliðina var öllu hlýlegri, með húsgögn sem
voru í tísku á sjöunda áratugnum, plastblóm, nið-
urgrafið eldhús og herbergi fyrir þjón. Á barnum voru
birgðir af 20 ára gömlu rauðvíni frá Ítalíu, dýrt koníak
og skoskt viskí, sömu tegundir og fundist hafa í nokkr-
um forsetahöllum Saddams. Glösin voru með sama
mynstur og glermunir sem fundust í að minnsta kosti
þremur forsetahöllum sem bandarískir hermenn hafa
skoðað frá því að stjórn Saddams féll. Á glösunum var
innsigli írösku stjórnarinnar og á brúnunum var gull-
mynstur.
Í íbúðinni voru einnig leirmunir með innsigli kon-
ungsfjölskyldunnar í Kúveit, með gylltu og dumbrauðu
mynstri.
Bandaríski höfuðsmaðurinn Chris Carter sagði að
íbúðin virtist hafa verið einn af griðastöðum Saddams
Husseins. Bandarískir embættismenn hafa komist að
þeirri niðurstöðu að Parisoula Lampsos, sem segist
hafa verið hjákona Saddams, hafi búið í íbúðinni áður
en hún flúði til Líbanons í fyrra. Hún er nú talin fara
huldu höfði.
Eiginkona Saddams, Sajida Khairallah Tulfah, er
einnig frænka hans. Hún ól Saddam þrjár dætur og tvo
syni, Uday og Qusay. Talið er að Saddam hafi átt þriðja
soninn, Ali, með annarri konu.
AP
Bandarískur hermaður virðir fyrir sér málverk í húsi
sem talið er hafa verið leynilegt „ástarhreiður“ Sadd-
ams Husseins og hjákonu hans í höfuðborginni Bagdad.
Fundu „ást-
arhreiður“
Saddams
Bagdad. AP.