Morgunblaðið - 01.05.2003, Blaðsíða 70
70 FIMMTUDAGUR 1. MAÍ 2003 MORGUNBLAÐIÐ
HUGSAÐU STÓRT
EINI THX LÚXUSSALUR LANDSINS
Sýnd kl. 8 og 10.30. B.i. 14. Sýnd kl 2, 4 og 6. B.i. 12
Þetta var hin
fullkomna
brúðkaupsferð...
þangað til hún
byrjaði!
Traust, svik og blekkingar. Í
heimi leyniþjónustunnar er ekki
allt sem sýnist.
Sýnd kl. 1.40, 3.45, 5.50, 8 og 10.10.
400
kr
Sýnd kl. 8 og 10.30. B.i. 14.
Miðasala opnar kl. 13.30
HL MBL
HK DV
Kvikmyndir.com
X-97,7
kl. 3, 6 og 9.
Heims
frumsýning
Sýnd kl. 2, 4 og 6. ísl. tal. 400 kr.
Sagan
heldur áfram.
Enn stærri og
magnaðri en fyrri
myndin.
Missið ekki af þessari!
Sýnd kl. 2, 5, 8 og 10.40. B.i. 12
Sýnd kl. 5.50. Tilboð 400 kr.
400
kr
Sýnd kl. 10. B.i. 14.Sýnd kl. 8.
Þetta var hin
fullkomna
brúðkaupsferð
... þangað til
hún byrjaði!
Heims
frumsýning
Sagan
heldur áfram.
Enn stærri og
magnaðri en fyrri
myndin.
Missið ekki af þessari!
Sýnd kl. 5.40, 8 og 10.20. B.i. 12
ÞÓTT hann sé frekar formlegur í
tauinu, í jakkafötum og fráhnepptri
skyrtu, þá tekst honum ekki að fela
„Stiflerinn“. Honum tekst það heldur
ekki svo glatt. Er greinilegur galgopi
af Guðs náð undir jakkafatagrím-
unni.
„Jú, ég neita því svo sem ekki að
hafa átt heilmikið í honum Stifler.
Samdi kannski ekki línurnar, en allir
þessir taktar eru mínir,“ segir hinn
27 ára gamli bandaríski leikari Seann
William Scott við blaðamann Morg-
unblaðsins.
Það er létt yfir honum, og líka full
ástæða til. Allt gengur eins og í sögu,
ferillinn á blússandi siglingu, tvær
geysivinsælar Bandarískar bökur að
baki, og áberandi hlutverk í mynd-
unum Final Destination, Dude
Where’s My Car, Evolution og Road
Trip, svo þær allra kunnustu séu
nefndar. Nú er það bardagagrínið
Bulletproof Monk, eða Skotheldi
munkurinn, þar sem Scott leikur á
móti ekki ómerkari náunga en Chow
Yun-Fat, einum virtasta hasar-
myndaleikara Asíu, sem sló í gegn á
vesturlöndum í Crouching Tiger,
Hidden Dragon.
Verndari heilagrar rollu
Skotheldi munkurinn, sem er
fyrsta mynd tónlistarmyndbanda-
mannsins Pauls Hunters, er byggð á
lítt þekktri myndasögu sem fjallar
um nafnlausan munk sem hefur haft
það að ævistarfi í 60 ár að varðveita
forna heilaga rollu, rit sem í er að
finna lykilinn að takmarkalausu afli,
en sá sem varðveitir rolluna eldist
ekki. Nú þarf munkurinn að finna sér
arftaka og velur pörupiltinn sjálfs-
elska Kar eftir að hann bjargar lífi
munksins. Þeir bindast böndum –
Scott segir að tekið hafi verið mið af
Butch Cassidy og Sundance Kid –
munkurinn þjálfar nýja verndara
rollunnar og saman þurfa þeir að
berjast við hin illu öll, enga aðra en
gömlu þýsku nasistana, sem komast
vilja yfir rolluna.
Þótt Scott hafi gaman af því að
breyta til og gerast hasarmyndahetja
endrum og sinnum þá segist Scott
fyrst og fremst líta á sig sem gam-
anleikara og fá trúlega mest út úr því
að búa til nýjar skondnar persónur á
borð við Stifler. „Samt var það ekki
fyrr en ég fékk þetta fyrsta gaman-
hlutverk mitt sem ég áttaði mig á að
það ætti vel við mig. Fram að því hélt
ég að mér hentaði best að leika í
drama.“ Hann segist hafa fagnað
tækifærinu til að skipta um gír, reyna
sig við eitthvað annað en hlutverk
þöngulhaussins.
