Morgunblaðið - 15.04.2003, Blaðsíða 23

NEYTENDUR
MORGUNBLAÐIÐ ÞRIÐJUDAGUR 15. APRÍL 2003 23
LANDIÐ
Í VETUR hefur verið
unnið að endurbótum á
Norska húsinu í Stykk-
ishólmi. Norska húsið
er í eigu Héraðs-
nefndar Snæfellinga og
var byggt árið 1832 af
Árna Thorlacius kaup-
manni. Héraðsnefnd
keypti Norska húsið
árið 1970 og ákvað að
byggðasafn sýslunnar
yrði þar til húsa. Einn-
ig var ákveðið að end-
urbyggja Norska húsið
og færa í upprunalegt
horf þar sem það á
merkilega sögu.
Þrátt fyrir að 32 ár
séu síðan ákvörðunin
var tekin er verkinu
ekki lokið. Í vetur er
verið að koma neðri
hæð hússins í upp-
runalegt horf og á fjár-
lögum Alþingis eru
áætlaðar 7 milljónir
króna til verksins. Ver-
ið er að breyta her-
bergjaskipan og verð-
ur hún eftir breytingu
eins og þegar Árni byggði húsið
fyrir 170 árum.
Veggir eru rifnir niður og fjögur
herbergi gerð að 30 fermetra sal.
Nýi salurinn verður þiljaður og
sömuleiðis eldhús, snyrtingar og
fatahengi. Að þessu verki loknu
verður langt komið að endurbyggja
Norska húsið.
Aldís Sigurðardóttir for-
stöðumaður vonast til að farið verði
í lokaáfangann á næsta ári. Þá er á
áætlun að gera upp eldstó, smíða
krambúðarinnréttingar og ganga
frá inngangi. Stjórn Norska hússins
er mjög þakklát fjárlaganefnd Al-
þingis, en hún hefur styrkt verkið
svo að hægt hefur verið að ráðast í
framkvæmdir. Skipavík í Stykk-
ishólmi hefur séð um smíðavinnu og
arkitekt að breytingum er Jan
Nordstien.
Þessum verkhluta verður lokið í
næsta mánuði og þá verður Norska
húsið opnað almenningi og boðið
upp á fjölbreyttar sýningar í sumar
Endurbætur á
Norska húsinu í
Stykkishólmi
Úr hinu 170 ára gamla Norska húsi. Páll Hjalta-
lín smiður og Aldís Sigurðardóttir forstöðumað-
ur fyrir framan eldstó Árna Thorlacius.
Stykkishólmur
Morgunblaðið/Gunnlaugur Árnason
„FYRIR þá sem hafa haft nokkra at-
vinnu af snjómokstri má segja að
þetta hafi verið algjör harðindavetur
og lítil von um að úr rætist það sem
eftir lifir vetrar“ segir Guðbrandur
Sverrisson bóndi á Bassastöðum í
Kaldrananeshreppi.
Síðan hann eignaðist snjómokst-
ursbúnað við dráttarvélina hefur það
ekki gerst fyrr að ekki hafi þurft að
moka snjó, oft hefur það þurft viku-
lega í nokkra mánuði, stundum nán-
ast daglega. „Eina dagstund í vetur
blés ég snjó frá fjárhúsunum mínum,
önnur hefur notkunin ekki verið.“
Hann segir þó að indælt sé að hafa
fengið slíkan vetur eins og þennan.
Harðindi hjá þeim sem
vinna við snjómokstur
Morgunblaðið/Arnheiður
Strandir
VORIÐ er óvenju snemma á
ferðinni á Austurlandi þetta
árið, góðviðri og blíða upp á
hvern dag, þó aðeins hafi
gránað í fjöll um helgina.
Að sögn elstu manna er
vorkoman og gróðurinn hér
fyrir austan einum og hálf-
um mánuði fyrr á ferðinni
en í meðalvori. Þar sem vor-
ið er svo snemma á ferðinni
fannst þessum lömbum á
Skriðuklaustri í Fljótsdal
óhætt að koma í heiminn
mánuði á undan áætlun.
Hjá Hallgrími Þórhalls-
syni og Önnu Bryndísi
Tryggvadóttur eru bornar
sex rollur og komin 13
lömb, eða rúmlega tvö lömb
á hverja á.
Mascha Thiel frá Þýskalandi, vinnukona á
Skriðuklaustri, með fyrstu lömbin sem
fæddust þar á þessu vori.
Góðviðri og lömb í Fljótsdal
Norður-Hérað
Morgunblaðið/Sigurður Aðalsteinsson
SORPA hefur tekið í notkun nýja og
betri heimasíðu á slóðinni www.-
sorpa.is. Eins og áður er þar að
finna ýtarlegar upplýsingar um fyr-
irtækið, flokkun úrgangs, endurnýt-
ingu og endurvinnslu. Mikið af aug-
lýsingapósti berst nú inn um
bréfalúgur og í póstkassa heimil-
anna, ekki síst vegna kosninga sem
eru á næsta leiti, og því ekki úr vegi
að rifja upp hvernig best er að farga
slíku efni.
