Morgunblaðið - 24.05.2003, Blaðsíða 4

FRÉTTIR
4 LAUGARDAGUR 24. MAÍ 2003 MORGUNBLAÐIÐ
www.isb.is


Vertu me› allt á hreinu!
Hagstæ› framkvæmdalán
Allt fyrir húsfélög
í framkvæmdahug
Kynntu
flér kjör
in, flau
eru hag
stæ› í
Íslandsb
anka!
FJÓRÐA ríkisstjórnin undir forsæti
Davíðs Oddssonar tók við völdum á
ríkisráðsfundi á Bessastöðum eftir
hádegi í gær. Tveir nýir ráðherrar
undirrituðu þá eiðstaf, þeir Björn
Bjarnason, Sjálfstæðisflokki, og Árni
Magnússon, Framsóknarflokki.
Fyrir hádegi var þriðju ríkisstjórn
Davíðs, sem setið hefur í fjögur ár,
veitt lausn frá störfum en að því búnu
sátu ráðherrarnir hádegisverðarboð
á Bessastöðum í boði forseta Íslands,
Ólafs Ragnars Grímssonar.
Björn hefur þar með tekið við
ráðuneyti dóms- og kirkjumála af
Sólveigu Pétursdóttur og Árni
Magnússon hefur tekið við félags-
málaráðuneytinu af Páli Péturssyni.
Þorgerður Katrín Gunnarsdóttir
mun um áramótin bætast í hóp nýrra
ráðherra en þá tekur hún við
menntamálaráðuneytinu af Tómasi
Inga Olrich og Sigríður Anna Þórð-
ardóttir mun taka við umhverfis-
ráðuneytinu haustið 2004, þegar
Halldór Ásgrímsson tekur við for-
ystu í ríkisstjórninni.
Ráðherrar í fráfarandi ríkisstjórn
komu saman til ríkisráðsfundar með
forseta Íslands á Bessastöðum
klukkan ellefu í gærmorgun. Á fund-
inum féllst forseti á tillögu forsætis-
ráðherra um að veita þriðja ráðu-
neyti hans lausn frá störfum.
Klukkan hálf tvö eftir hádegi komu
svo ráðherrar í hinni nýju ríkisstjórn
til ríkisráðsfundar þar sem forseti
féllst á tillögu Davíðs Oddssonar um
skipun fjórða ráðuneytis hans.
Sér eftir starfinu
Er Siv Friðleifsdóttir umhverfis-
ráðherra var spurð að því í gær hvað
hún hygðist gera þegar ráðuneytið
kæmi í hlut Sjálfstæðisflokksins á
næsta ári sagði hún það eitt að þá
yrði skipað með nýjum hætti í rík-
isstjórn og sambærileg atkvæða-
greiðsla yrði um skipan ráðherra,
innan þingflokks framsóknarmanna,
og fram fór í vikunni.
Páll Pétursson, fráfarandi félags-
málaráðherra, sagði í samtali við
Morgunblaðið eftir sinn síðasta rík-
isstjórnarfund í gær að hann sæi að
sjálfsögðu eftir starfi sínu sem ráð-
herra. „Ég sé auðvitað eftir þessu
starfi. Það er ekkert tilhlökkunarefni
að missa vinnuna.“ Bætti hann því
við að hann þyrfti að fara að leita sér
að nýrri vinnu.
Páll sagði að hann hefði gjarnan
viljað halda áfram sem ráðherra.
„Ég sóttist eftir því að fá að leiða
lista framsóknarmanna í Norðaust-
urkjördæmi en niðurstaðan varð sú
að ekki var óskað eftir því. Þá gaf ég
leikinn enda sá ég litla möguleika á
því að halda ráðherrastarfinu ef ég
fengi ekki að leiða listann.“
Ánægjulegur tími
Sólveig Pétursdóttir, fráfarandi
dóms- og kirkjumálaráðherra, sagði
eftir ríkisstjórnarfundinn í gær að
sér væri efst í huga hve tíminn, sl.
fjögur ár, hefði verið ánægjulegur.
„Það er auðvitað þannig að í slíku
embætti þarf oft að taka erfiðar
ákvarðanir og það er ekki alltaf hægt
að gera svo að öllum líki. En þetta
hefur verið mjög dýrmætt tækifæri
fyrir mig að fá að gegna stöðu dóms-
og kirkjumálaráðherra síðustu fjög-
ur árin og það eru mjög mörg áhuga-
verð mál sem ég hef fengist við. Ég
vona það svo sannarlega að mér hafi
tekist að koma á framfæri ákveðnum
úrbótum sem ég tel að hafi verið
brýn, ekki síst þeim sem snúa að
réttaröryggi almennings í landinu.“
Sólveig bætti því við að miklu máli
skipti að hlutur kvenna myndi aukast
með nýrri ríkisstjórn; tvær konur
yrðu ráðherrar úr þingflokki sjálf-
stæðismanna og hún sjálf yrði forseti
Alþingis, haustið 2005.
Er að skýrast
Nýr dóms- og kirkjumálaráð-
herra, Björn Bjarnason, er jafnframt
borgarfulltrúi og oddviti sjálfstæðis-
manna í borgarstjórn. Hann sagði í
samtali við Morgunblaðið í gær, að
hann hefði enn ekki tekið ákvörðun
varðandi það hvort hann héldi áfram
í borgarstjórn, en áður hefur hann
sagt að það fari ekki saman að vera
oddviti í borgarstjórn og ráðherra.