„Ég er meira en til í að prófa eitt-
hvað annað, eins og að leika í bar-
dagamynd. Það átti líka betur við mig
en margir kannski halda því ég var
alltaf nettur slagsmálahundur í æsku
og hef lengi verið veikur fyrir bar-
dagamyndum. Samt kann ég ekkert
fyrir mér í bardagalistinni. Enda hef
ég tekið sama pól í hæðina og Keanu
Reeves gerði í The Matrix, er þessi
náungi sem reynir að komast undan
bardögum og stundar fremur sjálfs-
vörn en slagsmál.“
Talandi um The Matrix þá hefur
því verið fleygt fram að Skotheldi
munkurinn sé sumpartinn blanda af
Crouching Tiger, Hidden Dragon,
The Matrix og Rush Hour. Scott get-
ur ekki alveg tekið undir þá samlík-
ingu.
„Jú, jú, líkt og Reeves í The Matrix
þá er ég hinn útvaldi, en það var Logi
Geimgengill í Stjörnustríði einnig.
Annars finnst mér hún frábrugðin
þeim. Bardagasenurnar eru ólíkar,
meiri götubragur yfir þeim, meira í
anda gömlu mynda þeirra Yun-Fat
og Johns Woos sem þeir gerðu sam-
an í Hong Kong.“
Í læri hjá vasaþjófi
Scott segir tækifærið til að vinna
með Yun-Fat hafa verið ein helsta
ástæðan fyrir að hann tók að sér að
leika í Skothelda munkinum. „Sem
unnandi asískra hasarmynda þá hef
ég alltaf haft mikið dálæti á Chow
Yun-Fat og myndum hans, sérstak-
lega þeim sem hann lék í fyrir John
Woo. Þetta kann að hljóma falskt við
þessar kringumstæður en Yun-Fat
er ein af ástæðunum fyrir því að ég
ákvað að gerast leikari. Málið er
nefnilega að þegar ég var að ákveða
hvað ég vildi gera með líf mit, hékk
og gerði ekki neitt eftir menntaskól-
ann, þá lagðist ég yfir myndir Yun-
Fat hjá bróður mínum sem er kvik-
myndafræðingur. Þegar ég sá hversu
svalur Yun-Fat var þá hugsaði ég
með mér, ég gæti hugsað mér þetta
starf, og stuttu síðar var ég farinn að
þreifa fyrir mér í leiklistinni. Ég lít
því mjög upp til hans og álit mitt á
honum jókst enn eftir að við kynnt-
umst. Það kom mér þó mjög á óvart
að hann er enginn bardagamaður,
kann lítið sem ekkert fyrir sér í þeim
listum. Olli mér svolitlum vonbrigð-
um satt besta að segja því ég hafði
ætlað mér að læra svo mikið af meist-
aranum,“ segir Stifler, æ nei, Scott,
flissandi.
En Yun-Fat gat sannarlega sýnt
stráksa hvernig skal bera sig að sem
leikari í hasarmynd. „Hann er því-
líkur fagmaður, enda leikið í fleiri
hasarmyndum en menn geta og kæra
sig um að muna.
Það var því lærdómsríkt að fylgj-
ast með honum að verki og hann
sýndi mér hvernig forðast ætti að
verða fyrir meiðslum í öllum hama-
ganginum.“
Eitt af því skemmtilegasta – en
vonandi ekki gagnlegasta – sem
Scott segist hafa lært fyrir gerð
myndarinnar var vasaþjófnaður,
en pörupilturinn sem hann leik-
ur er vel slunginn vasaþjófur.
„Já, eins undarlegt og það kann
að hljóma þá var ég í læri í heilla-
ngan tíma hjá náunga sem hefur
vasaþjófnað að atvinnu, náunga sem
gat haft af manni úrið án þess að
maður tæki eftir. Hann er ótrúleg-
ur.“ Já það geta allir fengið vinnu í
henni Hollywood.
Þegar þjófur þessi er ekki að
kenna leikurum að stela kennir hann
í sérstökum vasaþjófaskóla, að sögn
Scotts, en blaðamaður var ekki alveg
með á hreinu hvort hann væri að
segja satt, eða hvort komið hefði upp
í honum nettur Stifler. Kannski eins
gott að stutt sé í Stiflerinn því Scott
virðist ekki ætla að losna við hann svo
glatt. Tökur standa nú yfir á þriðju
Böku-myndinni sem kemur til með
að heita American Wedding og verð-
ur frumsýnd 1. ágúst í Bandaríkjun-
um og nokkru síðar hérlendis.
Alltaf stutt í Stiflerinn
skarpi@mbl.is
Skotheldi munkurinn er sýnd í
Sambíóunum.
Seann William
Scott er 27 ára og
hefur leikið í 11
myndum síðustu 5
árin.
Hann er best þekktur sem Stifler, graut-
ardallurinn úr American Pie-myndunum,
og fólk á erfitt með að líta hann öðrum
augum. Þetta veit Seann William Scott
mætavel og er bara slétt sama, eins og
Skarphéðinn Guðmundsson komst að
þegar þeir ræddu saman um nýjasta hlut-
verks Scotts í Skothelda munkinum.