Morgunblaðið - 15.04.2003, Blaðsíða 47
ÍÞRÓTTIR
MORGUNBLAÐIÐ ÞRIÐJUDAGUR 15. APRÍL 2003 47
SAM Allardyce, knattspyrnustjóri
Bolton Wanderers, sagði í samtali
við Bolton Evening News í gær að
hann vonaðist svo sannarlega eftir
því að Guðni Bergsson, fyrirliði
liðsins, myndi skipta um skoðun
eina ferðina enn og hætta við að
leggja skóna á hilluna að þessu
keppnistímabili loknu.
Allardyce sagði að Guðni hefði
verið í ótrúlega góðri æfingu í vet-
ur og kvaðst myndu halda öllum
dyrum opnum ef hann skipti um
skoðun. Hann hefði hins vegar
engar aðrar forsendur til að ganga
út frá en að Guðni myndi standa
við fyrirætlanir sínar og fara alfar-
inn heim til Íslands.
„Guðni er ótrúlegur en málið
snýst ekki bara um knattspyrnuna,
heldur einnig um fjölskyldulíf
hans. Hann hefur yngst allur upp
við þessa góðu frammistöðu og
batnandi gengi liðsins og þegar
þannig gengur finnst mönnum þeir
ekki eins gamlir og þreyttir og
þegar ekkert gengur upp. En mál-
ið er að Guðni sér ekki mikið af
eiginkonu sinni og börnum og ef
hann ætlar að leika eitt ár enn í úr-
valsdeildinni þarf hann að færa
miklar fórnir. Ella, eiginkona
hans, mun taka endanlega ákvörð-
un í málinu því þetta snýst allt um
hvort hún og börnin þeirra geta
séð af honum einn veturinn enn og
hvort það sé þess virði,“ sagði Sam
Allardyce.
Allardyce vonast
eftir Guðna áfram
ÁSTRALAR eru reiðubúnir að
halda úrslitakeppni heims-
meistaramóts kvenna í knatt-
spyrnu í september á þessu ári
taki Alþjóðaknattspyrnusam-
bandið, FIFA, þá ákvörðun að
mótið geti ekki farið fram í
Kína vegna lungnabólgufar-
aldursins sem geisað hefur í
landinu undanfarnar vikur.
Sjúkdómurinn hefur dregið
140 manns til dauða.
HM kvenna
í Ástralíu?
DANINN Sören Byskov kem-
ur til með að verja mark úvals-
deildarliðs KA í knattspyrnu í
sumar en gengið var frá samn-
ingi við leikmanninn í gær sem
gildir út leiktíðina. Byskov var
til reynslu hjá KA-mönnum í
síðustu viku og lék með þeim á
móti Stjörnunni í deildabik-
arkeppninni. Í þeim leik þurfti
Daninn að hirða knöttinn úr
neti sínu í þrígang en að sögn
Gunnars Gunnarssonar, fram-
kvæmdastjóra KA, var Byskov
ekki dæmdur af frammistöðu
sinni í þeim leik heldur á æf-
ingunum þar sem hann sýndi
góð tilþrif.
Byskov er 26 ára gamall
sem lék með Lyngby í dönsku
úrvalsdeildinni í fyrra en liðið
hefur nú lagt upp laupana
vegna gjaldþrots. Byskov hélt
af landi brott á sunnudag en
er væntanlegur aftur til Ak-
ureyrar strax eftir páska.
KA-menn
sömdu við
Byskov
ANTON Gylfi Pálsson og Hlynur
Leifsson, milliríkjadómarar í hand-
knattleik, hafa verið valdir til að
dæma í undankeppni heimsmeist-
aramóts 21 árs landsliða, sem fram
fer í Toulouse í Frakklandi 18.–20.
apríl. Anton og Hlynur dæma í riðli,
sem Frakkar, Tékkar, Ungverjar og
Hollendingar leika í.
RÓBERT Fannar Halldórsson, 17
ára gamall skvassspilari úr Grafar-
vogi, tekur þátt í Evrópumeistara-
móti unglinga í skvassi sem fram fer
í München í Þýskalandi þessa dag-
anna. Róbert er einn af bestu skvass-
spilurum landsins, þrátt fyrir ungan
aldur og er í fjórða sæti á styrkleika-
lista Skvassfélagsins eftir röð móta í
vetur.
PAOLO Maldini, fyrirliði AC Mil-
an, nefbrotnaði í leik um helgina og
þurfti hann að gangast undir aðgerð.
