Morgunblaðið - 01.05.2003, Blaðsíða 22
Atskákmót á vegum Skákfélags
Akureyrar verður haldið annað
kvöld, föstudagskvöldið 2. maí, kl.
20. Mótinu verður fram haldið
fimmtudagskvöldið 8. maí. Á
sunnudag, 4. maí, verður svonefnt
Coca Cola-mót, sem er hrað-
skákmót, og hefst það kl. 14. Teflt
er í Íþróttahöllinni. Loks má geta
þess að Sigurður Eiríksson bar sig-
ur úr býtum á enn einu 15 mínútna
móti skákfélagsins sem fram fór sl.
helgi.
Þorvaldur Ingvarsson, lækninga-
forstjóri á FSA, og Garðar Már
Birgisson hjá Íslenskri erfðagrein-
ingu á Akureyri hafa framsögu á
súpufundi sem Sjálfstæðisflokk-
urinn í Norðausturkjördæmi heldur
á morgun, föstudaginn 2. maí, kl.
12 á Hótel KEA. Á fundinum verð-
ur fjallað um heilbrigðisþjónustu í
framtíðinni, notkun upplýs-
ingatækni og hverju hún muni
breyta í heilbrigðisþjónustunni.
Á MORGUN
Nýr sjóhreinsibúnaður tekinn í notkun í lúðustöðinni á Hjalteyri
ÁRNI M. Mathiesen sjávarvútvegs-
ráðherra gangsetti nýjan sjóhreinsi-
búnað sem settur hefur verið upp í
lúðueldisstöð Fiskeyjar ehf. á Hjalt-
eyri í gær.
Sjóhreinsibúnaðurinn er frá Int-
ernational Aqua-Tech í Bretlandi en
fyrirtækið er að sögn í fremstu röð í
heiminum í framleiðslu slíks búnaðar.
Samið var við fyrirtækið um nýting-
arrétt á búnaðinum og aðferðum við
notkun hans gegn greiðslu í formi
hlutabréfa í Fiskeldi Eyjafjarðar.
Sjóhreiniskerfið virkar þannig að sjó
er dælt í gegnum freyðiskiljur, sem
með hjálp ósóns skilja óhreinindi úr
sjónum. Þaðan fer sjórinn í gegnum
sandsíur, útfjólublátt ljós og að lokum
í gegnum lífhreinsa sem koma eðli-
legu efnajafnvægi á sjóinn eftir
hreinsunina. Eftir þessa hreinsun er
sjórinn líkur því sem finnst á miklu
dýpi og hentar viðkvæmum lúðulirf-
um vel í uppvexti þeirra. Þannig verð-
ur með þessum búnaði hægt að draga
mjög úr hættu á að lífræn og ólífræn
mengun berist inn í stöðina. Betri
stjórn næsta á ýmsum umhverfisþátt-
um á borð við súrefni, hitastig og
sýrustig sjávar auk þess sem hægt er
að sótthreinsa allan sjó sem dælt er
inn í stöðina og draga þannig úr sjúk-
dómahættu. Með tilkomu kerfisins
verða sjógæði ákjósanleg allt árið um
kring í stað þess sem áður var þegar
árstíðabundnar sveiflur voru. Lúðu-
eldi er flókið ferli og hafa fjölmargir
þættir áhrif á framleiðsluna, ekki síst
umhverfisþættir eins og ástand sjáv-
ar. Uppsetning sjóhreinsibúnaðarins
er því mikilvægt skref í þá átt að fé-
lagið nái stjórn á sem flestum þáttum
þess. Árangur af eldi á vorin og sumr-
in hefur ekki verið eins góður og á
öðrum árstímum. Það stafar af því að
á vorin og yfir sumarið er mikið af líf-
rænum efnum í sjónum sem hafa
áhrif á lúðulirfurnar og gera þeim erf-
itt uppdráttar. Með tilkomu búnaðar-
ins vona menn að breyting verði á.
