Morgunblaðið - 15.04.2003, Blaðsíða 20
AKUREYRI
20 ÞRIÐJUDAGUR 15. APRÍL 2003 MORGUNBLAÐIÐ
AUGLÝSING FRÁYFIRKJÖRSTJÓRN
REYKJAVÍKURKJÖRDÆMIS NORÐUR
UM MÓTTÖKU FRAMBOÐSLISTA
OG FLEIRA
Framboðsfrestur til alþingiskosninga 10. maí 2003 rennur út föstudaginn 25. apríl n.k.
kl. 12.00 á hádegi.
Yfirkjörstjórn Reykjavíkurkjördæmis norður tekur á móti framboðslistum þann dag
kl. 10.00-12.00 í fundarherbergi borgarráðs, Ráðhúsi Reykjavíkur við Tjarnargötu.
Á framboðslista skulu vera 22 nöfn frambjóðenda. Hverjum framboðslista skal fylgja
skrifleg yfirlýsing allra þeirra sem á listanum eru um að þeir hafi leyft að setja nöfn
sín á listann. Framboðslista skal og fylgja skrifleg yfirlýsing um stuðning við listann
frá kjósendum í hlutaðeigandi kjördæmi. Tilgreina skal nafn meðmælanda, kennitölu
hans og heimili. Fjöldi meðmælenda skal vera 330 að lágmarki og 440 að hámarki.
Engin kjósandi getur mælt með fleiri en einum framboðslista. Komi það fyrir strikast
nafn kjósandans út í báðum (öllum) tilvikum. Loks skal fylgja framboðslista skrifleg
tilkynning frá frambjóðendum listans um hverjir tveir menn séu umboðsmenn listans.
Gæta skal þess um öll framboð að tilgreina skýrlega nafn frambjóðanda, kennitölu
hans, stöðu eða starfsheiti og heimili til þess að enginn vafi geti leikið á því hverjir
eru í kjöri. Mælst er til að framboðslistum og listum yfir meðmælendur verði skilað á
tölvutæku formi.
Að öðru leyti er vísað til ákvæða laga um kosningar til Alþingis nr. 24/2000, með
síðari breytingum.
Meðan kosning fer fram, laugardaginn 10. maí n.k., verður aðsetur yfirkjörstjórnar í
Ráðhúsi Reykjavíkur, þar sem talning atkvæða, að kjörfundi loknum, mun fara fram.
Reykjavík, 12. apríl 2003
Yfirkjörstjórn Reykjavíkurkjördæmis norður
GERÐARDÓMUR, sem skipaður
var þremur dómurum, hefur úr-
skurðað að heildarverðmæti Norð-
urmjólkur sé 820 milljónir króna.
Þetta þýðir að kaupverð Auðhumlu,
félags mjólkurframleiðenda í Eyja-
firði og Þingeyjarsýslum, sem á
tæplega 67% hlut fjárfestingar-
félagsins Kaldbaks í Norðurmjólk,
er um 550 milljónir króna.
Niðurstaða gerðardóms er bind-
andi fyrir báða aðila. Áður höfðu
dómkvaddir matsmenn metið að
heildarverðmæti Norðurmjólkur
væri um 940 milljónir króna og
kaupverð Auðhumlu því um 625
milljónir króna. Forsvarsmenn
Kaldbaks sættu sig ekki við þá nið-
urstöðu og töldu verðmæti félagsins
metið of lágt. Því fór málið fyrir
gerðardóm, sem komst að þeirri
niðurstöðu að verðmæti félagsins
væri um 120 milljónum króna lægra
en hinir dómkvöddu matsmenn
töldu það vera.
Stefán Magnússon formaður
stjórnar Auðhumlu sagðist þokka-
lega ánægður með niðurstöðu gerð-
ardóms varðandi heildarverðmæti
Norðurmjólkur en hann hafði þó
ekki séð forsendur úrskurðarins í
gær. „Við í stjórninni fáum gögn
málsins í hendur á morgun (í dag)
og ætlum að setjast strax yfir þau.
