Morgunblaðið - 30.04.2003, Blaðsíða 25

LANDIÐ
MORGUNBLAÐIÐ MIÐVIKUDAGUR 30. APRÍL 2003 25
ins, einnar nýjustu hljómsveitar
Norðurlands. Tvær flugvélar lentu
þennan dag fullar af góðum gestum,
eins og umdæmisstjóra Kíwanis-
hreyfingarinnar Ísland/Færeyjar,
Valdimar Jörgenssyni og frú, um-
dæmisritara, Guðmundi Guðfinns-
syni og frú og kjörumdæmisstjóra,
Sigurgeir Aðalgeirssyni og frú. En
Sigurgeir er félagi í Skjálfanda á
Húsavík.
Afmælisárshátíðin tókst stórkost-
lega og var skemmtinefnd Gríms
þeim Jóhannesi Gísla Henningssyni,
Svafari Gylfasyni, Gylfa Gunn-
arssyni og Ólafi Jóhannessyni til
sóma. Allt hljómaði saman, gómsæt-
ur matur Veisluþjónustu kokkanna
á Akureyri, ávarp forseta Gríms,
Magnúsar Bjarnasonar, saga Gríms
KÍWANISKLÚBBURINN Grímur
hélt upp á 25 ára afmæli sitt með
miklum glæsibrag. Saman við af-
mæli var blandað árshátíð og góðum
svæðisfundi Óðinssvæðis Kíwanis á
Íslandi. Svæðisstjóri þetta árið er
Dónald Jóhannesson, skólastjóri og
Grímsfélagi. Óðinssvæðið sam-
anstendur af eftirfarandi klúbbum:
Askja, Vopnafjörður – Herðu-
breið, Mývatnssveit – Skjálfandi,
Húsavík– Kaldbakur og Embla, Ak-
ureyri – Hrólfur, Dalvík – Súlur,
Ólafsfirði og Grímur, Grímsey.
Okkar góðu samgöngur sönnuðu
sig vel þennan hátíðisdag þegar
ferjan Sæfari mætti með veislumat-
inn og hljóðfæri Norðurbandalands-
í 25 ár í frásögn Bjarna Magn-
ússonar hreppstjóra og stofnfélaga.
Gaman er að geta þess að 11 af 23
stofnfélögum Gríms eru enn virkir
og starfandi í klúbbnum. Afhending
viðurkenningarskjala og merkja úr
hendi Valdimars umdæmisstjóra til
stofnfélaga og síðast en ekki síst
stórskemmtileg veislustjórn, þar
sem stiklað var á atburðum úr lífi
Grímsfélaga sem veislustjóri Birgir
Sveinbjörnsson kennari á Akureyri
flutti af mikilli list.
Dansinn dunaði svo í félagsheim-
ilinu Múla fram á nótt. Kíwanis-
félagar og gestir nær og fjær nutu
sannarlega kjörorða umdæm-
isstjóra Valdimars Jörgenssonar í
topp þennan afmælisárshátíðardag
en þau eru: Kíwanis er vinátta.
Grímsfélagar héldu upp á
25 ára starf með glæsibrag
Morgunblaðið/Helga Mattína
Kíwanismenn í Grímsey stilltu sér upp fyrir ljósmyndarann á umdæmisfundi í félagsheimilinu Múla.
Grímsey
BIFREIÐAVERKSTÆÐIÐ Ás-
megin er að auka til muna starfsemi
sína og hefur tekið í notkun viðbót-
arhúsnæði undir sprautuklefa og
réttingabekk til að annast viðgerðir
á tjónabifreiðum.
Fyrirtækið hélt nýlega upp á 10
ára afmæli sitt og gafst gestum
tækifæri að kynnast starfseminni og
þeirri nýbreytni sem Ásmegin er að
fara af stað með. Yfir 200 manns
mættu í afmæliskaffi.
Þórður Magnússon bifreiðasmið-
ur er einn aðaleigandi Ásmegins.
Hann segir að félagið standi á tíma-
mótum þegar það ræðst í þessar
miklu breytingar. Verið er að taka í
notkun um 300 fermetra húsnæði
sem er samtengt gamla húsnæðinu
sem er um 248 fermetrar. Í nýja
húsnæðinu er búið að setja upp full-
kominn sprautuklefa til að mála bif-
reiðir og svo réttingabekk. Fyrir-
tækið hefur samið við tvö
tryggingafyrirtæki um þjónustu á
tjónabílum og samningur er í far-
vatninu við það þriðja.
Tekið hefur verið í notkun tjóna-
matskerfið Capas sem trygginga-
félögin nota við tjónamat. Það er
einingakerfi varðandi réttingar og
sprautun og tímamælir verkeining-
ar. Þetta kerfi er notað í nánast öll-
um löndum ESB. Þegar bifreið
lendir í tjóni er hún skráð inn í kerf-
ið sem tjónabifreið, þar til hún hefur
fengið viðgerð á vottuðu réttinga-
verkstæði.
Að mati tryggingafélaganna er
mikilvægt að fá svona þjónustu úti á
landi í stað þess að flytja alla
skemmda bíla til Reykjavíkur.
Morgunblaðið/Gunnlaugur Árnason
Starfsmenn og eigendur Ásmegins við fyrsta tjónabílinn: Þórður Magnús-
son, Guðmundur Árni Hjartarson, Guðmundur Þór Guðþórsson, Áskell Ás-
kelsson, Óskar Eyþórsson og Guðþór Sverrisson.
Nýr réttingabekk-
ur og sprautuklefi
Stykkishólmur
Áfram á sömu braut
Guðjón Hjörleifsson
bæjarfulltrúi í Vestmannaeyjum
Þegar efnahagslífið er í blóma, atvinnuvegirnir sterkir og kaupmáttur mikill er auðvelt að gleyma því að slíkt gerist ekki af sjálfu sér.
Og það er líka auðvelt að gleyma því hvað það er hægur leikur að glata því sem áunnist hefur ef menn hafa ekki augun á veginum
framundan. Okkur hefur tekist að viðhalda efnahagslegum stöðugleika, við höfum greitt niður skuldir þjóðarinnar og lifum lengsta
samfellda hagvaxtarskeið þjóðarinnar. Það skiptir öllu máli að við getum unnið úr þessum árangri á næstu árum og haldið þannig
áfram á sömu braut.