Mikilvægt að stjórna
umhverfisþáttum
Morgunblaðið/Skapti Hallgrímsson
Sjávarútvegsráðherra skoðar starfsemi Fiskeyjar undir leiðsögn Arnars
Jónssonar framkvæmdastjóra, lengst til vinstri.
Háskóli Íslands og Fjórðungssjúkrahúsið á Akureyri
Morgunblaðið/Skapti Hallgrímsson
Reynir Tómas Geirsson, t.v., deildarforseti læknadeildar HÍ, og Halldór
Jónsson, forstjóri FSA, takast í hendur við undirritun samningsins. Tómas
Ingi Olrich menntamálaráðherra er á milli þeirra.
SKRIFAÐ hefur verið undir sam-
starfssamning milli Háskóla Íslands
og Fjórðungssjúkrahússins á Ak-
ureyri um kennslu og rannsóknir í
heilbrigðisvísindum. Markmið hans
er að efla samstarf HÍ og FSA með
það fyrir augum að nýta sem best
sérþekkingu, kunnáttu og aðstöðu
fyrir til staðar er hjá aðilum samn-
ingsins.
Halldór Jónsson, forstjóri FSA,
sagði samninginn marka ákveðin
tímamót en bæði FSA og HÍ myndu
stuðla að auknum vísindarann-
sóknum heilbrigðisstéttanna.
Samningurinn kveður á um
kennslu, rannsóknir og þjálfun í
heilbrigðisvísindagreinum sem
kenndar eru við HÍ og stundaðar
innan FSA. Reynir Tómas Geirsson,
deildarforseti læknadeildar HÍ,
sagði að á Akureyri væri annað af
tveimur megin sjúkrahúsum lands-
ins að byggjast upp og horfðu menn
til þess að nýta þá möguleika sem
fyrir hendi væru auk þess sem tæki-
færi væru fyrir hendi norðan heiða
varðandi starfsþjálfun t.d. ljós-
mæðra og hjúkrunarfræðinga.
Hann kvaðst vænta mikils af samn-
ingnum og taldi hann vera lyfti-
stöng fyrir heilbrigðisstéttirnar.
Tómas Ingi Olrich, mennta-
málaráðherra, sagði læknavísindi
ævinlega hafa haft sérstöðu á Ís-
landi, en þau byggðu á þremur
meginstoðum, háskólastarfsemi,
starfsemi sjúkrahúsanna og öfl-
ugum tengslum Íslendinga við aðr-
ar þjóðir á sviði vísinda og mennt-
unar. Hann sagði sjúkrahúsin
gegna mikilvægu hlutverki sem
menntastofnanir og Íslendingar
hefðu lagt við þau rækt.
Í yfirlýsingu menntamálaráðu-
neytisins um fjárstuðning vegna
gerðar samningsins segir að ráðu-
neytið muni beita sér fyrir því að
HÍ og FSA efli með sér samstarf um
þjálfun læknanema. Aukin þörf sé
fyrir læknamenntað fólk og því hafi
verið aukið við inntöku nýtta nema
við læknadeild HÍ. Vilji sé fyrir því
að flytja hluta af þjálfun lækna-
nema og nema í sjúkraþjálfun út
fyrir höfuðborgarsvæðið til að nýta
aðstöðu sem þar er fyrir. Einnig
kemur fram í yfirlýsingunni að
ráðuneytið sé tilbúið að leggja fram
sérstakan fjárstuðning til háskól-
ans vegna þessa verkefnis og að
fénu sé ætlað að opna aðgang skól-
ans að þeirri aðstöðu sem sjúkra-
húsið hafi upp á að bjóða með sama
hætti og hann hafi aðgang að að-
stöðu sjúkrahúsa á höfuðborg-
arsvæðinu. Um er að ræða 4 millj-
ónir króna á ári í 5 ár.
