Morgunblaðið - 30.04.2003, Blaðsíða 22

HÖFUÐBORGARSVÆÐIÐ
22 MIÐVIKUDAGUR 30. APRÍL 2003 MORGUNBLAÐIÐ




 

      

 
 
 

 
  
     
  
    
     
  

  !"#$% & '
( 
)   **   

) 

 
        
    

+   , !  "# $-
./,0.123,0.
  4*,   

)  %"#-

 5 
 67




 







  

 


FORELDRAR barna úr Korpu-
skóla gengu á fund menntamálaráð-
herra á dögunum til að ræða málefni
skólans. Menntamálaráðherra sendi
fræðsluráði Reykjavíkurborgar er-
indi í gær þar sem óskað er svara
varðandi skólamál í Staðahverfi.
„Þetta er annar veturinn sem við for-
eldrar erum að vinna í því að fá skóla
byggðan í hverfinu,“ segir Hjörtur
Stefánsson, sem á tvö börn í Korpu-
skóla í Staðahverfi. Mikil óánægja
hefur ríkt meðal foreldra um skólann
en hann er til húsa á Korpúlfsstöð-
um. Þá er einnig óánægja með að bú-
ið er að gera samning um að nota
Egilshöll sem leikfimihús fyrir nem-
endurna, en vegalengdir í hverfinu
eru miklar og íþróttahöllin ekki mið-
svæðis. „Fyrir þá sem búa nyrst í
hverfinu er þetta sambærilegt og að
börn væru send frá Vatnsmýrinni við
BSÍ og upp í Kringlu í leikfimi.“
Skóli fyrir 100 börn?
Hjörtur segir að þegar flýtifram-
kvæmdir voru ákveðnar í borginni í
vetur kom fram að borgin hygðist
leggja 70 milljónir króna í byggingu
skóla í Staðahverfi á þessu ári og 160
milljónir á því næsta. Að sögn Hjart-
ar bólar hins vegar ekkert á neinum
framkvæmdum þrátt fyrir að sum-
arið sé komið. „Þeir eru ekkert byrj-
aðir að undirbúa framkvæmdir og
ekki búið að taka neinar ákvarðanir
um stærð skólans.“
Hirti reiknast til að fyrir 230 millj-
ónir megi reisa 100 barna skóla en
nú þegar eru um 170 börn í Korpu-
skóla og innan fárra ára verða í
hverfinu um 300 börn á grunnskóla-
aldri.
Hjörtur er í hópi foreldra sem
sendu menntamálaráðherra bréf þar
sem spurt var um hvort skólahald í
Staðahverfi stæðist grunnskólalög. Í
síðustu viku gengu foreldrarnir á
fund ráðherra en hann hefur nú ritað
Reykjavíkurborg bréf og spurst fyr-
ir um skólahaldið.
„Við spurðum ráðherra meðal
annars hvort þetta væri lögbrot, því
við viljum meina að það séu ýmis at-
riði sem ganga verulega á skjön við
grunnskólalögin.“ Menntamálaráð-
herra hefur enn ekki svarað foreldr-
unum en sendi spurningar þeirra til
fræðsluráðs Reykjavíkur og óskaði
svara við þeim. Hjörtur segir að for-
eldrar hafi þrýst á um að fá úrlausn í
skólamálum hverfisins. „En það eru
engin svör. Hverfið var skipulagt
1996 en og það bólar ekkert á neinni
þjónustu. Það er nánast búið að hafa
foreldra að fíflum. Okkur voru seldar
lóðir byggðar á skipulagi sem gerði
ráð fyrir grunnskóla.“
Menntamálaráðherra hefur sent Reykjavíkurborg bréf vegna Korpuskóla
Morgunblaðið/Árni Sæberg
Foreldrar í Staðahverfi sem gengu á fund menntamálaráðherra telja aðstæður í Korpuskóla ófullnægjandi og ekki í samræmi við lög um skólahúsnæði.
Foreldrar
telja lögbrot
hugsanlegt
Staðahverfi
SKIPULAGSNEFND Bessastaða-
hrepps hefur hafnað erindi verktak-
anna Húsbygg ehf., Marhúss ehf. og
SH-Hönnuða ehf. um að byggja tvö
sex íbúða fjölbýlishús á lóðunum innst
í Birkiholti í stað tveggja raðhúsa-
lengja eins og gildandi deiliskipulag
gerir ráð fyrir. Erindið var til umfjöll-
unar ásamt tveimur fyrri erindum
verktakanna um breytingu á deili-
skipulagi lóðanna á fundi nefndarinn-
ar í gær.
Í umsögn skipulagsnefndar kemur
fram að nefndin hefur verið með til
umfjöllunar á síðustu fundum um-
sóknir frá verktökunum breytingu á
