Morgunblaðið - 01.05.2003, Blaðsíða 59
FRÉTTIR
MORGUNBLAÐIÐ FIMMTUDAGUR 1. MAÍ 2003 59
Kristniboðsfélag kvenna í Reykja-
vík verður með kaffisölu, í dag, 1,
maí kl. 14, í Kristniboðssalnum, Háa-
leitisbraut 58. Boðið er upp á kaffi-
hlaðborð. Kristniboðsfélag kvenna er
eitt aðildarfélaga í Sambandi ís-
lenskra kristniboðsfélaga, en sam-
bandið rekur kristniboð- og hjálp-
arstarf í Eþíópíu og Kenýju. Þar
sinna íslenskir kristniboðar verk-
efnum. Að auki styður Kristniboðs-
sambandið kristilega útvarpsstöð
sem sendir til Kína. Allt er þetta bor-
ið uppi af frjálsum framlögiun
kristniboðsvina og velunnara, segir í
fréttatilkynningu.
1. maí kaffi hjá ABC hjálparstarfi
ABC hjálparstarf verður með 1. maí-
kaffi í dag kl. 13.30–17, í Veislusaln-
um að Sóltúni 3, en ABC hjálparstarf
starfið er 15 ára um þessar mundir.
Kaffisalan verður til styrktar launa-
sjóði ABC. Boðið verður upp á veit-
ingar af kaffihlaðborði, lifandi tónlist,
uppboð og fleira.
ABC hjálparstarf hefur lengst af ver-
ið rekið eingöngu í sjálfboðavinnu, en
eftir því sem starfið hefur vaxið hef-
ur þörfin aukist á að hafa einnig laun-
aða starfsmenn. Starfið sér nú fyrir
yfir 3700 börnum á Indlandi, Úg-
anda, Filippseyjum og víðar og hefur
byggt heimili og skóla í þremur lönd-
um. Á þessum 15 árum hefur starfið
sent um 437 milljónir króna frá Ís-
landi til hjálpar nauðstöddum börn-
um í formi framfærslu, menntunar
og byggingu heimila og skóla fyrir
þau. Öll framlög til starfsins fara
óskert út til hjálparstarfa, en rekstur
starfsins er kostaður af sölutekjum.
Með kaffisölunni verður reynt að
safna fyrir þriðja launaða starfs-
manni ABC eða samtals 2,2 stöðu-
gildum. Allir velkomnir. Verð er kr.
800 fyrir fullorðinn og kr. 400 fyrir
börn 6-12 ára.
„Rauður 1. maí“ Sósíalistafélagið,
Samtök herstöðvaandstæðinga og
Menningar- og friðarsamtök ís-
lenskra kvenna standa fyrir „Rauð-
um 1. maí“, í dag fimmtudag kl. 20, á
Hallveigarstöðum Túngötu 14. Yfir-
skrift fundarins er: Gegn heims-
valdastefnu og stríði. Ávörp flytja
Steinunn Þóra Árnadóttir háskóla-
nemi og Þorvaldur Þorvaldsson. tré-
smiður. Bardukha, Hellvar og Sig-
varður Ari Huldarsson trúbador
flytja tónlist. Einar Ólafsson skáld og
Kristian Guttesen skáld verða með
upplestur. Kynnir er Baldvin Hall-
dórsson leikari.
1. maí, hópkeyrsla Snigla verður
frá Skeljanesi. Mæting er kl.12 en
lagt verður af stað frá Sniglaheim-
ilinu kl.13. Keyrt verður um borgina
og síðan til Reykjanesbæjar, inná
Gokartbrautina, þar verður grillað
og horft á fyrsta GP 50 kappakstur-
inn o.fl. Skemmtun fyrir alla fjöl-
skylduna. Grillið er hluti af fjáröflun
samtakanna og kostar pylsa og gos
200 kr en hamborgari og gos 300 kr.
Í DAG
Austurland framtíðarinnar, líf og
landkostir Afmælisráðstefna í til-
efni af 20 ára afmæli Þróunarfélags
Austurlands verður á Hótel Héraði,
á morgun, föstudaginn 2. maí, kl. 14.
Yfirskrift ráðstefnunnar er „Austur-
land framtíðarinnar - líf og land-
kostir, framtíðarsýn 2012“. Fjallað
verður um sögu atvinnu- og byggða-
þróunar á Austurlandi og framþróun
sem á sér stað í austfirsku atvinnu-
lífi. Hvatningarverðlaun Þróunar-
stofu Austurlands árið 2003 afhent.