Maldini missir af undanúrslitaleik
AC Milan og Perugia í bikarkeppn-
inni í kvöld og af deildarleiknum á
móti Empoli um næstu helgi. For-
ráðamenn AC Milan eru hins vegar
bjartsýnir á að Maldini geti leikið
síðari leikinn á móti Ajax í Meist-
aradeildinni í næstu viku.
ÍSLENSKIR leikmenn þóttu ekki
áberandi í fyrstu umferð norsku úr-
valsdeildarinnar í knattspyrnu á
sunnudaginn. Enginn þeirra fékk
meira en 5 í einkunn hjá Verdens
Gang en þá tölu, sem táknar með-
algóðan leik, fengu Bjarni Þorsteins-
son og Ólafur Stígsson hjá Molde,
Gylfi Einarsson hjá Lilleström og
Tryggvi Guðmundsson hjá Stabæk.
INDRIÐI Sigurðsson hjá Lille-
ström þótti hins vegar bestur Íslend-
inganna hjá Adresseavisen, sem gaf
honum 6 í einkunn. Indriði lagði upp
sigurmark liðsins gegn Bodö/Glimt.
Hjá Nettavisen fengu Indriði,
Tryggvi og Gylfi 5 í einkunn en aðrir
minna.
HRAFNKELL Halldórsson verð-
ur væntanlega áfram þjálfari norska
liðsins Treff sem hafnaði í 5. sæti 1.
deildar, þeirra næstefstu, í norska
kvennahandboltanum í vetur. Hrafn-
kell sagði í samtali við Romsdals
Budstikke í gær að hann hefði hug á
að styrkja lið sitt með íslenskum
leikmanni fyrir næsta tímabil. Fyrir
er í liði Treff markvörðurinn Jenný
Ásmundsdóttir, sem áður lék með
Haukum.
MICK McCarthy, nýráðinn knatt-
spyrnustjóri Sunderland, hefur ver-
ið sagt að nauðsynlegt verði að selja
a.m.k. fimmtán leikmenn úr núver-
andi leikmannahópi félagsins vegna
tekjumissis sökum falls úr ensku úr-
valsdeildinni.
GARETH Barry, miðjumaður
Aston Villa, er kominn í tveggja
leikja bann þar sem hann hefur feng-
ið að sjá tíu gul spjöld.
FÓLK
LÁRUS Orri Sigurðsson segir að
helstu ástæðu slaks gengis WBA á
leiktíðinni megja rekja til meiðsla
lykilmanna í vörninni. Lárus Orri,
Phil Gilchrist og Darren Moore
mynduðu sterkustu vörnina í 1.
deildinni á síðasta keppnistímabili
og áttu stóran þátt í að liðið vann
sér sæti í úrvalsdeildinni. WBA hélt
marki sínu hreinu í 27 leikjum í
fyrra sem er met hjá félaginu en í ár
hafa þremenningarnir sjaldan leik-
ið saman þar sem þeir Gilchrist og
Moore hafa verið mikið frá sökum
meiðsla. Þetta hefur þýtt að Gary
Megson, stjóri WBA, hefur þurft að
stokka upp í vörninni og hún hefur
alls ekki náð fyrri styrk en WBA
hefur aðeins einu sinni haldið marki
sínu hreinu á þessu ári.
„Meiðslin hafa að vonum tekið
mikinn toll og það hefur komið sér
mjög illa fyrir okkur að missa leik-
menn á borð við Gilchrist og Moore
en við náðum sérlega vel saman í
fyrra,“ segir Lárus Orri á heima-
síðu WBA.
Lárus og félagar eru komnir með
annan fótinn niður í 1. deildina.
Lárus Orri verður um kyrrt hjá
WBA en hann gerði nýjan þriggja
ára samning við félagið sl. sumar.
Í keppni með höggsverði á aðreyna koma með sverðinu við lík-
ama mótherja yfir ofan mitti, einnig
höfuð sem er því vel
varið með grímu.
Keppt er í sérstök-
um búningum sem
leiða rafmagn þann-
ig að þegar sverð snertir þau svæði
á líkamanum, sem ætlast er til,
blikka ljós á upplýsingaborði. Keppt
er að fimmtán stigum og tekur hver
bardagi oft um þrjár mínútur. Það
virðist ekki mikið en þar sem
spennan í líkamann er mikil og hver
vöðvi í viðbragðsstöðu eru keppend-
ur oft úrvinda eftir nokkra bardaga.