Samstarf um kennslu
og rannsóknir
AKUREYRI
22 FIMMTUDAGUR 1. MAÍ 2003 MORGUNBLAÐIÐ
Steingrímur J. Sigfússon, formaður
Vinstrihreyfingarinnar – græns
framboðs, verður gestur á laug-
ardagsfundi VG á Akureyri á laug-
ardag, 3. maí, kl. 11. Yfirskrift fund-
arins: „Er norrænt velferðarsam-
félag á Íslandi, hvert stefnir?“
Steingrímur ræðir velferðarmálin og
lokasprett kosningabaráttunnar.
Fundurinn verður í kosningamiðstöð-
inni í Hafnarstræti 94.
Björn Steinar Sólbergsson org-
anisti heldur hádegistónleika í Ak-
ureyrarkirkju laugardaginn 3. maí kl.
12. Á tónleikunum flytur hann Passa-
cagliu BWV 582 eftir Johann Sebast-
ian Bach og 4 sálmforleiki og Intro-
duktion og Passacagliu eftir Pál
Ísólfsson. Aðgangur að tónleikunum
er ókeypis og eru allir velkomnir.
Á NÆSTUNNI
Landsbankinn
á Akureyri
Sýning
tveggja
kvenna
SÝNING á málverkum tveggja
kvenna, Margrétar Traustadóttur og
Lenu Otterstedt, verður opnuð í af-
greiðslusal Landsbankans á Akureyri
við Strandgötu 1 í dag, fimmtudaginn
1. maí kl. 14. Þær stöllur sýna um 50
olíumyndir, stórar og smáar og er öll-
um velkomið að líta inn og skoða sýn-
inguna en hún verður síðan opin á af-
greiðslutíma bankans út maímánuð.
Yfirskrift sýningarinnar er: Ljóð í lit-
um.
Margrét, sem er starfsmaður
Landsbankans á Akureyri, er fædd á
Djúpuvík á Ströndum en alin upp á
Sauðanesvita við Siglufjörð. Hún lauk
námi frá Myndlistarskóla Arnar Inga
árið 2000 og hefur síðan sótt nám-
skeið í myndlist og módelteikningu.
Lena er fædd í Gautaborg en ólst upp
á Akureyri. Hún hefur sótt námskeið
hjá Erni Inga og er þetta í fyrsta sinn
sem hún sýnir verk sín opinberlega,
en Margrét hefur sýnt á Akureyri,
Reyðarfirði, Siglufirði og í Portúgal.
Breytingar hjá Atvinnuþróunarfélagi
Magnús tekur
við af Hólmari
MAGNÚS Þór Ásgeirsson hefur ver-
ið ráðinn framkvæmdastjóri At-
vinnuþróunarfélags Eyjafjarðar, en
hann var áður forstöðumaður þróun-
ar- og markaðssviðs félagsins. Hann
tekur við starfinu á aðalfundi félags-
ins, sem verður í lok þessa mánaðar.
Hólmar Svansson, sem gegnt hefur
starfi framkvæmdastjóra, hefur ósk-
að eftir starfslokum.
Atvinnuþróunarfélagið mun eftir-
leiðis starfa samkvæmt nýrri stefnu
sem mörkuð hefur verið, m.a. að sam-
ræma atvinnustefnu sveitarfélaganna
á Eyjafjarðarsvæðinu til næstu fimm
ára í samvinnu við sveitarstjórnar-
menn, fulltrúa fyrirtækja og þátttak-
endur úr atvinnulífi. Félagið mun
hætta starfsemi sem lýtur að ferða-
málum og munu hagsmunaaðilar í
greininni taka að sér þau verkefni.
Ferðamálafulltrúa félagsins hefur því
verið sagt upp störfum. Stjórn félags-
ins væntir þess að nýtt fyrirkomulag
verði til þess að það eigi beinni og
markvissari samvinnu við einstök
sveitarfélög á svæðinu um fram-
kvæmd einstakra verkefna auk þess
að taka beinan þátt í að móta sam-
ræmda atvinnustefnu fyrir Eyjafjörð.