deiliskipulagi umræddra lóða innst
við Birkiholt, úr tveimur raðhúsa-
lengjum yfir í tvö fjölbýlishús. Til
skoðunar hafa verið tvö níu, átta og
sex íbúða fjölbýlishús. Skipulags-
nefnd telur að heildarásýnd íbúðar-
svæðisins Sviðholt-Breiðamýri, eins
og hún var ákveðin af sveitarstjórn
Bessastaðahrepps í deiliskipulagi
með tveimur raðhúsalengjum innst í
götunni, eigi að haldast óbreytt og
hafnar öllum fyrirliggjandi hugmynd-
um um tvö fjölbýlishús í stað raðhúsa-
lengjanna tveggja innst í götunni.
Fjölbýlis-
húsum við
Birkiholt
hafnað
Bessastaðahreppur
SEX guðfræðingar sóttu um emb-
ætti prests í Seltjarnarnespresta-
kalli en umsóknarfrestur rann út 23.
apríl síðastliðinn. Umsækjendur eru
Aðalsteinn Þorvaldsson, Arna Grét-
arsdóttir, Gunnar Jóhannesson, Jó-
hanna Guðrún Guðjónsdóttir, Klara
Hilmarsdóttir og Svanhildur Blön-
dal. Embætti prests í Seltjarnarnes-
prestakalli er veitt frá 1. ágúst 2003
en um hálft starf er að ræða. Það er
vígslubiskup Skálholtsumdæmis
sem boðar valnefnd prestakallsins
saman en í henni sitja fimm fulltrúar
úr prestakallinu auk vígslubiskups.
Biskup Íslands skipar í embættið til
fimm ára samkvæmt niðurstöðu val-
nefndar sé hún einróma.
Seltjarnarnesprestakall
Sex guð-
fræðingar
sóttu um
Seltjarnarnes
BÆJARRÁÐ Hafnarfjarðar tekur
vel í erindi frá frá fundi fjölskyldu-
ráðs 9. apríl sl. þar sem mælt er ein-
dregið með því að bæjaryfirvöld
styrki fyrirætlan Knattspyrnu-
félagsins Hauka, Öldungaráðs
Hauka og Félags eldri borgara í
Hafnarfirði um að koma upp pútt-
velli fyrir eldri Hafnfirðinga á
íþróttasvæðinu á Ásvöllum. Í fund-
argerð bæjarráðs kemur fram að
tekið sé jákvætt í erindið og því vísað
til endurskoðunar fjárhagsáætlunar.
Púttvöllur
fyrir eldri
Hafnfirðinga
Hafnarfjörður
♦ ♦ ♦
VERIÐ er að hlaða mannhæð-
arháan grjótgarð á mörkum
Reykjavíkur og Seltjarnarness.
Það er Seltjarnarnesbær sem
stendur fyrir byggingu hans og
þann 10. júní næstkomandi,
þegar hleðslunni á að vera lok-
ið, verður merki bæjarins sett á
vegginn. Að sögn Einars Norð-
fjörð, framkvæmdastjóra tækni-
og umhverfissviðs Seltjarnar-
nesbæjar, er hlutverk garðsins
að sýna svo ekki verður um
villst hvar Reykjavík endar og
Seltjarnarnes byrjar. Bæj-
armörkin verða því hér eftir
með óyggjandi hætti á þessum
stað.
Hingað til hefur verið gamalt
skilti á þessum stað en það mun
víkja fyrir nýja kennileitinu.
Það er verktakafyrirtækið
Björn og Guðni sem sér um
gerð garðsins.
Bæjarmörkin
sýnilegri
Seltjarnarnes/Reykjavík
Morgunblaðið/Jim Smart
♦ ♦ ♦
Á FUNDI bæjarráðs Hafnarfjarðar
á dögunum var tillaga um stefnu-
mótunarvinnu í heilbrigðismálum,
sem bæjarstjórn samþykkti á fundi
sínum 1. apríl sl. að vísa til bæj-
arráðs, tekin fyrir. Bæjarráð sam-
þykkti að fara þess á leit við fjöl-
skylduráð að það taki saman yfirlit
um núverandi stöðu, valkosti og
möguleika í þjónustu og framtíð-
aruppbyggingu í heilbrigðis- og
öldrunarmálum og málefnum fatl-
aðra í bæjarfélaginu, þar sem meg-
ináhersla verði lögð á að ná fram
aukinni og bættri þjónustu m.a.
með því að nýta samlegðaráhrif í
rekstri og þjónustu þar sem kostur
er. Vegna þessa verkefnis hafi ráðið
sem nánasta samvinnu við stofnanir
og starfsmenn á svið heilbrigðis-
mála í bæjarfélaginu sem og aðra
þá aðila sem koma að þessum mál-
um s.s. félaga- og hagsmunasamtök
eftir því sem við á.
Samantekt á stöðu
heilbrigðismála
Hafnarfjörður
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni