Morgunblaðið - 01.05.2003, Blaðsíða 20
BORGARRÁÐ féllst í fyrradag á
framkvæmdir við færslu Hringbraut-
ar suður fyrir Umferðarmiðstöð og
Læknagarð og undir brú á Bústaða-
vegi. Gert er ráð fyrir að verkið verði
boðið út í haust. Með framkvæmdinni
er verið að sameina lóð Landspítala –
Háskólasjúkrahúss og bæta aðgengi
að spítalanum. Einnig er verið að
bæta tengingar við Háskólasvæðið,
auka umferðarrýmd og umferðarör-
yggi og bæta göngu- og hjólaleiðir.
Reykjavíkurborg og Vegagerðin
standa fyrir framkvæmdunum, sem
fara fram að mestu á næsta ári og
kosta um 1.240 milljónir.
Samhliða mati á umhverfisáhrifum
verður afgreitt deiliskipulag af fram-
kvæmdasvæði og lítilsháttar breyting
á aðalskipulagi.
Segir í umsögn borgarverkfræð-
ings að færsla Hringbrautar hafi
lengi verið á dagskrá og sé í öllum
meginatriðum í samræmi við Aðal-
skipulag Reykjavíkur. Í umsögn
borgarverkfræðings segir enn frem-
ur að telja verði að fullnægjandi grein
sé gerð fyrir öllum umhverfis- og
framkvæmdaþáttum og tekið undir
það mat framkvæmdaraðila að færsla
Hringbrautar hafi ekki umtalsverð
umhverfisáhrif í för með sér. Lagði
borgarverkfræðingur til að fallist yrði
á framkvæmdina. Borgarráð sam-
þykkti umsögnina á fundi sínum í
fyrradag og því er fallist á fram-
kvæmdina.
Borgarráð féllst á fram-
kvæmdir við Hringbraut
Hringbraut
HÖFUÐBORGARSVÆÐIÐ
20 FIMMTUDAGUR 1. MAÍ 2003 MORGUNBLAÐIÐ
1. maí
í Reykjavík
Launafólk
Kröfuganga dagsins fer frá Skólavörðuholti
Safnast verður saman framan við Hallgrímskirkju kl. 13.30
Gangan leggur á stað kl. 14.00.
Lúðrasveit verkalýðsins og Lúðrasveitin Svanur leika fyrir göngu.
Útifundurinn hefst á Ingólfstorgi kl. 14.35.
Ræðumenn:
Gunnar Páll Pálsson, formaður Verslunarmannafélags Reykjavíkur.
Eiríkur Jónsson, formaður Kennarasambands Íslands.
Upplestur:
Anna Kristín Arngrímsdóttir, leikari.
Ávarp:
Nína Kristjánsdóttir, formaður Iðnnemasambands Íslands.
Söngur:
Borgardætur syngja nokkur lög.
Fundarstjóri:
Jóna Sveinsdóttir, félagsmaður í Eflingu - Stéttarfélagi.
Virðing og velferð
Stéttarfélögin í Reykjavík - BSRB
Bandalag háskólamanna Kennarasamband Íslands
Iðnnemasamband Íslands
NÝR kortavefur á vef Garða-
bæjar, var tekinn í notkun á degi
umhverfisins, föstudaginn 25.
apríl sl. Í frétt á vefsíðunni segir
að opnun kortavefsins sé stórt
skref í bættri þjónustu Garða-
bæjar við íbúa sína og aðra sem
málið varðar. Mikil þróunarvinna
hefur verið lögð í kortavefinn og
eru Garðbæingar og aðrir hvattir
til að kynna sér vefinn og virkni
hans. Ábendingar eru vel þegnar
en þær er t.d. hægt að senda í
gegnum vef Garðabæjar.
Á kortavefnum eru tvö aðal-
kort. Annað er af öllu landi Garða-
bæjar (yfirlitskort) en hitt af bæn-
um sjálfum (þéttbýli). Á báðum
kortunum er hægt að skoða ein-
stök svæði nánar með því að velja
þau og þysja inn og út eftir því
hverju fólk er að leita að, segir í
fréttinni. Hægt er að kveikja og
slökkva á loftmynd á yfirlitskort-
inu eftir því sem fólki hentar. Við
hönnun vefjarins var megin-
áherslan lögð á að hann yrði að-
gengilegur og auðveldur í notkun.
Kortin eru ekki síst hugsuð til
gagns og gamans fyrir þá sem
stunda útivist í landi Garðabæjar.
Skilgreindar hafa verið nokkrar
gönguleiðir bæði í þéttbýlinu og
upplandi Garðabæjar sem hægt
er að skoða á kortinu. Á korta-
vefnum er líka hægt að skoða
staðsetningu stofnana bæjarins
og fleiri þjónustustofnana í
Garðabæ. Í þriðja lagi er hægt að
nýta kortavefinn við kynningu á
skipulagstillögum og samþykktu
deiliskipulagi einstakra hverfa.
Núna er þannig hægt að nálgast
þar mynd af deiliskipulagi Sjá-
lands í Garðabæ, tillögu að deili-
skipulagi á Garðahrauni í Garða-
bæ og kort sem sýnir þær lóðir
sem nú eru til úthlutunar í Ása-
hverfi í Garðabæ.
Kortin eru unnin af fyrirtækinu
Teikn á lofti í umsjónarkerfinu
Inter-map. Kerfið sem þróað er af
starfsmönnun Teikna á lofti hefur
þann kost að starfsfólk Garða-
bæjar getur á einfaldan hátt hlað-
ið inn upplýsingum um t.d. ein-
staka byggingar, gönguleiðir eða
merka staði í bænum. Sú vinna
mun halda áfram eftir að vefurinn
hefur verið opnaður enda gert ráð
fyrir að hann verði í stöðugri þró-
un, segir í fréttinni.
Kortavefur
kominn í gagnið
Garðabær
TENGLAR
.................................................
www.gardabaer.is
FÆÐINGAR á fæðingadeild Land-
spítala – háskólasjúkrahúss hafa
verið allt frá engri og upp í 14 á dag,
það sem af er þessu ári. Í fyrradag
fæddust 10 börn, en að meðaltali
fæðast þar 7–8 börn á dag. Rúmlega
800 börn hafa fæðst á deildinni á
árinu og að sögn Kristínar Viktors-
dóttur, sem leysir Guðrúnu Egg-
ertsdóttur yfirljósmóður af, koma
fæðingarnar gjarnan í bylgjum.
„Það er að minnsta kosti ekki um
aukningu að ræða. Mánuðirnir eru
auðvitað misjafnir í heildina séð,“
sagði Kristín. 177 börn fæddust á
deildinni í janúar, 200 í febrúar, 226
í mars og um 200 í apríl. „Við vitum
alltaf nokkurn veginn við hverju við
eigum að búast en svo raðast þetta
misjafnlega niður. Það koma topp-
dagar inn á milli og við getum nátt-
úrulega ekkert stýrt þessu. Við
fáum áætlanir í hendurnar en við
förum alltaf hærra en það.“ Fæð-
ingar í janúar voru t.d. 40 fleiri en
áætlað var og telur Kristín það með-
al annars stafa af því að konur af
landsbyggðinni koma gjarnan til
Reykjavíkur til að ala börn sín.
„Mig minnir að mest hafi 18 fæð-
ingar farið fram og 19 börn fæðst á
einum sólarhring,“ sagði Kristín.
Grundvöllur deildarinnar er
starfsfólkið. Kristín sagði starfs-
fólkið á deildinni alltaf tilbúið að
vera á bakvakt og mæta með stutt-
um fyrirvara. „ Það er ákveðin lág-
marksmönnun á deildinni. Hún nátt-
úrulega dugar engan veginn á
toppdögunum. Annars er starfs-
fólkið bara svo liðlegt að starfið hef-
ur gengið út á að kalla það út. Fólk
sem ræður sig á þessa deild tekur
þátt í þessu,“ sagði Kristín.
Hún sagði deildina veita marg-
slungna þjónustu eins og eftirlit og
gjörgæslu fyrir og eftir fæðingar
ásamt fleiru. „Þetta er mjög mikil
andleg umönnun og byggist á því að
hjálpa foreldrunum þannig að þeir
hafi jákvæða upplifun.“
Kristín sagði að konum sem fæða
á eðlilegan hátt standi til boða að
fara fljótt heim og þiggja heima-
þjónustu í 8 skipti. Hún sagði að-
stæður fólks þó mjög mismunandi
og oftast væri erfitt að skipuleggja í
kringum fæðingar enda væri þar
hið óvænta gjarnan í aðalhlutverki.
