Morgunblaðið - 09.05.2003, Blaðsíða 59
UMRÆÐAN
MORGUNBLAÐIÐ FÖSTUDAGUR 9. MAÍ 2003 59
TALSVERT hefur verið fjallað
um málefni Borgarleikhússins,
Leikfélags Reykjavíkur og Ís-
lensku óperunnar í Morgunblaðinu
undanfarna daga, m.a. í greinum
eftir Randver Þorláksson, formann
Félags íslenskra leikara, og Kristin
Sigmundsson óperusöngvara. Í
þessum skrifum hefur spurningum
verið beint til mín og vil ég leitast
við að svara þeim af bestu getu.
Í grein Randvers Þorlákssonar
er fjallað um starfsskilyrði ís-
lenskra leikara og stöðu Leikfélags
Reykjavíkur. Í því sambandi vil ég
vekja athygli á því að málefni Leik-
félags Reykjavíkur eru þessa dag-
ana til meðferðar hjá Reykjavíkur-
borg og hef ég umsjón með
viðræðum við stjórnendur Leik-
félagsins. Þar vinnum við mark-
visst að því að finna leiðir til að
tryggja rekstur Leikfélags Reykja-
víkur til frambúðar í Borgarleik-
húsinu, í anda þess samnings sem
gerður var til 10 ára í janúar 2001.
Samningurinn tryggir Leikfélagi
Reykjavíkur ríflega tveggja millj-
arða kr. framlag frá Reykjavíkur-
borg. Í niðurlagi greinar sinnar
beinir Randver eftirfarandi spurn-
ingum til mín: Hver er framtíðar-
sýn borgarinnar varðandi Borgar-
leikhúsið? Reykjavíkurborg vill að í
Borgarleikhúsinu verði áfram öfl-
ugt menningarstarf og að húsið sé
nýtt enn betur en nú er. Er það ætl-
un borgaryfirvalda að svelta Leik-
félag Reykjavíkur út úr Borgar-
leikhúsinu? Því fer fjarri.
Eru borgaryfirvöld óánægð með
það starf sem unnið hefur verið í
Borgarleikhúsinu? Ég vil leggja
áherslu á að borgaryfirvöld meta
mikils faglegan metnað og gæði
menningarstarfsemi í Borgarleik-
húsinu. Hins vegar er rekstrar-
vandi Leikfélags Reykjavíkur mik-
ið áhyggjuefni. Ekki er
skynsamlegt að halda áfram á
þeirri braut að árlega komi fram
beiðnir um viðbótarframlög um-
fram það sem kveðið er á um í lang-
tímasamningi. Vill og ætlar borgin
að koma með meiri og ábyrgari
hætti að stjórn hússins? Í mínum
huga er alveg ljóst að eigi að breyta
rekstrarformi Borgarleikhússins
þarf að breyta gildandi samningi
milli Reykjavíkurborgar og Leik-
félags Reykjavíkur. Það gerist ekki
nema með vilja Leikfélags Reykja-
víkur og í samstarfi við það. Ef
starfsmaður er kominn yfir miðjan
aldur og hefur alla sína starfstíð
unnið hjá fyrirtækinu, en er nú sök-
um aldurs farinn að nýtast minna
en hann gerði áður, á fyrirtækið að
segja honum upp? Þessa spurningu
þurfa allir sem kljást við rekstur að
glíma við og við henni er ekki til
einhlítt svar. Ekkert fyrirtæki ger-
ir hins vegar starfsmönnum sínum,
eigendum eða viðskiptavinum
greiða með því að gæta ekki að því
að rekstrargrundvöllur sé tryggður
til áframhaldandi starfsemi. Hafa
fyrirtæki engar siðferðisskyldur?
Að sjálfsögðu hafa þau slíkar skyld-
ur og að mínu mati er ein sú mik-
ilvægasta þeirra að tryggja fram-
tíðarrekstur fyrirtækisins.
Ég vík þá að grein Kristins Sig-
mundssonar óperusöngvara, sem
birtist 8. maí, undir fyrirsögninni:
„Á Íslenska óperan að bjarga Borg-
arleikhúsinu? Þeirri spurningu er
fljótsvarað. Svo er ekki. Málin eru
að mestu óskyld.