Það var kominn tími á að niðurstaða
fengist í þessu máli, því það hefur
staðið Norðurmjólk fyrir þrifum að
þetta mat hafi ekki legið fyrir. Nú
verður hægt að fara að huga frekar
að framtíðinni,“ sagði Stefán.
Auðhumla átti um þriðjungs eign-
arhlut í Norðurmjólk og keypti hlut
Kaldbaks sl. sumar. Í kjölfarið seldi
Auðhumla svo 60% af eignarhlut
sínum í félaginu til Kaupfélags Ey-
firðinga, Kaupfélags Skagfirðinga,
Osta- og smjörsölunnar, Mjólkur-
bús Flóamanna og Mjólkursamsöl-
unnar í Reykjavík.
Ekki náðist í Eirík S. Jóhannsson
framkvæmdastjóra Kaldbaks í gær.
Heildarverðmæti Norðurmjólkur 820 milljónir króna
Matið lækkaði um
120 milljónir króna
TÖLUVERT hefur verið um
skemmdarverk á Akureyri í vetur
og um helgina voru um eitt hundrað
rúður brotnar í tveimur grunnskól-
um Akureyrar, rúmlega 80 í Síðu-
skóla og tæplega 20 rúður í Gler-
árskóla. Tjón vegna þessara
skemmdarverka er á aðra milljón
króna, að sögn Sigurðar Ágústs-
sonar, fullrúa hjá Fasteignum Ak-
ureyrarbæjar, sem er svipuð fjár-
hæð og eftirlitsmyndavélar við báða
skólana kosta. Aðkoman í skólunum
var ekki glæsileg, þar sem glerbrot
höfðu spýst inn um allt, meira að
segja inn í skólamöppur í hillum.
Ekki kom til þess að gera þyrfti
hlé á skólahaldi, þar sem páskafrí
nemenda hófst eftir kennslu sl.
föstudag. Ólafur Ásgeirsson, að-
stoðaryfirlögregluþjónn á Akureyri,
sagði að búið væri að upplýsa mörg
þeirra mála sem komið hefðu upp í
vetur en ekki öll og þau brot sem
framin voru um helgina voru óupp-
lýst í gær.
Mikið hefur verið um rúðubrot í
grunnskólum bæjarins og skemmd-
ir unnar á biðskýlum SVA, svo eitt-
hvað sé nefnt. Eftirlitsmyndavélar
hafa verið settar upp við Lundar-
skóla og Giljaskóla og sagði Ólafur
að ekki hefðu verið unnar skemmd-
ir þar eftir að vélarnar voru settar
upp. Þá stendur til að setja upp eft-
irlitsmyndavélar við Síðuskóla.
Ólafur sagði að þarna væru ekki
neinir smákrakkar á ferð, því það
þyrfti töluvert afl til að brjóta þess-
ar litlu rúður í Síðuskóla. „Það er of
mikið agaleysi meðal unglinga í dag
og það er ekki borin nógu mikil
virðing fyrir eignum annarra. Ég
held að þar vanti eitthvað í uppeld-
ið.“
Ólafur sagði mjög mikilvægt að
fólk sem byggi yfir upplýsingum
um þessi skemmdarverk hefði sam-
band við lögregluna. „En það er
ljóst að „stóri bróðir“ verður að
setja upp fleiri eftirlitsmyndavélar,
annað virðist ekki duga.“
Morgunblaðið/Kristján
Sæmundur Friðfinnsson og Frank Oertwig frá fyrirtækinu Tréborg voru
að skipta um rúður í Síðuskóla í gær. Hjá þeim stendur Sigurður Ágústs-
son, fulltrúi hjá Fasteignum Akureyrarbæjar.
Um 100 rúður brotnar í tveimur
grunnskólum bæjarins
Tjónið á aðra
milljón króna
ÞAÐ vakti töluverða athygli
hversu fáir keppendur mættu til
leiks á Skíðamóti Íslands í Hlíð-
arfjalli um helgina og þá fór frekar
lítið fyrir áhorfendum. Björn Þór
Ólafsson, skíðafrömuður í Ólafs-
firði, sem tekið hefur þátt í 40
landsmótum, nú síðast í Hlíðarfjalli
um helgina, sagði það sorglegt
hversu fáir keppendur hefðu mætt
til leiks og að skíðaíþróttin ætti í
vök að verjast.