Gyða S. Björnsdóttir, kynningar-
og fræðslufulltrúi Sorpu, segir að
efasemdarraddir heyrist iðulega
þegar endurvinnslu beri á góma.
Endurvinna flokkaðan úrgang
„Þá er viðkvæðið gjarnan að ekk-
ert þýði að vera að flokka úrgang
þar sem allt lendi í sama haugnum á
endanum. Við fáum oft tækifæri til
þess að leiðrétta þennan misskiln-
ing, en vitum líka að á móti hverjum
og einum sem við heyrum frá eru
einn eða fleiri haldnir sama mis-
skilningi, sem við náum ekki til.
Þessi orðrómur dregur skiljanlega
úr fólki löngun til að flokka úrgang
til endurvinnslu, sem okkur þykir
miður, enda er það markmið okkar
að draga úr þeim úrgangi sem fer til
urðunar. Því vil ég taka skýrt fram
að flokkaður úrgangur sem við tök-
um við til endurvinnslu, fer til end-
urvinnslu,“ segir Gyða.
Á nýju heimasíðunni er nú hægt
að skoða endurvinnsluferli ferna og
dagblaða og tímarita í máli og mynd-
um og segir Gyða ennfremur að orð-
rómurinn sem vikið var að hafi sér-
staklega verið bundinn við þá flokka.
Fernur, daglöð og tímarit er hægt
að setja í grenndargáma, auk þess
að skila þeim á endurvinnslustöðvar
Sorpu. Einnig eru tenglar á heima-
síðu Sorpu inni á heimasíður þeirra
sem taka við fyrrgreindum flokkum
úrgangs frá Sorpu til endurvinnslu.
Góð flokkun er forsenda endur-
vinnslu, segir Gyða ennfremur, og
rýra ýmsir aðskotahlutir gæði hrá-
efnisins. „Í gáma fyrir fernur mega
eingöngu fara fernur. Aðrar pappa-
eða pappírsumbúðir sem og plast er
óæskilegt í þessum gámum. Hið
sama gildir um gáma fyrir dagblöð
og tímarit. Í þessa gáma fara dag-
blöð, tímarit og auglýsingapóstur
sem þessa dagana flæðir inn um
póstlúgur höfuðborgarbúa,“ segir
hún.
Vert er að taka fram að pítsu-
kassar og annar bylgjupappi má
ekki fara í grenndargáma. Gámar
fyrir slíkan pappa eru á endur-
vinnslustöðvum Sorpu. Úr honum
eru unnir nýir pappakassar.
Enginn endurvinnslufarvegur er
fyrir plastpoka, pakka utan af morg-
unkorni og aðrar pappaumbúðir ut-
an af matvælum.
Gyða segir yfirleitt um að ræða
afurðir úr endurunnum fernum og
því séu gæðin minni. Enn sem kom-
ið er sé enginn endurvinnslufarveg-
ur til fyrir slíkar umbúðir.
Hægt að nota leitarorð
Upplýsingar á nýrri heimasíðu
Sorpu eru aðgengilegar og einnig er
mögulegt að slá inn leitarorð. Hægt
er að nálgast upplýsingar um starfs-
fólk og útgefið efni, skýrslur og
kennaraupplýsingar, svo fleiri dæmi
séu tekin.
„Sorpa kappkostar að veita við-
skiptavinum sínum greiðan aðgang
að upplýsingum um þjónustu og er
það von okkar að heimasíðan komi
til móts við þarfir þeirra. Við hvetj-
um þá sem hafa netaðgang til þess
að skoða síðuna og fræðast um þá
flokkunar- og endurvinnslumögu-
leika sem við bjóðum íbúum höf-
uðborgarsvæðisins upp á,“ segir
Gyða S. Björnsdóttir að síðustu.
Heimasíða Sorpu endurbætt
Farið yfir flokkun úrgangs, endurnýtingu og endurvinnslu
Á www.sorpa.is er ný heimasíða um
flokkun sorps og endurnýtingu.
HEINZ tómatsósufram-
leiðandinn hefur sett á
markað bláa tómatsósu.
Bláa tómatsósan er í „EZ
Squirt“ vörulínunni og
hefur fyrirtækið áður
sett fjólubláa og græna
tómatsósu á markað í
sömu línu. NBC frétta-
stofan hefur eftir tals-
manni Heinz að búist sé
við að bláa sósan auki
sölu á allri tómatsósu
fyrirtækisins.
Heinz setti græna tómatsósu á
markað í október árið 2000 og
kemur fram að fyrirtækið hafi selt
rúmlega 25 milljónir
flaskna af litaðri tóm-
atsósu síðan þá. Einnig
segir að markaðs-
hlutdeild Heinz í Banda-
ríkjunum hafi náð 60% í
fyrra, sem mun vera
sögulegt hámark hjá
fyrirtækinu.
Bláa tómatsósan heitir
„EZ Squirt Stellar Blue“
og verða framleiddar
500 þúsund flöskur.
Framleiðslu á grænni
og fjólublárri Heinz tómatsósu hef-
ur verið hætt. Finnst hún þó enn í
hillum verslana.
Blá tómatsósa
Nýja Heinz-
tómatsósan.