Hins vegar er rétt að upplýsa að
menntamálaráðuneytið og Reykja-
víkurborg standa nú að könnun
bestu fáanlegra erlendra fagmanna
á því hvort hugsanlegt sé að óp-
eruflutningur geti orðið með góðu
móti í Borgarleikhúsinu. Þegar er
ljóst að bæði þyrfti að stækka að-
alsal hússins og gera á honum veru-
legar breytingar, ef svo ætti að
verða. Auk þess þyrfti ýmsar aðrar
tilhliðranir og breytingar á húsinu.
Lokaskýrslu þessara aðila er að
vænta í lok júní á þessu ári. Ekki
hefur verið óskað eftir fjárframlagi
frá Íslensku óperunni til að standa
straum af þessari skoðun en málið
hefur verið kynnt framkvæmda-
stjóra óperunnar. Of snemmt er að
segja til um hvort þessi athugun
muni leiða til jákvæðrar niðurstöðu
og engar kostnaðartölur hafa enn
verið nefndar. Það er því ótíma-
bært að ræða málið frekar að svo
stöddu.
Ég ber mikla virðingu fyrir starf-
semi og sjálfstæði Íslensku óper-
unnar. Að sjálfsögðu yrði hugsan-
legur flutningur Óperunnar úr
þröngum húsakynnum Gamla bíós í
Borgarleikhúsið eða annað húsnæði
aldrei að veruleika nema í góðri
sátt við hana. Það verður hins veg-
ar að teljast bæði sjálfsagt og eðli-
legt að menntamálaráðuneyti og
Reykjavíkurborg feli sérfræðing-
um að kanna hugsanlega kosti, áður
en lengra er haldið. Að endingu vil
ég taka fram að best fer á því að
láta verkin tala hvort sem um er að
ræða framtíð Leikfélags Reykja-
víkur og Borgarleikhússins eða
húsnæðismál Íslensku óperunnar.
Borgarleikhúsið, Leikfélag
Reykjavíkur og Íslenska óperan
Eftir Þórólf
Árnason
„… best fer
á því að láta
verkin tala,
hvort sem
um er að
ræða framtíð Leikfélags
Reykjavíkur og Borg-
arleikhússins eða
húsnæðismál Íslensku
óperunnar.“
Höfundur er borgarstjóri.
Mörkinni 3, sími 588 0640.
Opið mán-fös kl.11-18 - lau kl. 11-15
Brúðkaupsgjafir
Br
úð
ar
gj
af
al
is
ta
r
Stórhöfða 21, við Gullinbrú, s. 545 5500.
www.flis.is netfang: flis@flis.is
lím og fúguefni
áfram Ísland
xd.is
Vilt flú leggja Sjálfstæ›isflokknum li›?
Glæsibær
Opi› 15.00–21.00
Sími 553 1559
Austurstræti 20 (Hressó)
Opi› 12.00–21.00
Sími 551 1294
Mjóddin
Álfabakka 14a
Opi› 16.00–21.00
Sími 557 2576
Hjar›arhagi 47
Opi› 15.00–21.00
Sími 551 1306
Grafarvogur
Hverafold 1-3
Opi› 17.00–22.00
Sími 557 2631
Árbær
Hraunbær 102b
Opi› 16.00–21.00
Sími 567 4011
Miklabraut 68
v/Lönguhlí›
Opi› 16.00–21.00
Sími 561 1500
Saman vinnum vi› sigur!
Sjálfstæ›isflokkurinn í Reykjavík óskar eftir sjálfbo›ali›um til margvíslegra starfa daginn fyrir kjördag og
á kjördag. Allir sem eru rei›ubúnir a› hjálpa til eru hvattir til a› hafa samband vi› kosningaskrifstofurnar
e›a skrifstofu Sjálfstæ›isflokksins í síma 515 1700.
Allir sem eru rei›ubúnir a› hjálpa til eru hvattir til a› hafa samband vi› hverfaskrifstofurnar