Morgunblaðið/Kristinn
Hið óvænta í aðalhlutverki
Þingholt
BÖRN og starfsfólk leikskólanna í
Seljahverfi verða með opið hús laug-
ardaginn 3. maí nk. Þá bjóða börnin
vinum og vandamönnum og öllum
sem vilja kynna sér starfsemi og
menningu leikskólanna í heimsókn.
Leikskólarnir fimm í Seljahverfi
hafa formlegt samstarf sín á milli. Í
því felst m.a. samstarf um ýmsa ár-
vissa viðburði, s.s. öskudag, opið hús
og sérstaka hátíð í tilefni þjóðhátíðar.
Opið verður sem hér segir:
Seljaborg v/Tungusel er opin kl.
10.00–12.00
Jöklaborg v/Jöklasel er opin kl.
10.30–12.30
Seljakot v/Rangársel er opið kl.
11.00–13.00
Hálsakot v/Hálsasel er opið kl.
11.00–13.00
Hálsaborg v/ Hálsasel er opin kl.
11.30–13.30
Opið hús í leikskólum
Seljahverfi
ÍRAFÁR, íþróttir og flækingsskor-
dýr er meðal þess sem er á dagskrá
Kópavogsdaga sem standa 3.–11. maí.
Það er Kópavogsbær sem stendur að
dagskránni sem er stútfull af menn-
ingar- og listaviðburðum.
Á dagskrá Kópavogsdaga verða
m.a. listasýningar, menningarganga,
tónleikar og hagyrðingarkvöld auk
þess sem ungir Kópavogsbúar og
eldri borgarar sýna afrakstur verka
sinna frá nýliðnum vetri. Opið hús
verður í félagsmiðstöðvum Íþrótta-
og tómstundaráðs Kópavogs, hjá
listamönnum í bænum, leikskólum og
hjá eldri borgurum í Gullsmára og
Gjábakka. Þá verða haldnir hátíðar-
tónleikar í tilefni af 40 ára afmæli
Kópavogskirkju. Íþróttadagur fjöl-
skyldunnar verður haldinn laugar-
daginn 3. maí og efnt verður til sér-
stakrar fjölskylduskemmtunar í
Smáralind 10. maí þar sem margir
ungir listamenn úr Kópavogi koma
fram.
Kópavogsdögum lýkur með afmæl-
isdagskrá 11. maí á 48 ára afmæli
bæjarins.
Hægt er að nálgast dagskrá Kópa-
vogsdaga á slóðinni www.kopa-
vogur.is.
Kópavogsdagar
3.–11. maí
Ungir
sem aldnir
taka þátt
Kópavogur „Allri umferð er nú vísað yfir ávestari akbrautina,“ sagði Guðbjart-
ur. Aðeins verður gert við helming
Lækjargötunnar í einu en umferð
verður hleypt á í báðar áttir á hinum
helmingnum í senn svo ekki verður
um lokanir að ræða. „Umferð verður
hleypt í báðar áttir, en það er bara
þrengt niður í eina akrein í hvora átt.
Þetta eru því þrengingar sem verða í
gangi alveg fram undir afmæli.“
Orkuveitan hefur einnig verið að
endurnýja lagnir á svæðinu í fram-
haldi af svipuðu verki í Bankastræti.
Það mun þó ekki hafa áhrif á umferð
um Lækjargötu.
FRAMKVÆMDIR við gatnakerfið í
Lækjargötu eru nýhafnar. Fyrir-
hugað er að endurnýja yfirborð vega
og snyrta umhverfið, en áætlað er að
framkvæmdum verði lokið fyrir af-
mæli Reykjavíkurborgar, hinn 18.
ágúst.
„Í framhaldi af framkvæmdum í
Bankastræti á að taka gatnamótin
við Bankastræti og Lækjargötu og
til beggja handa til endurnýjunar,“
sagði Guðbjartur Sigfússon, yfir-
verkfræðingur rekstrardeildar
Gatnamálastjóra.
Morgunblaðið/Jim Smart
Umferð stöðvast
ekki í Lækjargötu
Miðborg