„Þetta er að skýrast. Ég hef verið að
tala við mitt fólk,“ sagði hann og
bætti því við að honum væri annt um
að þetta færi allt fram í vinsemd og
með skipulögðum hætti. „Við erum
ekki í neinum tímamörkum þar. Við
höfum þann tíma sem við ákveðum.“
Alþingi kemur saman
á mánudag
Aðspurður sagði Björn að sér litist
vel á ráðuneyti dóms- og kirkjumála.
„Þetta er spennandi vettvangur.
Þarna hefur verið gott fólk á und-
anförnum árum fyrir okkur sjálf-
stæðismenn, síðast Sólveig Péturs-
dóttir. Ég kvíði því ekki að fara inn í
þetta ráðuneyti og þarf ekki að
stokka neitt upp í þeim skilningi að
ég sé að koma með nýja stefnu en
framkvæmdir ráðast oft af þeim sem
stýra. Vafalaust eiga menn eftir að
sjá einhverjar breytingar sem tengj-
ast mínum starfsháttum.“
Stefnt er að því að nýtt Alþingi,
129. löggjafarþing, komi saman nk.
mánudag. Hefst þingsetningarat-
höfnin kl. 13.30 með guðsþjónustu í
Dómkirkjunni. Forseti Íslands, ráð-
herrar og alþingismenn ganga fylktu
liði til kirkjunnar úr Alþingishúsinu
kl. 13.25.
Að guðsþjónustu lokinni ganga
forseti Íslands, biskupinn yfir Ís-
landi, þingmenn og aðrir gestir til
þinghússins.
Forseti Íslands setur þingið og að
því loknu tekur starfsaldursforseti
Alþingis, Halldór Ásgrímsson utan-
ríkisráðherra, við fundarstjórn og
gengst fyrir kosningu kjörbréfa-
nefndar samkvæmt þingsköpum.
Þingsetningarfundi verður síðan
frestað þar til síðdegis meðan kjör-
bréf eru rannsökuð. Þegar þingsetn-
ingarfundi verður fram haldið verða
kjörbréf afgreidd, kosinn forseti Al-
þingis og varaforsetar og kosið í
fastanefndir Alþingis og alþjóða-
nefndir. Að síðustu verður hlutað um
sæti þingmanna, annarra en ráð-
herra og forseta Alþingis.
Fjórða ráðuneyti Davíðs
Oddssonar tekur til starfa
Morgunblaðið/Kristinn
Davíð Oddsson forsætisráðherra og Halldór Ásgrímsson utanríkisráðherra takast í hendur á Bessastöðum eftir
ríkisráðsfund í gær. Aftar standa Jón Kristjánsson heilbrigðisráðherra og Sturla Böðvarsson samgönguráðherra.
ÁRNI Magnússon tók við
lyklavöldum í félagsmála-
ráðuneytinu í gær af Páli
Péturssyni. Árni var kjörinn
þingmaður Framsóknar-
flokksins í nýliðnum
alþingiskosningum.
Páll Pétursson var ekki í
framboði í nýliðnum þing-
kosningum og hverfur því af
þingi. Páll óskaði Árna til
hamingju með ráðherradóm-
inn og óskaði honum velfarn-
aðar í starfi.
Hamingju-
óskir með
ráðherradóm
Morgunblaðið/Árni Torfason
Páll Pétursson sem lætur af starfi félagsmálaráðherra afhenti
Árna Magnússyni, nýjum félagsmálaráðherra, lyklavöld.
BJÖRN Bjarnason tók í gær
við lyklavöldum í dóms- og
kirkjumálaráðuneytinu af
Sólveigu Pétursdóttur. Sól-
veig verður 2. varaforseti Al-
þingis fram til haustsins
2005 en þá verður hún for-
seti Alþingis í stað Halldórs
Blöndal.
Sólveig óskaði Birni vel-
farnaðar í starfi við athöfn-
ina í gær. Fyrr um daginn
hafði hún kvatt samstarfs-
menn sína í ráðuneytinu.
Óskað
velfarnaðar
í starfi
Morgunblaðið/Sverrir
Björn Bjarnason, nýr dómsmálaráðherra, tók við lyklavöldum
af Sólveigu Pétursdóttur, fráfarandi dómsmálaráðherra.
SAMKVÆMT úrskurði forseta
Íslands, að fenginni tillögu frá
Davíð Oddssyni, er skipting
ráðuneyta í nýrri ríkisstjórn
eftirfarandi:
Davíð Oddsson
fer með forsætisráðuneytið
og Hagstofu Íslands.
Halldór Ásgrímsson
fer með utanríkisráðu-
neytið.
Árni Magnússon
fer með félagsmála-
ráðuneytið.
Árni M. Mathiesen
fer með sjávarútvegs-
ráðuneytið.
Björn Bjarnason
fer með dóms- og
kirkjumálaráðuneytið.
Geir Hilmar Haarde
fer með fjármálaráðuneytið.
Guðni Ágústsson
fer með landbúnaðar-
ráðuneytið.
Jón Kristjánsson
fer með heilbrigðis- og
tryggingamálaráðuneytið.
Siv Friðleifsdóttir
fer með umhverfis-
ráðuneytið.
Sturla Böðvarsson
fer með samgöngu-
ráðuneytið.
Tómas Ingi Olrich
fer með menntamála-
ráðuneytið.
Valgerður Sverrisdóttir
fer með iðnaðarráðuneytið
og viðskiptaráðuneytið.
Skipting
ráðuneyta