Morgunblaðið - 15.04.2003, Blaðsíða 22

LANDIÐ
22 ÞRIÐJUDAGUR 15. APRÍL 2003 MORGUNBLAÐIÐ
Á DÖGUNUM var skrifað undir
samkomulag í Túni, tómstunda- og
menningarhúsi fyrir fólk á aldrinum
16–25 ára, þess efnis að rekstur húss-
ins yrði tryggður til næstu tveggja
ára.
Þar með hefst aftur reglulegt starf
í Túni eftir að hafa legið niðri um
skeið og sagði Sveinn Hreinsson tóm-
stundafulltrúi Húsavíkurbæjar að
þetta yrði reynslutími. Ef reynslan af
þessum tveimum árum yrði góð væri
stefnan að Húsavíkurbær yfirtæki
reksturinn að þeim loknum og mótaði
hann til framtíðar. Ef hinsvegar
kæmi í ljós að ekki væri þörf á starf-
semi af þessu tagi þá yrði henni hætt.
Það má því segja að þetta verði undir
ungmennunum sjálfum komið sagði
Sveinn.
Í samkomulaginu felst m.a. að þrír
aðilar leggja starfseminni til fé, Húsa-
víkurbær, Framhaldsskólinn á Húsa-
vík og Rauði kross Íslands. Að auki
koma að þessu verkefni Húsavíkur-
kirkja, Félags- og skólaþjónusta
Þingeyinga og Sýslumannsembættið
á Húsavík.
Helga G. Halldórsdóttir skrifstofu-
stjóri innalandsdeildar Rauða kross-
ins sagði við þetta tækifæri að Rauði
krossinn tæki þátt í samskonar starf-
semi á Ísafirði, Akranesi og Blöndu-
ósi auk Húsavíkur. Í farvatninu væri
stofnun kaffi- og menningarhúsa fyrir
ungt fólk á fleiri stöðum á landinu
enda væri þetta mikilvægt forvarn-
arverkefni.
Sigurður Illugason hefur verið ráð-
inn forstöðumaður Túns í hálfu starfi,
og tjáði hann fréttaritara að starfið
væri að komast í gang, ungmennin
farin að láta sjá sig og t.a.m. stóðu þau
fyrir tónleikum í Hvalamiðstöðinni á
dögunum þar sem hin færeyska tón-
listarkona Eivör Pálsdóttir tróð upp.
Rekstur tóm-
stundahússins
Túns tryggður
Húsavík
Á AFMÆLISHÁTÍÐ Menntaskólans að Laugarvatni
s.l. laugardag fór fram undirritun friðunarskjals Hér-
aðsskólahússins á Laugarvatni. Þorsteinn Gunnarsson
formaður húsfriðunarnefndar, Tómas Ingi Olrich,
menntamálaráðherra og Halldór Páll Halldórsson,
skólameistari ML undirrituðu friðunarskjalið að við-
stöddu fjölmenni í íþróttahúsinu á Laugarvatni.
Héraðsskólahúsið er teiknað af Guðjóni Sam-
úelsyni, húsameistara ríkisins, byggt 1928 en síðar
endurbyggt eftir bruna. Húsið er staðartákn Laug-
arvatns og einstakt í útliti með burstirnar sem minna
á Kálfstindana sem gnæfa yfir Laugarvatnsvöllum, en
vísa einnig til gamallar sveitamenningar og burst-
abæjastílsins.
Þannig var Laugarvatnsskólinn tákn menntunar og
menntaseturs í sveit.
Morgunblaðið/Kári Jónsson
Þorsteinn Gunnarsson, formaður húsfriðunarnefndar, Tómas Ingi Olrich menntamálaráðherra og Halldór Páll
Halldórsson, skólameistari ML, undirrituðu friðunarskjal vegna Héraðsskólahússins á Laugarvatni að viðstöddu
fjölmenni. Á bak við þau standa nokkrir nemendur ML.