Björn Þór sagði að veturinn
hefði verið erfiður og þá væri allt-
af að verða meira og meira í boði
fyrir fólk. „Þegar aðstæður í öðr-
um greinum batna hefur það áhrif
á svona litlum stöðum eins og í
Ólafsfirði og við höfum heldur eng-
an framhaldsskóla. Við erum yf-
irleitt með stóran hóp keppenda á
Andrésar Andar leikunum en svo
eru krakkarnir farnir frá okkur
um 15 ára aldurinn. Við höfum
ekki verið með nema einn og tvo
keppendur í hvorum flokki í alpa-
greinum. Og á Ísafirði, sem er mun
stærri bær og með stærra svæði en
við, hefur gengið erfiðlega að
halda uppi skíðaíþróttinni.“
Um 25 keppendur mættu til leiks
í alpagreinum kvenna og rúmlega
30 í karlaflokki en í göngu voru
keppendur innan við 20, þar af
fjórir keppendur eldri en 50 ára.
Björn Þór sagði að fyrir nokkrum
árum hefðu keppendur á unglinga-
meistaramótum verið þetta 150–
170 talsins og á landsmóti upp und-
ir 100 keppendur, bara í alpagrein-
um. „Skíðaíþróttin á í vök að
verjast, við stöndum í varnarbar-
áttu og þurfum að berjast.“ Björn
Þór sagði það einnig hafa verið slá-
andi hversu fáir áhorfendur voru á
landsmótinu. „Það er eins og fólk
hafi ekki trúað því að hægt væri að
halda mótið vegna snjóleysis.“
Ég náði síðasta sætinu
Björn Þór keppti á sínu fyrsta
landsmóti árið 1960 og hann hefur
aðeins sleppt úr þremur mótum frá
þeim tíma. Áður hafði hann tekið
þátt í þremur unglingameist-
aramótum, sínu fyrsta í Hlíðarfjalli
árið 1957. Björn Þór keppti í
göngu með hefðbundinni aðferð á
laugardag. „Mér gekk ágætlega og
ég náði síðasta sætinu. Maður hef-
ur ekki stigið á skíði í Ólafsfirði í
allan vetur. Ástandið hefur verið
alveg hræðilegt og við höfum aldr-
ei getað gert göngubraut hér í vet-
ur og það er vissulega saga til
næsta bæjar. Við höfum oft bjarg-
að okkur með því að fara á dali en
það hefur heldur ekki verið hægt.“
Skíðamót Íslands fer fram á Ísa-
firði að ári og hyggst Björn Þór
mæta þar til leiks, „maður reynir
að rölta eina og eina göngu.“
Björn Þór Ólafsson keppti á sínu 40. Skíðalandsmóti
Morgunblaðið/Kristján
Það vakti athygli hversu fáir áhorfendur mættu á landsmótið en fram-
kvæmd mótsins var með miklum ágætum þrátt fyrir erfiðar aðstæður.
Skíða-
íþróttin
á í vök
að verjast
Morgunblaðið/Kristján
Björn Þór Ólafsson í keppni í göngu
með hefðbundinni aðferð á Skíða-
móti Íslands í Hlíðarfjalli.
STJÓRN Fasteigna Akureyrar-
bæjar hefur staðfest sölu á eign-
um bæjarins í Skjaldarvík, til
Eignarhaldsfélagsins Skjaldar-
víkur ehf. Söluverðið er 57 millj-
ónir króna.
Um er að ræða sölu á tveimur
íbúðarhúsum, húsnæði á tveimur
hæðum, þar sem dvalarheimili
aldraðra var til húsa, skemmu,
vélaskemmu og geymslu, fjósi,
kálfahúsi og hlöðu.
Fasteignir í Skjaldarvík seldar