Staða fjölmiðla á
landsbyggðinni
BIRGIR Guðmundsson, aðjunkt við
rekstrar- og viðskiptadeild Háskól-
ans á Akureyri, kynnir rannsókn sína
á héraðsfréttablöðum á málstofu
deildarinnar sem efnt verður til á
morgun, föstudaginn 2. maí kl. 13.15
á Sólborg, stofu 201.
Í rannsókn hans kemur m.a.fram
að eftirspurn eftir nærfréttum af því
tagi sem birtast í héraðsfréttablöðum
sé ekki nægilega fullnægt að mati al-
mennings og ritstjóra héraðsfrétta-
blaðanna, en blöðin virðast skipta
máli fyrir samheldni og sjálfsmynd
þeirra samfélaga þar sem þau koma
út og geta þannig haft áhrif á byggða-
festu og byggðaþróun. Rekstrar-
grundvöllur blaðanna sé hins vegar
víða veikur og ræður miklu um hvers
vegna framboð nærumfjöllunar í fjöl-
miðlun sé ekki meiri en raun ber
vitni.
Að kynningu lokinni verða pall-
borðsumræður um stöðu fjölmiðlun-
ar á landsbyggðinni með þátttöku Jó-
hanns Haukssonar, forstöðumanns
Rásar 2, Jóhanns Ólafs Halldórsson-
ar fyrrum ritstjóra Dags og fulltrúa
stjórnmálaflokkanna, m.a. Valgerðar
Sverrisdóttur ráðherra byggðamála.
Sjöfn kaupir í
SBA-Norðurleið
SJÖFN hf. hefur keypt 37,5%
eignarhluta í SBA-Norðurleið, en
félagið er umsvifamikið ferða-
þjónustufyrirtæki sem sérhæfir
sig í fólksflutningum og margs
konar þjónustu við ferðamenn og
fyrirtæki í ferðaþjónustu og er nú
eitt af stærstu fyrirtækjum lands-
ins í þessari atvinnugrein.
Félagið hefur verið í örum vexti
undanfarin ár og keypti m.a.
rekstur Norðurleiðar og fólks-
flutningastarfsemi BSH á Húsa-
vík á árinu 2001 og sameinaði
þann rekstur starfsemi Sérleyfis-
bíla Akureyrar. Félagið er með
höfuðstöðvar á Akureyri en
starfsstöð og skrifstofu í Reykja-
vík. SBA-Norðurleið er með 48
hópferðabifreiðir í rekstri um land
allt og starfa þar að jafnaði um 30
starfsmenn, en um 100 yfir sum-
artímann.
Með kaupum í félaginu er Sjöfn
að fylgja eftir nýrri stefnumótum
um fjárfestingar í áhugaverðum
fyrirtækjum, m.a. með þátttöku í
uppbyggingu fyrirtækja í ferða-
þjónustu á Íslandi, en Sjöfn á fyrir
70% í Ferðaskrifstofu Akureyrar.
Íslandsmót barna og
unglinga í íshokkí
Á fimmta
tug leikja
ÍSLANDSMÓT barna og unglinga
í íshokkí fór fram í Skautahöllinni
á Akureyri um liðna helgi. Alls
voru spilaðir á fimmta tug leikja. Í
íshokkí er keppt um Íslandsmeist-
aratitila frá 4. flokki og upp úr, en
þar fyrir neðan fá allir sömu við-
urkenningu. Björninn tryggði sér
sigur í 4. flokki, bæði í a- og b-
liðum, Skautafélag Akureyrar
vann í 2. flokki og 1. flokki en fyrr
í vetur hafði Skautafélag Reykja-
víkur tryggt sér titilinn í 3. flokki.
Að mótinu loknu lauk jafnframt
keppni um Íslandsmeistaratitla í
vetur. Skautafélag Akureyrar
hampaði flestum titlum, krækti sér
í fjóra titla af sex mögulegum, þ.e.
í meistaraflokki, kvennaflokki,
1.og 2. flokki en sem fyrr sagði
vann SR í 3. flokki og Björninn í 4.
flokki.