Kristinn Kristmundsson, fv. skólameistari, var heiðraður á samkomunni en hér er hann á fremsta bekk ásamt
Rannveigu Pálsdóttur, eiginkonu sinni, Margréti Gunnarsdóttur, Óskari Ólafssyni, fv. aðstoðarskólameistara,
þingmönnunum Ólafi Erni Haraldssyni, Drífu Hjartardóttur og Guðna Ágústssyni og fleiri gestum.
Friðun Héraðsskólahússins
staðfest með viðhöfn
Laugarvatn
50 ára afmæli Menntaskólans að Laugarvatni
INGVAR Þorvaldsson
opnaði sl. laugardag
málverkasýningu í
Safnahúsinu á Húsavík.
Þar sýnir hann rúmlega
fimmtíu olíu- og vatns-
litamyndir. Margar
myndirnar eru af hans
heimaslóðum hér fyrir
norðan og margt mynd-
efnið kunnuglegt fyrir
heimamenn.
Ingvar sem fæddur
er á Húsavík hélt sína
fyrstu málverkasýn-
ingu á Húsavík 1971 og
eru þær nú orðnar fjörutíu sýning-
arnar sem hann hefur haldið víðs-
vegar um landið frá þeim tíma.
Sýning Ingvars í Safnahúsinu
verður opin daglega frá kl. 14–19 til
21. apríl næstkomandi.
Ingvar Þorvaldsson við mynd sína „Í Sandi“.
Málverkasýning
í Safnahúsinu
Húsavík
Morgunblaðið/Hafþór Hreiðarssson
E C C O E S O F T H E W O R L D ®
VO R / S U M A R 2 0 0 3
ECCOblaðið fylgir
Morgunblaðinu á morgun
SAMKOMULAG um stofnun Frum-
kvöðlaseturs Austurlands á Horna-
firði var undirritað nýlega. Setrið
verður til húsa í Nýheimum, þekk-
ingar- og menningarsetri Hornfirð-
inga. Meðal þeirra sem undirrituðu
samkomulagið og fluttu ávarp var
Valgerður Sverrisdóttir, viðskipta-
og iðnaðarráðherra.
Dagleg starfsemi Frumkvöðlaset-
ursins verður í samstarfi við starfs-
menn Impru á Iðntæknistofnun, At-
vinnuþróunarfélag Austurlands og
fleiri aðila. Framkvæmdastjóri hefur
verið ráðinn Ari Þorsteinsson verk-
fræðingur. Formleg starfsemi hefst í
byrjun maí. Leitað verður til
reyndra atvinnurekenda sem fúsir
eru til að taka þátt í stjórnun fyr-
irtækja þeirra frumkvöðla sem að-
stöðu hafa hjá Frumkvöðlasetri
Austurlands. Hlutverk þeirra er að
miðla reynslu og þekkingu til frum-
kvöðlanna. Einnig að efla tengsl
þeirra við atvinnulífið og hjálpa
þannig til við að koma frumkvöðla-
fyrirtækjum á legg.
Sérfræðingar Iðntæknistofnunar,
Útflutningsráðs Íslands, Viðskipta-
þjónustu utanríkisráðuneytis, Ný-
sköpunarsjóðs atvinnulífsins, Há-
skólasetursins á Hornafirði,
Byggðastofnunar, Atvinnuþróunar-
félags Austurlands og annarra þjón-
ustustofnana atvinnulífsins verða
hvattir til að heimsækja Frum-
kvöðlasetrið reglulega.
Morgunblaðið/Sigurður Mar
Albert Eymundsson, bæjarstjóri Hornafjarðar, Valgerður Sverrisdóttir iðnaðarráðherra, Berglind Hallgríms-
dóttir, forstöðumaður Impru, Óðinn Gunnar Óðinsson, frá Þróunarstofu Austurlands, Gunnar Örn Guðmundsson,
frá Nýsköpunarsjóði, Snorri Björn Sigurðsson, frá Byggðastofnun, og Aðalsteinn Ingólfsson, framkvæmdastjóri
Skinneyjar-Þinganess, sem var fulltrúi atvinnurekenda á Hornafirði, undirrituðu samkomulagið.
Frumkvöðlasetur stofnað
Hornafjörður