Ávörp flytja: Valgerður Sverrisdótt-
ir, iðnaðar- og viðskiptaráðherra,
Stefán Ólafsson, prófessor við Há-
skóla Íslands, Gunnar Haraldsson,
hagfræðingur í forsætisráðuneytinu,
Trevor Adams, verkefnisstjóri hjá
Alcoa Inc. og Elísabet Benedikts-
dóttir, framkvæmdastjóri Þróunar-
stofu Austurlands.
Fyrirlestur um tungumál og
tungumálastefnu Hvað geta Danir
lært af Íslendingum um tungumál og
menningu? Verða norræn mál og
menning til árið 2100? Fyrirlestur
um málstefnu Dana verður haldinn í
föstudaginn 2. maí kl. 15, í Odda,
stofu 101 í Háskóla Íslands. Fjallað
verður um tengsl máls, tjáningar-
þarfar og menningar. Þá verður leit-
ast við að varpa ljósi á, hvað Danir
geta lært um tungumál og menningu
af Íslendingum. Loks verður fjallað
um norræna málasamvinnu og nor-
rænan málskilning. Fyrirlestur held-
ur Jörn Lund forstjóri DSL (Det
Danske Sprog og Litteraturselskab).
Nýlega var honum falin formennska
í nefnd, sem á að koma með tillögu að
danskri málstefnu nú snemma sum-
ars. Fyrirlesturinn er öllum opinn.
Hvers virði eru fylgiskannanir?
Almannatengslafélag Íslands gengst
í samvinnu við Félag stjórnmála-
fræðinga fyrir hádegisverðarfundi, á
morgun, föstudaginn 2. maí kl. 12–
13, á Setrinu á Grand Hótel. Fjallað
verður um fylgiskannanir við stjórn-
málaflokkana í aðdraganda alþing-
iskosninga. Erindi halda: Ólafur Þ.
Harðarson, prófessor í stjórnmála-
fræði við H.Í. og Jón Hákon Magn-
ússon, framkvæmdastjóri KOM. G.
Pétur Matthíasson, Ríkisútvarpinu,
og Gunnar Smári Egilsson, frétta-
blaðinu fjalla um ólíkar nálganir fjöl-
miðlanna á fylgiskönnunum við
stjórnmálaflokkanna. Fundarstjóri
er Helga Guðrún Jónasdóttir. Að-
gangur er kr. 1500. Innifalinn er há-
degisverður, súpa með gratíneruðu
brauði. Þátttakendur eru beðnir um
að skrá sig á almannatengsl@torg.is
fyrir kl. 10 föstudagsmorgunin.
Á MORGUN
Kynning á verknámsgreinum
Menntaskólans á Ísafirði í Verk-
menntahúsi skólans að Torfnesi,
verður sunnudaginn 4. maí kl. 13–16.
Nemendur og kennarar verða að
störfum hver á sínu sviði. Við skólann
er boðið upp á grunndeildir rafiðna,
tréiðna og málmiðna auk vélstjórnar-
náms 1. og 2. stigs og samningsbund-
ins iðnnáms.
Nýjung í námsframboði verklegra
greina er að bjóða á næsta skólaári
almennt grunnnám byggingargreina.
Nemendum eru kynntir grunnþættir
helstu byggingagreina, þ. á m. tré-
smíða, múrverks, pípulagna og húsa-
málunar. Áfanginn veitir innsýn í
helstu viðfangsefni fyrrnefndra
greina, og verður í boði á almennri
námsbraut ef næg þátttaka fæst. All-
ir velkomnir.
Skoskur kajakkennari á Íslandi í
júní Eins og undanfarin ár fær ferða-
skrifstofan Ultima Thule kajak-
kennara til landsins og verður bæði
boðið upp á sjó- og straumvatns-
námskeið. Leiðbeinandinn, Skoti að
nafni Gordon Brown, er með full
BCU leiðbeinendaréttindi, kennir við
Glenmore Lodge, situr í kennsluráði
BCU o.fl. Námskeiðin verða í byrjun
júní. Í boði verða BCU grunn og
leiðbeinandanámskeið, almennt
straumnámskeið og almennt sjó-
námskeið sem miðast við reynslu
þátttakendanna (ekki BCU nám-
skeið). Nánari upplýsingar á www.u-
te.is. Takmarkaður fjöldi kemst að,
segir í fréttatilkynningu.
Andmælaregla stjórnsýslulaga
Stofnun stjórnsýslufræða og stjórn-
mála stendur fyrir námskeiði um
andmælarétt stjórnsýslulaga í sam-
starfi við Endurmenntunarstofnun
Háskólans, mánudaginn 5. maí kl.
8.30–12.30. Námskeiðið er ætlað
stjórnendum og starfsmönnum í
opinberum rekstri svo og lögfræðing-
um. Fjallað verður um helstu dóma
Hæstaréttar og álit umboðsmanns
Alþingis um andmælarétt aðila máls
eftir gildistöku stjórnsýslulaga nr. 37/
1993 o.fl.