„Ég komst í hann krappan en það
er í lagi,“ sagði Guðrún eftir erfiðan
sigurleik við Þorbjörgu Ágústsdótt-
ur í úrslitum kvennaflokksins. Þor-
björg hafði forystu en í stöðunni
10:12 tók Guðrún við sér og vann
15:13 í stórskemmtilegri viðureign.
„Ég byrjaði betur en svo breytti
hún um taktík og það tók mig tíma
að finna svar við því. Hún breytti
hraðanum, hafði sótt hratt fram og
ég þá náð af henni stigi en þegar
hún sá í gegnum það sótti hún
lengra fram og náði þá að koma á
mig höggi. Ég endurskipulagði þá
mína tækni og það gekk upp en ég
var ekki örugg um sigur. Sérstak-
lega var ég óörugg í hléinu og þegar
hún náði forskoti eftir það var það
ekki alveg nógu gott. Hins vegar
veit ég að ég get náð fimm stigum á
hana svo að maður var ekki hrædd-
ur, það er ekki óyfistíganlegt. Hún
hefði þess vegna getað unnið því
það er ekkert gefið í þessu,“ bætti
Guðrún við og það er í nógu að snú-
ast hjá henni. „Þetta mót er til að
krydda vorönnina en við ætlum að
reyna fara á heimsbikarmót í New
York í júní og Norðurlandamótið
verður einnig haldið hér á landi í
júní. Þar hef ég titil að verja.“
Spennan var ekki síðri í úrslitum
opna flokksins þar sem Ragnar Ingi
Sigurðsson varði titil sinn á móti
Andra H. Kristinssyni. Andri háði
harðan og stórskemmtilegan bar-
daga við Hróar Hugosson til að
komast í úrslit. Þar velgdi hann Ís-
landmeistaranum rækilega undir
uggum til að byrja með og náði 6:5
forystu en tókst ekki að fylgja því
eftir. „Ég tók mig til og gerði út um
leikinn,“ sagði Ragnar Ingi eftir
sigurinn á Andra. „Hann var orðinn
þreyttur og ég ákvað að nýta mér
það, þá munar um reynsluna. Þá
tekur maður bara eitt stig í einu og
notar leikhléið til að meta stöðuna
ef maður er á rangri braut og farið
að ganga illa.“ Eins og Guðrún
benti á er ýmislegt á döfinni og
Ragnar Ingi hyggst útbreiða íþrótt-
ina. „Við erum þessa daga að koma
á fót skylmingadeild í FH í Hafn-
arfirði. Við byrjuðum rólega og
könnuðum áhugann en ætlum að
vera með meiri starfsemi í haust.
Svo er búið að stofna deild á Sel-
tjarnarnesi. Það einmitt vantaði
fleiri félög til að koma á meiri
keppni milli félaga og meiri stemn-
ingu – ríginn hefur vantað,“ sagði
Ragnar Ingi.
Morgunblaðið/Stefán Stefánsson
Guðrún Jóhannsdóttir fagnaði sigri í kvennaflokki og Ragnar
Ingi Sigurðsson í opnum flokki á Íslandsbikarmótinu í skylm-
ingum með höggsverði á sunnudaginn.
Meistarar
höfðu betur
LITLU munaði að margfaldir Íslandsmeistararnir í skylmingum með
höggsverði, Guðrún Jóhannsdóttir og Ragnar Ingi Sigurðsson, yrðu
undir þegar keppt var um Íslandsbikarinn í íþróttahúsi Hagaskóla á
laugardaginn. Þeir lentu í kröppum dansi en tókst með því að grípa
til reynslunnar og snúa bardaganum sér í hag undir lokin.
Stefán
Stefánsson
skrifar
Dýrkeypt meiðsli hjá WBA
TEITUR Þórðarson stýrði Lyn
í fyrsta sinn í norsku deild-
arkeppninni í gær er liðið tók
á móti fyrrum lærisveinum
hans, Brann, en hvorugu lið-
inu tókst að skora.
Teitur var áður þjálfari hjá
Brann en sagði upp störfum sl.
haust. Leikurinn fór fram á
Ullvål-leikvanginn í Ósló í gær
og var um að ræða lokaleik
fyrstu umferðar. Helgi Sig-
urðsson og Jóhann B. Guð-
mundsson léku báðir frá upp-
hafi til enda í liði Lyn að
viðstöddum rúmlega 6.000
áhorfendum en hvorugu liðinu
tókst að skora í leiknum. Helgi
Sigurðsson fékk ágæt færi í
leiknum sem hann nýtti ekki
líkt og leikmenn Brann.
Lyn og
Brann
skildu jöfn