Fyrirlesari verður Róbert R. Spanó
mag. jur., aðstoðarmaður umboðs-
manns Alþingis og lektor við laga-
deild Háskóla Íslands. Þátttökugjald
er kr. 15.200 og fer skráning fram í
gegnum netið: http://www.endur-
menntun.hi.is. Einnig má skrá sig í
síma Endurmenntunar.
Ný námskeið við lagadeild HÍ
Nýrri námsleið hefur verið hleypt af
stokkunum við lagadeild Háskóla ís-
lands. 1. september n.k. hefst þar
rannsóknatengt meistaranám á
ensku með aðaláherslu á þjóðarétt og
umhverfisrétt. Námið er skipulagt
sem tveggja ára nám (60 einingar) og
er á næstu tveimur árum boðið upp á
rúmlega 20 námskeið auk ritgerða-
og verkefnavinnu. Nemendur með 4
ára laganám að baki geta lokið meist-
aranáminu með 45 einingum. Nám-
skeiðin eru öll í alþjóðlegum greinum
eða greinum með alþjóðlegu ívafi. 011
kennsla og próf fara fram á ensku,
enda eru námskeið þessi ætluð er-
lendum lögfræðingum eða laganem-
um í stúdentaskiptum sem og íslensk-
um lögfræðingurn eða laganemum í
framhaldsnámi, ef þeir kjósa að
blanda saman námskeiðum á íslensku
og ensku, segir í fréttatilkynningu.
Á NÆSTUNNI
Konukvöld í kosningamiðstöð
sjálfstæðismanna í Glæsibæ á
morgun, föstudaginn 2. maí, kl. 20. Á
dagskrá verður m.a.: Tískusýning,
happdrætti, Lárusdætur mæta með
trompetana, frambjóðendur verða á
staðnum og boðið verður uppá léttar
veitingar.
1. maí hátíðarhöld á kosninga-
skrifstofum Frjálslynda fokksins
Frídagur verkamanna verður hald-
inn hátíðlegur á öllum kosninga-
skrifstofum Frjálslynda flokksins á
landinu í dag, 1. maí. Eftir skrúð-
göngur er boðið upp á kaffi og gestir
fá tækifæri til að rabba við fram-
bjóðendur. Í kosningamiðstöðinni
við Aðalstræti í Reykjavík kl. 13.30
leikur Árni Ísleifsson hljómlistar-
maður, Gísli Helgason og Herdís
Hallvarðsdóttir spila á blokkflautu
og gítar, Danshópur Skúla fógeta
sýnir línudans, Eva Dögg Sveins-
dóttir syngur gospel-söngva, Hauk-
ur Þór og bakraddarinn troða upp
og hljómsveitin Ég leikur rokk- og
danstónlist. Hoppkastalar skátanna
verða á svæðinu, veitingar fyrir börn
og fullorðna.
1. maí kaffi Samfylkingarinnar í
Kópavogi býður Kópavogsbúum í
kaffi í Hamraborg 11, 3. hæð, í tilefni
af 1. maí. Rannveig Guðmundsdóttir
þingmaður er gestgjafi. Ávörp flytja
Guðmundur Árni Stefánsson alþing-
ismaður og Kristín Á. Guðmunds-
dóttir formaður Sjúkraliðafélags Ís-
lands. Kór Snælandsskóla syngur.
Boðið verður upp á heimabakstur.
Allir velkomnir.
1. maí kaffi Samfylkingarinnar í
Garðabæ verður í kosningamiðstöð
Samfylkingarinnar, Kirkjulundi 19,
Garðabæ, kl. 15-16.30. Allir eru vel-
komnir.
STJÓRNMÁL
Til hamingju með daginn!
Kaffihlaðborð 1. maí
Við bjóðum til kaffihlaðborðs í
kosningamiðstöðinni Suðurlandsbraut 34
milli kl. 15:30 og 18:00 í dag. Allir velkomnir.
Á boðstólum verða kaffiveitingar, ís og heitar
pylsur og kröftug umræða um málefni dagsins.
HANDA
ÖLLUM BÖRNUM
ÍS
PYLSUR Á
MILLI KL. 16:00 OG 17:00
GRILLINU
Launafólk:
vinna - vöxtur - velferð
Fjölskyldan
í fyrrirrúmi
SÖGUSÝNING LÖGREGLUNNAR
Sýningin er á Skúlagötu 21, Reykjavík, jarðhæð
(í sömu byggingu og ríkislögreglustjórinn)
Opið frá kl. 11-17 daglega frá 16. apríl til 22. júní 2003
(Opið 1. maí)
Aðgangur ókeypis.
Ríkislögreglustjórinn